Sèng-keng (Kong-hōe)/Má-thài Ho̍k-im Toān

MA2-THAI3 HOK-IM TOAN7 (40)

[1] A-pek-lah8-han2 e5 hoo7-e3, Tai7-pit8 e5 hoo7-e3, Ia5-soo Ki-tok e5 ka-phoo2.

2). A-pek-lah8-han2 si* I2-sat; I2-sat si* Nga2-kok; Nga2-kok si* Iu5-tai7 kap i e5 hia*-ti7; 3). Iu5-tai7 tui3 Tai7-ma2--si7 si* Hoat-lek8-su7 kap Sat--lah8; Hoat-lek8-su7 si* I2-su7-lun5; I2-su7-lun5 si* A-lan5; 4). A-lan5 si* A-bi2-na2-tat8; A-bi2-na2-tat8 si* Na2-sun7; Na2-sun7 si* Sat-bun5; 5). Sat-bun5 tui3 Lat-hap8--si7 si* Pho-su7; Pho-su7 tui3 Loo7-tek--si7 si* O-pek; O-pek si* Ia5-se; 6). Ia5-se si* Tai7-pit8 ong5.

7). Tai7-pit8 tui3 OO-li7-a e5 boo2 si* Soo2-lo5-bun5; Soo2-lo5-bun5 si* Lo5-pho-am3; Lo5-pho-am3 si* A-pi2-a; A-pi2-a si* A-sat 8). A-sat si* Iok-sa-hoat; Iok-sa-hoat si* Iok-lan5; Iok-lan5 si* OO-se-a; 8). OO-se-a si* Iok-tan3; Iok-tan3 si* A-khap-su7; A-khap-su7 si* Hi-se-ka; 10). Hi-se-ka si* Ma2-na2-se; Ma2-na2-se si* A-bun5; A-bun5 si* Iok-se-a; 11). peh-si*3 siu7 chhian-soa2 kau3 Pa-pi2-lun5 e5 si5, Iok-se-a si* Ia5-ko-ni5-a kap i e5 hia*-ti7.

12). Chhian-soa2 kau3 Pa-pi2-lun5 liau2-au7, Ia5-ko-ni5-a si* Sat-liap8-thiat; Sat-liap8-thiat si* Soo2-lo5-pa2-pek; Soo2-lo5-pa2-pek si* A-pi2-ut; A-pi2-ut si* I2-li7-a-kim; I2-li7-a-kim si* A-soo2; 14). A-soo2 si* Sat-tok8; Sat-tok8 si* A-kim; A-kim si* I2-lut8; 15). I2-lut8 si* I2-li7-a-sat; I2-li7-a-sat si* Ma2-tan3; Ma2-tan3 si* Nga2-kok; 16). Nga2-kok si* Iok-sek, chiu7-si7 Ma2-li7-a e5 tiong7-hu; chheng choe3 Ki-tok e5 Ia5-soo, si7 tui3 chit e5 Ma2-li7-a si* e5.

17). An2-ni, tui3 A-pek-lah8-han2 kau3 Tai7-pit8, kiong7 chap8-si3 tai7; tui3 Tai7-pit8 kau3 chhian-soa2 khi3 Pa-pi2-lun5 e5 si5, iah8 chap8-si3 tai7; tui3 chhian-soa2 khi3 Pa-pi2-lun5 e5 si5 kau3 Ki-tok, koh chap8-si3 tai7.

18). Ia5-soo Ki-tok e5 chhut-si3, ki3 ti7 e7-toe2: I e5 lau7-bu2 Ma2-li7-a i2-keng choe3 Iok-sek tia*7-tioh8, iau2-be7 chhoa7 ke3-mng5, chiu7 tui3 Seng3 Sin5 u7 sin-in7. 19). I e5 tiong7-hu Iok-sek si7 gi7 e5 lang5, m7 ai3 hian2-jian5 pan7 i, an3-sng3 beh am3-chi*7 hoe3-chhin. 20). Teh siu*7 e5 si5, u7 Chu2 e5 thi*-sai3 ti7 i e5 bin5-bang7-tiong chhut-hian7 kong2, Tai7-pit8 e5 hoo7-e3, Iok-sek ah, boh8-tit kia*, tioh8 chhoa7 li2 e5 boo2 Ma2-li7-a ke3-mng5; in-ui7 i soo2 hoai5-in7 e5 si7 tui3 Seng3 Sin5. 21). I beh si* kia*2, li2 tioh8 kio3 I e5 mia5 choe3 Ia5-soo; in-ui7 I beh kiu3 I e5 peh-si*3 thoat-chhut in e5 choe7-ok. 22). Chit e5 su7 long2 chia*5, si7 beh eng3-giam7 Chu2 thok sian-ti soo2 kong2 e5, kong2,

23). Li2 khoa*3, chai7-sek-lu2 beh sin-in7 si* kia*2;

Lang5 beh kio3 I e5 mia5 choe3 I2-ma2-loe7-li7;

hoan-ek8 chiu7-si7 Siong7-te3 kap lan2 ti7-teh. 24). Iok-sek khun3-chhi*2 khi2-lai5, chiau3 Chu2 e5 thi*-sai3 soo2 beng7-leng7 khi3 kia*5, chhoa7 i e5 boo2 ke3-mng5; 25). bo5 kap i tang5 pang5 kau3 i si* kia*2; chiu7 kio3 I e5 mia5 choe3 Ia5-soo.

[2] Tng Hi-lut8 ong5 e5 si5, Ia5-soo i2-keng chhut-si3 ti7 Iu5-thai3 e5 Pek-li7-heng5, u7 kui2-na7 e5 phok-su7 tui3 tang-hng lai5 kau3 Ia5-loo7-sat-leng2, 2). kong2, Chhut-si3 choe3 Iu5-thai3 lang5 e5 ong5 e5 ti7 ta2-loh8? in-ui7 goan2 ti7 tang-hng u7 khoa*3-ki*3 I e5 chhi*, chiah lai5 beh pai3 I. 3). Hi-lut8 ong5 thia*-ki*3 chiu7 peh-pak, thong Ia5-loo7-sat-leng2 iah8 si7 an2-ni. 4). Chiu7 chu7-chip8 cheng3 che3-si-thau5, kap peh-si*3-kan e5 keng-hak8-su7, mng7 in Ki-tok tioh8 ti7 sim2-mih8 soo2-chai7 chhut-si3. 5). In ka7 i kong2, Ti7 Iu5-thai3 e5 Pek-li7-heng5; in-ui7 sian-ti u7 ki3-chai3 kong2,

6). Iu5-thai3 toe7, Pek-li7-heng5 ah,

Ti7 Iu5-thai3 chiah e5 thau5-lang5 tiong, li2 long2 m7 si7 te7 it soe3 e5;

In-ui7 beh u7 chit8 e5 jin5-kun tui3 li2 chhut, lai5 chiau3-koo3 goa2 e5 peh-si*3 I2-sek-liat8.

7). Tui3 an2-ni, Hi-lut8 am3-chi*7 tiau3 phok-su7, tui3 in siong5-se3 chha5 hit e5 chhi* chhut-hian7 e5 si5. 8). Chiu7 chhe in khi3 Pek-li7-heng5 kong2, Lin2 khi3 siong5-se3 tham3-thia* hit e5 e*-a2 e5 su7; chhe7-tioh8 chiu7 lai5 ka7 goa2 kong2, hoo7 goa2 ia7 thang khi3 pai3 I. 9). In thia* ong5 e5 oe7 chiu7 khi3; hut-jian5 tang-hng soo2 khoa*3-ki*3 e5 chhi* choe3 thau5 chhoa7 in, kau3 e*-a2 e5 soo2-chai7, chiu7 hioh ti7 hit teng2-bin7. 10). In khoa*3-ki*3 hit e5 chhi*, hoa*-hi2 kau3 boe7 koo3-tit. 11). Jip8 chhu3, khoa*3-ki*3 e*-a2 kap I e5 lau7-bu2 Ma2-li7-a; chiu7 phak-loh8 pai3 e5-a2; khui in e5 po2-ah8, hian3 le2-mih8 hoo7 I, chiu7-si7 ng5-kim, ju2-hiu*, but8-ioh8. 12). Koh ti7 bin5-bang7-tiong tit-tioh8 chi2-tiam2, kah in m7 thang to3-tng2 khi3 chiu7-kun7 Hi-lut8, chiu7 tui3 pat8 tiau5 loo7 to3-khi3 pun2 soo2-chai7.

13). In to3-khi3 liau2, u7 Chu2 e5 thi*-sai3 ti7 Iok-sek bin5-bang7-tiong chhut-hian7 kong2, Khi2-lai5, chhoa7 e5-a2 kap I e5 lau7-bu2, chau2 khi3 Ai-kip8, toa3 hia kau3 goa2 ka7 li2 kong2; in-ui7 Hi-lut8 beh chhe7 e*-a2 lai5 biat8 I. 14). I chiu7 khi2-lai5, thau3-mi5 chhoa7 e*-a2 kap I e5 lau7-bu2 khi3 Ai-kip8.; toa3 hia kau3 Hi-lut8 si2; 15). si7 beh eng3-giam7 Chu2 thok sian-ti soo2 kong2 e5, kong2, Goa2 bat tiau3 goa2 e5 kia*2 chhut Ai-kip8.

16). Hit si5 Hi-lut8 chai hoo7 phok-su7 siat-khi3, chiu7 toa7 siu7-khi3, chhe lang5 chiong Pek-li7-heng5 kap chiu-ui5 soo2 u7 e5 ta-poo gin2-na2, chiau3 i tui3 phok-su7 siong5-se3 chha5 e5 si5, hoan7-na7 nng7 he3 i2-ha7 e5 it-chin7 thai5. 17). An2-ni eng3-giam7 cha2 thok sian-ti Ia5-li7-bi2 soo2 kong2 e5, kong2,

18). Ti7 Liap8-ma2 thia*-ki*3 sia*,

Thi5-khau3 koh toa7 siong-pi,

Liap8-kiat khau3 i e5 kia*2-ji5;

M7 goan7 siu7 an-ui3, in-ui7 in bo5--khi3.

19). Hi-lut8 i2-keng si2, Chu2 e5 thi*-sai3 ti7 Ai-kip8, ti7 Iok-sek bin5-bang7-tiong chhut-hian7 kong2, 20). Khi2-lai5, chhoa7 e*-a2 kap I e5 lau7-bu2 khi3 I2-sek-liat8 toe7; in-ui7 hiah-e5 ai3 hai7 e*-a2 e5 si*3-mia7 e5 i2-keng si2 lah. 21). I chiu7 khi2-lai5, chhoa7 e*-a2 kap I e5 lau7-bu2 kau3 I2-sek-liat8 toe7. 22). Chong2-si7 thia*-ki*3 A-ki-lo2 soa3-chiap i e5 lau7-pe7 Hi-lut8 ti7 Iu5-thai3 choe3 ong5, chiu7 m7 ka*2 khi3 hia; ki3-jian5 ti7 bin5-bang7-tiong tit-tioh8 chi2-tiam2, chiu7 the3-khi3 Ka-li7-li7 e5 keng2-lai7. 23). Kau3 chit8 e5 sia*5, mia5 Na2-sat-lek8, tiam3 hia khia7-khi2; si7 beh eng3-giam7 cha2 thok chiah e5 sian-ti soo2 kong2 e5 kong2, I beh kio3 choe3 Na2-sat-lek8 lang5.

[3] Tng hit si5, kia*5 soe2-le2 e5 Iok-han7 lai5, ti7 Iu5-thai3 e5 khong3-ia2 soan-thoan5 kong2, Lin2 tioh8 hoan2-hoe2; in-ui7 thian-kok kun7 lah. 3). Chit lang5 chiu7-si7 Chu2 thok sian-ti I2-sai3-a soo2 chi2 e5, kong2,

U7 teh kio3 ti7 khong3-ia2 e5, i e5 sia* kong2,

Pi7-pan7 Chu2 e5 loo7,

Siu tit8 I e5 sio2-loo7.

4). Chit e5 Iok-han7 chheng7 lok8-to5-mng5 e5 sa*, io ha5 phe5-toa3; i soo2 chiah8 si7 chhau2-meh kap soa*-ia2 e5 bit8. 5). Hit si5 Ia5-loo7-sat-leng2 kap thong Iu5-thai3, i2-kip8 Iok-tan3 si3-hng e5 cheng3 lang5 chhut-lai5 chiu7-kun7 i; 6). ti7 Iok-tan3 ho5 tui3 i siu7 soe2-le2, jin7 in e5 choe7. 7). Iok-han7 khoa*3-ki*3 Hoat-li7-sai3 kap Sat-thoo2-kai lang5, choe7-choe7 chiu7-kun7 i e5 soe2-le2, chiu7 ka7 in kong2, Tok8-choa5 e5 lui7 ah, chi7-chui7-a2 chi2-si7 lin2 siam2-pi7 chiong-lai5 e5 siu7-khi3 ah? 8). Soo2-i2 lin2 tioh8 kiat hit ho7 hap8 ti7 hoan2-hoe2 e5 ke2-chi2. 9). Boh8-tit ka-ki7 phah-sng3 kong2, U7 A-pek-lah8-han2 choe3 goan2 e5 pe7; in-ui7 goa2 ka7 lin2 kong2, Siong7-te3 oe7 tui3 chiah e5 chioh8-thau5 chhut kia*2-sun hoo7 A-pek-lah8-han2. 10). Ta* poo2-thau5 i2-keng he7 ti7 chhiu7-thau5; ki*3-na7 chhiu7 bo5 kiat ho2 ke2-chi2 e5, chiu7 chho3 i, hiat-loh8 he2. 11). Goa2 eng7 chui2 ka7 lin2 kia*5 soe2-le2, beh hoo7 lin2 hoan2-hoe2; na7-si7 te3-be2 goa2 lai5 e5, pi2 goa2 khah u7 koan5-leng5, I e5 oe5 goa2 iah8 boe7 kham-tit theh8; I beh eng7 Seng3 Sin5 kap he2 ka7 lin2 soe2. 12). I e5 chhiu2 theh8 poa3-ki, beh chiong I hit tiu*5 it-chin7 poa3, siu I e5 beh8 jip8 chhng; na7-si7 beh8-hiu*7 chiu7 eng7 boe7 hoa e5 he2 sio i.

13). Hit si5 Ia5-soo tui3 Ka-li7-li7 kau3 Iok-tan3, chiu7-kun7 Iok-han7, beh tui3 i siu7 soe2-le2. 14). Na7-si7 Iok-han7 choo2-chi2 I kong2, Goa2 hap8-kai tui3 li2 siu7 soe2-le2, li2 hoan2-tng2 chiu7-kun7 goa2 mah? 15). Ia5-soo in3 i kong2, Ta* chhia*2 un2 goa2, in-ui7 lan2 hap8-gi5 tioh8 an2-ni, lai5 chin7 long2-chong2 e5 gi7. Chiu7 un2 I. 16). Ia5-soo i2-keng siu7 soe2-le2, liam5-pi* tui3 chui2 chiu*7-lai5: thi* hut-jian5 ui7-tioh8 I khui, I chiu7 khoa*3-ki*3 Siong7-te3 e5 Sin5, chhin-chhiu*7 chi*2-a2 kang3-lim5 ti7 I e5 teng2-bin7. 17). Koh tui3 thi* u7 sia* kong2, Chit-e5 si7 goa2 thia*3 e5 Kia*2, goa2 soo2 hoa*-hi2 e5.

[4] Hit si5 Ia5-soo hoo7 Seng3 Sin5 chhoa7 kau3 khong3-ia2, beh siu7 Moo5-kui2 chhi3. 2). I2-keng kim3-chiah8 si3-chap8 jit8-mi5, au7-lai5 chiu7 iau. 3). Chhi3-e5 oa2-lai5 ka7 I kong2, Li2 na7 si7 Siong7-te3 e5 Kia*2, chiu7 kah chiah e5 chioh8 pi*3 choe3 pia*2. Na7-si7 I in3 kong2, 4). U7 ki3-chai3 kong2, Lang5 e5 oah8, m7 na7 oa2-kho3 pia*2, chiu7-si7 oa2-kho3 tui3 Siong7-te3 e5 chhui3 soo2 chhut long2-chong2 e5 oe7. 5). Moo5-kui2 chiu7 chhoa7 I kau3 seng3 sia*5, hoo7 I khia7 ti7 tian7 e5 be2-liu, ka7 I kong2, Li2 na7 si7 Siong7-te3 e5 Kia*2, tioh8 ka-ki7 tio5-loh8-khi3; in-ui7 u7 ki3-chai3 kong2,

I beh ui7-tioh8 li2 beng7-leng7 I e5 thi*-sai3,

In beh eng7 chhiu2 hu5 li2,

Bian2-tit li2 e5 kha tak-tioh8 chioh8.

7). Ia5-soo ka7 i kong2, Koh u7 ki3-chai3 kong2, Boh8-tit chhi3 Chu2 li2 e5 Siong7-te3. 8). Moo5-kui2 koh chhoa7 I chiu*7 kek8 koai*5 e5 soa*, eng7 thi*-e7 ban7 kok kap in e5 eng5-kng hoo7 I khoa*3; ka7 I kong2, Li2 na7 phak-loh8 pai3 goa2, chiah-e5 goa2 long2 hoo7 li2. 10). Ia5-soo chiu7 ka7 i kong2, Sat-tan3, the3-khi3; in-ui7 u7 ki3-chai3 kong2, Tioh8 pai3 Chu2, li2 e5 Siong7-te3; tok8-tok8 hok8-sai7 I na7-tia*7. 11). Tui3 an2-ni Moo5-kui2 li7-khui I; u7 thi*-sai3 kau3, lai5 su-hau7 I.

12). Ia5-soo thia*-ki*3 Iok-han7 koai*-ka*, chiu7 the3-khi3 Ka-li7-li7; 13). li7-khui Na2-sat-lek8, khi3 Ka-pek-long5 khia7-khi2; chit soo2-chai7 ti7 hai2-pi*, ti7 Se-poo3-lun5 kap Lap8-tai7-li7 e5 kau-kai3; si7 beh eng3-giam7 cha2 thok sian-ti I2-sai3-a soo2 kong2 e5, kong2,

15). Se-poo3-lun5 e5 toe7, Lap8-tai7-li7 e5 toe7,

Ian5 hai2-ki*5 e5 loo7, Iok-tan3 e5 ho5 goa7,

Goa7-pang e5 Ka-li7-li7;

16). Che7 ti7 oo-am3 e5 peh-si*3,

Bat khoa*3-ki*3 toa7 kng;

Che7 ti7 si2-im3 e5 toe7 e5,

U7 kng khi2-lai5 chio3 in.

17). Tui3 hit si5 Ia5-soo khi2-thau5 soan-thoan5 kong2, Lin2 tioh8 hoan2-hoe2, in-ui7 thian-kok kun7 lah.

18). Ia5-soo kia*5 ti7 Ka-li7-li7 e5 hai2-ki*5; khoa*3-ki*3 nng7 e5 hia*-ti7-a2, chiu7-si7 Se-bun5, kio3 choe3 Pi2-tek, kap i e5 hia*-ti7 An-tek-liat8, pha bang7 ti7 hai2-nih8, in-ui7 si7 tho2-hi5 lang5. 19). I chiu7 ka7 in kong2, Lai5 te3 goa2, goa2 beh hoo7 lin2 tit-tioh8 lang5 chhin-chhiu*7 tho2-hi5 e5. 20). In liam5-pi* li7-khui bang7 lai5 te3 I. 21). Tui3 chia chin3-cheng5, koh khoa*3-ki*3 nng7 e5 hia*-ti7-a2, chiu7-si7 Se-pi2-thai3 e5 kia*2 Nga2-kok kap i e5 hia*-ti7 Iok-han7, kap in lau7-pe7 Se-pi2-thai3 ti7 chun5-nih8 teh poo2 bang7; Ia5-soo chio in. 22). In liam5-pi* li7-khui chun5, pai3-piat8 in e5 lau7-pe7, lai5 te3 I.

23). Ia5-soo pian3 kia*5 Ka-li7-li7, ti7 in e5 hoe7-tng5 ka3-si7, soan-thaon5 thian-kok e5 hok-im, i-ho2 peh-si*3-kan tak8 iu*7 e5 cheng3-thau5, kap tak8 iu*7 e5 pi*7-thia*3. 24). I e5 mia5-sia* po3-iong5 kau3 thong Su7-li7-a; hoan7 u7 ti3 pi*7 e5, tu2-tioh8 choe7-choe7 iu*7 e5 cheng3-thau5 kap thang3-thia*3 e5, hoan7-tioh8 kui2 e5, iu*5-hin5 e5, pian3-sui7 e5, chhoa7 in long2 lai5 chiu7-kun7 I, I chiu7 i-ho2 in. 25). Hit si5, tui3 Ka-li7-li7, Te-ka-pho-li7, Ia5-loo7-sat-leng2, Iu5-thai3, kap Iok-tan3 goa7, u7 choe7-choe7 tin7 e5 lang5 lai5 te3 I.

[5] Ia5-soo khoa*3-ki*3 hiah e5 kui-tin7 e5 lang5, chiu7 peh-chiu*7 soa*; i2-keng che7, I e5 hak8-seng chiu7-kun7 I. 2). I khui chhui3 ka3-si7 in kong2, Sim-lai7 song3-hiong e5 lang5 u7 hok-khi3, in-ui7 thian-kok si7 in e5. 4). Iu-bun7 e5 lang5 u7 hok-khi3, in-ui7 in beh siu7 an-ui3. 5). Un-jiu5 e5 lang5 u7 hok-khi3, in-ui7 in beh seng5-chiap thoo2-toe7. 6). Iau chhui3-ta him-boo7 gi7 e5 lang5 u7 hok-khi3, in-ui7 in beh tit-tioh8 pa2. 7). Lin5-bin2 lang5 e5 lang5 u7 hok-khi3, in-ui7 in beh tit-tioh8 lin5-bin2. 8). Chheng-khi3 sim-koa* e5 lang5 u7 hok-khi3, in-ui7 in beh khoa*3-ki*3 Siong7-te3. 9). Hoo7 lang5 ho5-peng5 e5 lang5 u7 hok-khi3, in-ui7 in beh chheng choe3 Siong7-te3 e5 kia*2. 10). Ui7-tioh8 gi7 bat siu7 khun2-tiok8 e5 lang5 u7 hok-khi3, in-ui7 thian-kok si7 in e5. 11). Ui7-tioh8 goa2, lang5 chiah loe2-me7 lin2, khun2-tiok8 lin2, hui2-pong3 lin2 ban7 hang7 e5 phai*2, lin2 chiu7 u7 hok-khi3. 12). Tioh8 hoa*-hi2 khoai3-lok8, in-ui7 lin2 ti7 thi*-nih8 e5 po3-siu*2 si7 toa7; in-ui7 lin2 i2-cheng5 e5 sian-ti lang5, lang5 iah8 an2-ni khun2-tiok8 in.

13). Lin2 si7 toe7-chiu*7 e5 iam5; iam5 na7 sit bi7, beh eng7 sim2-mih8 hoo7 i kiam5? Au7-lai5 bo5 loo7-eng7, put-ko3 hiat ti7 goa7-bin7, hoo7 lang5 thun2-tah8 na7-tia*7. 14). Lin2 si7 se3-kan e5 kng; sia*5 khi2 ti7 soa*-teng2 boe7-oe7 un2-bat8. 15). Bo5 lang5 tiam2 teng he7 ti7 tau2 e7, chiu7-si7 he7 ti7 teng-tai5 teng2, chiu7 pian3 chio3 chhu3-lai7 e5 lang5. 16). An2-ni lin2 e5 kng tioh8 chio3 ti7 lang5 e5 bin7-cheng5, hoo7 in khoa*3-ki*3 lin2 e5 ho2 soo2 kia*5, lai5 kui eng5-kng hoo7 lin2 ti7 thi*-nih8 e5 Pe7.

17). Boh8-tit phah-sng3 goa2 lai5 si7 beh hoe3-bo5 lut8-hoat a2-si7 sian-ti; goa2 lai5 m7 si7 beh hoe3-bo5, si7 beh eng3-giam7. 18). In-ui7 goa2 sit8-chai7 ka7 lin2 kong2, Chiu7 kau3 thi* toe7 hoe3-bo5, lut8-hoat e5 chit8 tiam2 chit8 uih8 iah8 koat-toan3 boe7 hoe3-bo5, kau3 long2-chong2 chia*5. 19). Soo2-i2 ki*3-na7 hui2-hoai7 chiah e5 kai3-beng7 chi3-bi5-soe3 e5 chit8 tiau5, soa3 an2-ni ka3-si7 lang5 e5, ti7 thian-kok beh chheng i choe3 chi3-bi5-soe3; tok8-tok8 ki*3-na7 kia*5 soa3 ka3-si7 lang5 e5, ti7 thian-kok beh chheng i choe3 toa7. 20). In-ui7 goa2 ka7 lin2 kong2, siat-su2 lin2 e5 gi7 bo5 ia*5-ke3 keng-hak8-su7 kap Hoat-li7-sai3 lang5 e5 gi7, koat-toan3 boe7-tit jip8 thian-kok.

21). Lin2 bat thia*-ki*3 u7 tui3 koo2-cha2 lang5 kong2, M7 thang hai7-si2 lang5; hai7-si2 lang5 e5 tioh8 siu7 sim2-phoa*3. 22). Chong2-si7 goa2 ka7 lin2 kong2, ki*3-na7 siu7-khi3 i e5 hia*-ti7 e5, tioh8 siu7 sim2-phoa*3; ki*3-na7 tui3 i e5 hia*-ti7 kong2 Liap8-ka e5, tioh8 siu7 kong-hoe7 pan7; ki*3-na7 kong2 Moo5-li7 e5, tioh8 siu7 te7-gek8 e5 he2. 23). Soo2-i2 li2 na7 teh hian3 li2 e5 le2-mih8 ti7 che3-toa*5, ia7 ti7 hia ki3-tit li2 e5 hia*-ti7 u7 sim2-mih8 hiap8-hiam5 li2; tioh8 ti7 hia pang3-he7 li2 e5 le2-mih8 ti7 toa*5-cheng5, tai7-seng khi3 kap li2 e5 hia*-ti7 ho5-ho2, jian5-au7 lai5 hian3 li2 e5 le2-mih8. 25). Li2 iau2 kap li2 e5 tui3-tek8 ti7 loo7-nih8, tioh8 kin2-kin2 kap i ho5, kia*-liau2 tui3-tek8 kau li2 hoo7 sim2-phoa*3 koa*, sim2-phoa*3 koa* kau li2 hoo7 ge5-iah8, li2 chiu7 siu7 koai* loh8 ka*. 26). Goa2 sit8-chai7 ka7 li2 kong2, Chit8 si chit8 ho5 be7 heng5, li2 koat-toan3 boe7-oe7 chhut hia.

27). Lin2 bat thia*-ki*3 u7 oe7 kong2, M7 thang kia*5 kan-im5; 28). na7-si7 goa2 ka7 lin2 kong2, ki*3-na7 khoa*3-ki*3 hu7-lu2, lai5 tong7-khi2 iok8-liam7 e5, sim-lai7 i2-keng im5 i. 29). Siat-su2 li2 e5 chia*3 bak8 ti3-kau3 li2 hoan7-choe7, chiu7 tioh8 iah hiat-kak8; leng5-khoo2 pah-the2 song3-sit chit8 the2, bian2-ti3 li2 choan5-sin hiat-loh8 te7-gek8. 30). Siat-su2 li2 e5 chia*3 chhiu2 ti3-kau3 li2 hoan7-choe7, chiu7 tioh8 cham7 hiat-kak8; leng5-khoo2 pah-the2 song3-sit chit8 the2, bian2-ti3 li2 choan5-sin khi3 te7-gek8. 31). Koh u7 oe7 kong2, Lang5 na7 beh li5 i e5 boo2, tioh8 eng7 li5-chu hoo7 i; 32). na7-si7 goa2 ka7 lin2 kong2, ki*3-na7 m7 si7 ui7-tioh8 kan-im5 e5 ian5-koo3 lai5 li5 i e5 boo2, pian7 si7 hoo7 i choe3 u7 im5-heng7 e5; ki*3-na7 chhoa7 soo2 li5 e5, iah8 si7 kia*5 kan-im5.

33). Koh lin2 bat thia*-ki*3 u7 tui3 koo2-cha2 lang5 kong2, M7 thang poe7 chiu3-choa7, li2 soo2 chiu3 e5 choa7, tioh8 heng5 hoo7 Chu2; 34). na7-si7 goa2 ka7 lin2 kong2, It-khai3 boh8-tit chiu3-choa7; boh8-tit ki2 thi*, in-ui7 thi* si7 Siong7-te3 e5 cho7-ui7; 35). boh8-tit ki2 toe7, in-ui7 toe7 si7 I e5 kha-tah8; boh8-tit ki2 Ia5-loo7-sat-leng2, in-ui7 si7 toa7 Jin5-kun e5 sia*5. 36). Iah8 boh8-tit ki2 li2 e5 thau5-khak lai5 chiu3-choa7, in-ui7 chit8 ki thau5-mng5, li2 boe7 hoo7 i choe3 oo choe3 peh8. 37). Na7-si7 lin2 e5 oe7 tioh8 kong2, Si7, chiu7 Si7; M7 si7, chiu7 M7 si7; chiah-e5 i2-goa7 si7 tui3 hit e5 phai*2-e5 chhut.

