Ông-kong-seⁿ
Ông-kong-seⁿ
[siu-kái]Tōa Ông-kong-seⁿ it-poaⁿ sī tī chiaⁿ-goe̍h cha̍p-gō͘ la. A in-ūi chiaⁿ-goe̍h cha̍p-gō͘ là, chiaⁿ-goe̍h cha̍p-gō͘ mā tú Goân-siau.Mā tú kòe-nî liáu, kòe-nî liáu,ta-ke mā sǹg kóng kah bô êng, kòe-nî tùi Ông-kong-biō lâi kóng i mā-sī chi̍t-ê kah tōa-ê chi̍t-ê sǹg kóng a cheh-ji̍t. A ta-ke lóng chìn bô êng. Só͘-í tōa Ông-kong a seⁿ-ji̍t hit kang kòe kim hóe niā. Kòe kim-hóe i m̄-sī kòe thòaⁿ hóe, tān-sī, jī Ông-kong seⁿ-ji̍t ho á-sī jī-goe̍h cha̍p-gō͘. In-ūi i kòe-nî liáu ū chit tōaⁿ sî-kan na. A it-poaⁿ a só͘-ū chia–ê chng-thâu lâi kóng, lóng tī nî chhe i ē hē-pêng-an.
jī Ông-kong seⁿ-ji̍t hit-kang sī hē-pêng-an ê ji̍t-chí
[siu-kái]Jī Ông-kong seⁿ-ji̍t hit-kang á tō͘-sī láng Jī-kiat Ông-kong-biō hē-pêng-an ê ji̍t-chí.
gō͘ ê hong-hiòng an-iâⁿ
[siu-kái]I ê hē-pêng-an chiâⁿ te̍k-sû la.Tō͘-sī, tî-liáu jī Ông-kong chhian-chhiu, kòe kim-hóe i tî-gōa, i ê tī lán ê 祭祀圈tī lán-ê gō͘ hong, gō͘-