38). Lin2 bat thia*-ki*3 u7 oe7 kong2, Bak8-chiu pe5 bak8-chiu, chhui3-khi2 pe5 chhui3-khi2; na7-si7 goa2 ka7 lin2 kong2, Boh8-tit kap phai*2 ti2-tek8; na7 u7 lang5 sian3 li2 chia*3-peng5 e5 chhui3-phoe2, to3-peng5-e5 iah8 oat8 hoo7 i. 40). U7 lang5 ai3 ko3 li2, theh8 li2 e5 lai7-sa*, goa7-sa* iah8 pang3 hoo7 i. 41). U7 lang5 bian2-kiong2 li2 kia*5 chit8 li2, chiu7 kap i kia*5 nng7 li2. 42). Tui3 li2 kiu5 e5, hoo7 i; beh ka7 li2 chioh e5, boh8-tit oat8-chau2.

43). Lin2 bat thia*-ki*3 u7 oe7 kong2, Tioh8 thia*3 li2 e5 chhu3-pi*, oan3-hun7 li2 e5 tui3-tek8; na7-si7 goa2 ka7 lin2 kong2, Tui3-tek8 lin2 e5, tioh8 thia*3 in; khun2-tiok8 lin2 e5, tioh8 thoe3 in ki5-to2; 45). hoo7 lin2 chia*5-choe3 lin2 ti7 thi*-nih8 e5 Pe7 e5 kia*2; in-ui7 I hoo7 I e5 jit8 khi2 lai5 chio3 phai*2 lang5 kap ho2 lang5, iah8 eng7 hoo7 ak gi7 kap put-gi7 e5 lang5. 46). In-ui7 lin2 na7 thia*3 thia*3 lin2 e5, u7 sim2-mih8 po3-siu*2? hiah e5 thiu-hiong3 e5 kiam2 bo5 an2-ni kia*5 mah? 47). Lin2 kan-ta chheng2-an lin2 e5 hia*-ti7, u7 sim2-mih8 khah-ia*5 lang5? goa7-pang lang5 kiam2 bo5 an2-ni kia*5 mah? 48). Soo2-i2 lin2 tioh8 sun5-choan5, chhin-chhiu*7 lin2 e5 Thi* Pe7 e5 sun5-choan5.

[6] Kin2-sin7 boh8-tit ti7 lang5 e5 bin7-cheng5 kia*5 lin2 e5 gi7, koo3-i3 hoo7 in khoa*3-ki*3; na7 an2-ni, chiu7 bo5 tit-tioh8 po3-siu*2 ti7 lin2 thi*-nih8 e5 Pe7.

2). Soo2-i2 chin2-che3 e5 si5, boh8-tit ti7 li2 e5 bin7-cheng5 pun5 ho7-thau5, chhin-chhiu*7 ke2-ho2 e5 lang5 ti7 hoe7-tng5 kap koe-loo7 soo2 choe3 e5, ai3 lang5 eng5-kng in. Goa2 sit8-chai7 ka7 lin2 kong2, In i2-keng siu7-tioh8 in e5 po3-siu*2 lah. 3). Tok8-tok8 li2 chin2-che3 e5 si5, boh8-tit hoo7 li2 e5 to3-chhiu2 chai li2 e5 chia*3-chhiu2 e5 soo2 choe3; hoo7 li2 e5 chin2-che3 un2-bat8; chiu7 li2 e5 Pe7, kam3-chhat ti7 un2-bat8 e5, beh po3-tap li2.

5). Lin2 ki5-to2 e5 si5, boh8-tit chhin-chhiu*7 ke2-ho2 e5 lang5; in-ui7 in ai3 khia7 ti7 hoe7-tng5 kap toa7 koe-bin7 e5 oat-kak ki5-to2, beh hoo7 lang5 khoa*3-ki*3. Goa2 sit8-chai7 ka7 lin2 kong2, In i2-keng siu7-tioh8 in e5 po3-siu*2 lah. 6). Tok8-tok8 li2 ki5-to2 e5 si5, tioh8 jip8 li2 e5 bat8-pang5, koai* mng5, kiu5 li2 e5 Pe7, tiam3 ti7 un2-bat8 e5; chiu7 li2 e5 Pe7, kam3-chhat ti7 un2-bat8 e5, beh po3-tap li2.

7). Koh lin2 ki5-to2 e5 si5, oe7 boh8-tit tauh8-tauh8 teng5, chhin-chhiu*7 goa7-pang lang5; in-ui7 in phah-sng3 kong2 choe7-choe7 oe7, chiah tit-tioh8 thia*-ki*3. 8). Soo2-i2 lin2 boh8-tit oh8 in; in-ui7 lin2 be7 kiu5 I e5 tai7-seng, lin2 e5 Pe7 i2-keng chai lin2 soo2 khiam3-eng7 e5. 9). Soo2-i2 lin2 tioh8 an2-ni ki5-to2: Goan2 ti7 thi*-nih8 e5 Pe7, Goan7 li2 e5 mia5 seng3. 10). Li2 e5 kok lim5-kau3. Li2 e5 chi2-i3 tit chia*5, ti7 toe7-nih8 chhin-chhiu*7 ti7 thi*-nih8. 11). Goan2 e5 jit8-sit8, kin-a-jit8 hoo7 goan2. 12). Sia3-bian2 goan2 e5 koo-hu7, chhin-chhiu*7 goan2 iah8 u7 sia3-bian2 koo-hu7 goan2 e5 lang5. 13). Boh8-tit chhoa7 goan3 jip8 ti7 chhi3, tioh8 kiu3 goan2 thoat-li7 hit e5 phai*2-e5. 14). In-ui7 lin2 na7 sia3-bian2 lang5 e5 ke3-sit, lin2 e5 Thi* Pe7 iah8 beh sia3-bian2 lin2. 15). Lin2 na7 bo5 sia3-bian2 lang5 e5 ke3-sit, lin2 e5 Pe7 iah8 bo5 beh sia3-bian2 lin2 e5 ke3-sit.

16). Koh lin2 kim3-chiah8 e5 si5, boh8-tit chhin-chhiu*7 ke2-ho2 e5 lang5 tai3 iu-iong5; in-ui7 in chiong in e5 bin7 pi*3 phai*2 khoa*3, beh hoo7 lang5 khoa*3-ki*3 in teh kim3-chiah8. Goa2 sit8-chai7 ka7 lin2 kong2, In i2-keng siu7-tioh8 in e5 po3-siu*2 lah. 17). Tok8-tok8 li2 kim3-chiah8 e5 si5, tioh8 boah li2 e5 thau5, soe2 li2 e5 bin7; 18). bo5 hoo7 lang5 khoa*3-ki*3 li2 teh kim3-chiah8, si7 hoo7 li2 toa3 ti7 un2-bat8 e5 Pe7 khoa*3-ki*3; chiu7 li2 e5 Pe7, kam3-chhat ti7 un2-bat8 e5, beh po3-tap li2.

19). Boh8-tit ui7-tioh8 ka-ki7 chek-chu7 chai5-po2 ti7 toe7-nih8, u7 thang5 kap sian phah-phai*2, ia7 u7 chhat8 iah khang thau-theh8 e5 soo2-chai7. 20). Tok8-tok8 ui7-tioh8 ka-ki7 chek-chu7 chai5-po2 ti7 thi*-nih8, thang5 kap sian bo5 phah-phai*2, ia7 bo5 chhat8 iah khang thau-theh8 e5 soo2-chai7. 21). In-ui7 lin2 e5 chai5-po2 ti7 hia, lin2 e5 sim ia7 beh ti7 hia. 22). Seng-khu e5 teng chiu7-si7 bak8-chiu; li2 e5 bak8-chiu na7 kim, thong seng-khu chiu7 kng. 23). Li2 e5 bak8-chiu na7 hoe, thong seng-khu chiu7 am3. Li2 lai7-bin7 e5 kng na7 am3, hit e5 am3 joa7 toa7 ah! 24). Bo5 lang5 oe7 hok8-sai7 nng7 e5 chu2-lang5; in-ui7 i oe7 oan3-hun7 chit-e5, thia*3 hit-e5; a2-si7 oe7 tui3-tiong7 chit-e5, khoa*3-khin hit-e5; lin2 boe7-oe7 hok8-sai7 Siong7-te3 soa3 hok8-sai7 chi*5-chai5. 25). Soo2-i2 goa2 ka7 lin2 kong2, Boh8-tit khoa3-lu7 lin2 e5 si*3-mia7 beh chiah8 sim2-mih8, beh lim sim2-mih8, a2-si7 lin2 e5 seng-khu beh chheng7 sim2-mih8. Lin2 e5 si*3-mia7 kiam2 bo5 khah toa7 ti7 bi2-niu5, ia7 lin2 e5 seng-khu kiam2 bo5 khah toa7 ti7 i-chiu*5 mah? 26). Chhi3-khoa*3 thi*-tiong e5 pe-chiau2, bo5 cheng3-choh, bo5 siu-seng5, bo5 chek-chu7 ti7 chhek-chhng, lin2 e5 Thi* Pe7 ia7 teh chhi7 in. Lin2 kiam2 bo5 pi2 hiah-e5 khah kui3-khi3 mah? 27). Lin2 sim2-mih8 lang5 oe7 eng7 khoa3-lu7 hoo7 si*3-mia7 khah tng5 chit8 khek ku2? 28). Sia*2-su7 ui7-tioh8 i-chiu*5 khoa3-lu7 ah? Chhi3-siu*7 soa*-nih8 e5 pek-hap8-hoe, chai*2-iu*7 toa7 chang5; in bo5 tioh8-boa5, bo5 phang2 cheh; 29). na7-si7 goa2 ka7 lin2 kong2, tng Soo2-lo5-bun5 kek8 hang5-ngoo2 e5 si5, i soo2 chheng7 e5 m7 tat8-tioh8 chit ho7 hoe e5 chit8 lui2. 30). Ta* soa*-nih8 e5 chhau2, kin-a2-jit8 ti7-teh, bin5-a2-jit8 hiat ti7 he2-loo5, Siong7-te3 hoo7 i chheng7 kau3 an2-ni, ho5-hong3 lin2, sio2-sin3 e5 lang5 ah? 31). Soo2-i2 boh8-tit khoa3-lu7 kong2, Goan2 beh chiah8 sim2-mih8? Beh lim sim2-mih8? Beh chheng7 sim2-mih8? 32). In-ui7 chiah-e5 long2 si7 goa7-pang lang5 soo2 kiu5 e5; lin2 e5 Thi* Pe7 ia7 chai chiah-e5 long2 si7 lin2 khiam3-eng7 e5. 33). Tok8-tok8 tai7-seng kiu5 I e5 kok kap I e5 gi7, chiu7 chiah8 e5 mih8 long2 beh soa3 hoo7 lin2. 34). Soo2-i2 boh8-tit ui7-tioh8 bin5-a2-jit8 khoa3-lu7; in-ui7 hit e5 bin5-a2-jit8, i beh ka-ki7 khoa3-lu7. Chit8 jit8 e5 kan-khoo2 ti7 chit8 jit8 kau3-giah8.

[7] Boh8-tit phoe-pheng5 lang5, chiah bian2 tu2-tioh8 phoe-pheng5. 2). In-ui7 lin2 eng7 sim2-mih8 phoe-pheng5 lai5 phoe-pheng5, iah8 beh an2-ni siu7 phoe-pheng5; lin2 eng7 sim2-mih8 niu5 lai5 niu5, iah8 beh an2-ni niu5 hoo7 lin2. 3). Koh li2 chai*2-iu*7 khoa*3-ki*3 hia*-ti7 bak8-chiu-lai7 e5 chhau2-a2-iu3, iah8 bo5 siu*7 li2 bak8-chiu-lai7 e5 i*5-a2-chha5 ah? 4). Beh chai*2-iu*7 ka7 li2 e5 hia*-ti7 kong2, Li2 bak8-chiu-lai7 e5 chhau2-a2-iu3 hoo7 goa2 ka7 li2 theh8-khi2-lai5, iah8 li2 bak8-chiu-lai7 keng3-jian5 u7 i*5-a2-chha5 ah? 5). Ke2-ho2 e5 lang5 ah, tai7-seng theh8-khi3 li2 bak8-chiu-lai7 e5 i*5-a2-chha5, chiah oe7 beng5-beng5 khoa*3-ki*3 thang theh8-khi3 hia*-ti7 bak8-chiu-lai7 e5 chhau2-a2-iu3.

6). Boh8-tit eng7 seng3 e5 mih8 hoo7 kau2, iah8 boh8-tit eng7 lin2 e5 chin-chu hiat ti7 ti e5 thau5-cheng5; kia*-liau2 in eng7 kha tah8 i, oat8-lin3-tng2 lai5 ka7 lin2.

7). Kiu5 chiu7 hoo7 lin2, chhe7 chiu7 tu2-tioh8, phah mng5 chiu7 ka7 lin2 khui. 8). In-ui7 ki*3-na7 kiu5 e5 tit-tioh8; chhe7 e5 tu2-tioh8; phah mng5 e5, chiu7 ka7 i khui. 9). Lin2 tiong-kan u7 sim2-mih8 lang5, i e5 kia*2 ka7 i tho2 pia*2, kiam2 beh eng7 chioh8-thau5 hoo7 i? 10). a2-si7 beh tih8 hi5, kiam2 beh eng7 choa5 hoo7 i? 11). Lin2 chiah-e5 sui-jian5 phai*2, iau2-ku2 oe7 hiau2-tit eng7 ho2 mih8 hoo7 lin2 e5 kia*2-ji5, ho5-hong3 lin2 ti7 thi*-nih8 e5 Pe7, kiam2 bo5 beh eng7 ho2 mih8 hoo7 kiu5 I e5 lang5 mah? 12). Soo2-i2 lin2 ki*3-na7 ai3 lang5 khoan2-thai7 lin2 e5, lin2 iah8 tioh8 an2-ni khoan2-thai7 lang5; in-ui7 che si7 lut8-hoat kap sian-ti.

13). Lin2 tioh8 tui3 hit e5 oeh8 mng5 jip8; in-ui7 thau3 kau3 biat8-bo5 e5, hit e5 mng5 khoah, hit e5 loo7 toa7 tiau5, tui3 hia jip8 e5 lang5 choe7. 14). Thau3 kau3 oah8 e5, hit e5 mng5 oeh8, hit e5 loo7 soe3 tiau5, chhe7-tioh8 e5 lang5 chio2.

15). Kin2-sin7 ti5-hong5 ke2 e5 sian-ti, in chiu7-kun7 lin2, goa7-bin7 si7 iu*5-ko, lai7-bin7 si7 hiong5-ok e5 chhai5-long5. 16). Lin2 beh tui3 in e5 ke2-chi2 lai5 bat i; kiam2 tui3 chhi3-phe3 ban2 phu5-to5, tui3 chit8-le5 ban2 bu5-hoa-ko2 mah? 17). An2-ni ki*3-na7 ho2 chhiu7 kiat ho2 ke2-chi2; phai*2 chhiu7 kiat phai*2 ke2-chi2. 18). Ho2 chhiu7 boe7 kiat phai*2 ke2-chi2, phai*2 chhiu7 boe7 kiat ho2 ke2-chi2. 19). Ki*3-na7 chhiu7 bo5 kiat ho2 ke2-chi2 e5, chiu7 chho3 i, hiat-loh8 he2. 20). Soo2-i2 lin2 beh tui3 in e5 ke2-chi2 lai5 bat i. 21). Ki*3-na7 chheng-hoo goa2 kong2, Chu2 ah, Chu2 ah e5, bo5 it-chin7 jip8 thian-kok; tok8-tok8 kia*5 goa2 ti7 thi*-nih8 e5 Pe7 e5 chi2-i3 e5, chiah oe7. 22). Tng hit jit8 choe7-choe7 lang5 beh ka7 goa2 kong2, Chu2 ah, Chu2 ah, goan2 kiam2 m7 si7 eng7 li2 e5 mia5 thoan5 kau3, eng7 li2 e5 mia5 koa*2 kui2, eng7 li2 e5 mia5 kia*5 choe7-choe7 koan5-leng5 mah? 23). Chiu7 hit si5 goa2 beh beng5-beng5 ka7 in kong2, Goa2 long2 m7 bat lin2; choe3 put-hoat e5, tioh8 li7-khui goa2 khi3.

24). Soo2-i2 ki*3-na7 thia* goa2 chiah e5 oe7 lai5 kia*5 e5, beh pi2-pheng7 ti3-sek e5 lang5, khi2 i e5 chhu3 ti7 chioh8-poa*5 teng2; hoo7 loh8, toa7 chui2 kau3, hong chhe, chhiong-tioh8 hit keng chhu3, iah8 bo5 to2; in-ui7 toe7-ki ti7 chioh8-poa*5 teng2. 26). Ki*3-na7 thia* goa2 chiah e5 oe7, bo5 kia*5 e5, beh pi2-pheng7 gong7 lang5, khi2 i e5 chhu3 ti7 soa teng2; 27). hoo7 loh8, toa7 chui2 kau3, hong chhe, chhiong-tioh8 hit keng chhu3, chiu7 to2; koh i e5 to2 si7 siong-tiong7.

28). Ia5-soo kong2 chiah e5 oe7 soah, cheng3 lang5 ki5-koai3 I e5 ka3-si7. 29). In-ui7 I ka3-si7 lang5, chhin-chhiu*7 u7 koan5-leng5 e5, bo5 chhin-chhiu*7 in e5 keng-hak8-su7.

[8] Ia5-soo i2-keng loh8 soa*, kui toa7 tin7 e5 lang5 te3 I. 2). Tu2-tng7 u7 chit8 e5 thai2-ko e5 chiu7-kun7 lai5 pai3 I kong2, Chu2 ah, li2 na7 kheng2, chiu7 oe7 hoo7 goa2 chheng-khi3. 3). I chiu7 chhun chhiu2 bong i kong2, Goa2 kheng2, li2 thang chheng-khi3; i e5 thai2-ko liam5-pi* chheng-khi3. 4). Ia5-soo koh ka7 i kong2, Kin2-sin7 boh8-tit ka7 lang5 kong2; tok8-tok8 khi3, chiong pun2-sin hoo7 che3-si giam7, iah8 tioh8 hian3 Moo3-se soo2 hoan-hu3 e5 le2-mih8, lai5 choe3 cheng3-ku3 ti7 lang5.

5). I2-keng jip8 Ka-pek-long5, u7 pe2-chong2 chiu7-kun7 I, lai5 kiu5 I kong2, 6). Chu2 ah, goa2 e5 loo5-pok8 pian3-sui7, to2 ti7 chhu3-lai7, kan-khoo2 kau3 kek8. 7). I chiu7 ka7 i kong2, Goa2 lai5 khi3 i i. 8). Pe2-chong2 in3 kong2, Chu2 ah, li2 kau3 goa2 tau, goa2 tng boe7 khi2; li2 kan-ta kong2 chit8 ku3 oe7, goa2 e5 loo5-pok8 chiu7 oe7 ho2. 9). In-ui7 goa2 iah8 si7 hoo7 lang5 koan2 e5 lang5, ia7 u7 peng hoo7 goa2 koan2; ka7 chit-e5 kong2, Khi3, i chiu7 khi3; ka7 hit-e5 kong2, Lai5, i chiu7 lai5; ka7 goa2 e5 loo5-pok8 kong2, Kia*5 an2-ni, i chiu7 kia*5 an2-ni. 10). Ia5-soo thia*-ki*3 chiu7 ki5-koai3, ka7 te3 I e5 lang5 kong2, Goa2 sit8-chai7 ka7 lin2 kong2, chhin-chhiu*7 chit ho7 e5 chhim sin3, lian5 I2-sek-liat8 tiong, goa2 be7 bat tu2-tioh8. 11). Goa2 koh ka7 lin2 kong2, tui3 tang tui3 sai, u7 choe7-choe7 lang5 beh kau3, kap A-pek-lah8-han2, I2-sat, Nga2-kok, che7 toh ti7 thian-kok; 12). na7-si7 kok e5 chu2-bin5 beh tu2-tioh8 koa*2-chhut ti7 goa7-bin7 e5 oo-am3; ti7 hia beh u7 thi5-khau3 ka7-ge5 chhiat-chhi2. 13). Ia5-soo chiu7 ka7 pe2-chong2 kong2, Khi3 ah, chiau3 li2 e5 sin3 ka7 li2 chia*5; tu2-tu2 hit si5, i e5 loo5-pok8 chiu7 ho2.

14). Ia5-soo jip8 Pi2-tek e5 ke, khoa*3-ki*3 i e5 tiu*7-m2, hoan7-tioh8 jiat8-pi*7 to2-teh. 15). Chiu7 bong i e5 chhiu2, jiat8 chiu7 the3; hu7-jin5-lang5 chiu7 khi2-lai5 su-hau7 I. kau3 hong5-hun-am3, u7 lang5 chhoa7 choe7-choe7 hoan7-tioh8 kui2 e5 chiu7-kun7 I; I eng7 chit8 ku3 oe7 koa*2-chhut hiah e5 sin5; koh i-ho2 it-chhe3 u7 pi*7 e5 lang5; 17). chiu7-si7 beh eng3-giam7 sian-ti I2-sai3-a soo2 kong2 e5, kong2, I pun2-sin thoe3-siu7 lan2 e5 loan2-jiok8, tam-tng lan2 e5 pi*7-cheng3.

18). Ia5-soo khoa*3-ki*3 kui toa7 tin7 e5 lang5 ui5 I, chiu7 hoan-hu3 ke3-khi3 hit peng5 hoa*7. 19). U7 chit8 e5 keng-hak8-su7 lai5, ka7 I kong2, Sian-si* ah, li2 bo5 lun7 ta2-loh8 khi3, goa2 beh te3 li2. 20). Ia5-soo chiu7 ka7 i kong2, Hoo5-li5 u7 khang, thi*-tiong e5 pe-chiau2 u7 siu7; tok8-tok8 Jin5-chu2 bo5 khoa3 thau5-khak e5 soo2-chai7. 21). Koh chit8 e5 hak8-seng ka7 I kong2, Chu2 ah, hoo7 goa2 seng to3-khi3 bai5-chong3 goa2 e5 lau7-pe7. 22). Tok8-tok8 Ia5-soo ka7 i kong2,, Li2 te3 goa2, chhut-chai7 si2 lang5 khi3 bai5-chong3 in e5 si2 lang5.

23). I2-keng loh8 chun5, I e5 hak8-seng te3 I. 24). Hut-jian5 hai2-nih8 khi2 toa7 hong-eng2, ti3-kau3 chun5 hoo7 eng2 kham3; na7-si7 Ia5-soo teh khun3. 25). Hak8-seng chiu7-kun7 lai5 kio3 I khi2-lai5, kong2, Chu2 ah, kiu3 ooh, beh bo5 mia7 lah! 26). I chiu7 ka7 in kong2, Sio2-sin3 e5 lang5 ah, chai*2-iu*7 hiah bo5 ta*2? Chiu7 khi2-lai5, chek-pi7 hong kap hai2, chiu7 toa7 pi*5-tia*7. 27). Hiah e5 lang5 ki5-koai3 kong2, chit-e5 si7 sim2-mih8 ho7 lang5, hong kap hai2 iah8 sun7 I?

28). I2-keng ke3-khi3 hit peng5 hoa*7, kau3 Ka-tai7-liap8 lang5 e5 toe7; u hoan7-tioh8 kui2 e5, nng7 lang5, tui3 thiong2-bong7 chhut-lai5, tu2-tioh8 I, se3-bin7 hiong5 kai3-kai3; ti3-kau3 bo5 lang5 ka*2 tui3 hit tiau5 loo7 ke3. 29). In hut-jian5 au5-kio3 kong2, Siong7-te3 e5 Kia*2 ah, goan2 kap li2 u7 sim2-mih8 kan-siap8? si5 be7 kau3, li2 lai5 chia si7 beh khoo2-chhoo2 goan2 mah? 30). Li7 in hng7-hng7 u7 toa7 kun5 e5 ti teh tho2-chiah8; hiah e5 kui2 kiu5 I kong2, Li2 na7 koa*2 goan2, chiu7 chhe goan2 jip8 ti kun5. 32). I chiu7 ka7 in kong2, Khi3 ah. Kui2 chiu7 chhut-lai5, khi3 jip8 ti; hut-jian5 choan5-kun5 chong5 loh8 soa*-kham3, jip8 hai2, si2 ti7 chui2-nih8. 33). Koo3 ti e5 chau2 khi3 jip8 sia*5; chiong chiah e5 su7, i2-kip8 hoan7-tioh8 kui2 e5 lang5 soo2 tu2-tioh8 e5, long2 ka7 lang5 kong2. 34). Thong sia*5 e5 lang5 chhut-khi3, chhe7-tioh8 Ia5-soo; i2-keng ki*3-tioh8, chiu7 kiu5 I li7-khui in e5 toe7-kai3.

[9] Ia5-soo loh8 chun5 ke3 hai2, khi3 kau3 I e5 pun2 sia*5. 2). Tu2-tng7 u7 lang5 kng chit8 e5 pian3-sui7 e5 to2 ti7 phoo-a2-nih8 lai5 chiu7-kun7 I; Ia5-soo khoa*3-ki*3 in e5 sin3, chiu7 ka7 pian3-sui7 e5 kong2, Kia*2 ah, choe3 li2 an-sim, li2 e5 choe7 sia3 lah. 3). U7 keng-hak8-su7 kui2-na7 lang5 sim-lai7 kong2, chit lang5 chhiam3-kong5 lam7-sam2 kong2. 4). Ia5-soo chai in e5 sim-i3, chiu7 kong2, Lin2 sia*2-su7 sim-lai7 khng3 phai*2 i3-su3 ah? 5). Kong2, Li2 e5 choe7 sia3, a2-si7 kong2, Khi2-lai5 kia*5, ta2-loh8 chit8 hang7 khah khoai3? 6). Chong2-si7 beh hoo7 lin2 chai, Jin5-chu2 ti7 toe7-nih8 u7 koan5 thang sia3 choe7, chiu7 ka7 pian3-sui7 e5 kong2, Khi2-lai5, gia5 li2 e5 phoo-a2, to3-khi3 li2 e5 chhu3. 7). I chiu7 khi2-lai5, to3-khi3 i e5 chhu3. 8). Cheng3 lang5 khoa*3-ki*3 chiu7 kia*; kui eng5-kng Siong7-te3, chiu7-si7 eng7 chit ho7 koan5 hoo7 lang5 e5.

9). Ia5-soo tui3 hia keng-ke3, khoa*3-ki*3 chit8 lang5, mia5 Ma2-thai3, che7 ti7 hiong3-koan; chiu7 ka7 i kong2, Te3 goa2; i chiu7 khi2-lai5 te3 I. 10). Ia5-soo che7 toh ti7 i e5 chhu3, u7 choe7-choe7 thiu-hiong3 e5 kap phai*2 lang5 lai5, kap Ia5-soo chham I e5 hak8-seng tang5 che7. 11). Hoat-li7-sai3 lang5 khoa*3-ki*3, ka7 I e5 hak8-seng kong2, Lin2 sian-si* sia*2-su7 kap thiu-hiong3 e5 i2-kip8 phai*2 lang5 sa*-kap chiah8? 12). Ia5-soo thia*-ki*3 chiu7 kong2, Iong2-kia*7 e5 lang5 bo5 khiam3-eng7 i-seng, tok8-tok8 phoa3-pi*7 e5 chiu7 tioh8. 13). Chong2-si7, Goa2 ai3 lin5-bin2, m7 ai3 che3-su7, chit ku3 sim2-mih8 i3-gi7, lin2 tioh8 khi3 oh8. In-ui7 goa2 lai5 m7 si7 beh chio gi7 lang5, si7 beh chio phai*2 lang5.

14). Hit si5 Iok-han7 e5 hak8-seng chiu7-kun7 I kong2, Goan2 kap Hoat-li7-sai3 lang5 tauh8-tauh8 kim3-chiah8, na7-si7 li2 e5 hak8-seng bo5 kim3-chiah8, si7 chai*2-iu*7? 15). Ia5-soo ka7 in kong2, Sin-kia*2-sai3 kap ho7-chhoa7 e5 lang5 sa*-kap ti7-teh, ho7-chhoa7 e5 lang5 kiam2 oe7 ai-siong mah? tok8-tok8 si5-jit8 beh kau3, sin-kia*2-sai3 tui3 in tiong-kan bo5--khi3, hit si5 in chiu7 beh kim3-chiah8. 16). Bo5 lang5 eng7 sin poo3 poo2 ku7 sa*; in-ui7 soo2 poo2 e5 hit te3, oe7 kiu3-lih8 hit nia2 sa*, i e5 phoa3-khang koh khah toa7. 17). Lang5 ia7 bo5 eng7 sin chiu2 toe2 ti7 ku7 phe5-long5; na7 si7 u7, chiu7 long5 lih8, chiu2 lau7, long5 iah8 soa3 phai*2; tok8-tok8 eng7 sin chiu2 toe2 ti7 sin phe5-long5, chiu7 nng7 hang7 long2 po2-choan5.

18). Kong2 chiah e5 oe7 e5 si5, tu2-tng7 u7 chit8 e5 koa* lai5 pai3 I kong2, Goa2 e5 cha-boo2-kia*2 tu2-a2 si2, chong2-si7 li2 lai5 eng7 chhiu2 bong i, i chiu7 oe7 oah8. 19). Ia5-soo khi2-lai5 te3 i khi3, I e5 hak8-seng iah8 khi3. 20). Tu2-tng7 u7 chit8 e5 hu7-jin5-lang5, hiat-lau7 chap8-ji7 ni5, kia*5 oa2 I e5 ka-chiah-au7, bong I sa*-a2-ku e5 chhiu; 21). in-ui7 i sim-lai7 phah-sng3 kong2, Goa2 kan-ta bong I e5 sa*, chiu7 oe7 ho2. 22). Ia5-soo oat8-tng2-sin, khoa*3 i chiu7 kong2, Hu7-jin5-lang5 ah, choe3 li2 an-sim, li2 e5 sin3 hoo7 li2 ho2 lah; tui3 hit si5 hu7-jin5-lang5 chiu7 ho2. 23). Ia5-soo kau3 hit e5 koa* e5 chhu3, khoa*3-ki*3 pun5 tat8-a2 e5, ia7 u7 cheng3 lang5 teh khau3; 24). chiu7 kong2, The3-khi3, in-ui7 cha-boo2 gin2-na2 m7 si7 si2, si7 teh khun3. In chiu7 leng2-chhio3 I. 25). I2-keng koa*2 cheng3 lang5 chhut, chiu7 jip8-khi3, khan i e5 chhiu2; cha-boo2 gin2-na2 chiu7 khi2-lai5. 26). Chit e5 hong-sia* pian3 thoan5 ti7 hit e5 toe7-hng.

27). Ia5-soo tui3 hia keng-ke3, u7 nng7 e5 chhi*-mi5 lang5 te3 I, kio3 kong2, Tai7-pit8 e5 hoo7-e3, lin5-bin2 goan2. 28). I2-keng jip8 chhu3, chhi*-mi5 lang5 chiu7-kun7 I. Ia5-soo ka7 in kong2, Lin2 sin3 goa2 oe7 choe3 chit e5 su7 mah? In3 kong2, Chu2 ah, u7. 29). I chiu7 bong in e5 bak8-chiu kong2, chiau3 lin2 e5 sin3, ka7 lin2 choe3 chia*5. 30). In e5 bak8-chiu chiu7 khui. Ia5-soo giam5-giam5 hoan-hu3 in kong2, Kin2-sin7 boh8-tit hoo7 lang5 chai. 31). Na7-si7 in chhut-khi3, pian3 thoan5 I e5 mia5 ti7 hit toe7-hng.

32). In chhut-khi3 e5 si5, tu2-tng7 u7 lang5 chhoa7 chit8 e5 e2-kau2 hoan7-tioh8 kui2 e5 lai5 chiu7-kun7 Ia5-soo. 33). Kui2 i2-keng koa*2 chhut, e2-kau2 e5 chiu7 kong2 oe7; hiah e5 cheng3 lang5 long2 ki5-koai3 kong2, I2-sek-liat8 tiong be7 bat khoa*3-ki*3 an2-ni. 34). Na7-si7 Hoat-li7-sai3 lang5 kong2, I oa2-kho3 kui2-ong5 lai5 koa*2 kui2.

35). Ia5-soo pian3 kia*5 chiah e5 sia*5 chiah e5 hiu*-sia7, ti7 in e5 hoe7-tng5 ka3-si7 lang5, thoan5 thian-kok e5 hok-im, i-ho2 tak8 iu*7 e5 cheng3-thau5, tak8 iu*7 e5 pi*7-thia*3. 36). I khoa*3-ki*3 hiah e5 cheng3 lang5, chiu7 kho2-lin5 in; in-ui7 in khun3-khoo2 si3-soa*3, chhin-chhiu*7 iu*5 bo5 bok8-chia2. 37). Tui3 an2-ni chiu7 ka7 I e5 hak8-seng kong2, 38). Thang siu-seng5 e5 si7 choe7, choe3 kang e5 si7 chio2; soo2-i2 lin2 tioh8 kiu5 hng5 Chu2 pek kang khi3 ka7 I siu-seng5.

[10] Ia5-soo chiu7 kio3 I chap8-ji7 e5 hak8-seng lai5, hoo7 in u7 che3-ap sia5-sin5 e5 koan5, lai5 koa*2-tiok8 in, soa3 i-ho2 tak8 iu*7 e5 cheng3-thau5, tak8 iu*7 e5 pi*7-thia*3.

2). Chap8-ji7 su3-too5 e5 mia5 chiu7-si7 chiah-e5: thau5-chit8-e5 Se-bun5 kio3 choe3 Pi2-tek, kap i e5 hia*-ti7 An-tek-liat8; Se-pi2-thai3 e5 kia*2 Nga2-kok, kap i e5 hia*-ti7 Iok-han7; 3). Hui-lek8, kap Pa-to-lo5-mai2; To-ma2, kap thiu-hiong3 e5 Ma2-thai3; A-lek8-hui e5 kia*2 Nga2-kok, kap Tat8-thai3; 4). Ka-na2-ni5 e5 Se-bun5, kap Ka-liok8 lang5 Iu5-tai7, chiu7-si7 boe7 Ia5-soo e5.

5). Ia5-soo chhe chi2 chap8-ji7 lang5, soa3 hoan-hu3 in kong2, Goa7-pang e5 loo7 boh8-tit kia5, Sat-ma2-li7-a lang5 e5 sia*5 boh8-tit jip8; 6). khah ho2 tioh8 khi3 chiu7-kun I2-sek-liat8 ke sit-loh8 e5 iu*5. 7). Kia*5 e5 si5, tioh8 thoan5 kong2, Thian-kok kun7 lah. 8). I-ho2 u7 pi*7 e5; hoo7 si2 e5 koh-oah8; hoo7 thai2-ko e5 chheng-khi3; koa*2 kui2; lin2 peh8-peh8 tit-tioh8, tioh8 peh8-peh8 hoo7 lang5. 9). Lin2 e5 io-too2 lai7, long2 m7 thang u7 kim, gun5, tang5; loo7-nih8 iah8 boh8-tit u7 tah-lian5, boh8-tit nng7 nia2 sa*, boh8-tit oe5, boh8-tit koai*2-a2; in-ui7 choe3-kang lang5 kham-tit tit-tioh8 i e5 lim-chiah8. 11). Lin2 soo2 jip8 e5, bo5 lun7 sim2-mih8 sia*5, sim2-mih8 hiu*-li2, tioh8 tham3-thia* ki5-tiong chi7-chui7 oe7 kham-tit, chiu7 tiam3 ti7 hia, kau3 li7-khui e5 si5. 12). Jip8 hit e5 chhu3, tioh8 ka7 i chheng2-an. 13). Hit e5 chhu3 na7 oe7 kham-tit, chiu7 hoo7 lin2 e5 peng5-an kau3 ti7 i; na7 boe7 kham-tit, chiu7 hoo7 lin2 e5 peng5-an kui ti7 lin2. 14). Ki*3-na7 m7 chiap-lap8 lin2, m7 thia* lin2 e5 oe7 e5, chhut hit e5 chhu3, hit e5 sia*5 e5 si5, tioh8 poa*7-khi3 lin2 kha-nih8 e5 thoo5-hun2. 15). Goa2 sit8-chai7 ka7 lin2 kong2, Tng sim2-phoa*3 e5 jit8, Soo2-to-ma2 kap Goo5-moo5-lah8 e5 toe7-hng pi2 hit e5 sia*5 iau2 khah khoai3 tam-tng.

16). Ta* goa2 chhe lin2 chhin-chhiu*7 iu*5 ti7 chhai5-long5 e5 tiong-kan; soo2-i2 lin2 tioh8 ti3-sek chhin-chhiu*7 choa5, sun5-liong5 chhin-chhiu*7 chi*2-a2. 17). Chong2-si7 tioh8 ti5-hong5 lang5; in-ui7 in beh chiong lin2 kau hoo7 kong-hoe7, iah8 beh ti7 lin2 e5 hoe7-tng5 pi*-phah lin2; 18). koh lin2 iah8 beh ui7-tioh8 goa2 e5 ian5-koo3, siu7 thoa kau3 chong2-tok kap kun-ong5 e5 bin7-cheng5, lai5 choe3 kan-cheng3 ti7 in kap goa7-pang lang5. 19). Na7-si7 lin2 siu7 sang3-kau e5 si5, boh8-tit khoa3-lu7 beh chai*2-iu*7 kong2, a2-si7 kong2 sim2-mih8 oe7; in-ui7 soo2 tioh8 kong2 e5, beh ti7 hit si5 siu*2-su3 lin2. 20). In-ui7 m7 si7 lin2 ka-ki7 kong2, si7 lin2 e5 Pe7 e5 Sin5 tiam3-ti7 lin2 teh kong2. 21). Hia*-ti7 beh chiong hia*-ti7 sang3-kau khi3 si2, pe7 khoan2-thai7 kia*2 iah8 an2-ni; kia*2-ji5 beh khi2-lai5 kong-kek pe7-bu2, hoo7 in si2. 22). Iah8 lin2 in-ui7 goa2 e5 mia5 beh hoo7 cheng3 lang5 oan3-hun7, tok8-tok8 thun-lun2 kau3 loo7-be2 e5, i beh tit-tioh8 kiu3. 23). Ti7 chit e5 sia*5 khun2-tiok8 lin2, tioh8 chau2 kau3 hit sia*5; goa2 sit8-chai7 ka7 lin2 kong2, I2-sek-liat8 chiah e5 sia*5, lin2 kia*5 be7 thang3, Jin5-chu2 chiu7 kau3.

24). Hak8-seng boe7 poa*5-ke3 sian-si*, loo5-pok8 boe7 poa*5-ke3 chu2-lang5. 25). Hak8-seng chhin-chhiu*7 sian-si*, loo5-pok8 chhin-chhiu*7 chu2-lang5, chiu7 kau3-giah8. Lang5 ki3-jian5 kio3 ke-chu2 choe3 Piat8-se-pok, ho5-hong3 kio3 i ke-lai7 e5 lang5. 26). Soo2-i2 boh8-tit kia* in; in-ui7 bo5 u7 kham3-bat8 au7-lai5 bo5 loo7-chhut e5 su7; iah8 bo5 u7 un2-bat8 au7-lai5 boo5 hoo7 lang5 chai e5. 27). Goa2 ti7 am3-tiong ka7 lin2 kong2 e5, lin2 tioh8 ti7 kng-beng7 e5 soo2-chai7 kong2-chhut; a*3 ti7 hi7-khang ka7 lin2 kong2 e5, tioh8 ti7 chhu3-teng2 thoan5 i. 28). Hiah e5 hai7-si2 sin-khu, boe7 hai7-si2 leng5-hun5 e5, boh8-tit kia* in; tok8-tok8 hit-e5 oe7 biat8 leng5-hun5 kap sin-khu ti7 te7-gek8 e5, khah tioh8 kia*. 29). Nng7 chiah chhek-chiau2-a2 kiam2 m7 si7 boe7 chit8 hun gun5 mah? na7 m7 si7 lin2 e5 Pe7 u7 chun2, chit8 chiah iah8 boe7 ka-lauh8 toe7; 30). chiu7 lin2 e5 thau5-mng5 iah8 long2 ke3-sng3. 31). Soo2-i2 lin2 boh8-tit kia*; lin2 pi2 choe7-choe7 chhek-chiau2-a2 khah kui3-khi3. 32). Soo2-i2 ki*3-na7 ti7 lang5 e5 bin7-cheng5 jin7 goa2 e5, goa2 iah8 ti7 goa2 ti7 thi*-nih8 e5 Pe7 e5 bin7-cheng5 beh jin7 i. 33). Ki*3-na7 ti7 lang5 e5 bin7-cheng5 m7 jin7 goa2 e5, goa2 iah8 ti7 goa2 ti7 thi*-nih8 e5 Pe7 e5 bin7-cheng5 beh m7 jin7 i.

34). Boh8-tit phah-sng3 goa2 lai5 si7 beh hoo7 toe7-chiu*7 ho5-peng5; goa2 lai5 m7 si7 beh hoo7 i ho5-peng5, chiu7-si7 hiat-loh8 to-kiam3. 35). In-ui7 goa2 lai5, si7 hoo7 kia*2 kap i e5 lau7-pe7 choat8-cheng5, cha-boo2-kia*2 kap i e5 lau7-bu2, sim-pu7 kap i e5 ta-ke, iah8 beh an2-ni. 36). Koh lang5 e5 tui3-tek8 chiu7-si7 i ka-ki7 ke-lai7 e5 lang5. 37). Thia*3 pe7-bu2 khah ke3-thau5 ti7 thia*3 goa2 e5, boe7 kham-tit ti7 goa2; thia*3 kia*2 cha-boo2-kia*2 khah ke3-thau5 ti7 thia*3 goa2 e5, boe7 kham-tit ti7 goa2; 38). m7 pe7 ka-ki7 e5 sip8-ji7-ke3 lai5 te3 ti7 goa2 e5 au7-bin7 e5, iah8 boe7 kham-tit ti7 goa2. 39). Tit-tioh8 i e5 si*3-mia7 e5 lang5, beh sit-loh8 i; ui7-tioh8 goa2 sit-loh8 i e5 si*3-mia7 e5 lang5, beh tit-tioh8 i.

40). Chiap-lap8 lin2 e5, chiu7-si7 chiap-lap8 goa2; chiap-lap8 goa2 e5, chiu7-si7 chiap-lap8 chhe goa2 e5. 41). Ui7-tioh8 sian-ti e5 mia5 lai5 chiap-lap8 sian-ti e5, beh tit-tioh8 sian-ti e5 siu*2; ui7-tioh8 gi7 lang5 e5 mia5 lai5 chiap-lap8 gi7 lang5 e5, beh tit-tioh8 gi7 lang5 e5 siu*2. 42). Ki*3-na7 ui7-tioh8 hak8-seng e5 mia5, kan-ta eng7 chit8 poe leng2-chui2 hoo7 chiah e5 soe3-kia*2 e5 chit8 e5 lim e5, goa2 sit8-chai7 ka7 lin2 kong2, i koat-toan3 boe7 sit-loh8 i e5 siu*2.

[11] Ia5-soo hoan-hu3 I chap8-ji7 e5 hak8-seng beng5-pek8, chiu7 li7-khui hia, beh ti7 in hiah e5 sia*5 ka3-si7 lang5 kap thoan5-to7.

2). Iok-han7 ti7 ka*-nih8 thia*-ki*3 Ki-tok soo2 kia*5 e5 su7; chiu7 chhe hak8-seng mng7 I kong2, 3). Soo2 beh lai5 e5, si7 li2 mah? a2-si7 goan2 tioh8 ng3-bang7 pat8 lang5 ah? 4). Ia5-soo in3 kong2, Lin2 tioh8 khi3, chiong lin2 soo2 thia*-ki*3 soo2 khoa*3-ki*3 e5, ka7 Iok-han7 kong2; 5). chiu7-si7 chhi*-mi5 e5 khoa*3-ki*3, pai2-kha e5 kia*5, thai2-ko e5 chheng-khi3, chhau3-hi7-lang5 e5 thia*-ki*3, si2 e5 lang5 koh-oah8, song3-hiong lang5 tit-tioh8 thia* hok-im. 6). Ki*3-na7 bo5 ti7 goa2 lai5 tioh8-tak e5, u7 hok-khi3.

7). In khi3 e5 si5, Ia5-soo chiah the5-khi2 Iok-han7, ka7 cheng3 lang5 kong2, Lin2 cheng5 chhut-khi3 khong3-ia2, beh khoa*3 sim2-mih8? Si7 loo5-tek hoo7 hong chhe tin2-tang7 mah? 8). Lin2 chhut-khi3 ai3 khoa*3 sim2-mih8? Si7 lang5 chheng7 iu3-nng2 e5 i-chiu*5 mah? Li2 khoa*3, chheng7 iu3-nng2 e5 si7 ti7 ong5-kiong. 9). Na7-si7 an2-ni lin2 chhut-khi3 beh sia*2-su7? Si7 beh khoa*3 sian-ti mah? Is7 lah. Goa2 ka7 lin2 kong2, i si7 iau2 khah ia*5-ke3 sian-ti. 10). Chit lang5 chiu7-si7 keng-nih8 soo2 chi2 e5, kong2,

Goa2 chhe goa2 e5 su3-chia2 ti7 li2 e5 bin7-cheng5;

I beh ti7 li2 e5 thau5-cheng5 pi7-pan7 li2 e5 loo7.

11). Goa2 sit8-chai7 ka7 lin2 kong2, Hu7-jin5-lang5 soo2 si* e5, chiong5-tiong be7 u7 heng-khi2 khah toa7 ti7 kia*5 soe2-le2 e5 Iok-han7; chong2-si7 ti7 thian-kok e5 bi5-soe3 e5, iau2 khah toa7 i. 12). Tui3 kia*5 soe2-le2 Iok-han7 e5 si5-jit8 kau3 ta*, thian-kok hoo7 lang5 kiong5-kiong5 chhu2, kiong5 e5 lang5 eng7 lat8 chhu2 i. 13). In-ui7 cheng3 sian-ti kap lut8-hoat u7 chham3-gu2 kau3 Iok-han7 e5 si5. 14). Lin2 na7 kam-goan7 seng5-siu7, chit lang5 chiu7-si7 teh-beh lai5 e5 I2-li7-a. 15). U7 hi7-khang thang thia* e5, tioh8 thia*. 16). Chit se3-tai7 goa2 beh eng7 sim2-mih8 lai5 pi2-pheng7 i? Si7 chhin-chhiu*7 gin2-na2 che7 ti7 koe-chhi7-nih8, lai5 kio3 in e5 tang5-phoa*7 kong2, 17). Goan2 tui3 lin2 pun5 tat8-a2, lin2 bo5 thiau3-bu2; goan2 bat pi-ai, lin2 bo5 tui5 heng. 18). In-ui7 Iok-han7 lai5, bo5 chiah8 bo5 lim; lang5 chiu7 kong2, I hoan7-tioh8 kui2. 19). Jin5-chu2 lai5 iah8 chiah8 iah8 lim. lang5 chiu7 kong2, I si7 tham-chiah8 hoo*3-chiu2 e5 lang5, thiu-hiong3 kap phai*2 lang5 e5 peng5-iu2. Na7-si7 Ti3-hui7 tui3 i e5 soo2 kia*5 hian2-beng5 i si7 tioh8.

20). Ia5-soo bat ti7 hiah e5 sia*5 kia*5 choe7-choe7 koan5-leng5, in-ui7 in long2 bo5 hoan2-hoe2, hit si5 chiah chek-pi7 in kong2, 21). Ko-liap8-sin3 ah, li2 u7 chai-e7! Pek-sai3-tai7 ah, li2 u7 chai-e7! in-ui7 ti7 lin2 tiong-kan soo2 kia*5 chiah e5 koan5-leng5, na7 u7 kia*5 ti7 Chhui-lo5 kap Se-tun3, in chiu7 cha2-cha2 chheng7 moa5 sa* sam2 he2-hu lai5 hoan2-hoe2. 22). Na7-si7 goa2 ka7 lin2 kong2, tng sim2-phoa*3 e5 jit8, Chhui-lo5 kap Se-tun3 pi2 lin2 iau2 khah khoai3 tam-tng. 23). Ka-pek-long5 ah, li2 kiam2 oe7 tit-tioh8 ku2-khi2 kau3 thi* mah? li2 beh tui7-loh8 im-hu2; in-ui7 ti7 li2 e5 tiong-kan soo2 kia*5 chiah e5 koan5-leng5, na7 u7 kia*5 ti7 Soo2-to-ma2, chiu7 kau3 kin-a2-jit8 i iau2 ti7-teh. 24). Na7-si7 goa2 ka7 lin2 kong2, tng sim2-phoa*3 e5 jit8, Soo2-to-ma2 e45 toe7-hng pi2 li2 khah khoai3 tam-tng.

25). Tng hit si5 Ia5-soo in3 kong2, Pe7 ah, thi* toe7 e5 Chu2, goa2 o-lo2 li2, in-ui7 li2 chiong chiah e5 su7, tui3 ti3-hui7 chhang-mia5 e5 u7 un2-bat8 i, tui3 soe3-kia*2 u7 hian2-beng5 i; 26). Pe7 ah, si7 lah; in-ui7 li2 khoa*3 an2-ni choe3 hoa*-hi2. 27). Ban7-hang7-u7 tui3 goa2 e5 Pe7 kau-hu3 goa2, Pe7 i2-goa7 bo5 chit8-e5 bat Kia*2; Kia*2 kap Kia*2 soo2 ai3 beh chi2-si7 e5 i2-goa7, bo5 chit8-e5 bat Pe7. 28). Lin2 ki*3-na7 tioh8-boa5 ta* tang7-ta*3 e5, tioh8 chiu7-kun7 goa2; goa2 beh hoo7 lin2 an-hioh. 29). Goa2 sim-lai7 un-jiu5 khiam-sun3; lin2 pe7 goa2 e5 ta*, lai5 tui3 goa2 oh8, chiu7 lin2 e5 sim-sin5 oe7 tit-tioh8 an-hioh. 30). In-ui7 goa2 e5 ta* si7 khoai3, goa2 e5 ta*3 si7 khin.

[12] Tng hit si5, Ia5-soo ti7 an-hioh-jit8 tui3 beh8-hng5 keng-ke3; I e5 hak8-seng iau, chiu7 tiah beh8-sui7 lai5 chiah8. 2). Na7-si7 Hoat-li7-sai3 lang5 khoa*3-ki*3 chiu7 ka7 I kong2, Li2 khoa*3, li2 e5 hak8-seng kia*5 an-hioh-jit8 soo2 m7 eng-kai kia*5 e5 su7. 3). Ia5-soo chiu7 ka7 in kong2, Tai7-pit8 kap kun-te3 e5 lang5 iau e5 si5 soo2 kia*5 e5, lin2 bo5 thak8-tioh8 mah? 4). Chiu7-si7 i jip8 Siong7-te3 e5 chhu3, chiah8 pai5-liat8 e5 pia*2; che m7 si7 i kap kun-te3 e5 lang5 soo2 thang chiah8 e5, tok8-tok8 che3-si thang na7-tia*7. 5). A2-si7 lin2 iah8 m7 bat thak8 lut8-hoat soo2 ki3-chai3, tng an-hioh-jit8 che3-si ti7 tian7-nih8 hoan7-tioh8 an-hioh iah8 si7 bo5 choe7 mah? 6). Tok8-tok8 goa2 ka7 lin2 kong2, ti7 chia u7 pi2 tian7 khah toa7 e5. 7). Chong2-si7 lin2 na7 chai, Goa2 ai3 lin5-bin2, bo5 ai3 che3-su7, chit ku3 e5 i3-gi7, chiu7 bo5 chek-choe7 bo5 choe7 e5 lang5. 8). In-ui7 Jin5-chu2 si7 an-hioh-jit8 e5 chu2.

9). Ia5-soo li7-khui hia, jip8 in e5 hoe7-tng5; tu2-tng7 u7 lang5 chit8 chhiu2 koo-ta5. 10). Lang5 mng7 I kong2, An-hioh-jit8 heng5 i, thang mah? i3-su3 ai3 beh ko3 I. 11). I chiu7 ka7 in kong2, Lin2 tiong-kan sim2-mih8 lang5 u7 chit8 chiah iu*5, na7 ti7 an-hioh-jit8 poah8-loh8 khi*, bo5 ka7 i liah8-khi2-lai5 mah? 12). Ho5-hong3 lang5 pi2 iu*5 ke joa7 kui3-khi3 ah! Soo2-i2 an-hioh-jit8 kia*5 ho2-su7 si7 thang. 13). Chiu7 ka7 hit lang5 kong2, Chhun li2 e5 chhiu2. I chiu7 chhun, sui5-si5 ho2-ho2, chhin-chhiu*7 pat8 ki chhiu2. 14). Hoat-li7-sai3 lang5 chhut-khi3, sa*-kap ke3-boo5 kong-kek Ia5-soo, khoa*3 thang chai*2-iu*7 biat8 I.

15). Ia5-soo chai, chiu7 the3-khi3, li7-khui hia; u7 choe7-choe7 lang5 te3 I, chiu7 long2 ka7 in i; 16). iah8 keng2-kai3 in boh8-tit chiong I po3-iong5; 17). si7 beh eng3-giam7 thok sian-ti I2-sai3-a soo2 kong2 e5, kong2,

18). Li2 khoa*3, goa2 e5 loo5-pok8, goa2 soo2 keng2 e5,

Goa2 soo2 thia*3 e5, goa2 e5 sim soo2 hoa*-hi2 e5;

Goa2 beh chiong goa2 e5 Sin5 hu3-hoo7 I.

I beh eng7 phoa*3-toan3 thong-ti goa7-pang.

I bo5 beh sa*-chi*, bo5 beh soan-jiong2;

Ti7 koe-chhi7 bo5 lang5 thia*-ki*3 I e5 sia*.

20). Siu7-siong e5 loo5-tek I bo5 beh at-chih8,

Beh hoa e5 he2-chhi*, I bo5 phah-sit,

Kau3 hoo7 kong-gi7 oe7 tek-seng3.

21). Goa7-pang iah8 beh kho3 I e5 mia5 lai5 ng3-bang7.

22). Hit si5 u7 chhoa7 chit8 e5 hoan7-tioh8 kui2, chhi*-mi5 koa3 e2-kau2 e5 lai5 chiu7-kun7 I. I chiu7 i-ho2 i, hoo7 e2-kau2 e5 kong2 oe7, soa3 oe7 khoa*3-ki*3. 23). Cheng3 lang5 long2 gong5-ngiah8, kong2, chit-e5 chong2-bo5 si7 Tai7-pit8 e5 hoo7-e3 ooh? 24). Na7-si7 Hoat-li7-sai3 lang5 thia*-ki*3 chiu7 kong2, Chit lang5 koa*2 kui2 bo5 m7 si7 kho3 kui2-ong5 Piat8-se-pok. 25). Ia5-soo chai in e5 i3-su3, chiu7 ka7 in kong2, Ki*3-na7 kok ka-ki7 cheng-pia*3, oe7 ti3-kau3 pha-hng; ki*3-na7 sia*5 a2-si7 ke ka-ki7 cheng-pia*3, tek-khak khia7 boe7 tiau5. 26). Na7 Sat-tan3 koa*2 Sat-tan3, si7 ka-ki7 cheng-pia*3, i e5 kok thai2-tho2 khia7 oe7 tiau5? 27). Siat-su2 goa2 kho3 Piat8-se-pok koa*2 kui2, chiu7 lin2 e5 chu2-te7 koa*2 kui2 oa2-kho3 chi7-chui7 ah? An2-ni in beh gi2-toan3 lin2. 28). Tok8-tok8 goa2 na7 kho3 Siong7-te3 e5 Sin5 koa*2 kui2, chiu7 Siong7-te3 e5 kok i2-keng kau3 lin2 lah. 29). Lang5 chai*2-iu*7 oe7 jip8 beng2 lang5 e5 chhu3, kiap i e5 ke-he2? kiam2 m7 tioh8 tai7-seng pak8 beng2 lang5, jian5-au7 kiap i e5 chhu3 mah? 30). Bo5 tang5 goa2 e5, chiu7-si7 tui3-tek8 goa2; bo5 kap goa2 siu-khioh e5, chiu7-si7 teh phah-soa*3. 31). Soo2-i2 goa2 ka7 lin2 kong2, Ki*3-na7 choe7-ok pong3-tok8, long2 beh sia3-bian2 i; tok8-tok8 pong3-tok8 Seng3 Sin5 e5, bo5 beh sia3-bian2 i. 32). Ki*3-na7 kong2 oe7 kong-kek Jin5-chu2 e5, beh sia3-bian2 i; tok8-tok8 ki*3-na7 kong2 oe7 kong-kek Seng3 Sin5 e5, put-lun7 kim-se3 lai5-se3, bo5 beh sia3-bian2 i. 33). Lin2 tioh8 liah8 hit e5 chhiu7 choe3 ho2, i e5 ke2-chi2 iah8 choe3 ho2; hek8-si7 liah8 hit e5 chhiu7 choe3 phai*2, i e5 ke2-chi2 iah8 choe3 phai*2; in-ui7 tui3 ke2-chi2 lai5 bat chhiu7. 34). Tok8-choa5 e5 lui7 ah, lin2 i2-keng si7 phai*2, thai2 oe7 kong2 ho2 oe7? in-ui7 si7 tui3 sim soo2 chhiong-moa2 e5, chhui3 chiu7 kong2 chhut. 35). Ho2 lang5 tui3 soo2 chek-chu7 e5 ho2, lai5 hoat-chhut chiah e5 ho2; phai*2 lang5 tui3 soo2 chek-chu7 e5 phai*2, lai5 hoat-chhut chiah e5 phai*2. 36). Goa2 ka7 lin2 kong2, ki*3-na7 lang5 soo2 kong2 e5 eng5-a2-oe7, in ti7 sim2-phoa*3 e5 jit8, tak8 ku3 tioh8 soo3-beng5. 37). In-ui7 tui3 li2 e5 oe7 beh chheng li2 choe3 gi7; iah8 tui3 li2 e5 oe7 beh gi2 li2 u7 choe7.

38). Hit si4 u7 keng-hak8-su7 kap Hoat-li7-sai3 kui2-na7 lang5 in3 I kong2, Sian-si* ah, goan2 ai3 tui3 li2 khoa*3 chit8 e5 sin5-jiah. 39). Na7-si7 I in3 kong2, Ok-tok8 kan-im5 e5 se3-tai7 kiu5 sin5-jiah; tu5 sian-ti Iok-na2 e5 sin5-jiah i2-goa7, bo5 beh sin5-jiah hoo7 in; in-ui7 chhin-chhiu*7 Iok-na2 sa* jit8 sa* mi5 ti7 toa7 hi5 e5 pak-too2 lai7, Jin5-chu2 iah8 beh an2-ni sa* jit8 sa* mi5 ti7 toe7-lai7. 41). Ni5-ni5-bi5 lang5 tng sim2-phoa*3 e5 si5, beh kap chit se3-tai7 e5 lang5 sa*-kap khi2-lai5, soa3 gi2 in e5 choe7; in-ui7 in tui3 Iok-na2 soo2 thoan5 lai5 hoan2-hoe2; ho5-hong3 ti7 chia u7 pi2 Iok-na2 khah toa7 e5. 42). Lam5-hng e5 lu2-ong5, tng sim2-phoa*3 e5 si5 beh kap chit se3-tai7 e5 lang5 sa*-kap khi2-lai5, soa3 gi2 in e5 choe7; in-ui7 i tui3 toe7 e5 kek8-thau5 lai5, beh thia* Soo2-lo5-bun5 ti3-sek e5 oe7, ho5-hong3 ti7 chia u7 pi2 Soo2-lo5-bun5 khah toa7 e5. 43). Sia5-sin5 i2-keng li7-khui lang5, keng-ke3 bo5 chui2 e5 toe7, kiu5 an-hioh iah8 bo5 tit-tioh8. 44). Chiu7 kong2, Goa2 beh to3-khi3 soo2 chhut-lai5 e5 chhu3; kau3 te3, chiu7 khoa*3-ki*3 khang-khang, pia*3-sau3, siu-cheng2; 45).chiu7 khi3, koh toa3 chhit e5 sin5, pi2 ka-ki7 khah phai*2 e5, jip8-khi3 khia7-khi2; hit lang5 loo7-be2 e5 keng2-hong2, pi2 khi2-thau5 e5 khah chham2. chit e5 phai*2 e5 se3-tai7 iah8 beh chhin-chhiu*7 an2-ni.

46). I iau2 tui3 cheng3 lang5 kong2 oe7 e5 si5, tu2-tng7 I e5 lau7-bu2 kap I e5 hia*-ti7 khia7 ti7 goa7-bin7, ai3 beh kap I kong2 oe7. 47). U7 lang5 ka7 I kong2, Li2 khoa*3, li2 e5 lau7-bu2 kap li2 e5 hia*-ti7 khia7 ti7 goa7-bin7, ai3 beh kap li2 kong2 oe7. 48). Chiu7 in3 hit e5 ka7 I kong2 e5 kong2, Sim2-mih8 lang5 si7 goa2 e5 lau7-bu2? sim2-mih8 lang5 si7 goa2 e5 hia*-ti7 ah? 49). Chiu7 chhun chhiu2 ki2 I e5 hak8-seng kong2, Li2 khoa*3, goa2 e5 lau7-bu2 kap goa2 e5 hia*-ti7. 50). In-ui7 ki*3-na7 kia*5 goa2 ti7 thi*-nih8 e5 Pe7 e5 chi2-i3 e5, chiu7-si7 goa2 e5 hia*-ti7, chi2-be7, kap lau7-bu2.

[13] Tng hit jit8, Ia5-soo tui3 chhu3-lai7 chhut-khi3, che7 ti7 hai2-pi*. 2). U7 choe7-choe7 tin7 e5 lang5 chu7-chip8 chiu7-kun I, ti3-kau3 I chiu*7 chun5 lai5 che7, kui tin7 e5 lang5 long2 khia7 ti7 hoa*7-nih8. 3). Chiu7 eng7 choe7-choe7 hang7 siat phi3-ju7 ka7 in kong2, 4). Li2 khoa*3, u7 ia7 cheng2 e5 chhut-khi3 ia7 cheng2; ia7 e5 si5, u7-e5 ka-lauh8 ti7 loo7-pi*, pe-chiau2 kau3, it-chin chiah8 i; 5). u7-e5 ka-lauh8 ti7 chioh8-keh e5 toe7, thoo5 chhian2 e5 ui7; in-ui7 thoo5 bo5 chhim, chiu7 hoat chin kin2; 6). na7-si7 jit8 chhut phak8 i; in-ui7 bo5 kun, chiu7 koo-ta5. 7). Iah8 u7-e5 ka-lauh8 ti7 chhi3-a2-lai7, chhi3-a2 hoat-khi2 jia-pe3 i; 8). u7-e5 ka-lauh8 ti7 ho2 e5 thoo2-toe7, kiat-sit8, u7-e5 pah pe7, u7-e5 lak8-chap8 pe7, u7-e5 sa*-chap8 pe7. 9). U7 hi7-khang e5, tioh8 thia*.

10). Hak8-seng chiu7-kun7 I kong2, Li2 eng7 phi3-ju7 ka7 in kong2 si7 chai*2-iu*7? 11). I in3 kong2, Thian-kok e5 o3-biau7 hoo7 lin2 chai, iah8 bo5 hoo7 in. 12). In-ui7 ki*3-na7 u7 e5, beh hoo7 i, chiu7 i u7 chhun; bo5 e5, lian5 i soo2 u7 e5 iah8 beh chhiu*2 i. 13). Soo2-i2 goa2 eng7 phi3-ju7 ka7 in kong2; in-ui7 in khoa*3, iah8 khoa*3 bo5 ki*3; thia* iah8 thia* bo5 hian7, iah8 bo5 hiau2-ngoo7. 14). I2-sai3-a soo2 chham3-gu2 e5, si7 eng3-giam7 ti7 in, kong2,

Lin2 thia* si7 beh thia*, na7-si7 koat-toan3 bo5 hiau2-ngoo7;

Lin2 khoa*3 si7 beh khoa*3, na7-si7 koat-toan3 khoa*3 bo5 ki*3;

15). In-ui7 chit e5 peh-si*3 sim tun7, Hi7-khang tang7,

In e5 bak8-chiu pang3 khoeh;

Kia*-liau2 in eng7 bak8-chiu khoa*3-ki*3,

Eng7 hi7-khang thia*-ki*3,

Eng7 sim hiau2-ngoo7,

Lai5 oat8-lin3-tng2,

Goa2 chiu7 i-ho2 in.

16). Na7-si7 lin2 e5 bak8-chiu u7 hok-khi3, in-ui7 in khoa*3-ki*3; lin2 e5 hi7-khang u7 hok-khi3, in-ui7 in thia*-ki*3. 17). In-ui7 goa2 sit8-chai7 ka7 lin2 kong2, Cheng5 u7 choe7-choe7 sian-ti kap gi7 lang5, ai3 khoa*3 lin2 soo2 khoa*3-ki*3 e5, iah8 bo5 khoa*3-ki*3; ai3 thia* lin2 soo2 thia*-ki*3 e5, iah8 bo5 thia*-ki*3.

18). Ta* chit-e5 ia7 cheng2-chi2 e5 e5 phi3-ju7, lin2 tioh8 thia*. 19). Ki*3-na7 thia* thian-kok e5 to7-li2 ia7 bo5 hiau2-ngoo7 e5, hit e5 phai*2-e5 chiu7 kau3, chiong soo2 ia7 ti7 i e5 sim e5 chhiu*2-khi3; che si7 ia7 ti7 loo7-pi* e5. 20). Ia7 ti7 chioh8-keh e5 toe7 e5, che si7 lang5 thia* to7-li2, liam5-pi* hoa8-hi2 seng5-siu7 i; 21). chong2-si7 lai7-bin7 bo5 kun, put-ko3 si7 chiam7-si5 na7-tia*7; kau3 ui7-tioh8 to7-li2 tu2-tioh8 u7 hoan7-lan7 khun2-tiok8 liam5-pi* tioh8-tak. 22). Ia7 ti7 chhi3-a2-lai7 e5, che si7 lang5 thia* to7-li2, iah8 se3-kan e5 khoa3-lu7, chi*5-chai5 e5 be5-hek8, jia-pe3 hit e5 to7-li2, chiu7 bo5 kiat-sit8. 23). Ia7 ti7 ho2 thoo2-toe7 e5, che si7 lang5 thia* to7-li2 lai5 hiau2-ngoo7, i sit8-chai7 kiat-sit8; soo2 kiat e5, u7-e5 pah pe7, u7-e5 lak8-chap8 pe7, u7-e5 sa*-chap8 pe7.

24). Koh siat phi3-ju7 tui3 in kong2, Thian-kok chhin-chhiu*7 lang5 ia7 ho2 cheng2-chi2 ti7 i e5 hng5; 25). lang5 khun3 e5 si5, i e5 kiu5-siu5 lai5, ia7 phoe7 ti7 beh8 tiong, chiu7 khi3. 26). Kau3 beh8 hoat-khi2-lai5, soa3 kiat sui7 e5 si5, phoe7 iah8 chhut-hian7. 27). Ke-chu2 e5 loo5-pok8 lai5 ka7 i kong2, Thau5-ke ah, li2 kiam2 m7 si7 ia7 ho2 cheng2-chi2 ti7 li2 e5 hng5 mah? tui3 ta2-loh8 u7 phoe7? 28). I ka7 in kong2, Che si7 kiu5-siu5 choe3 e5. Loo5-pok8 ka7 i kong2, Li2 ai3 goan2 khi3 khau i mah? 29). I chiu7 kong2, Bo5 , kia*-liau2 lin2 khau phoe7, lian5 beh8 soa3 puih8-khi2-lai5. 30). Iong5-un2 nng7 hang7 pi*5-pi*5 toa7 chang5, theng3-hau7 siu-koah; kau3 siu-koah e5 si5, goa2 beh ka7 koah-e5 kong2, Tai7-seng khiok hiah e5 phoe7, ha5 kui pe2 thang sio i; tok8-tok8 beh8 tioh8 siu-jip8 goa2 e5 chhek-chhng.

31). Koh siat phi3-ju7 tui3 in kong2, Thian-kok chhin-chhiu*7 chit8 liap8 koa3-chhai3 chi2, lang5 theh8 khi3 ia7 ti7 i e5 hng5; 32). chit-e5 si7 pah hang7 cheng2-chi2 e5 te7 it soe3; kau3 i toa7 chang5, si7 khah toa7 long2-chong2 e5 chhai3-soe, soa3 chia*5 choe3 chhiu7, ti3-kau3 khong-tiong e5 chiau2 lai5 hioh ti7 i e5 ki.

33). Koh eng7 phi3-ju7 ka7 in kong2, Thian-kok chhin-chhiu*7 ka*3, hu7-jin5-lang5 theh8 khi3 khng3 ti7 sa* tau2 mi7-hun2 e5 lai7-bin7, kau3 long2 hoat ka*3.

34). Chiah-e5 long2 si7 Ia5-soo eng7 phi3-ju7 ka7 cheng3 lang5 kong2; na7 m7 si7 eng7 phi3-ju7, chiu7 bo5 soo2 ka7 in kong2; 35). lai5 eng3-giam7 cha2 thok sian-ti soo2 kong2 e5, kong2,

Goa2 beh khui chhui3 siat phi3-ju7,

Chhian2-beng5 chhong3-cho7 se3-kan i2-lai5 soo2 un2-bat8 e5.

36). Hit si5 Ia5-soo hoo7 cheng3 lang5 si3-soa*3, chiah jip8 chhu3; I e5 hak8-seng chiu7-kun7 I kong2, Hng5 e5 phoe7-a2 e5 phi3-ju7, ka7 goan2 koe3-beng5. 37). I in3 kong2, Ia7 ho2 cheng2-chi2 e5 si7 Jin5-chu2; hng5 chiu7-si7 se3-kan; 38). ho2 cheng2-chi2 e5 chiu7-si7 thian-kok e5 kia*2; phoe7, chiu7-si7 phai*2-e5 e5 kia*2; 39). ia7 phoe7 e5 kiu5-siu5, chiu7-si7 Moo5-kui2; siu-koah e5 si5, si7 se3-kai3 e5 loo7-be2; koah e5, chiu7-si7 thi*-sai3. 40). Soo2-i2 chhin-chhiu*7 khioh phoe7-a2 lai5 eng7 he2 sio; ti7 se3-kai3 e5 loo7-be2 iah8 beh an2-ni. 41). Jin5-chu2 beh chhe I e5 thi*-sai3 tui3 I e5 kok-lai7 siu-sip8 ki*3-na7 hoo7 lang5 tioh8-tak e5, kap choe3 put-hoat e5; 42). hiat in ti7 he2-loo5, ti7 hia beh u7 thi5-khau3 ka7-ge5 chhiat-chhi2. 43). Hit si5 gi7 lang5 beh hoat-chhut kng chhin-chhiu*7 jit8, ti7 in e5 Pe7 e5 kok. U7 hi7-khang e5 tioh8 thia*.

44). Thian-kok chhin-chhiu*7 po2-poe3 khng3 ti7 hng5-nih8; lang5 tu2-tioh8 chiu7 khng3-bat8 i; in-ui7 hoa*-hi2 chiah khi3 boe7 it-chhe3 soo2 u7 e5, lai5 boe3 hit khu hng5.

45). Koh thian-kok chhin-chhiu*7 seng-li2 lang5 chhe7 ho2 e5 chu; 46). tu2-tioh8 chit8 liap8 put-chi2 tat8 chi*5 e5, chiu7 khi3 boe7 it-chhe3 soo2 u7 e5 lai5 boe2 i.

47). Koh thian-kok chhin-chhiu*7 bang7 pha ti7 hai2-nih8, chu7-chip8 tak8 lui7 e5 chui2-chok8; i2-keng moa2, chiu7 thoa chiu*7 phia*5; che7-teh, khioh ho2 e5 jip8 khi3-ku7, m7 ho2 e5 hiat-kak8 ti7 goa7-bin7. 49). Se3-kai3 e5 loo7-be2, iah8 beh an2-ni; chiah e5 thi*-sai3 beh chhut-lai5, tui3 gi7 lang5 e5 tiong-kan lai5 hun-piat phai*2 lang5; 50). hiat in ti7 he2-loo5, ti7 hia beh u7 thi5-khau3 ka7-ge5 chhiat-chhi2.

51). Chiah-e5 lin2 long2 oe7 hiau2-tit boe7? In kong2, Oe7. 52). I ka7 in kong2, Soo2-i2 ki*3-na7 keng-hak8-su7 choe3 thian-kok e5 hak8-seng e5, si7 chhin-chhiu*7 ke-chu2 tui3 i e5 khoo3-pang5 theh8-chhut sin ku7 e5 mih8 e5.

53). Ia5-soo i2-keng kong2 chiah e5 phi3-ju7 beng5-pek8, chiu7 li7-khui hia. 54). Kau3 I e5 pun2 hiu*, ti7 in e5 hoe7-tng5 ka3-si7 in; ti3-kau3 in gong5-ngiah8 kong2, Chit lang5 tui3 ta2-loh8 tit-tioh8 chit e5 ti3-hui7, kap chiah e5 koan5-leng5 ah? 55). Chit-e5 kiam2 m7 si7 bak8-chhiu*7 e5 kia*2 mah? I e5 lau7-bu2 kiam2 m7 si7 kio3 choe3 Ma2-li7-a, I e5 hia*-ti7 Nga2-kok, Iok-sek, Se-bun5, Iu5-tai7 mah? 56). I e5 chi2-be7 kiam2 bo5 long2 kap lan2 ti7 chia mah? An2-ni chit lang5 tui3 ta2-loh8 tit-tioh8 chiah-e5 it-chhe3 ah? 57). In chiu7 iam3-chian7 I. Na2-si7 Ia5-soo ka7 in kong2, Sian-ti lang5 ti7 pun2 hiu* pun2 ke i2-goa7, bo5 m7 chun-kui3. 58). Ia5-soo ti7 hia bo5 kia*5 choe7-choe7 koan5-leng5, in-ui7 in bo5 sin3 I.

[14] Tng hit si5, hun-hong e5 jin5-kun Hi-lut8 thia*-ki*3 Ia5-soo e5 mia5-sia*; 2). chiu7 ka7 i e5 chhe-eng7 kong2, Chit-e5 chiu7-si7 kia*5 soe2-le2 e5 Iok-han7, i si7 tui3 si2-lang5 tiong koh-oah8; soo2-i2 u7 chiah e5 koan5-leng5 tui3 i hian2-chhut. 3). In-ui7 cheng5 Hi-lut8 ui7-tioh8 i e5 hia*-ti7 Hui-lek8 e5 boo2 Hi-lo5-ti2 e5 ian5-koo3, u7 liah8 Iok-han7 pak8 i, koai* loh8 ka*. 4). In-ui7 Iok-han7 bat ka7 i kong2, Li2 chiap-lap8 chit e5 hu7-jin5-lang5 si7 put-hoat. 5). Hi-lut8 ai3 thai5 i, tok8-tok8 kia* peh-si*3; in-ui7 in liah8 Iok-han7 choe3 sian-ti. 6). Tu2-tioh8 Hi-lut8 choe3 si*-jit8, Hi-lo5-ti2 e5 cha-boo2-kia*2 thiau3-bu2 ti7 in tiong-kan, lai5 hoo7 Hi-lut8 hoa*-hi2. 7). Tui3 an2-ni chiu3-choa7, un2 beh chiau3 i soo2 ai3 kiu5 e5 long2 hoo7 i. 8). I hoo7 in lau7-bu2 sai2-so7, chiu7 kong2, Chiong kia*5 soe2-le2 Iok-han7 e5 thau5-khak toe2 ti7 poa*5-nih8, chiu7 chia hoo7 goa2. 9). Ong5 chin iu-bun7; chong2-si7 ui7-tioh8 soo2 chiu3 e5 choa7, koh u7 tang5 toh e5 lang5 ti7-teh, chiu7 beng7-leng7 hoo7 i; 10). chhe lang5 khi3 ka*-nih8 thai5 Iok-han7. 11). Chiong i e5 thau5-khak toe2 ti7 poa*5-nih8, lai5 hoo7 cha-boo2 gin2-na2; i chiu7 phang5-khi3 hoo7 i e5 lau7-bu2. 12). I e5 hak8-seng lai5 siu i e5 sin-si, khi3 bai5-chong3; chiu7 khi3 ka7 Ia5-soo kong2.

13). Ia5-soo thia*-ki*3 chiu7 chiu*7 chun5, tui3 hia the3-khi3 khong3-ia2, ka-ki7 toa3; cheng3 lang5 thia*-ki*3, chiu7 tui3 chiah e5 sia*5 poo7-kia*5 te3 I. 14). I chhut-khi3, khoa*3-ki*3 kui toa7 tin7 e5 lang5, chiu7 lin5-bin2 in, i-ho2 in tiong-kan u7 pi*7 e5. 15). Jit8 mng2-poo, hak8-seng chiu7- kun7 I kong2, Chia si7 khong3-ia2, koh si5 i2-keng ke3; tioh8 hoo7 cheng3 lang5 si3-soa*3, thang khi3 hiu*-sia7 boe2 chiah8. 16). Ia5-soo ka7 in kong2, In m7 bian2 khi3, lin2 hoo7 in chiah8. 17). In ka7 I kong2, Goan2 ti7 chia chi2 u7 goo7 e5 pia*2, nng7 be2 hi5. 18). I kong2, Theh8 lai5 hoo7 goa2. 19). Chiu7 hoan-hu3 cheng3 lang5 che7 ti7 chhau2-poo, chiu7 theh8 hit goo7 e5 pia*2, nng7 be2 hi5, ng3 thi* lai5 chiok-sia7, peh pia*2 hoo7 hak8-seng, hak8-seng hoo7 cheng3 lang5. 20). Long2 chiah8 kau3 pa2; khioh soo2 chhun e5 sut-a2, moa2 chap8-ji7 kheng. 21). Chiah8 e5 lang5, hu7-jin5-lang5 gin2-na2 i2-goa7, iok-liok8 goo7 chheng.

22). I sui5-si5 pek hak8-seng chiu*7 chun5, tai7-seng ke3-khi3 hit peng5, theng3-hau7 I si3-soa*3 cheng3 lang5. 23). Si3-soa*3 cheng3 lang5 liau2-au7, chiu7 ka-ki7 chiu*7 soa* ki5-to2; i2-keng am3, chi2 u7 I ka-ki7 ti7 hia. 24). Hit si5 chun5 ti7 hai2-tiong, hoo7 eng2 io5-choah; in-ui7 si7 tui3-thau5 hong. 25). Mi5-si5 si3 ki*, Ia5-soo tui3 hai2-bin7 kia*5, chiu7-kun7 in. 26). Hak8-seng khoa*3-ki*3 I kia*5 ti7 hai2-bin7, chiu7 chhi*-kia*, kong2, Si7 koai3 mih8; in-ui7 kia* chiu7 au5-kio3. 27). Ia5-soo liam5-pi* kap in kong2 oe7, kong2, An lin2 e5 sim; si7 goa2; m7 bian2 kia*. 28). Pi2-tek in3 I kong2, Chu2 ah, ko2-jian5 si7 li2, chiu7 beng7-leng7 goa2 kia*5 chui2-bin7 chiu7-kun7 li2. 29). I kong2, Lai5. Pi2-tek chiu7 tui3 chun5-nih8 loh8-khi3, kia*5 chui2-bin7, beh chiu7-kun7 Ia5-soo. 30). Chong2-si7 khoa*3-ki*3 hong, chiu7 kia*; teh-beh tim5-loh8-khi3, chiu7 au5-kio3 kong2, Chu2 ah, kiu3 goa2. 31). Ia5-soo sui5-si5 chhun chhiu2 khan i, kong2, Sio2-sin3 e5 lang5, sia*2-su7 giau5-gi5? 32). In chiu*7 chun5, hong chiu7 tia*7. 33). Chun5-nih8 e5 lang5 pai3 I kong2, Li2 chin-chia*3 si7 Siong7-te3 e5 Kia*2.

34). I2-keng ke3-khi3, chiu7 kau3 Kek-ni5-sat-lek8 toe7. 35). Hit ui7 e5 lang5 bat I, chhe lang5 khi3 si3-hng, chhoa7 it-chhe3 u7 pi*7 e5 lai5 chiu7-kun7 I; 36). kiu5 I na7 sai2 hoo7 in bong I e5 sa*-a2-ku e5 chhiu; ki*3-na7 bong e5 lang5 chiau5-chng5 ho2.

[15] Hit si5 u7 Hoat-li7-sai3 lang5 kap keng-hak8-su7, tui3 Ia5-loo7-sat-leng2 lai5 chiu7-kun7 Ia5-soo. kong2, 2). Li2 e5 hak8-seng sia*2-su7 hoan7-tioh8 koo2-cha2 lang5 e5 liu5-thoan5? in-ui7 chiah8 e5 si5 in bo5 soe2 chhiu2. 3). I chiu7 in3 kong2, Sia*2-su7 lin2 iah8 tui3 lin2 e5 liu5-thoan5 lai5 hoan7-tioh8 Siong7-te3 e5 beng7-leng7 ah? 4). In-ui7 Siong7-te3 kong2, Tioh8 keng3 lin2 e5 pe7, lin2 e5 bu2; koh u7 kong2, Me7 pe7 a2-si7 me7 bu2 e5, tek-khak tioh8 hoo7 i si2. 5). Na7-si7 lin2 chiu7 kong2, Ki*3-na7 lang5 tui3 pe7 a2-si7 bu2 kong2, Li2 pun2 soo2 oe7 thang tui3 goa2 tit-tioh8 e5 li7-ek, i2-keng hian3-khi3; hit lang5 chiu7 koat-toan3 bo5 keng3 i e5 pe7. Lin2 chiu7 tui3 lin2 e5 liu5-thoan5 i2-keng hoe3 Siong7-te3 e5 to7-li2. 7). Ke2-ho2 e5 lang5 ah, I2-sai3-a chi2 lin2 lai5 chham3-gu2 e5 chin-chia*3 tioh8; i kong2,

8). Chit e5 peh-si*3 eng7 chhui3-tun5 chun-keng3 goa2;

Na7-si7 in e5 sim li7-khui goa2 hng7-hng7.

9). In keng3-pai3 goa2 si7 khang-khang,

In-ui7 in eng7 lang5 soo2 beng7-leng7 e5 choe3 ka3-si7 lai5 ka3-si7 lang5.

10). Chiu7 kio3 cheng3 lang5 lai5, ka7 in kong2, Lin2 tioh8 thia* lai5 hiau2-ngoo7. 11). M7 si7 tui3 chhui3 jip8-e5 oe7 hoo7 lang5 u3-oe3; chiu7-si7 tui3 chhui3 chhut-e5, chit-e5 oe7 hoo7 lang5 u3-oe3.

12). Hit si5 hak8-seng chiu7-kun7 lai5 ka7 I kong2, Hoat-li7-sai3 lang5 thia*-ki*3 chit e5 oe7, chin m7 goan7, li2 chai mah? 13). I in3 kong2, Ki*3-na7 chai-cheng3 e5 mih8 m7 si7 goa2 e5 Thi* Pe7 soo2 chai-cheng3 e5, beh puih8 i e5 kun. 14). Chhut-chai7 in; in si7 chhi*-mi5 teh chhoa7 loo7 e5. Na7-si7 chhi*-mi5 ka7 chhi*-mi5 e5 chhoa7 loo7, nng7 e5 teh-beh poah8-loh8 ham7-khi*. 15). Pi2-tek in3 I kong2, Chit e5 phi3-ju7, chhia*2 ka7 goan2 koe2-beng5. 16). I chiu7 kong2, Lin2 iah8 iau2-ku2 be7 hiau2-ngoo7 mah? 17). Kiam2 boe7 hiau2-tit, ki*3-na7 tui3 chhui3 jip8 e5, loh8 ti7 pak-too2, lai5 pang3 ti7 chhe3-ti5 ah? 18). Na7-si7 tui3 chhui3 chhut e5; si7 tui3 sim-lai7 hoat-chhut; chiah-e5 hoo7 lang5 u3-oe3. 19). In-ui7 tui3 sim hoat-chhut phai*2 liam7-thau5, heng5-hiong, kan-im5, su7-thong, thau-theh8, lam7-sam2 kan-cheng3, pong3-tok8; 20). chiah-e5 si7 hoo7 lang5 u3-oe3; na7-si7 bo5 soe2 chhiu2 lai5 chiah8, boe7 hoo7 lang5 u3-oe3.

21). Ia5-soo tui3 hia chhut-khi3 the3-khi3 kau3 Chhui-lo5 Se-tun3 e5 keng2-kai3. 22). Tu2-tng7 u7 Ka-lam5 e5 hu7-jin5-lang5 chhut in e5 kau-kai3, au5-kio3 kong2, Chu2 ah, Tai7-pit8 e5 hoo7-e3, lin5-bin2 goa2; goa2 e5 cha-boo2-kia*2 hoan7-tioh8 kui2, chin kan-khoo2. 23). Ia5-soo bo5 in3 i chit8 ku3. I e5 hak8-seng lai5, kiu5 I kong2, Tioh8 kah i khi3, in-ui7 i ti7 lan2 e5 au7-bin7 teh au5-kio3. 24). I chiu7 in3 kong2, Goa2 hong7 chhe, bo5 m7 si7 chiu7-kun7 I2-sek-liat8 ke sit-loh8 e5 iu*5 na7-tia*7. 25). Hu7-jin5-lang5 lai5 pai3 I kong2, Chu2 ah, pang-chan7 goa2. 26). Na7-si7 I kong2, Theh8 kia*2-ji5 e5 pia*2, hiat hoo7 kau2-a2, si7 m7 hap8. 27). Hu7-jin5-lang5 kong2, Chu2 ah, tioh8; in-ui7 lian5 kau2-a2 iah8 oe7 tit chiah8 in e5 chu2-lang5 toh-kha ka-lauh8 e5 pia*2-iu3. 28). Tui3 an2-ni Ia5-soo in3 kong2, Hu7-jin5-lang5 ah, li2 e5 sin3 toa7 lah; chiau3 li2 soo2 ai3 e5, ka7 li2 choe3 chia*5. Tui3 hit si5 i e5 cha-boo2-kia*2 i2-keng ho2.

29). Ia5-soo li7-khui hia, kau3 Ka-li7-li7 hai2-pi*; chiu*7 soa* teh che7. 30). U7 choe7-choe7 tin7 e5 lang5 chiu7-kun7 I, soa3 toa3 pai2-kha e5, chhi*-mi5 e5, e2-kau2 e5, phoa3-siu*3 e5, kap choe7-choe7 pat8 khoan2 e5 lai5, he7 ti7 I e5 kha-cheng5; chiu7 i-ho2 in. 31). Ti3-kau3 cheng3 lang5 gong5-ngiah8; in-ui7 khoa*3-ki*3 e2-kau2 e5 kong2 oe7, phoa3-siu*7 e5 long2 ho2, pai2-kha e5 kia*5, chhi*-mi5 e5 khoa*3-ki*3; chiu7 kui eng5-kng I2-sek-liat8 e5 Siong7-te3.

32). Ia5-soo kio3 I e5 hak8-seng lai5, kong2, Goa2 lin5-bin2 chiah e5 lang5, in-ui7 in i2-keng kap goa2 toa3 sa* jit8; iah8 bo5 mih8 thang chiah8; goa2 m7 kam hoo7 in iau-iau khi3, kia*-liau2 in loo7-nih8 ia3-sian7. 33). Hak8-seng ka7 I kong2, Goan2 ti7 khong3-ia2, tui3 ta2-loh8 u7 hiah choe7 pia*2 thang hoo7 chiah choe7 lang5 chiah8 pa2? 34). Ia5-soo ka7 in kong2, Lin2 u7 joa7 choe7 pia*2? in3 kong2, Chhit e5, kap tam7-poh8 soe3 be2 hi5. 35). Chiu7 hoan-hu3 cheng3 lang5 che7 ti7 toe7-nih8; 36). Theh8 hi2 chhit e5 pia*2 kap hi5, chiok-sia7 peh, kau hoo7 hak8-seng, hak8-seng chiu7 hoo7 cheng3 lang5. 37). Long2 chiah8 kau3 pa2; khioh soo2 chhun e5 sut-a2, toe2-moa2 chhit na5. 38). Chiah8 e5, hu7-jin5-lang5 gin2-na2 i2-goa7, kiong7 si3-chheng lang5. 39). Ki3-jian5 hoo7 cheng3 lang5 si3-soa*3, chiu7 chiu*7 chun5, kau3 Ma2-ka-tan3 e5 kau-kai3.

[16] Hoat-li7-sai3 kap Sat-thoo2-kai lang5 lai5 chhi3 Ia5-soo, Chhia*2 I eng7 tui3 thi* e5 sin5-jiah hoo7 in khoa*3. 2). Na7-si7 I in3 kong2, E5-hng si5 lin2 kong2, Oe7 ho2 thi* lah, in-ui7 thi*-sek ang5. 3). Iah8 cha2-khi2 si5 lin2 kong2, Kin-a2-jit8 u7 hong-hoo7, in-ui7 thi*-sek oo-au2. Lin2 oe7 hiau2 hun-piat thi*-sek, tok8-tok8 boe7 hun-piat chiah e5 si5 e5 sin5-jiah. 4). Ok-tok8 kan-im5 e5 se3-tai7 kiu5 sin5-jiah; tok8-tok8 Iok-na2 e5 sin5-jiah i2-goa7, bo5 beh sin5-jiah hoo7 i. Chiu7 li7-piat8 in khi3.

5). Hak8-seng ke3-khi3 hit peng5, boe7 ki3-tit toa3 pia*2. 6). Ia5-soo ka7 in kong2, Tioh8 kin2-sin7 ti5-hong5 Hoat-li7-sai3 kap Sat-thoo2-kai lang5 e5 ka*3. 7). Hak8-seng sa*-kap gi7-lun7 kong2, Si7 lan2 bo5 toa3 pia*2 ooh. 8). Ia5-soo chai, chiu7 kong2, Sio2-sin3 e5 lang5 ah, sia*2-su7 in-ui7 bo5 pia*2 sa*-kap gi7-lun7 ah? 9). Lin2 iau2-ku2 boe7 hiau2-tit, iah8 boe7 ki3-tit goo7-chheng lang5 chiah8 goo7 e5 pia*2, lin2 khioh kui2 kheng ah? 10). Iah8 si3-chheng lang5 chiah8 chhit e5 pia*2, lin2 khioh kui2 na5 ah? 11). Lin2 chai*2-iu*7 boe7 hiau2-tit goa2 soo2 ka7 lin2 kong2 e5, m7 si7 chi2 pia*2, tok8-tok8 tioh8 ti5-hong5 Hoat-li7-sai3 kap Sat-thoo2-kai lang5 e5 ka*3. 12). In chiah oe7 hiau2-tit I soo2 kong2 e5 m7 si7 ti5-hong5 pia*2 e5 ka*3, chiu7-si7 Hoat-li7-sai3 kap Sat-thoo2-kai lang5 e5 kau3.

13). Ia5-soo i2-keng kau3 Kai-sat-li7-a Hui-lip8-pi2 e5 keng2-kai3, mng7 I e5 hak8-seng kong2, Lang5 teh kong2 Jin5-chu2 si7 chi7-chui7? 14). In kong2, U7-e5 kong2 si7 kia*5 soe2-le2 e5 Iok-han7; u7-e5 kong2 si7 I2-li7-a; koh u7-e5 kong2 si7 Ia5-li7-bi2, a2-si7 sian-ti lang5 e5 chit8-e5. 15). I chiu7 ka7 in kong2, Na7-si7 lin2 kong2 goa2 si7 chi7-chui7? 16). Se-bun5 Pi2-tek in3 kong2, Li2 si7 Ki-tok, chin-oah8 Siong7-te3 e5 Kia*2. 17). Ia5-soo in3 i kong2, Se-bun5, Pa-Iok-na2, li2 u7 hok-khi3 ah; in-ui7 hiat-khi3 jiok8-the2 e5 bo5 chi2-si7 li2, chiu7-si7 goa2 ti7 thi*-nih8 e5 Pe7 chi2-si7 li2. 18). Goa2 koh ka7 li2 kong2, Li2 chiu7-si7 Pi2-tek, ti7 chit e5 chioh8-poa*5 teng2 goa2 beh khi2-cho7 goa2 e5 kau3-hoe7, im-hu2 e5 koan-ai3 ia7 boe7 ia*5 i. 19). Goa2 beh eng7 thian-kok e5 so2-si5 hoo7 li2; ki*3-na7 li2 ti7 toe7-nih8 pak8 e5, ti7 thi*-nih8 iah8 beh pak8 i; ki*3-na7 li2 ti7 toe7-nih8 pang3 e5, ti7 thi*-nih8 iah8 beh pang3 i. 20). Hit si5 chiu7 kim3-kai3 hak8-seng, boh8-tit ka7 lang5 kong2 I si7 Ki-tok.

21). Tui3 hit tiap8 khi2, Ia5-soo chiah chi2-si7 I e5 hak8-seng chai I tioh8 khi3 Ia5-loo7-sat-leng2, tui3 chiah e5 tiu*2-lo2, che3-si-thau5, keng-hak8-su7 siu7-tioh8 choe7-choe7 khoo2-chhoo2; koh siu7 hai7-si2, te7 sa* jit8 koh-oah8. 22). Pi2-tek khan I, chek-pi7 I kong2, Chu2 ah, chheng-ban7 m7 thang, chit e5 koat-toan3 bo5 beh kau3 ti7 li2. 23). Ia5-soo oat8-tng2-sin, ka7 Pi2-tek kong2, Sat-tan3, the3-khi3 goa2 e5 au7-bin7; li2 si7 goa2 e5 that-gai7; in-ui7 li2 soo2 siu*7 m7 si7 Siong7-te3 e5 su7, si7 lang5 e5 su7. 24). Hit si5 Ia5-soo ka7 I e5 hak8-seng kong2, Lang5 na7 ai3 te3 goa2 tioh8 khoa*3-bo5 ka-ki7, gia5 i e5 sip8-ji7-ke3, lai5 te3 goa2. 25). In-ui7 ki*3-na7 ai3 kiu3 i e5 si*3-mia7 e5, beh sit-loh8 i; ki*3-na7 ui7-tioh8 goa2 lai5 sit-loh8 i e5 si*3-mia7 e5, beh tit-tioh8 i. 26). Lang5 na7 tit-tioh8 choan5 se3-kai3, lai5 song3-sit i e5 si*3-mia7, u7 sim2-mih8 li7-ek? a2-si7 lang5 beh chhut sim2-mih8 lai5 tui3-oa*7 i e5 si*3-mia7. 27). In-ui7 Jin5-chu2 eng7 I e5 Pe7 e5 eng5-kng, kap I e5 thi*-sai3 beh lai5, hit si5 beh chiau3 tak8 lang5 e5 soo2 kia*5 lai5 po3-eng3. 28). Goa2 sit8-chai7 ka7 lin2 kong2, Khia7 ti7 chia e5, u7 lang5 iau2-be7 si2, oe7 khoa*3-ki*3 Jin5-chu2 ti7 I e5 kok lai5.

[17] Ke3 lak8 jit8, Ia5-soo leng7-goa7 toa3 Pi2-tek, Nga2-kok, kap Nga2-kok e5 hia*-ti7 Iok-han7, chhoa7 in peh-chiu*7 koai*5 soa*; 2). tng in e5 bin7-cheng5 heng5-chong7 pian3-oa*7, I e5 bin7 kng ia*3-ia*3, chhin-chhiu*7 jit8, I e5 sa* peh8, chhin-chhiu*7 kng. 3). Hut-jian5 u7 Moo5-se I2-li7-a tui3 in hian2-hian7, kap I kong2 oe7. 4). Pi2-tek in3 Ia5-soo kong2, Chu2 ah, lan2 ti7 chia chin ho2; li2 na7 ai3, goa2 beh ti7 chia tah sa* keng liau5-a2; chit8 keng hoo7 li2, chit8 keng hoo7 Moo5-se, chit8 keng hoo7 I2-li7-a. 5). I iau2 teh kong2 oe7 e5 si5, hut-jian5 u7 kng-kng e5 hun5 ta3 in, koh u7 sia* tui3 hun5-nih8 chhut, kong2, Chit-e5 si7 goa2 thia*3 e5 Kia*2, goa2 soo2 hoa*-hi2 e5; lin2 tioh8 thia* I. 6). Hak8-seng thia*-ki*3, chiu7 phak-loh8-khi3, chin7-chai7 kia*. 7). Ia5-soo chin3-cheng5 bong in, kong2, Khi2-lai5, boh8-tit kia*. 8). In kiah8 bak8, bo5 khoa*3-ki*3 chit8 lang5, chi2-u7 Ia5-soo na7-tia*7.

9).Loh8 soa* e5 si5 Ia5-soo beng7-leng7 in, kong2, Jin5-chu2 iau2-be7 tui3 si2-lang5 tiong koh-oah8, boh8-tit eng7 soo2 khoa*3-ki*3 e5 ka7 lang5 kong2. 10). I e5 hak8-seng mng7 I kong2, An2-ni chiu7 keng-hak8-su7 kong2 I2-li7-a tioh8 seng lai5, si7 chai*2-iu*7? 11). I in3 kong2, I2-li7-a ko2-jian5 lai5, beh heng-khi2 ban7-hang7 su7; 12). na7-si7 goa2 ka7 lin2 kong2, I2-li7-a i2-keng lai5, ia7 in m7 bat i; chiau3 in soo2 ai3 lai5 khoan2-thai7 i; chhin-chhiu*7 an2-ni Jin5-chu2 iah8 beh siu7 in e5 ham7-hai7. 13). Hak8-seng chiah oe7 hiau2-tit I soo2 ka7 in kong2 e5, si7 chi2 kia*5 soe2-le2 Iok-han7.

14). I2-keng kau3 cheng3 lang5 hia, u7 chit8 lang5 chiu7-kun7 I, kui7 I kong2, 15). Chu2 ah, lin5-bin2 goa2 e5 kia*2, in-ui7 i iu*5-hin5 chin kan-khoo2; tauh8-tauh8 poah8-loh8 he2, tauh8-tauh8 poah8-loh8 chui2. 16). Goa2 chhoa7 i chiu7-kun7 li2 e5 hak8-seng, in boe7-oe7 i-ho2 i. 17). Ia5-soo in3 kong2, Hai*3 ah! m7 sin3 koh poe7-gek8 e5 se3-tai7 ah, goa2 beh kap lin2 toa3 joa7 ku2? goa2 beh thun-lun2 lin2 joa7 ku2? toa3 i lai5 chia chiu7-kun7 goa2. 18). Ia5-soo chek-pi7 kui2; kui2 chiu7 tui3 i chhut; tui3 hit chit8 si5 gin2-na2 chiu7 ho2. 19). Hit si5 hak8-seng am3-chi*7 chiu7-kun7 Ia5-soo kong2, Goan2 chai*2-iu*7 boe7 koa*2 i? 20). I ka7 in kong2, Si7 ui7-tioh8 lin2 e5 sio2 sin3; goa2 sit8-chai7 ka7 lin2 kong2, Lin2 na7 u7 sin3 chhin-chhiu*7 chit8 liap8 koa3-chhai3 chi2, lin2 chiu7 beh ka7 chit e5 soa* kong2, Tui3 chia soa2 khi3 hia, iah8 beh soa2 khi3; koh lin2 teh-beh bo5 chit8 hang7 boe7.

22). In iau2 toa3 Ka-li7-li7 e5 si5, Ia5-soo ka7 hak8-seng kong2, Jin5-chu2 beh siu7 sang3-kau ti7 lang5 e5 chhiu2. 23). In beh thai5 I, te7 sa* jit8 koh-oah8. Hak8-seng chin iu-bun7.

24). In kau3 Ka-pek-long5, u7 siu teng-se3 e5 chiu7-kun7 Pi2-tek, kong2, Lin2 sian-si* kiam2 bo5 lap8 teng-se3 mah? i kong2, U7. 25). I2-keng jip8 chhu3, Ia5-soo tai7-seng ka7 i kong2, Se-bun5 ah, li2 phah-sng3 chai*2-iu*7? Se3-chiu*7 chiah e5 ong5, tui3 chi7-chui7 siu hiong3 kap thiu teng-se3? si7 tui3 ka-ki7 e5 kia*2-ji5, a2-si7 tui3 goa7-bin7 lang5 ah? 26). I chit8-e7 kong2, Tui3 goa7-bin7 lang5. Ia5-soo chiu7 ka7 i kong2, Na7-si7 an2-ni, chiu7 kia*2-ji5 thang m7 bian2. Chong2-si7 bian2-ti3 that-gai7 in, li2 khi3 hai2-nih8 pang3 tio3, liah8 tai7-seng chiu*7-tio3 e5 hi5, khui i e5 chhui3, beh tit-tioh8 gun5 chit8 e5; theh8-lai5, ui7-tioh8 goa2 kap li2 lap8 hoo7 in.

[18] Tng hit si5, hak8-seng chiu7-kun7 Ia5-soo kong2, Ti7 thian-kok sim2-mih8 lang5 choe3 toa7? 2). Ia5-soo chiu7 kio3 chit8 e5 soe3-han3 gin2-na2, hoo7 i khia7 ti7 in tiong-kan; 3). kong2, Goa2 sit8-chai7 ka7 lin2 kong2, Lin2 na7 bo5 oat8-tng2 lai5 chia*5-choe3 chhin-chhiu*7 soe3-han3 gin2-na2 e5, koat-toan3 boe7 jip8 thian-kok. 4). Soo2-i2 ki*3-na7 ka-ki7 khiam-pi chhin-chhiu*7 chit e5 soe3-han3 gin2-na2 e5, i ti7 thian-kok chiu7-si7 choe3 toa7. 5). Ki*3-na7 ti7 goa2 e5 mia5 chiap-lap8 chit ho7 soe3-han3 gin2-na2 e5 chit8 e5, chiu7-si7 chiap-lap8 goa2. 6). Ki*3-na7 hoo7 chiah e5 sin3 goa2 e5 bi5-soe3 e5 chit8 e5 siu7 that-gai7, hit lang5 leng5-khoo2 u7 toa7 chioh8-bo7 tiau3 i e5 am7-kun2, thiam7 ti7 chhim hai2. 7). Chit se3-kan u7 chai-e7 ah, tui3 u7 that-gai7 lang5 e5 su7; in-ui7 that-gai7 e5 su7, boe7 bian2-tit u7; chong2-si7 that-gai7 e5 su7 tui3 chi7-chui7 lai5, hit lang5 u7 chai-e7. 8). Siat-su2 li2 chit8 chhiu2 chit8 kha that-gai7 li2, chiu7 tioh8 cham7 hiat-kak8; li2 phoa3-siu*3 a2-si7 pai2-kha jip8 ti7 oah8 si7 ho2, khah-tit nng7 chhiu2 nng7 kha hiat-loh8 eng2-oan2 e5 he2. 9). Siat-su2 li2 chit8 bak8 that-gai7 li2, chiu7 tioh8 iah hiat-kak8; li2 chit8 bak8 jip8 ti7 oah8 si7 ho2, khah-tit nng7 bak8 hiat-loh8 te7-gek8 e5 he2. 10). Lin2 tioh8 kin2-sin7, boh8-tit khoa*3-khin chiah e5 bi5-soe3 tiong e5 chit8-e5; in-ui7 goa2 ka7 lin2 kong2, In e5 thi*-sai3 ti7 thi*-nih8, siong5-siong5 ki*3 goa2 ti7 thi*-nih8 e5 Pe7 e5 bin7. 12). Lin2 phah-sng3 chai*2-iu*7? Lang5 na7 u7 chit8 pah chiah iu*5, lai5 phah-m7-ki*3 chit8 chiah, kiam2 bo5 chhia*2 pang3-he7 hi2 kau2-chap8-kau2 chiah, khi3 soa*-nih8 chhe7 hit chiah phah-m7-ki*3 e5 mah? 13). Na7 ko2-jian5 chhe7-tioh8, goa2 sit8-chai7 ka7 lin2 kong2, i ui7-tioh8 hit chiah hoa*-hi2, ia*5-ke3 kau2-chap8-kau2 chiah bo5 phah-m7-ki*3 e5. 14). An2-ni chiah e5 bi5-soe3 tiong e5 chit8-e5 tim5-lun5, ia7 m7 si7 lin2 ti7 thi*-nih8 e5 Pe7 e5 chi2-i3.

15). Siat-su2 li2 e5 hia*-ti7 tek-choe7 li2 , chiu7 tioh8 khi3, kan-ta li2 kap i ti7-teh e5 si5, chi2-beng5 i e5 m7 tioh8; i na7 thia* li2, chiu7 tit-tioh8 li2 e5 hia*-ti7. 16). I na7 m7 thia*, chiu7 tioh8 chhoa7 chit8 nng7 lang5 sa*-kap khi3, eng7 nng7 sa* lang5 e5 chhui3 choe3 kan-cheng3, tak8 ku3 oe7 thang choe3 pin5-chun2. 17). Na7 m7 kheng2 thia* in, chiu7 ka7 kau3-hoe7 kong2; na7 koh m7 kheng2 thia* kau3-hoe7, chiu7 tioh8 khoa*3 i chhin-chhiu*7 goa7-pang lang5, kap thiu-hiong3 e5 chit8 iu*7. 18). Goa2 sit8-chai7 ka7 lin2 kong2, Hoan7-na7 lin2 ti7 toe7-nih8 pak8 e5, ti7 thi*-nih8 ia7 beh pak8 in; hoan7-na7 lin2 ti7 toe7-nih8 thau2 e5, ti7 thi*-nih8 ia7 beh thau2 in. 19). Goa2 koh ka7 lin2 kong2, siat-su2 lin2 tiong-kan nng7 lang5 ti7 toe7-nih8 bo5 lun7 kiu5 sim2-mih8, na7 si7 tang5-sim, chiu7 goa2 ti7 thi*-nih8 e5 Pe7 beh ka7 in choe3 chia*5. 20). In-ui7 put-lun7 sim2-mih8 soo2-chai7 u7 nng7 sa* lang5 ti7 goa2 e5 mia5 chu7-chip8, goa2 ia7 ti7 in tiong-kan.

21). Hit si5 Pi2-tek oa2-lai5 ka7 I kong2, Chu2 ah, goa2 e5 hia*-ti7 tek-choe7 goa2, goa2 sia3-bian2 i tioh8 kui2 pai2? Tioh8 chhit pai2 mah? 22). Ia5-soo ka7 i kong2, Goa2 bo5 ka7 li2 kong2 tioh8 kau3 chhit pai2, chiu7-si7 kau3 chhit-chap8 e5 chhit pai2. 23). soo2-i2 thian-kok pi2-pheng7 jin5-kun ai3 beh kap i e5 loo5-pok8 sng3-siau3. 24). Khi2-thau5 sng3 e5 si5, u7 chhoa7 chit8-e5 khiam3 i chheng-ban7 gun5 e5 lai5. 25). Ki3-jian5 bo5 thang heng5, i e5 chu2-lang5 beng7-leng7 tioh8 boe7 i pun2-sin, kap i e5 boo2-kia*2, lian5 i it-chhe3 soo2 u7 e5, lai5 heng5. 26). Hit e5 loo5-pok8 chiu7 phak-teh, pai3 i, kong2, Chu2 ah, tioh8 khoan-iong5 goa2, goa2 beh long2-chong2 heng5. 27). Loo5-pok8 e5 chu2-lang5 chiu7 lin5-bin2 lai5 pang3 i, koh sia3-bian2 i e5 che3. 28). Hit e5 loo5-pok8 chhut-khi3, tu2-tioh8 i chit8-e5 tang5 choe3 loo5-pok8 e5, khiam3 i chit8 pah e5 gun5-a2, chiu7 liah8 i, chhe i e5 am7-kun2, kong2, Li2 soo2 khiam3 e5 tioh8 heng5. 29). Tang5 choe3 loo5-pok8 e5 phak-teh, kiu5 i kong2, Tioh8 khoan-iong5 goa2, goa2 beh heng5 li7. 30). Na7-si7 i m7 kheng2 chiu7 khi3 ka7 i koai*-loh8 ka*, lai5 theng3-hau7 i heng5 soo2 khiam3 e5. 31). Chiah-e5 tang5 choe3 loo5-pok8 e5 khoa*3-ki*3 chit e5 tai7-chi3, chin iu-bun7, chiong long2-chong2 e5 su7 tui3 chu2-lang5 kong2 beng5. 32). Tui3 an2-ni i e5 chu2-lang5 tiau3 i lai5, ka7 i kong2, Phai*2 e5 loo5-pok8 ah, in-ui7 li2 tui3 goa2 kiu5, goa2 chiu7 chiong li2 soo2 khiam3 e5 long2 sia3-bian2. 33). Li2 kiam2 m7 tioh8 lin5-bin2 li2 tang5 choe3 loo5-pok8 e5, chhin-chhiu*7 goa2 lin5-bin2 li2? 34). I e5 chu2-lang5 siu7-khi3, chiong i kau-tai7 heng5-tiong7, theng3-hau7 i it-chin7 heng5 soo2 khiam3 e5. 35). An2-ni lin2 tak8 lang5 bo5 eng7 sim sia3-bian2 lin2 e5 hia*-ti7, chiu7 goa2 e5 Thi* Pe7 ia7 beh an2-ni khoan2-thai7 lin2.

[19] Ia5-soo kong2 chiah e5 oe7 soah, chiu7 li7-khui Ka-li7-li7, kau3 Iu5-thai3 e5 keng2-lai7, Iok-tan3 ho5 goa7; 2). u7 kui toa7 tin7 e5 lang5 te3 I, chiu7 ti7 hia i-ho2 in.

3). U7 Hoat-li7-sai3 lang5 lai5 chhi3 I, kong2, Lang5 put-lun7 sim2-mih8 ian5-koo3 thang li5 i e5 boo2 mah? 4). Chiu7 in3 kong2, Lin2 kiam2 bo5 thak8-tioh8 chhong3-cho7 e5 Chu2 goan5 khi2-thau5 chhong3-cho7 in u7 lam5 u7 lu2? 5). soa3 kong2, In-ui7 an2-ni lang5 beh li7-khui pe7-bu2, kiat-lian5 i e5 boo2, nng7-e5 beh chia*5-choe3 chit8 the2; chhin-chhiu*7 an2-ni bo5 koh choe3 nng7-e5, si7 choe3 chit8 the2. Soo2-i2 Siong7-te3 soo2 phoe3-hap8 e5, lang5 m7 thang pun-khui i. 7). In ka7 I kong2, Na7-si7 an2-ni, Moo5-se chai*2-iu*7 hoan-hu3 eng7 li5-chu hoo7 i, lai5 li5 i ah? 8). I ka7 in kong2, Moo5-se in-ui7 lin2 e5 sim ngi7, chun2 lin2 li5 boo2; na7-si7 tui3 khi2-thau5 m7 si7 an2-ni. 9). Koh goa2 ka7 lin2 kong2, Ki*3-na7 lang5, m7 si7 ui7-tioh8 kan-im5 e5 ian5-koo3, li5 i e5 boo2 lai5 chhoa7 pat8-e5, chiu7-si7 kia*5 im5; chhoa7 lang5 soo2 li5-chhut e5 ia7 si7 kia*5 im5. 10). Hak8-seng ka7 I kong2, Lang5 kap i e5 boo2 e5 su7 ki3-jian5 si7 an2-ni, leng5-khoo2 bo5 chhoa7. 11). I chiu7 ka7 in kong2, Chit ho7 oe7 m7 si7 cheng3 lang5 soo2 oe7 seng5-siu7 e5; chi2 u7 tit-tioh8 siu*2-su3 e5 chiah oe7. 12). In-ui7 u7 iam e5, tui3 bu2-thai chhut-si3 chiu7 an2-ni; ia7 u7 hoo7 lang5 iam e5; ia7 u7 ui7-tioh8 thian-kok ka-ki7 iam e5. Oe7 seng5-siu7 e5 tioh8 seng5-siu7 i.

13). Hit si5 u7 lang5 chhoa7 soe3-kia*2 chiu7-kun7 I, ai3 I eng7 chhiu2 hoa*7 in, lai5 ki5-to2; hak8-seng chek-pi7 in. 14). Na7-si7 Ia5-soo kong2, Iong5-un2 soe3-kia*2 chiu7-kun7 goa2, boh8-tit kim3 i; in-ui7 thian-kok si7 siok8 ti7 chit ho7 e5. 15). Chiu7 eng7 chhiu2 hoa*7 in; li7-khui hia khi3.

16). Tu2-tng7 u7 chit8 lang5 chiu7-kun7 I, kong2, Sian-si*, goa2 tioh8 kia*5 sim2-mih8 ho2 thang tit-tioh8 eng2-oah8? 17). I ka7 i kong2, Li2 chai*2-iu*7 the5-khi2 ho2, lai5 mng7 goa2? Ho2-e5 si7 chit8-e5. Chong2-si7 li2 na7 ai3 jip8 ti7 oah8, tioh8 siu2 chiah e5 kai3-beng7. 18). I ka7 I kong2, Si7 sim2-mih8 e5? Ia5-soo kong2, Boh8-tit thai5-si2 lang5, Boh8-tit kia*5 im5, Boh8-tit thau-theh8, Boh8-tit lam7-sam2 choe3 kan-cheng3, 19). Keng3 li2 e5 pe7-bu2, Tioh8 thia*3 li2 e5 chhu3-pi* chhin-chhiu*7 ka-ki7. 20). Siau3-lian5 lang5 ka7 I kong2, Chiah-e5 goa2 long2 u7 siu2 i; iau2-ku2 khiam3 sim2-mih8? 21). Ia5-soo ka7 i kong2, Li2 na7 ai3 choe3 oan5-choan5, tioh8 khi3 boe7 li2 soo2 u7 e5 lai5 hoo7 song3-hiong lang5, chiu7 u7 chai5-po2 ti7 thi*-nih8; koh lai5 te3 goa2. 22). Siau3-lian5 lang5 thia*-ki*3 che oe7, iu-bun7 chiu7 khi3; in-ui7 i san2-giap8 chin choe7.

23). Ia5-soo chiu7 ka7 I e5 hak8-seng kong2, Goa2 sit8-chai7 ka7 lin2 kong2, Pu3 lang5 jip8 thian-kok oh--ah! 24). Goa2 koh ka7 lin2 kong2, Lok8-to5 chhng-ke3 chiam-phi*7, pi2 pu3 lang5 jip8 Siong7-te3 e5 kok, khah khoai3. 25). Hak8-seng thia*-ki*3 toa7 gong5-ngiah8, kong2, Na7-si7 an2-ni, chiu7 chi7-chui7 oe7 tit-tioh8 kiu3 ah? 26). Ia5-soo khoa*3 in kong2, Chai7-ti7 lang5 si7 boe7-oe7, chai7-ti7 Siong7-te3, ban7 su7 long2 oe7. 27). Hit si5 Pi2-tek in3 I kong2, Goan2 bat pang3-sak it-chhe3 lai5 te3 li2, goan2 beh tit-tioh8 sim2-mih8 ah? 28). Ia5-soo ka7 in kong2, Goa2 sit8-chai7 ka7 lin2 kong2, lin2 chiah-e5 te3 goa2, kau3 koh heng-khi2 e5 si5, Jin5-chu2 che7 I eng5-kng e5 cho7-ui7, lin2 ia7 beh che7 chap8-ji7 e5 cho7-ui7, lai5 sim2-phoa*3 I2-sek-liat8 chap8-ji7 e5 chi-phai3. 29). Ki*3-na7 ui7-tioh8 goa2 e5 mia5 pang3-sak chhu3-theh8, a2-si7 hia*-ti7, chi2-be7, lau7-pe7, lau7-bu2, kia*2-ji5, a2-si7 chhan5-hng5, beh tit-tioh8 pah-pe7, lai5 seng5-chiap eng2-oah8. 30). Chong2-si7 tai7-seng e5 choe7-choe7 beh choe3 loo7-be2; loo7-be2 e5 beh choe3 tai7-seng.

[20] In-ui7 thian-kok chhin-chhiu*7 ke-chu2 thau3-cha2 chhut-khi3 chhia*3 kang jip8 i e5 phu5-to5-hng5; 2). kap choe3-kang e5 lang5 iok chit8 jit8 chit8 chi*5 gun5; chiu7 chhe in jip8 i e5 hng5. 3). Kau2 tiam2 e5 si5 chhut-khi3, koh khoa*3-ki*3 u7 eng5-eng5 khia7 ti7 koe-chhi7-nih8 e5, chiu7 ka7 in kong2, Lin2 iah8 khi3 phu5-to5-hng5, goa2 beh chiau3 kong-to7 hoo7 lin2; in chiu7 khi3. 5). Chap8-ji7 tiam2 kap sa* tiam2 e5 si5 koh chhut-khi3, ia7 an2-ni choe3. 6). Goo7 tiam2 e5 si5 chhut-khi3, koh tu2-tioh8 u7 lang5 khia7-teh, chiu7 ka7 in kong2, Lin2 sia*2-su7 thong jit8 eng5-eng5 khia7 ti7 chia ah? 7). In ka7 i kong2, In-ui7 bo5 lang5 chhia*3 goan2. I ka7 in kong2, Lin2 ia7 khi3 phu5-to5-hng5. 8). Kau3 jit8 am3, hng5-chu2 ka7 i e5 koan2-ke kong2, Kio3 choe3-kang e5, hoo7 in kang-chi*5, tui3 loo7-be2 lai5 e5 khi2, kau3 tai7-seng lai5 e5 ui5-chi2. 9). Hiah-e5 goo7 tiam2 cheng soo2 chhia*3 e5 kau3, tak8-e5 nia2 chit8 chi*5 gun5. 10). Tai7-seng chhia*3 e5 kau3, in phah-sng3 beh nia2 khah choe7; m7 ku2 in ia7 tak8-e5 nia2 chit8 chi*5 gun5. 11). Nia2 liau2, chiu7 tui3 ke-chu2 ngauh8-ngauh8-liam7 kong2, Goan2 thong jit8 thoa-boa5 siu7 joah8; hiah-e5 loo7-be2 chhia*3 e5, choe3 kang chit8 tiam2-cheng ku2, keng3-jian5 hoo7 in kap goan2 pi*5. 13). I chiu7 tui3 in chit8 lang5 in3 kong2, Peng5-iu2 ah, goa2 m7 si7 bo5 kong-to7 khoan2-thai7 li2; li2 kiam2 m7 si7 kap goa2 iok chit8 chi*5 gun5 mah? 14). Li2-e5 li2 theh8, choe3 li2 khi3. Goa2 beh hoo7 chit-e5 loo7-be2 e5 kap li2 pi*5. 15). Eng7 goa2 e5 mih8, kia*5 goa2 soo2 ai3, kiam2 boe7 choe3-tit? A2-si7 in-ui7 goa2 choe3 ho2, li2 teh bak8-chhiah mah? 16). Chhin-chhiu*7 an2-ni, loo7-be2 e5 beh choe3 tai7-seng, tai7-seng e5 beh choe3 loo7-be2.

17). Ia5-soo chiu*7 Ia5-loo7-sat-leng2 e5 si5 ti7 loo7-nih8 chhoa7 chap8-ji7 e5 hak8-seng kau3 pi*-a2, ka7 in kong2, 18). Ta* lan2 chiu*7 Ia5-loo7-sat-leng2; Jin5-chu2 beh siu7 ke3-sang3 hoo7 chiah e5 che3-si-thau5 kap keng-hak8-su7, in beh gi2 I si2-choe3; ia7 beh ke3-sang3 I hoo7 goa7-pang lang5, ti3-kau3 hi3-lang7 I, pi* phah I, teng3 I ti7 sip8-ji7-ke3; te7 sa* jit8 I beh koh-oah8.

20). Hit si5 Se-pi2-thai3 e5 kia*2 e5 lau7-bu2 kap i e5 kia*2 chiu7-kun7 lai5 pai3 I, kiu5 chit8 hang7 su7. 21). I ka7 i kong2, Li2 ai3 sim2-mih8? In3 kong2, Goan7 li2 chhut beng7-leng7, hoo7 goa2 chit nng7 e5 kia*2 ti7 li2 e5 kok, chit8-e5 che7 li2 e5 chia*3-peng5, chit8-e5 che7 li2 e5 to3-peng5. 22). Ia5-soo in3 kong2, Lin2 soo2 kiu5 e5, lin2 m7 chai. Goa2 soo2 beh lim e5 poe, lin2 oe7 lim mah? In3 kong2, Oe7. 23). I ka7 in kong2, Goa2 e5 poe lin2 ko2-jian5 beh lim; chong2-si7 che7 goa2 e5 chia*3-peng5 to3-peng5, m7 si7 goa2 oe7 thang hoo7 lang5, tok8-tok8 si7 goa2 e5 Pe7 ui7-tioh8 sim2-mih8 lang5 pi7-pan7 e5, chiu7 hoo7 in. 24). Chap8 e5 hak8-seng thia*-ki*3, chiu7 siu7-khi3 hit nng7 e5 hia*-ti7. 25). Ia5-soo kio3 in lai5 kong2, Lin2 chai goa7-pang e5 jin5-kun choe3 chu2 lai5 ti7-li2 in, in e5 tai7-jin5 koan2-hat in; 26). tok8-tok8 lin2 tiong-kan m7 si7 an2-ni; lin2 tiong-kan ai3 choe3 toa7 e5, beh choe3 lin2 e5 chhe-eng7; 27). ai3 choe3 thau5 e5, beh choe3 lin2 e5 loo5-pok8. 28). Chhin-chhiu*7 Jin5-chu2 lai5, m7 si7 beh chhe-eng7 lang5, si7 beh hoo7 lang5 chhe-eng7; koh hian3 I e5 si*3-mia7, lai5 siok8-hoe5 choe7-choe7 lang5.

29). In chhut Ia5-li7-ko e5 si5, kui toa7 tin7 e5 lang5 te3 I. Tu2-tng7 u7 nng7 e5 chhi*-mi5 e5 che7 ti7 loo7-pi*, thia*-ki*3 Ia5-soo tui3 hia ke3, chiu7 hoah kong2, Chu2, Tai7-pit8 e5 hoo7-e3 ah, lin5-bin2 goan2. 31). Cheng3 lang5 hiam5 in, kah in cheng7-cheng7; na7-si7 in koh khah toa7 sia* kio3 kong2, Chu2, Tai7-pit8 e5 hoo7-e3 ah, lin5-bin2 goan2. 32). Ia5-soo theng5-kha, kio3 in lai5 kong2, Ai3 goa2 ka7 lin2 choe3 sim2-mih8? 33). In ka7 I kong2, Chu2 ah, goan2 ai3 tit-tioh8 bak8-chiu khui. 34). Ia5-soo kho2-lin5 in, bong in e5 bak8-chiu; in liam5-pi* khoa*3-ki*3, chiu7 te3 I.

[21] In kia*5 kun7 Ia5-loo7-sat-leng2, kau3 Pek-hoat-ki5 kap Ka*-na2 soa* e5 si5, Ia5-soo chhe nng7 e5 hak8-seng, ka7 in kong2, 2). Lin2 khi3 tui3-bin7 e5 hiu*-sia7, liam5-pi* oe7 tu2-tioh8 chit8 chiah lu5 pak8-teh, u7 lu5-a2 kap i ti7-teh; thau2-khui, khan i lai5 goa2 chia. 3). Na7 u7 lang5 ka7 lin2 kong2 sim2-mih8, chiu7 tioh8 kong2, Chu2 khiam3-eng7 i, i liam5-pi* beh sang3 i lai5. 4). Chit e5 su7 chia*5, si7 beh eng3-giam7 cha2 thok sian-ti soo2 kong2 e5, kong2,

5). Tioh8 ka7 Sun5 e5 cha-boo2-kia*2 kong2,

Li2 e5 ong5 lai5 chiu7-kun7 li2,

Un-jiu5 koh khia5 lu5,

Kap lu5 soo2 si* e5 lu5-a2.

6). Hak8-seng khi3, chiau3 Ia5-soo soo2 hoan-hu3 in e5 khi3 kia*5. 7). Khan lu5 kap lu5-a2 lai5, chiong ka-ki7 e5 sa* chhu ti7 in teng2-bin7, Ia5-soo chiu7 chiu*7-khi3 khia5. 8). Cheng3 lang5 tiong khah choe7 chiong ka-ki7 e5 sa* phoo ti7 loo7-nih8; u7-e5 chho3 chhiu7-ki phoo ti7 loo7-nih8. 9). Cheng5 kia*5 au7 te3 e5 cheng3 lang5 hoah kong2, Tai7-pit8 e5 hoo7-e3, Ho5-san3-na2, ti7 Chu2 e5 mia5 lai5 e5 tit-tioh8 o-lo2, ti7 chi3-koai*5 e5, Ho5-san3-na2. 10). I jip8 Ia5-loo7-sat-leng2, thong sia*5 io5-choah, kong2, Chit-e5 chi7-chui7? 11). Cheng3 lang5 kong2, Chit-e5 si7 sian-ti Ia5-soo, tui3 Ka-li7-li7 e5 Na2-sat-lek8 lai5 e5.

12).Ia5-soo jip8 Siong7-te3 e5 tian7, koa*2-chhut tian7-lai7 it-chhe3 boe2-boe7 e5 lang5, chhia-to2 oa*7 chi*5 e5 lang5 e5 toh, kap boe7 chi*2-a2 e5 lang5 e5 i2. 13). Ka7 in kong2, U7 ki3-chai3 kong2, Goa2 e5 chhu3 beh chheng choe3 ki5-to2 e5 chhu3, na7-si7 lin2 chiah e5 hoo7 i choe3 chhat8-siu7. 14). Chhi*-mi5 e5, pai2-kha e5, ti7 tian7-nih8 chiu7-kun7 Ia5-soo, I chiu7 i-ho2 in. 15). Tok8-tok8 chiah e5 che3-si-thau5 kap keng-hak8-su7 khoa*3-ki*3 I soo2 kia*5 e5 ki5-su7, koh khoa*3-ki*3 gin2-na2 ti7 tian7-nih8 hoah kong2, Tai7-pit8 e5 hoo7-e3 Ho5-san3-na2, chiu7 siu7-khi3; ka7 I kong2, In teh kong2 e5, li2 thia*-ki*3 bo5? 16). Ia5-soo ka7 in kong2, U7; lin2 kiam2 m7 bat thak8-tioh8 hit ku3, kong2, Tui3 gin2-na2 kap chiah8 lin e5 e5 chhui3, li2 hoo7 o-lo2 e5 oe7 chiau5-pi7 mah? 17). Chiu7 li7-khui in, chhut sia*5 kau3 Pek-tai7-ni5; ti7 hia hioh mi5.

18). Keh cha2-khi2, to3-lai5 sia*5-nih8 e5 si5, Ia5-soo iau; khoa*3-ki*3 loo7-pi* chit8 chang5 bu5-hoa-ko2 chhiu7, chiu7 oa2-kun7 khi3, ban2 long2 bo5, chi2-u7 hioh8 na7-tia*7; chiu7 ka7 chhiu7 kong2, Ta* liau2-au7, li2 eng2-eng2 bo5 koh kiat ke2-chi2; hit chang5 bu5-hoa-ko2 chhiu7 liam5-pi* koo-ta5. 20). Hak8-seng khoa*3-liau2 chiu7 ki5-koai3, kong2, Bu5-hoa-ko2 chhiu7 chai*2-iu*7 liam5-pi* koo-ta5? 21). Ia5-soo in3 kong2, Goa2 sit8-chai7 ka7 lin2 kong2, Lin2 na7 u7 sin3 bo5 giau5-gi5, m7 na7 chit ho7 kia*5 ti7 bu5-hoa-ko2 chhiu7 e5 su7 lin2 oe7 kia*5; chiu7 na7 tui3 chit e5 soa* kong2, Tioh8 soa2-khi3 hiat-loh8 hai2, iah8 beh chia*5. 22). Koh ki5-to2 e5 si5, ki*3-na7 lin2 soo2 kiu5 e5, sin3 chiu7 tit-tioh8.

23). Ia5-soo jip8 tian7, ka3-si7 lang5 e5 si5, chiah e5 che3-si-thau5, kap peh-si*3 e5 tiu*2-lo2, chiu7-kun7 I kong2, Li2 eng7 sim2-mih8 koan5 kia*5 chiah e5 su7? koh chi7-chui7 hoo7 li2 chit e5 koan5? 24). Ia5-soo in3 kong2, Goa2 iah8 u7 chit8 ku3 oe7 beh mng7 lin2, lin2 na7 ka7 goa2 kong2, goa2 chiah beh ka7 lin2 kong2 goa2 eng7 sim2-mih8 koan5 kia*5 chiah e5 su7. 25). Iok-han7 e5 soe2-le2 si7 tui3 ta2-loh8 lai5? si7 tui3 thi*, a2-si7 tui3 lang5? In su-khia gi7-lun7 kong2, Na7 kong2, Tui3 thi*, I beh ka7 lan2 kong2, An2-ni lin2 sia*2-su7 m7 sin3 i? 26). Na7 kong2, tui3 lang5, lan2 iu7 kia* peh-si*3; in long2 liah8 Iok-han7 choe3 sian-ti. 27). Chiu7 in3 Ia5-soo kong2, Goan2 m7 chai. I chiu7 ka7 in kong2, Goa2 iah8 bo5 beh ka7 lin2 kong2 goa2 si7 eng7 sim2-mih8 koan5 kia*5 chiah e5 su7. Chong2-si7 lin2 phah-sng3 chai*2-iu*7? 28). Lang5 u7 nng7 e5 kia*2, chiu7-kun7 hit e5 thau5-chit8-e5 kong2, Kia*2 ah, kin-a2-jit8 khi3 phu5-to5-hng5 choe3 kang. 29). In3 kong2, Goa2 m7; au7-lai5 hoan2-hoe2 chiu7 khi3. Koh chiu7-kun7 te7-ji7-e5, iah8 an2-ni kong2. In3 kong2, Chu2 ah, goa2 beh; chiu7 keng3-jian5 bo5 khi3. 31). Chi2 nng7 e5 ta2-loh8 chit8 e5 kia*5 lau7-pe7 e5 i3-su3 ah? In kong2, Thau5-chit8-e5. Ia5-soo ka7 in kong2, Goa2 sit8-chai7 ka7 lin2 kong2 chiah e5 thiu-hiong3 e5 kap chhiong-ki tai7-seng lin2 jip8 Siong7-te3 e5 kok. 32). In-ui7 Iok-han7 ti7 gi7 e5 loo7 chiu7-kun7 lin2, lin2 bo5 sin3 i; thiu-hiong3 e5 kap chhiong-ki chiu7 sin3 i; koh lin2 khoa*3-liau2, iah8 bo5 hoan2-hoe2 khi3 sin3 i.

33). Koh thia* chit8 e5 phi3-ju7: U7 chit8 e5 ke-chu2, chai chit8 hng5 phu5-to5, eng7 li5-pa ui5 i, lai7-bin7 khui chiu2-khut, khi2 chit8 e5 chiu2-ki* lau5, choo hoo7 tian7-hoo7, chiu7 khi3 pat8 soo2 chai7. 34). Siu ke2-chi2 e5 si5 beh kau3, chiu7 chhe i e5 loo5-pok8 chiu7-kun7 tian7-hoo7, siu i e5 ke2-chi2. 35). Tian7-hoo7 liah8 i e5 loo5-pok8, chit8-e5 phah, chit8-e5 thai5, chit8-e5 eng7 chioh8-thau5 tim3. 36). Koh chhe pat8 e5 loo5-pok8, pi2 cheng5 khah choe7; in iu5-goan5 an2-ni khoan2-thai7 in. 37). Au7-lai5 chhe i e5 kia*2 chiu7-kun7 in, siu*7 kong2, In beh chun-keng3 goa2 e5 kia*2. 38). Na7-si7 tian7-hoo7 khoa*3-ki*3 hit e5 kia*2, chiu7 sa*-kap kong2, Chit-e5 si7 i e5 hoo7-su5; lai5, ka7 i thai5-si2, thang tit i e5 giap8. 39). Chiu7 liah8 i, chhia i chhut hng5-goa7, hai7-si2 i. 40). Ta* hng5-chu2 na7 kau3, beh chai*2-iu*7 lai5 pan7 chiah e5 tian7-hoo7? In ka7 I kong2, I beh eng7 ok-po3 lai5 biat8 chiah e5 ok-lang5; chiong phu5-to5-hng5 choo pat8 e5 tian7-hoo7, chiu7-si7 chiau3-si5 lap8 ke2-chi2 e5. 42). Ia5-soo tui3 in kong2, Keng-nih8 soo2 ki3-chai3,

Sai-hu7 soo2 khi3-sak e5 chioh8,

Chia*5-choe3 chhu3-kak-thau5 e5 chioh8;

Che si7 Chu2 soo2 chia*5 e5,

Lan2 e5 bak8-chiu khoa*3 choe3 ki5-koai3,

lin2 kiam2 be7 thak8 mah? 43). Soo2-i2 goa2 ka7 lin2 kong2, Siong7-te3 e5 kok beh tui3 lin2 chhiu*2-khi3, lai5 siu*2-su3 kiat i e5 ke2-chi2 e5 peh-si*3. 44). Koh poah8-to2 ti7 chit te3 chioh8 teng2 e5 teh-beh phoa3 koo5-koo5; hoo7 chit te3 chioh8 teh ti7 i teng2-bin7 e5 beh iu3 boah8-boah8. 45). Chiah e5 che3-si-thau5 kap Hoat-li7-sai3 lang5 thia*-ki*3 I e5 phi3-ju7, chai I soo2 kong2 e5 si7 chi2 in. 46). Chiu7 ai3 beh liah8 I, na7-si7 kia* cheng3 lang5; in-ui7 cheng3 lang5 liah8 I choe3 sian-ti.

[22] Ia5-soo in3 i, koh eng7 phi3-ju7 ka7 in kong2, Thian-kok pi2-pheng7 jin5-kun, ka7 i e5 kia*2 pi7-pan7 hun-in e5 ian5-siah8. 3). Chhe i e5 loo5-pok8 tiau3 soo2 chhia*2 e5 lai5 hu3 ian5-siah8; na7-si7 in m7 lai5. 4). Koh chhe pat8 e5 loo5-pok8 kong2, Khi3 ka7 soo2 chhia*2 e5 kong2, Goa2 e5 toh i2-keng pi7-pan7 pian7, goa2 e5 gu5 kap pui5 e5 cheng-si* i2-keng thai5, pah-hang7 mih8 long2 pian7, tioh8 lai5 hu3 ian5-siah8. 5). In bo5 iau3-kin2, choe3 in khi3; chit8 e5 khi3 i e5 chhan5-hng5, chit8 e5 khi3 i e5 seng-li2 tiu*5; 6). ki5-u5 e5 liah8 i e5 loo5-pok8, leng5-jiok8 in, thai5 in. 7). Jin5-kun siu7-khi3, chhe i e5 kun-peng chau5-biat8 hiah e5 hiong-hoan7, soa3 sio in e5 sia*5. 8). Chiu7 ka7 i e5 loo5-pok8 kong2, Hun-in e5 ian5-siah8 i2-keng pian7, na7-si7 soo2 chhia*2 e5 boe7 kham-tit. 9). Soo2 i2 lin2 khi3 toa7 loo7-thau5, ki*3-na7 soo2 tu2-tioh8 e5 long2 chhia*2 i lai5 hu3 ian5-siah8. 10). Hiah e5 loo5-pok8 chhut-khi3 loo7-nih8, chu7-chip8 hoan7 soo2 tu2-tioh8 e5, bo5 lun7 ho2 phai*2; hun-in e5 kheh-thia* lang5-kheh chiu7 moa2. 11). Jin5-kun jip8-khi3 khoa*3 lang5-kheh, khoa*3-ki*3 ti7 hia chit8 lang5 bo5 chheng7 le2-hok8; 12). ka7 i kong2, Peng5-iu2 ah, li2 bo5 chheng7 hun-in e5 le2-hok8, chai*2-iu*7 jip8-lai5 chia? I chiu7 cheng7-cheng7. 13). Hit si5 jin5-kun ka7 chiah e5 chhe-eng7 kong2, Pak8 i e5 kha-chhiu2, chiong i hiat ti7 goa7-bin7 oo-am3 e5 soo2-chai7; ti7 hia beh u7 thi5-khau3 ka7-ge5 chhiat-chhi2. 14). In-ui7 siu7 tiau3 e5 choe7, siu7 keng2 e5 chio2.

15). Hit si5 Hoat-li7-sai3 lang5 khi3 chham-siong5, khoa*3 thang chai*2-iu*7 chiu7 I e5 oe7 lai5 tauh I. 16). Chiu7 chhe in e5 hak8-seng kap Hi-lut8 tong2 chiu7-kun7 I kong2, Sian-si* ah, goan2 chai li2 si7 chin-sit8, koh eng7 chin-sit8 chiong Siong7-te3 e5 loo7 ka3-si7 lang5; li2 ia7 bo5 liah8 sim2-mih8 lang5 choe3 iau3-kin2, in-ui7 li2 bo5 khoa*3 lang5 e5 goa7-mau7. 17). Lap8 se3 hoo7 Kai-sat hap8-gi5 a2 bo5? Li2 phah-sng3 chai*2-iu*7? chhia*2 ka7 goan2 kong2. 18). Ia5-soo chai in e5 phai*2, chiu7 kong2, Ke2-ho2 e5 lang5 ah, sia*2-su7 chhi3 goa2. 19). Eng7 lap8 se3 e5 gun5-a2 hoo7 goa2 khoa*3. In chiu7 theh8 chit8 e5 gun5-a2 hoo7 I. 20). Ia5-soo ka7 in kong2, Chit e5 siong7 kap ho7 si7 chi7-chui7? 21). Ka7 I kong2, Kai-sat. I chiu7 ka7 in kong2, An2-ni, lin2 tioh8 chiong Kai-sat e5 mih8 lap8 hoo7 Kai-sat, chiong Siong7-te3 e5 mih8 lap8 hoo7 Siong7-te3. 22). In thia*-ki*3 chiu7 ki5-koai3, li7-khui I khi3.

23). Hit jit8 u7 Sat-thoo2-kai lang5, chiu7-si7 kong2 lang5 bo5 koh-oah8 e5, chiu7-kun7 I, mng7 kong2, Sian-si* ah, Moo5-se kong2, Lang5 si2 ia7 bo5 kia*2, i e5 sio2-ti7 tioh8 chhoa7 i e5 boo2; si* kia*2 lai5 soa3-chiap i e5 hia*. 25). Ta* goan2 tiong-kan u7 hia*-ti7 chhit lang5; toa7-e5 chhoa7, chiu7 si2-khi3, bo5 kia*2; lau5 i e5 boo2 hoo7 sio2-ti7. 26). Te7 ji7 e5, te7 sa* e5, kau3 te7 chhit e5 ia7 long2 si7 an2-ni. 27). Kau3 be2, hit e5 hu7-jin5-lang5 ia7 si2. 28). An2-ni ti7 koh-oah8 e5 si5, chhit lang5 tiong hu7-jin5-lang5 beh choe3 chi7-chui7 e5 boo2? in-ui7 long2 u7 chhoa7 i. 29). Ia5-soo in3 i kong2, Lin2 chho3 lah, in-ui7 lin2 m7 bat seng3-keng kap Siong7-te3 e5 koan5-leng5. 30). In-ui7 koh-oah8 e5 si5, bo5 ke3 bo5 chhoa7; si7 chhin-chhiu*7 thi*-sai3 ti7 thi*-nih8. 31). Lun7-kau3 si2-lang5 koh-oah8, kiam2 be7 thak8-tioh8 Siong7-te3 soo2 ka7 lin2 kong2 e5 kong2, 32). Goa2 chiu7-si7 A-pek-lah8-han2 e5 Siong7-te3, I2-sat e5 Siong7-te3, Nga2-kok e5 Siong7-te3? I m7 si7 si2-lang5 e5 Siong7-te3, si7 oah8-lang5 e5 Siong7-te3. 33). Cheng3 lang5 thia*-ki*3, ki5-koai3 I e5 ka3-si7.

34). Hoat-li7-sai3 lang5 thia*-ki*3 I i2-keng that-bat8 Sat-thoo2-kai lang5 e5 chhui3, chiu7 sa*-kap chu7-chip8. 35). Ki5-tiong chit8 lang5 choe3 kau3-hoat-su e5 chhi3 I, mng7 kong2, 36). Sian-si* ah, lut8-hoat tiong, sim2-mih8 kai3 choe3 toa7? 37). I ka7 i kong2, Li2 tioh8 chin7 sim, chin7 seng3, chin7 i3 thia*3 Chu2 li2 e5 Siong7-te3. 38). Chit e5 kai3 si7 toa7 e5, ia7 si7 thau5 chit8 e5. 39). Te7 ji7 e5 ia7 sa* chhin-chhiu*7, si7 kong2, Li2 tioh8 thia*3 chhu3-pi* chhin-chhiu*7 ka-ki7. 40). Chit nng7 tiau5 kai3 si7 choan5 lut8-hoat kap sian-ti e5 chong2-kun-thau5.

41). Hoat-li7-sai3 lang5 chu7-chip8 e5 si5 Ia5-soo mng7 in kong2, 42). Lun7 Ki-tok lin2 phah-sng3 chai*2-iu*7? I si7 chi7-chui7 e5 hoo7-e3? In ka7 I kong2, Si7 Tai7-pit8 e5. 43). I ka7 in kong2, An2-ni, chiu7 Tai7-pit8 hoo7 Seng3 Sin5 kam2-tong7, chai*2-iu*7 chheng I choe3 Chu2 ah, kong2,

44). Chu2 ka7 goa2 e5 Chu2 kong2,

Che7 goa2 e5 toa7 peng5,

Theng3-hau7 goa2 chiong li2 chiah e5 tui3-tek8 he7 ti7 li2 e5 kha-e7?

45). Tai7-pit8 ki3-jian5 chheng I choe3 Chu2, chiu7 Ki-tok chai*2-iu*7 choe3 I e5 hoo7-e3 ah? 46). Bo5 lang5 oe7 in3 I chit8 ku3; tui3 hit jit8 ia7 bo5 lang5 ka*2 koh mng7 I.

[23] Hit si5 Ia5-soo ka7 cheng3 lang5 kap I e5 hak8-seng kong2, 2). Keng-hak8-su7 kap Hoat-li7-sai3 lang5 che7 Moo5-se e5 ui7. 3). Soo2-i2 ki*3-na7 in soo2 ka7 lin2 kong2 e5, long2 tioh8 kia*5 lai5 siu2 i; chong2-si7 boh8-tit chiau3 in e5 soo2 choe3 lai5 kia*5; in-ui7 in u7 kong2, ia7 bo5 kia*5. 4). In eng7 tang7 koh oh ta* e5 ta*3 pak8 lai5 he7 ti7 lang5 e5 keng-thau5 teng2, na7-si7 in ka-ki7 m7 kheng2 eng7 chit8 ki chng2-thau5-a2 tin2-tang7 i. 5). In it-chhe3 e5 soo2 choe3, long2 si7 beh hoo7 lang5 khoa*3 chiah choe3; in-ui7 in e5 poe7-keng choe3 khah khoah, sa*-a2-ku e5 chhiu choe3 khah tng5. 6). Ai3 ian5-toh-nih8 che7 toa7 ui7, hoe7-tng5 lai7 che7 koai*5 ui7, koe-chhi7-nih8 hoo7 lang5 chheng2-an, ia7 hoo7 lang5 chheng-hoo in Liap8-pi2. 8). Na7-si7 lin2 boh8-tit hoo7 lang5 chheng choe3 Liap8-pi2; in-ui7 lin2 e5 sian-si* si7 chit8 e5, lin2 long2 si7 hia*-ti7. 9). Ti7 toe7-nih8 ia7 boh8-tit chheng lang5 choe3 pe7; in-ui7 lin2 e5 Pe7 si7 chit8 e5, chiu7-si7 ti7 thi*-nih8 e5. 10). Ia7 boh8-tit hoo7 lang5 chheng choe3 sian-si*; in-ui7 lin2 e5 sian-si* si7 chit8 e5, chiu7-si7 Ki-tok. 11). Na7-si7 lin2 tiong-kan choe3 toa7 e5, beh choe3 lin2 e5 chhe-eng7. 12). Hoan7-na7 chu7-ko e5, beh hoo7 i pi-bi5; ka-ki7 pi-bi5 e5, beh ko-seng i.

13). Lin2 ke2-ho2 e5 keng-hak8-su7 kap Hoat-li7-sai3 lang5, u7 chai-e7 ah! in-ui7 lin2 ti7 lang5 e5 bin7-cheng5 koai*-bat8 thian-kok; lin2 ka-ki7 bo5 jip8, teh-beh jip8 e5 lang5, lin2 ia7 m7 chun2 in jip8.

15). Lin2 ke2-ho2 e5 keng-hak8-su7 kap Hoat-li7-sai3 lang5, u7 chai-e7 ah! in-ui7 lin2 pian3 kia*5 chui2-loo7 liok8-loo7, hoo7 chit8 lang5 jip8 kau3; ki3-jian5 jip8, chiu7 hoo7 i choe3 te7-gek8 e5 lang5, pi2 lin2 ka-pe7. 16). Lin2 chhi*-mi5 choe3 chhoa7-thau5 e5, u7 chai-e7 ah! lin2 kong2, Ki*3-na7 ki2 tian7 lai5 chiu3-choa7 e5, bo5 su7; tok8-tok8 ki*3-na7 ki2 tian7-nih8 e5 kim lai5 chiu3-choa7 e5, chiu7 tioh8 siu2 i. 17). Lin2 gong7 koh chhi*-mi5; in-ui7 ta2-loh8 chit8 hang7 khah toa7, si7 kim, a2-si7 hoo7 kim chia*5 seng3 e5 tian7 ah? 18). Lin2 iah8 kong2 Ki*3-na7 ki2 toa*5 lai5 chiu3-choa7 e5, bo5 su7; tok8-tok8 ki*3-na7 ki2 toa*5-teng2 e5 le2-mih8 lai5 chiu3-choa7 e5, chiu7 tioh8 siu2 i. 19). Lin2 chhi*-mi5 ah; in-ui7 ta2-loh8 chit8 hang7 khah toa7, si7 le2-mih8 a2-si7 hoo7 le2-mih8 chia*5 seng3 e5 toa*5? 20). Soo2-i2 lang5 ki2 toa*5 lai5 chiu3-choa7, si7 ki2 toa*5 kap ki*3-na7 ti7 i teng2-bin7 e5, lai5 chiu3-choa7. 21). Lang5 ki3 tian7 lai5 chiu3-choa7, si7 ki2 tian7 kap tiam3 ti7 hit lai7-bin7 e5 lai5 chiu3-choa7. 22). Lang5 ki2 thi* lai5 chiu3-choa7, si7 ki2 Siong7-te3 e5 cho7-ui7 kap che7 ti7 hit teng2-bin7 e5, lai5 chiu3-choa7.

23). Lin2 ke2-ho2 e5 ken-hak8-su7 kap Hoat-li7-sai3 lang5, u7 chai-e7 ah! in-ui7 lin2 chiong pok8-ho5, poeh-kak, ma2-khun5, chap8 hun7 thiu chit8 hun7; na7-si7 lut8-hoat e5 khah tui3-tiong7 e5, chiu7-si7 kong-gi7, lin5-bin2 kap sin3-sit8, lin2 chiu7 pang3-sak; chong2-si7 chiah-e5 si7 eng-kai tioh8 kia*5 e5, hiah-e5 ia7 si7 m7 thang pang3-sak. 24). Lin2 chhi*-mi5 choe3 chhoa7-thau5 e5, bang2-a2 chiu7 lu7-khi2-lai5, lok8-to5 chiu7 thun-loh8-khi3.

25). Lin2 ke2-ho2 e5 keng-hak8-su7 kap Hoat-li7-sai3 lang5, u7 chai-e7 ah! in-ui7 lin2 chheng-khi3 poe-poa*5 e5 goa7-bin7, na7-si7 hit lai7-bin7 toe2 lek8-sek kap hong3-tong7 moa2-moa2. 26). Li2 chhi*-mi5 e5 Hoat-li7-sai3 lang5 ah, tai7-seng chheng-khi3 poe-poa*5 e5 lai7-bin7, hoo7 i e5 goa7-bin7 iah8 oe7 chheng-khi3.

27). Lin2 ke2-ho2 e5 keng-hak8-su7 kap Hoat-li7-sai3 lang5, u7 chai-e7 ah! in-ui7 lin2 chhin-chhiu*7 hun2 peh8 e5 bong7, goa7-bin7 khoa*3 si7 sui2, na7-si7 lai7-bin7 toe2 si2-lang5 e5 kut-thau5 kap tak8 hang7 e5 u3-oe3 moa2-moa2. 28). An2-ni, lin2 goa7-bin7 hoo7 lang5 khoa*3 si7 gi7, na7-si7 lai7-bin7 chiu7 ke2-ho2 kap put-hoat moa2-moa2.

29). Lin2 ke2-ho2 e5 keng-hak8-su7 kap Hoat-li7-sai3 lang5, u7 chai-e7 ah! in-ui7 lin2 chhong3 sian-ti lang5 e5 bong7, siu-cheng2 gi7 lang5 e5 hun5-bong7; iah8 kong2, Siat-su2 goan2 ti7 goan2 choo2 e5 si5, chiu7 bo5 kap in u7 hun7 ti7 lau5 sian-ti lang5 e5 huih. 31). An2-ni, lin2 ka-ki7 kan-cheng3 si7 choe3 thai5 sian-ti lang5 e5 e5 hoo7-e3. 32). Choe3 lin2 khi3 moa2 lin2 choo2 e5 hun7-liong7. 33). Choa5 ah! tok8-thang5 e5 lui7 ah! lin2 thai2 oe7 to5-siam2 te7-gek8 e5 heng5-hoat8? 34). Soo2-i2 goa2 chhe sian-ti ti3-sek e5 lang5, keng-hak8-su7 chiu7-kun7 lin2; u7-e5 lin2 beh thai5 i, beh teng3 i ti7 sip8-ji7-ke3; ia7 u7-e5 beh ti7 lin2 e5 hoe7-tng5 eng7 pi* phah i, tui3 chit e5 sia*5 koa*2-tiok8 in kau3 hit e5 sia*5. 35). Ti3-kau3 toe7-chiu*7 soo2 lau5 gi7 lang5 e5 huih, long2 kui ti7 lin2, chiu7-si7 tui3 gi7 lang5 A-pek e5 huih kau3 Pa-liap8-ka e5 kia*2 Sat-ka-li7-a e5 huih, i si7 lin2 soo2 thai5 ti7 tian7 kap toa*5 e5 tiong-kan e5. 36). Goa2 sit8-chai7 ka7 lin2 kong2, Chiah e5 su7 long2 beh kui ti7 chit tai7.

37). Ia5-loo7-sat-leng2 ah! Ia5-loo7-sat-leng2 ah! chiu7-si7 thai5-si2 sian-ti lang5, eng7 chioh8-thau5 tim3 hong7-chhe kau3 ti7 i e5; goa2 joa7 choe7 pai2 ai3 chu7-chip8 li2 e5 kia*2-ji5, chhin-chhiu*7 koe-bu2 chu7-chip8 i e5 koe-a2 ti7 sit8-e7; na7-si7 lin2 m7 ai3. 38). Li2 khoa*3! lin2 e5 chhu3 beh pha-hng, lau5-teh hoo7 lin2. 39). In-ui7 goa2 ka7 lin2 kong2, Ta* liau2-au7, lin2 bo5 khoa*3-ki*3 goa2; theng3-hau7 lin2 kong2, Ti7 Chu2 e5 mia5 lai5 e5, tit-tioh8 hok-khi3.

[24] Ia5-soo chhut tian7, tu2 teh kia*5, I e5 hak8-seng chiu7-kun7 I, eng7 tian7-tng5 hiah e5 chhu3 po3 I khoa*3. 2). Na7-si7 I in3 kong2, Lin2 bo5 khoa*3-ki*3 chiah e5 mah? goa2 sit8-chai7 ka7 lin2 kong2, Ti7 chia beh bo5 chit8 te3 chioh8 lau5 ti7 chioh8 teng2, ia7 bo5 chhia-loh8-khi3.

3). Ia5-soo che7 ti7 Ka*-na2 soa* e5 si5 hak8-seng su-khia chiu7-kun7 I kong2, Chhia*2 ka7 goan2 kong2, ti7-si5 u7 chiah e5 tai7-chi3? ia7 li2 koh lai5, kap se3-kai3 e5 kiat-kiok8 u7 sim2-mih8 tiau7-thau5? 4). Ia5-soo in3 kong2, Tioh8 kin2-sin7, boh8-tit hoo7 lang5 be5-hek8. 5). In-ui7 beh u7 choe7-choe7 lang5 ti7 goa2 e5 mia5 lai5, kong2, Goa2 si7 Ki-tok, lai5 be5-hek8 choe7-choe7 lang5. 6). Lin2 beh thia*-ki*3 kau-chian3 kap kau-chian3 e5 hong-sia*, kin2-sin7 boh8-tit kia*; in-ui7 chiah-e5 tek-khak u7, chong2-si7 boat8-ki5 iau2-be7 kau3. 7). In-ui7 peh-si*3 beh khi2-lai5 kong-kek peh-si*3, kok beh khi2-lai5 kong-kek kok; choe7-choe7 soo2-chai7 beh u7 ki-hng, toe7-tang7. 8). Chiah-e5 long2 si7 khoo2-thang3 e5 khi2-thau5. 9). Hit si5 lang5 beh kau-hu3 lin2 ti7 hoan7-lan7, thai5-si2 lin2. Lin2 in-ui7 goa2 e5 mia5 beh hoo7 ban7 pang oan3-hun7. 10). Ia7 hit si5 choe7-choe7 lang5 beh siu7 that-gai7, sa* ke3-sang3, sa* oan3-hun7. 11). Koh u7 choe7-choe7 ke2 sian-ti beh khi2-lai5 be5-hek8 choe7-choe7 lang5. 12). In-ui7 put-hoat toa7-toa7 ke-thi*, choe7-choe7 lang5 e5 thia*3 chiam7-chiam7 leng2-tam7. 13). Tok8-tok8 thun-lun2 kau3 loo7-be2 e5, i oe7 tit-tioh8 kiu3. 14). Chit e5 thian-kok e5 hok-im beh thoan5 kau3 thong thi*-e7, choe3 kan-cheng3 ti7 ban7 pang; hit si5 boat8-ki5 chiu7 kau3.

15). Soo2-i2 lin2 khoa*3-ki*3 cha2 thok sian-ti Tan3-i2-li2 soo2 kong2, hit e5 chan5-hai7 kho2-oo*3 e5 khia7 ti7 seng3 e5 soo2-chai7, (thak8 e5 lang5 tioh8 hiau2-ngoo7), 16). hit si5 ti7 Iu5-thai3 e5 tioh8 chau2-khi3 soa*-nih8; 17). ti7 chhu3-teng2 e5 boh8-tit loh8-lai5 theh8 i ke-lai7 e5 mih8; 18). ti7 hng5-nih8 e5 boh8-tit to3-khi3 hiah* i e5 sa*. 19). Tng hiah e5 jit8, u7 sin-in7 kap hoo7 e*-a2 chiah8 lin e5 hu7-jin5-lang5 u7 chai-e7 ah! 20). Lin2 tioh8 ki5-to2, bian2-tit lin2 e5 to5-chau2 ti7 tang-thi* si5, a2-si7 an-hioh-jit8. 21). In-ui7 hit si5 beh u7 toa7 hoan7-lan7, tui3 se3-kan e5 khi2-thau5 kau3 ta* be7 bat u7 an2-ni; au7-lai5 ia7 koat-toan3 bo5. 22). Na7 bo5 kiam2-chio2 hiah e5 jit8, chiu7 hoan7 u7 jiok8-the2 e5 bo5 chit8-e5 tit kiu3, tok8-tok8 ui7-tioh8 keng2 e5 peh-si*3, hiah e5 jit8 beh kiam2-chio2. 23). Hit si5 na7 u7 lang5 ka7 lin2 kong2, Li2 khoa*3, Ki-tok ti7 chia, a2-si7 kong2, Ti7 hia, lin2 boh8-tit sin3. 24). In-ui7 beh u7 ke2 Ki-tok, ke2 sian-ti khi2-lai5 kia*5 toa7 e5 sin5-jiah kap tiau7-thau5; beh si7 oe7, lian5 keng2 e5 peh-si*3 ia7 be5-hek8 i. 25). Goa2 i2-keng tai7-seng ka7 lin2 kong2. 26). Soo2-i2 lang5 na7 ka7 lin2 kong2, Li2 khoa*3, I si7 ti7 khong3-ia2, lin2 boh8-tit chhut-khi3; a2-si7 kong2, Li2 khoa*3, I si7 ti7 bat8 chhu3, lin2 boh8-tit sin3. 27). In-ui7 chhin-chhiu*7 sih-na3 tui3 tang-si3 teh sih, na3 kau3 sai-si3, Jin5-chu2 e5 koh lai5 ia7 beh an2-ni. 28). Sin-si na7 ti7 hia, eng-chiau2 ia7 beh chu7-chip8 ti7 hia.

29). Tu2-tu2 chiah e5 jit8 e5 hoan7-lan7 liau2-au7, jit8 beh oo-am3, geh8 bo5 chhut kng, chhi* tui3 thi* ka-lauh8, thi*-siong7 tin2-tang7. 30). Hit si5 Jin5-chu2 e5 tiau7-thau5 beh chhut-hian7 ti7 thi*-nih8; ti7 toe7-nih8 chiah e5 chok8-lui7 long2 beh thi5-khau3, ia7 beh khoa*3-ki*3 Jin5-chu2 eng7 koan5-leng5 kap toa7 eng5-kng che7 thi* e5 hun5 lim5-kau3. 31). I beh chhe I e5 thi*-sai3, eng7 ho7-thau5 hiang2-liang7 e5 sia*, in beh tui3 si3-hng chit peng5 e5 thi*-pi* kau3 hit peng5 e5 thi*-pi*, chu7-chip8 I soo2 keng2 e5 peh-si*3.

32). Lin2 tioh8 tui3 bu5-hoa-ko2 chhiu7 chhu2 phi3-ju7; tng i ki nng2 hioh8 hoat e5 si5, chiu7 chai he7-thi* kun7 lah. 33). An2-ni, lin2 khoa*3 long2-chong2 chiah e5 su7, chiu7 chai i2-keng kun7, kau3 mng5-khau2 lah. 34). Goa2 sit8-chai7 ka7 lin2 kong2, Chit se3-tai7 koat-toan3 be7 ke3-khi3, kau3 chiah e5 tai7-chi3 long2 chia*5. 35). Thi* kap toe7 beh hoe3-bo5, goa2 e5 oe7 boe7 hoe3-bo5. 36). Na7-si7 lun7 hit jit8 hit si5 lang5 m7 chai, thi*-sai3 ia7 m7 chai, Kia*2 ia7 m7 chai, tok8-tok8 Pe7 chai na7-tia*7. 37). Koh chhin-chhiu*7 Na2-a e5 jit8, Jin5-chu2 e5 koh lai5 ia7 beh an2-ni. 38). In-ui7 toa7 chui2 e5 tai7-seng hiah e5 jit8, lang5 teh lim-chiah8, ke3-chhoa7, kau3 Na2-a jip8 toa7 chun5 e5 jit8, in keng3-jian5 m7 chai, kau3 toa7 chui2 kau3, it-chin7 biat8 in, Jin5-chu2 e5 koh lai5 ia7 beh an2-ni. 40). Hit si5 beh u7 nng7 lang5 ti7 hng5-nih8, chit8-e5 chhu2-khi3, chit8-e5 pang3-teh. 41). Nng7 e5 hu7-jin5-lang5 oe bo7, chit8-e5 chhu2-khi3, chit8-e5 pang3-teh. 42). Soo2-i2 tioh8 tiu*-ti5, in-ui7 lin2 m7 chai lin2 e5 Chu2 sim2-mih8 jit8 beh lai5. 43). Ke-chu2 na7 chai chhat8 sim2-mih8 ki* beh kau3, i chiu7 tiu*-ti5, bo5 iong5-un2 lang5 iah khang i e5 chhu3, che si7 lin2 soo2 chai. 44). Soo2-i2 lin2 iah8 tioh8 pi7-pan7 pian7; in-ui7 lin2 bo5 phah-sng3 e5 si5, Jin5-chu2 lai5 lah. 45). Chi7-chui7 si7 chin7-tiong ti3-hui7 e5 loo5-pok8, chu2-lang5 soo2 siat-lip8 lai5 koan2 i ke-lai7 e5 lang5, thang chiau3 si5 pun bi2-niu5 hoo7 in. 46). Chu2-lang5 lai5, tu2-tioh8 i an2-ni kia*5, hit e5 loo5-pok8 u7 hok-khi3. 47). Goa2 sit8-chai7 ka7 lin2 kong2, chu2-lang5 beh siat-lip8 i lai5 koan2 i it-chhe3 soo2 u7 e5. 48). Tok8-tok8 hit e5 phai*2 e5 loo5-pok8, na7 sim-lai7 kong2, Goa2 e5 chu2-lang5 teh ian5-chhian5; chiu7 phah hiah-e5 kap i tang5 choe3 loo5-pok8 e5, koh kap chui3-han3 sa*-kap lim-chiah8, chiu7 ti7 bo5 phai3-phe e5 jit8, m7 chai e5 si5, hit e5 loo5-pok8 e5 chu2-lang5 beh kau3. 51). tang7-tang7 heng5-hoat8 i, chhu2-ti7 i kap ke2-ho2 e5 lang5 pi*5-teng2, ti7 hia beh u7 thi5-khau3 ka7-ge5 chhiat-chhi2.

[25] Hit si5 thian-kok beh pi2-pheng7 chap8 e5 chai7-sek-lu2, kiah8 in e5 teng, chhut-khi3 ngia5-chih sin-kia*2-sai3. 2). Ki5-tiong goo7-e5 gong7 e5, goo7 -e5 ti3-sek e5. 3). Gong7 e5 kiah8 in e5 teng, bo5 leng7-goa7 toa3 iu5. 4). Tok8-tok8 ti3-sek e5 kiah8 in e5 teng leng7-goa7 toa3 iu5 ti7 in e5 khi3-ku7 lai7. 5). Sin-kia*2-sai3 ian5-chhian5, chiu7 long2 tuh-ka-che7 teh khun3. 6). Poa*3 mi5, u7 toa7 sia* kio3 kong2, Sin-kia*2-sai3 lai5 lah; lin2 chhut-lai5 chih i. 7). Hit si5 chiah e5 chai7-sek-lu2 long2 khi2-lai5, siu-cheng2 in e5 teng. 8). Gong7 e5 ka7 ti3-sek e5 kong2, chhia*2 chiong lin2 e5 iu5 pun goan2, in-ui7 goan2 e5 teng beh hoa lah. 9). Ti3-sek e5 in3 kong2, Kia*-liau2 lin2 goan2 long2 bo5 kau3; khah ho2 khi3 tui3 boe7 e5 lang5 ka-ki7 boe2. 10). Khi3 boe2 e5 si5, sin-kia*2-sai3 kau3, hiah e5 pian7-e5 kap i jip8 hun-in e5 ian5-toh; mng5 chiu7 koai*. 11). Jian5-au7 ki5-u5 e5 chai7-sek-lu2 iah8 lai5, kong2, Chu2 ah, Chu2 ah, ka7 goan2 khui. 12). Na7-si7 i in3 kong2, Goa2 sit8-chai7 ka7 lin2 kong2, Goa2 m7 bat lin2. 13). Soo2-i2 tioh8 tiu*-ti5, in-ui7 lin2 m7 chai hit e5 jit8, hit e5 si5.

14). In-ui7 chhin-chhiu*7 chit8 lang5 beh khi3 goa7-kok; chiu7 tiau3 i ka-ki7 e5 loo5-pok8 chiong soo2 u7 e5 kau-tai7 in. 15). Chit8-e5 hoo7 i gun5 goo7 chheng, chit8-e5 hoo7 i nng7 chheng, chit8-e5 hoo7 i chit8 chheng; kok chiau3 in e5 chai5-tiau7; chiu7 khi3 goa7-kok. 16). Nia2 goo7 chheng e5, sui5-si5 khi3 choe3 seng-li2, koh than3 goo7 chheng. 17). Nia2 nng7 chheng e5 iah8 si7 an2-ni, koh than3 nng7 chheng. 18). Tok8-tok8 hit-e5 nia2 chit8 chheng e5 khi3, chiu7 kut8 toe7, lai5 khng3-bat8 i e5 chu2-lang5 e5 gun5. Ke3 ku2-ku2 chiah e5 loo5-pok8 e5 chu2-lang5 kau3, kap in sng3-siau3. 20). Nia2 goo7 chheng e5 lai5, koh toa3 goo7 chheng, kong2, Chu2 ah, li2 kau-tai7 goa2 goo7 chheng; li2 khoa*3, goa2 u7 koh than3 goo7 chheng. 21). I e5 chu2-lang5 ka7 i kong2, Ho2 ah, ho2 koh chin7-tiong e5 loo5-pok8, li2 ti7 chio2-e5 i2-keng chin7-tiong, goa2 beh siat-lip8 li2 lai5 koan2 choe7-e5; thang jip8 li2 e5 chu2-lang5 e5 khoai3-lok8. 22). Nia2 nng7 chheng e5 iah8 lai5, kong2, Chu2 ah, li2 kau-tai7 goa2 nng7 chheng; li2 khoa*3, goa2 u7 koh than3 nng7 chheng. 23). I e5 chu2-lang5 ka7 i kong2, Ho2 ah, ho2 koh chin7-tiong e5 loo5-pok8, li2 ti7 chio2-e5 i2-keng chin7-tiong, goa2 beh siat-lip8 li2 lai5 koan2 choe7-e5; thang jip8 li2 e5 chu2-lang5 e5 khoai3-lok8. 24). Nia2 chit8 chheng e5 iah8 lai5, kong2, Chu2 ah, goa2 chai li2 si7 giam5-hat8 e5 lang5; be7 ia7 e5 soo2-chai7, chiu7 beh siu-koah; be7 hun-soa*3 e5 soo2-chai7, chiu7 beh khioh choe3 tui. 25). Soo2-i2 goa2 kia*, chiu7 chiong li2 chit8 chheng gun5 khi3 tai5 ti7 toe7-nih8; ta* li2 e5 goan5-mih8 heng5 li2. 26). I e5 chu2-lang5 chiu7 in3 i kong2, Phai*2 koh pin5-toa*7 e5 loo5-pok8 ah, li2 ki3-jian5 chai goa2 be7 ia7 e5 soo2-chai7, chiu7 beh siu-koah, be7 hun-soa*3 e5 soo2-chai7, chiu7 beh khioh choe3 tui. 27). Chiu7 tioh8 chiong goa2 e5 gun5 he7 ti7 chi*5-tiam3; goa2 lai5 e5 si5 thang tit-tioh8 goa2 e5 pun2-gun5 kap li7-sek. 28). Soo2-i2 tioh8 tui3 i theh8 hit chit8 chheng, lai5 hoo7 hit e5 u7 chap8 chheng e5. 29). In-ui7 ki*3-na7 u7 e5, beh hoo7 i, hoo7 i u7 chhun; bo5 e5, lian5 i soo2 u7 e5, iah8 beh theh8 i. 30). Iah8 hit e5 bo5 li7-ek e5 loo5-pok8, koa*2 i ti7 goa7-bin7 oo-am3 e5 soo2-chai7; ti7 hia beh u7 thi5-khau3, ka7-ge5, chhiat-chhi2.

31). Tng Jin5-chu2 ti7 I e5 eng5-kng, kap long2-chong2 e5 thi*-sai3 lai5 e5 si5, I beh che7 I eng5-kng e5 cho7-ui7, 32). chu7-chip8 ban7 pang ti7 I e5 bin7-cheng5; I chiu7 beh hun-piat in, chhin-chhiu*7 bok8-chia2 hun-piat mi5-iu*5 li7-khui soa*-iu*5. 33). Chiong mi5-iu*5 he7 ti7 I e5 chia*3-peng5, soa*-iu*5 he7 ti7 I e5 to3-peng5. 34). Hit si5 Ong5 beh ka7 chia*3-peng5 e5 kong2, Lin2 tui3 goa2 e5 Pe7 tit-tioh8 un-tian2 e5, chin3-cheng5 lai5 seng5-chiap kok, chiu7-si7 tui3 chhong3-cho7 se3-kan i2-lai5 ka7 lin2 pi7-pan7 e5. 35). In-ui7 goa2 iau, lin2 bat hoo7 goa2 chiah8; goa2 chhui3-ta, lin2 hoo7 goa2 lim; goa2 chhut-goa7, lin2 hoo7 goa2 toa3; goa2 thng3-pak-theh, lin2 hoo7 goa2 chheng7; 36). goa2 phoa3-pi*7, lin2 khoa*3-koo3 goa2; goa2 ti7 ka*-nih8, lin2 lai5 chhe7 goa2. 37). Hit si5 gi7 lang5 beh in3 I kong2, Chu2 ah, goan2 sim2-mih8 si5 khoa*3-ki*3 li2 iau, lai5 hoo7 li2 chiah8? chhui3-ta, lai5 hoo7 li2 lim? 38). Sim2-mih8 si5 khoa*3-ki*3 li2 chhut-goa7, lai5 hoo7 li2 toa3? thng3-pak-theh, lai5 hoo7 li2 chheng7? 39). Sim2-mih8 si5 khoa*3-ki*3 li2 phoa3-pi*7, a2-si7 ti7 ka*-nih8 lai5 chhe7 li2? 40). Ong5 beh in3 i kong2, Goa2 sit8-chai7 ka7 lin2 kong2, Lin2 ki3-jian5 kia*5 i ti7 goa2 e5 hia*-ti7 chi3-bi5-soe3 e5 e5 chit8-e5, chiu7-si7 kia*5 i ti7 goa2. 41). Koh beh ka7 to3-peng5 e5 kong2, Lin2 siu7 chiu3-choo2 e5, tioh8 li7-khui goa2, jip8 eng2-oan2 e5 he2, chiu7-si7 ui7-tioh8 Moo5-kui2 kap i chiah e5 su3-chia2 soo2 pi7-pan7 e5. 42). In-ui7 goa2 iau, lin2 m7 bat hoo7 goa2 chiah8; goa2 chhui3-ta, lin2 m7 bat hoo7 goa2 lim; goa2 chhut-goa7, lin2 m7 bat hoo7 goa2 toa3; 43). goa2 thng3-pak-theh, lin2 m7 bat hoo7 goa2 chheng7; goa2 phoa3-pi*7 kap ti7 ka*-nih8, lin2 m7 bat khoa*3-koo3 goa2. 44). In iah8 beh in3 kong2, Chu2 ah, goan2 sim2-mih8 si5 khoa*3-ki*3 li2 iau, a2-si7 chhui3-ta, a2-si7 chhut-goa7, a2-si7 thng3-pak-theh, a2-si7 phoa3-pi*7, a2-si7 ti7 ka*-nih8, lai5 bo5 hok8-sai7 li2 ah? 45). I chiu7 beh in3 i kong2, Goa2 sit8-chai7 ka7 lin2 kong2, Lin2 ki3-jian5 bo5 kia*5 i ti7 chiah e5 chi3-bi5-soe3 e5 e5 chit8 e5, chiu7-si7 bo5 kia*5 i ti7 goa2. 46). Chiah e5 lang5 beh khi3 jip8 eng2-oan2 e5 heng5-hoat8; na7-si7 gi7 e5 lang5 jip8 eng2-oan2 oah8.

[26] Ia5-soo kong2 chiah e5 oe7 soah, chiu7 ka7 I e5 hak8-seng kong2, 2). Lin2 chai ke3 nng7 jit8 poa*5-ke3-choeh chiu7 kau3, Jin5-chu2 tu2-tioh8 ke3-sang3 khi3 teng3 sip8-ji7-ke3. 3). Hit si5 hiah e5 che3-si-thau5 kap peh-si*3 e5 tiu*2-lo2 chu7-chip8 ti7 che3-si-thau5, mia5 Kai-a-hoat e5 i*7, 4). sa*-kap chham-siong5 eng7 khui2-khiat e5 ke3 liah8 Ia5-soo lai5 thai5 I. 5). Chong2-si7 kong2, Tng choeh-ki5 m7 thang, kia*-liau2 peh-si*3 e5 tiong-kan u7 jiau2-loan7.

6). Ia5-soo ti7 Pek-tai7-ni5, thai2-ko Se-bun5 e5 chhu3, 7). u7 hu7-jin5-lang5 toa3 gek8-pan5, lai7-bin7 toe2 kek8 kui3-khi3 e5 hiu*-iu5, chiu7-kun7 I, tng I che7 toh e5 si5 pia*3 ti7 I thau5-khak teng2. 8). Hak8-seng khoa*3-ki*3 chiu7 siu7-khi3, kong2, An2-ni phoa3-hui3 u7 sia*2 loo7-eng7? 9). In-ui7 chit e5 iu5 oe7 boe7-tit choe7-choe7 gun5, lai5 hoo7 song3-hiong lang5. 10). Ia5-soo chai chiu7 ka7 in kong2, Lin2 sia*2-su7 thiau-lan5 chit e5 hu7-jin5-lang5 ah? in-ui7 i soo2 kia*5 lai5 khoan2-thai7 goa2 e5 si7 ho2 su7. 11). In-ui7 siong5-siong5 u7 song3-hiong lang5 kap lin2 ti7-teh, na7-si7 goa2 bo5 siong5-siong5 kap lin2 ti7-teh. 12). In-ui7 i to3 chit e5 iu5 ti7 goa2 seng-khu, chiu7-si7 pi7-pan7 goa2 bai5-chong3 lai5 kia*5 e5. 13). Goa2 sit8-chai7 ka7 lin2 kong2, Phoo2 thi*-e7, bo5 lun7 sim2-mih8 soo2-chai7 thoan5 chit e5 hok-im, ia7 beh kong2-khi2 chit e5 hu7-jin5-lang5 soo2 kia*5, lai5 ki3-liam7 i.

14). Hit si5 chap8-ji7 e5 hak8-seng chit8-e5, mia5 choe3 Ka-liok8 lang5 Iu5-tai7, khi3 ki*3 hiah e5 che3-si-thau5, 15). kong2, Lin2 beh hoo7 goa2 joa7 choe7, goa2 beh chiong I kau hoo7 lin2? In chiu7 kap i iok, hoo7 i gun5 sa*-chap8. 16). Tui3 hit si5 i chhe7 ki-hoe7 chiong Ia5-soo kau hoo7 in.

17). Tu5-ka*3-choeh e5 thau5-chit8 jit8 hak8-seng chiu7-kun7 Ia5-soo kong2, Ai3 goan2 ti7 sim2-mih8 soo2-chai7 ka7 li2 pi7-pan7 chiah8 poa*5-ke3-choeh? 18). I kong2, Lin2 jip8 sia*5 chhe7 boo2 lang5, ka7 i kong2, Sian-si* kong2, Goa2 e5 si5 kun7 lah; goa2 kap goa2 e5 hak8-seng siu2 poa*5-ke3-choeh ti7 li2 tau. 19). Hak8-seng chiau3 Ia5-soo soo2 hoan-hu3 e5 khi3 kia*5: chiu7 pi7-pan7 poa*5-ke3-choeh. 20). Kau3 jit8 am3 Ia5-soo kap chap8-ji7 e5 hak8-seng che7 toh. 21). Chiah8 e5 si5, Ia5-soo kong2, Goa2 sit8-chai7 ka7 lin2 kong2, lin2 tiong-kan chit8 lang5 beh boe7 goa2. 22). Cheng3 lang5 chin iu-bun7, chit8-e5 chit8-e5 ka7 I kong2, Chu2 ah, chong2 bo5 si7 goa2 ooh? 23). I in3 kong2, Kap goa2 chhun chhiu2 ti7 poa*5-nih8 e5, hit-e5 beh boe7 goa2. 24). Jin5-chu2 to3-khi3 chiau3 soo2 ki3-chai3 chi2 I e5 oe7; na7-si7 boe7 Jin5-chu2 e5 u7 chai-e7 ah! hit lang5 bo5 chhut-si3 khah ho2. 25). Boe7 I e5 Iu5-tai7 kong2, Liap8-pi2, chong2 bo5 si7 goa2 ooh? Ka7 i kong2, Li2 i2-keng kong2 lah.

26). In teh chiah8 e5 si5, Ia5-soo theh8 pia*2, chiok-sia7 peh-phoa3, pun hoo7 hak8-seng, kong2, Theh8-khi3 chiah8; chit-e5 si7 goa2 e5 seng-khu. 27). Koh phang5 poe chiok-sia7 hoo7 in, kong2, Lin2 long2 tioh8 lim i; chit-e5 si7 goa2 e5 huih, chiu7-si7 beng5 iok e5 huih, ui7-tioh8 choe7-choe7 lang5 lai5 lau5-chhut e5, ti3-kau3 choe7 tit-tioh8 sia3-bian2. 28). Na7-si7 goa2 ka7 lin2 kong2, ta* liau2-au7 goa2 bo5 lim chit e5 phu5-to5 e5 chiap, theng3-hau7 hit jit8 goa2 kap lin2 lim hit e5 sin-e5 ti7 goa2 e5 Pe7 e5 kok.

30). I2-keng gim5 si chiu7 chhut-lai5, khi3 Ka*-na2 soa*.

31). Hit si5 Ia5-soo ka7 in kong2, Kim-mi5 lin2 long2 beh ui7-tioh8 goa2 lai5 siu7 that-gai7, in-ui7 u7 ki3-chai3 kong2, Goa2 beh phah bok8-chia2, chiu7 iu*5-kun5 si3-soa*3. 32). Na7-si7 goa2 koh-oah8 liau2-au7 beh tai7-seng lin2 khi3 Ka-li7-li7. 33). Pi2-tek in3 I kong2, Cheng3 lang5 sui-jian5 ui7-tioh8 li2 lai5 siu7 that-gai7, ia7 goa2 eng2-eng2 bo5 siu7 that-gai7. 34). Ia5-soo ka7 i kong2, Goa2 sit8-chai7 ka7 li2 kong2, kim-mi5 koe iau2-be7 thi5, li2 beh sa* pai2 m7 jin7 goa2. 35). Pi2-tek ka7 I kong2, Goa2 chiu7 na7 tioh8 kap li2 si2, ia7 koat-toan3 bo5 m7 jin7 li2. Cheng3 hak8-seng ia7 long2 si7 an2-ni kong2.

36). Ia5-soo kap in kau3 chit8 soo2-chai7, mia5 Khek-se-ma2-ni5, ka7 I e5 hak8-seng kong2, Lin2 chiah-e5 che7 chia, theng3-hau7 goa2 khi3 hia ki5-to2. 37). Chiah chhoa7 Pi2-tek kap Se-pi2-thai3 nng7 e5 kia*2 sa*-kap khi3; chiu7 iu-bun7, chham2-chhoeh. 38). Ka7 in kong2, Goa2 e5 sim chin iu-bun7 kau3 beh si2, lin2 toa3 chia kap goa2 keng2-seng2. 39). Lioh8-lioh8-a2 chin3-cheng5 bin7 phak ti7 toe7-nih8, ki5-to2, kong2, Goa2 e5 Pe7 ah, na7 oe7 choe3-tit, tioh8 hoo7 chit e5 poe li7-khui goa2; chong2-si7 m7 si7 chiau3 goa2 soo2 ai3, si7 chiau3 li2 soo2 ai3. 40). Chiu7 lai5 hak8-seng hia, khoa*3-ki*3 in teh khun3, ka7 Pi2-tek kong2, An2-chai*2-iu*7, lin2 boe7-oe7 kap goa2 keng2-seng2 poa*3-si5 ku2 ah? 41). Tioh8 keng2-seng2, tioh8 ki5-to2, bian2-tit jip8 ti7 be5-hek8; sim-sin5 kam-goan7, na7-si7 jiok8-the2 nng2-chia*2. 42). Te7 ji7 pai2 koh khi3 ki5-to2, kong2, Goa2 e5 Pe7 ah, chit-e5 poe na7 boe7-tit li7-khui goa2, tek-khak tioh8 goa2 lim i, chiu7 goan7 li2 e5 chi2-i3 tit chia*5. 43). Koh-chai3 lai5 khoa*3-ki*3 in iu7 teh khun3, in-ui7 in e5 bak8-chiu siap. 44). Li7-khui in koh khi3, te7 sa* pai2 ki5-to2, ia7 si7 kong2 hiah e5 oe7. 45). Hit tiap8 koh chiu7-kun7 hak8-seng, ka7 in kong2, Ta* thang khun3 lai5 an-hioh lah. Si5 kun7 lah, Jin5-chu2 siu7 boe7 ti7 choe7-jin5 e5 chhiu2. 46). Khi2-lai5 sa*-kap kia*5; boe7 goa2 e5 lang5 kun7 lah.

47). Iau2 teh kong2 e5 si5, hut-jian5 chap8-ji7 e5 hak8-seng e5 chit8 e5, Iu5-tai7, lai5, ia7 u7 kui tin7 lang5 kiah8 to kap thui5-a2, tui3 chiah e5 che3-si-thau5 kap peh-si*3 e5 tiu*2-lo2 hia sa*-kap lai5. 48). Boe7 I e5 bat kap in tho3 am3-ho7, kong2, Goa2 ka7 I chim e5, hit lang5 chiu7-si7, lin2 thang liah8 I. 49). Chek-si5 chiu7-kun7 Ia5-soo, kong2, Liap8-pi2, peng5-an; chiu7 tit8-tit8 ka7 I chim. 50). Ia5-soo ka7 i kong2, Peng5-iu2 ah, li2 beh lai5 choe3 e5, chiu7 choe3. Hiah e5 lang5 chiu7 chin3-cheng5, khi2 chhiu2 liah8 Ia5-soo. 51). Hut-jian5 u7 kap Ia5-soo ti7-teh e5 chit8 lang5 chhun chhiu2 puih8 to, thai5 che3-si-thau5 e5 loo5-pok8, siah-khi3 i chit8 e5 hi7-a2. 52). Ia5-soo chiu7 ka7 i kong2, Siu li2 e5 to jip8 goan5-ui7, in-ui7 hoan7-na7 kiah8 to e5 beh tui3 to si2. 53). A2-si7 li2 phah-sng3 goa2 boe7-oe7 kiu5 goa2 e5 Pe7, chiu7 I ti7 chit tiap8 beh ka7 goa2 chhe chap8-ji7 ia*5 khah ke e5 thi*-sai3 mah? 54). Na7 an2-ni, chiu7 seng3-keng soo2 kong2 chit e5 tai7-chi3 tek-khak u7 e5, chai*2-iu*7 oe7 eng3-giam7 ah? 55). Hit si5 Ia5-soo ka7 in hiah e5 lang5 kong2, Lin2 kiah8 to kap thui5-a2 chhut-lai5 liah8 goa2, chhin-chhiu*7 beh liah8 chhat8 mah? Goa2 jit8-jit8 che7 ti7 tian7-lai7 ka3-si7 lang5, ia7 lin2 bo5 liah8 goa2. 56). Chong2-si7 chit e5 su7 long2 chia*5, si7 beh eng3-giam7 sian-ti soo2 ki3-chai3 e5. Hit si5 hak8-seng long2 li7-khui I chau2.

57). Liah8 Ia5-soo e5 toa3 I kau3 che3-si-thau5 Kai-a-hoat e5 soo2-chai7, ti7 hia hiah e5 keng-hak8-su7 kap tiu*2-lo2 i2-keng chu7-chip8. 58). Pi2-tek hng7-hng7 te3 I kau3 che3-si-thau5 e5 i*7, jip8 lai7-bin7 kap hiah e5 chhe-iah8 sa*-kap che7, beh khoa*3 hit e5 kiat-kiok8. 59). Chiah e5 che3-si-thau5 kap choan5 kong-hoe7 chhe7 lam7-sam2 e5 kan-cheng3 kong-kek Ia5-soo, ai3 hoo7 I si2. 60). Sui-jian5 choe7-choe7 lam7-sam2 kan-cheng3 e5 lai5, ia7 bo5 tit-tioh8. Au7-lai5 u7 nng7-e5 kau3, kong2, 61). Chit lang5 bat kong2, Goa2 oe7 hui2-hoai7 Siong7-te3 e5 tian7, sa* jit8 chiu7 khi2 i. 62). Che3-si-thau5 khi2-lai5 ka7 I kong2, Li2 long2 bo5 in3 mah? Chiah e5 lang5 soo2 kan-cheng3 li2 e5 si7 sim2-mih8? 63). Na7-si7 Ia5-soo cheng7-cheng7. Che3-si-thau5 ka7 I kong2, Tng chit e5 chin-oah8 Siong7-te3, goa2 beng7-leng7 li2 chiu3-choa7 lai5 ka7 goan2 kong2, li2 ko2-jian5 si7 Siong7-te3 e5 Kia*2, Ki-tok, a2 m7 si7. 64). Ia5-soo ka7 i kong2, Li2 i2-keng kong2 lah; na7-si7 goa2 ka7 lin2 kong2, Tui3 chit tiap8 liau2-au7 lin2 beh khoa*3-ki*3 Jin5-chu2 che7 ti7 u7 koan5-leng5 e5 e5 toa7 peng5, che7 thi* e5 hun5 lai5. 65). Tui3 an2-ni che3-si-thau5 thiah-lih8 ka-ki7 e5 sa*, kong2, I kong2-chhut chhiam3-koan5 siat-tok8 e5 oe7; lan2 iau2-ku2 khiam3sim2-mih8 kan-cheng3 ah? Ta* lin2 i2-keng thia*-ki*3 I e5 chhiam3-koan5 siat-tok8 lah. 66). Lin2 phah-sng3 chai*2-iu*7? In3 kong2, I kai si2. 67). Chiu7 phui3-noa7 ti7 I e5 bin7, eng7 kun5-thau5-bu2 cheng I; ia7 u7-e5 eng7 chhiu2 sian3 I, 68). kong2, Ki-tok ah, li2 si7 sian-ti, tioh8 ka7 goan2 kong2, phah li2 e5 si7 chi7-chui7.

69). Pi2-tek che7 ti7 goa7 i*7; u7 chit8 e5 lu2-pi7 kun7-oa2 i kong2, Li2 ia7 bat kap Ka-li7-li7 lang5 Ia5-soo choe3 tin7. 70). Pi2-tek tng cheng3 lang5 e5 bin7-cheng5 m7 jin7 kong2, Goa2 m7 chai li2 teh kong2 sim2-mih8. 71). Chhut-khi3 kau3 i*7 mng5, koh chit8 e5 lu2-pi7 khoa*3-ki*3 i, ka7 ti7 hia e5 lang5 kong2, Chit-e5 ia7 bat kap Na2-sat-lek8 lang5 Ia5-soo choe3 tin7. 72). Pi2-tek koh m7 jin7, soa3 chiu3-choa7 kong2, Goa2 m7 bat hit e5 lang5. 73). U7 hiah ku2, pi*-a2 teh khia7 e5 lang5 kun7-oa2 ka7 Pi2-tek kong2, Li2 sit8-chai7 ia7 si7 in e5 tong2, in-ui7 tui3 li2 e5 khiu*-khau2 loo7-chhut. I chiah chiu3-me7, koh chiu3-choa7, kong2, Goa2 m7 bat hit e5 lang5. Koe chiu7 thi5. 75). Pi2-tek chiu7 ki3-tit Ia5-soo e5 oe7 kong2, Koe iau2-be7 thi5, li2 beh sa* pai2 m7 jin7 goa2. Chiu7 chhut-khi3 goa7-bin7, toa7 thi5-khau3.

[27] Kau3 thi*-kng cheng3 che3-si-thau5 kap peh-si*3 e5 tiu*2-lo2 sa*-kap ke3-boo5 kong-kek Ia5-soo, ai3 hoo7 I si2. 2). I2-keng pak8 I, chiu7 toa3-khi3 kau hoo7 chong2-tok Pi2-liap8-to.

3). Hit si5 boe7 I e5 Iu5-tai7 khoa*3-ki*3 Ia5-soo siu7 teng7-choe7, chiu7 the3-hoe2, chiong hiah e5 sa*-chap8 gun5 heng5 chiah e5 che3-si-thau5 kap tiu*2-lo2, kong2, Goa2 boe7 bo5 choe7 e5 e5 huih, u7 choe7 lah. In kong2, Kap goan2 sia*2 kan-siap8? Li2 ka-ki7 ta*2-sng3. 5). Iu5-tai7 hiat hiah e5 gun5 ti7 tian7-nih8, the3-khi3 ka-ki7 tiau3-si2. 6). Hiah e5 che3-si-thau5 theh8 hit e5 gun5, kong2, Che si7 huih e5 ke3, m7 thang lok ti7 khoo3-pang5. 7). In chiu7 chham-siong5, chiong hit e5 gun5 khi3 boe2 sio-hui5 lang5 e5 hng5, thang bai5-chong3 chhut-goa7 lang5. 8). Soo2-i2 hit khu hng5 kau3 ta* chheng choe3 Huih-hng5. 9). Tui3 an2-ni eng3-giam7 cha2 thok sian-ti Ia5-li7-bi2 soo2 kong2 e5, kong2, In theh8 siu7-koo2-e5 e5 ke3-gun5 sa*-chap8, chiu7-si7 I2-sek-liat8 e5 kia*2-sun tiong u7 lang5 soo2 koo2 e5; 10). eng7 i lai5 boe2 sio-hui5-e5 e5 hng5, chiau3 Chu2 soo2 beng7-leng7 goa2 e5.

11). Ia5-soo khia7 ti7 chong2-tok e5 bin7-cheng5; chong2-tok mng7 I kong2, Li2 si7 Iu5-thai3 lang5 e5 ong5 mah? Ia5-soo ka7 i kong2, Li2 kong2, chiu7-si7. 12). I hoo7 hiah e5 che3-si-thau5 tiu*2-lo2 ko3, I ia7 bo5 in3. 13). Hit si5 Pi2-liap8-to ka7 I kong2, Hiah e5 lang5 kan-cheng3 li2 kau3 hiah choe7 hang7, li2 bo5 thia*-ki*3 mah? 14). Ia5-soo bo5 in3 i chit8 ku3 oe7 ti3-kau3 chong2-tok toa7 ki5-koai3.

15). Kau3 choeh-ki5 chong2-tok chiau3-le7 pang3 chit8-e5 hoan7-lang5 hoo7 cheng3 lang5, si7 chiau3 in soo2 ai3 e5. 16). Hit si5 u7 chhut-mia5 e5 hoan7-lang5, mia5 kio3 Pa-liap8-pa. 17). In i2-keng chu7-chip8, Pi2-liap8-to ka7 in kong2, Lin2 ai3 goa2 pang3 chi7-chui7 hoo7 lin2? si7 Pa-liap8-pa, a2-si7 chheng choe3 Ki-tok e5 Ia5-soo? 18). In-ui7 chai in ui7-tioh8 oan3-too3 chiah ke3-sang3 Ia5-soo. 19). I che7 tng5 e5 si5, i e5 boo2 chhe lang5 ka7 i kong2, Chit e5 gi7 lang5 li2 m7 thang kan-siap8-tioh8; in-ui7 goa2 kin-a2-jit8 ti7 bin5-bang7 tiong ui7-tioh8 I choe7-choe7 kan-khoo2. 20). Chiah e5 che3-si-thau5 kap tiu*2-lo2 kiau-so cheng3 lang5, kiu5 pang3 Pa-liap8-pa, biat8 Ia5-soo. 21). Chong2-tok in3 kong2, Chit nng7 lang5 lin2 ai3 goa2 pang3 ta2-loh8 chit8-e5 hoo7 lin2? In kong2, Pa-liap8-pa. Pi2-liap8-to ka7 in kong2, 22). An2-ni, chiu7 chheng choe3 Ki-tok e5 Ia5-soo, goa2 tioh8 chai*2-iu*7 pan7 I? In long2 kong2, Teng3 I sip8-ji7-ke3. 23). Chong2-tok kong2, Chai*2-iu*7, I u7 kia*5 sim2-mih8 phai*2? In toa7 sia* hoah kong2, Teng3 I sip8-ji7-ke3. 24). Pi2-liap8-to khoa*3-ki*3 bo5 chhai2-kang, hoan2-tng2 na2 jiau2-loan7, chiu7 phang5 chui2, ti7 cheng3 lang5 e5 bin7-cheng5 soe2 chhiu2, kong2, Ti7 chit e5 gi7 lang5 e5 huih goa2 bo5 choe7, lin2 ka-ki7 ta*2-sng3. 25). Peh-si*3 long2 in3 i kong2, I e5 huih kui ti7 goan2 kap goan2 e5 kia*2-sun. 26). I chiu7 pang3 Pa-liap8-pa hoo7 in. I2-keng pi*-phah Ia5-soo, chiu7 hoat-kau khi3 teng3 sip8-ji7-ke3.

27). Hit si5 chong2-tok e5 peng toa3 Ia5-soo jip8 kong-tng5, chu7-chip8 thong ia*5 ui5 I. 28). Thng3 I e5 sa*, chiong ang5 phau3 ka7 I chheng7; 29). eng7 chhi3-a2 pi*7 bian2-liu5, ti3 ti7 I e5 thau5-khak, eng7 loo5-tek he7 ti7 I e5 chia*3-chhiu2, kui7 ti7 I e5 bin7-cheng5 hi3-lang7 I kong2, Iu5-thai3 lang5 e5 ong5 peng5-an. 30). Chiu7 ka7 I phui3-noa7, kiah8 hit ki loo5-tek, lai5 sut I e5 thau5-khak. 31). Hi3-lang7 soah, hit nia2 phau3 chiu7 ka7 I thng3-khi2-lai5, chiong I ka-ki7 e5 sa* ka7 I chheng7, toa3 I khi3 teng3 sip8-ji7-ke3.

32). Chhut-lai5 e5 si5 tu2-tioh8 chit8 e5 Koo2-li7-nai7 lang5 mia5 Se-bun5, bian2-kiong2 i sa*-kap khi3, hoo7 i gia5 Ia5-soo e5 sip8-ji7-ke3. 33). Kau3 chit8 soo2-chai7, mia5 Kok-kok-tha*, chiu7-si7 thau5-khak oa*2 e5 soo2-chai7, chiu7 eng7 khoo2-ta*2 soo2 tiau5-ho5 e5 chiu2 hoo7 I lim; 34). I chhi3-khoa*3, chiu7 m7 lim. 35). I2-keng teng3 I ti7 sip8-ji7-ke3, chiu7 choe3-khau pun I e5 i-hok8; 36). koh che7 ti7 hia koo3-siu2 I. 37). Chiu7 he7 cham2-tiau5 ti7 I e5 thau5-khak e5 teng2-bin7, sia2 kong2, Chit-e5 si7 Iu5-thai3 lang5 e5 ong5, Ia5-soo. 38). Hit si5 u7 nng7 e5 chhat8 kap I tang5 teng3 ti7 sip8-ji7-ke3, chit8-e5 ti7 chia*3-peng5, chit8-e5 ti7 to3-peng5.

39). Keng-ke3 e5 lang5 ki-chhi3 I, io5 thau5 kong2, 40). Li2 hui2-hoai7 tian7, sa* jit8 koh khi2 e5, tioh8 kiu3 ka-ki7; li2 na7 si7 Siong7-te3 e5 Kia*2, tioh8 tui3 sip8-ji7-ke3 loh8-lai5. 41). Hiah e5 che3-si-thau5 kap keng-hak8-su7 i2-kip8 tiu*2-lo2 ia7 si7 an2-ni hi3-lang7 I, kong2, 42). I bat kiu3 pat8 lang5 boe7-oe7 kiu3 ka-ki7. I choe3 I2-sek-liat8 e5 ong5, ta* tioh8 tui3 sip8-ji7-ke3 loh8-lai5, goan2 chiu7 beh sin3 I. 43). I oa2-kho3 Siong7-te3, Siong7-te3 na7 hoa*-hi2 I, ta* chiu7 tioh8 kiu3 I; in-ui7 I kong2, Goa2 chiu7-si7 Siong7-te3 e5 Kia*2. 44). Kap I tang5 teng3 hit nng7 e5 chhat8 ia7 si7 an2-ni me7 I.

45). Tui3 jit8-tiong-tau3 kau3 sa* tiam2, pian3 toe7 oo-am3. 46). Chha-put-to sa* tiam2, Ia5-soo toa7 sia* au5-kio3 kong2, I2-li7, I2-li7, liap8-ma2 sat-pok-tai7-ni5, chiu7-si7 kong2, Goa2 e5 Siong7-te3, goa2 e5 Siong7-te3, li2 sia*2-su7 pang3-li7 goa2? 47). Pi*-thau5 khia7 e5 u7 lang5 thia*-ki*3 chiu7 kong2, I teh kio3 I2-li7-a. 48). Tiong-kan chit8 lang5 chek-si5 chau2-khi3, theh8 hai2-jiong5, chim3 chhoo3, ha5 ti7 loo5-tek-a2 be2, hoo7 I suh. 49). Ki5-u5 e5 kong2, Chhia*2 ban7, khoa*3 I2-li7-a lai5 kiu3 I a2 bo5.

50). Ia5-soo koh toa7 sia* au5-kio3, chiu7 tng7 khui3. 51). Hut-jian5 tian7-lai7 e5 tiu*3, tui3 teng2 kau3 e7, lih8 choe3 nng7 peng5; toe7 tang7, chioh8-poa*5 lih8; bong7 khui, i2-keng teh khun3 e5 seng3-too5, in e5 sin-khu choe7-choe7 khi2-lai5, tui3 in e5 bong7 chhut; 53). kau3 Ia5-soo koh-oah8 liau2-au7, in jip8 seng3 sia*5, chhut-hian7 ti7 choe7-choe7 lang5. 54). Pe2-chong2 kap sa*-tang5 koo3-siu2 Ia5-soo e5, khoa*3-ki*3 toe7-tang7, kap soo2 keng-ke3 e5 su7, put-chi2 kia*, kong2, Chit-e5 ko2-jian5 si7 Siong7-te3 e5 Kia*2. 55). U7 choe7-choe7 hu7-jin5-lang5 ti7 hia hng7-hng7 teh khoa*3; in chiu7-si7 tui3 Ka-li7-li7 kun-te3 Ia5-soo lai5 hok8-sai7 I e5; 56). chiong5-tiong u7 Boat8-tai7-liap8 e5 Ma2-li7-a, Nga2-kok Iok-se e5 lau7-bu2 Ma2-li7-a, kap Se-pi2-thai3 e5 kia*2 e5 lau7-bu2.

57). I2-keng am3, u7 A-li7-ma2-thai3 e5 ho2-giah8 lang5 lai5, mia5 choe3 Iok-sek, i ia7 si7 Ia5-soo e5 hak8-seng. 58). Hit lang5 khi3 ki*3 Pi2-liap8-to, kiu5 Ia5-soo e5 sin-si; Pi2-liap8-to hoan-hu3 tioh8 hoo7 i. 59). Iok-sek siu hit e5 sin-si, eng7 chheng-khi3 e5 iu3-poo3 pau i; 60). he7 ti7 i ka-ki7 e5 sin bong7, chiu7-si7 i ti7 chioh8-poa*5 soo2 phah e5; chiu7 ko7 toa7 te3 chioh8 ti7 bong7-mng5, chiah khi3. 61). U7 Boat8-tai7-liap8 e5 Ma2-li7-a kap pat8 e5 Ma2-li7-a ti7 hia, che7 ti7 bong7 e5 tui3-bin7.

62). Keh jit8, chiu7-si7 pi7-pan7 choeh au7 e5 chit8 jit8, hiah e5 che3-si-thau5 kap hoat-li7-sai3 lang5 chu7-chip8 ki*3 Pi2-liap8-to kong2, 63). Tai7-jin5 ah, goan2 ki3-tit hit e5 be5-hek8 lang5 e5, oah8-teh e5 si5 bat kong2, Sa* jit8 au7 goa2 beh koh-oah8. 64). Soo2-i2 chhia*2 li2 beng7-leng7 koo3-siu2 hit e5 bong7, kau3 te7 sa* jit8; kia*-liau2 I e5 hak8-seng lai5 thau I khi3, iah8 ka7 peh-si*3 kong2, I tui3 si2-lang5 tiong koh-oah8; an2-ni, chiu7 au7-lai5 e5 chha-biu7, pi2 tai7-seng khah li7-hai7. 65). Pi2-liap8-to ka7 in kong2, Lin2 nia2 peng khi3, chiau3 lin2 soo2 chai-ia*2 e5 khi3 koo3-siu2. 66). In chiu7 khi3, hong chioh8 kap siat peng, lai5 koo3-siu2 hit e5 bong7.

[28] An-hioh-jit8 au7, chhit jit8 e5 thau5-chit8-jit8, thi* phu2-kng. Boat8-tai7-liap8 e5 Ma2-li7-a kap pat8 e5 Ma2-li7-a lai5 beh khoa*3 hit e5 bong7. 2). Hut-jian5 toe7 toa7 tin2-tang7, in-ui7 Chu2 e5 thi*-sai3 tui3 thi* loh8-lai5, ko7 khui hit te3 chioh8, lai5 che7 ti7 teng2-bin7. 3). I e5 bin7-mau7 chhin-chhiu*7 sih-na3, sa* peh8 chhin-chhiu*7 seh. 4). Koo3-siu2 e5 lang5 in-ui7 kia*, chiu7 ngiauh8-ngiauh8-chhoah, pian3 chhin-chhiu*7 si2. 5). Thi*-sai3 in3 hiah e5 hu7-jin5-lang5 kong2, Lin2 m7 bian2 kia*, in-ui7 goa2 chai lin2 teh chhe7 teng3 sip8-ji7-ke3 e5 Ia5-soo. 6). I bo5 ti7 chia, in-ui7 I i2-keng koh-oah8, chiau3 I soo2 kong2 e5; lin2 lai5 khoa*3 Chu2 soo2 to2 e5 soo2-chai7. 7). Ia7 tioh8 kin2-kin2 khi3 ka7 I e5 hak8-seng kong2, I tui3 si2-lang5 tiong koh-oah8, ia7 beh tai7-seng lin2 khi3 ka-li7-li7, ti7 hia lin2 beh khoa*3-ki*3 I; goa2 i2-keng ka7 lin2 kong2 lah. 8). In kin2-kin2 li7-khui bong7, ia7 kia* ia7 toa7 hoa*-hi2, chau2 khi3 po3 I e5 hak8-seng. 9). Hut-jian5 Ia5-soo tu2-tioh8 in, kong2, Peng5-an. In chin3-cheng5, pho7 I e5 kha, pai3 I. 10). Ia5-soo chiu7 ka7 in kong2, M7 bian2 kia*, khi3 po3 goa2 e5 hia*-ti7, kah in khi3 Ka-li7-li7, ti7 hia beh khoa*3-ki*3 goa2.

11). Hu7-jin5-lang5 khi3 e5 si5, koo3-siu2 e5 peng u7-e5 jip8 sia*5, eng7 soo2 keng-ke3 e5 su7 it-chin7 po3 chiah e5 che3-si-thau5. 12). In chiu7 kap tiu*2-lo2 chu7-chip8, sa*-kap chham-siong5, eng7 choe7-choe7 gun5 hoo7 peng, kong2, 13). Lin2 tioh8 kong2, Goan2 teh khun3 e5 si5, I e5 hak8-seng mi5-si5 lai5 thau-khi3. 14). Siat-su2 chit e5 tai7-chi3 hoo7 chong2-tok thia*-ki*3, goan2 chiu7 beh khng3 i, hoo7 lin2 bo5 su7. 15). In theh8 hiah e5 gun5, chiau3 soo2 ka3 in e5 khi3 kia*5; chit e5 oe7 chiu7 pian3 thoan5 Iu5-thai3 lang5 tiong, kau3 ti7 kin-a2-jit8.

16). Na7-si7 chap8-it e5 hak8-seng khi3 Ka-li7-li7, kau3 Ia5-soo soo2 bat ka7 in tia*7-tioh8 e5 soa*. 17). Khoa*3-ki*3 I, chiu7 pai3 I; chong2-si7 u7-e5 giau5-gi5. 18). Ia5-soo kun7-oa2 lai5 tui3 in kong2 oe7, kong2, Thi*-teng2 toe7-e7 e5 koan5, i2-keng long2-chong2 hoo7 goa2. 19). Soo2-i2 lin2 tioh8 khi3 chio ban7 peh-si*3 lai5 choe3 hak8-seng, ka7 in kia*5 soe2-le2, hoo7 in kui ti7 Pe7, Kia*2, Seng3 Sin5 e5 mia5; 20). ki*3-na7 goa2 soo2 u7 beng7-leng7 lin2 e5, tioh8 ka3-si7 in siu2; koh goa2 jit8-jit8 kap lin2 ti7-teh, kau3 se3-kan e5 loo7-be2.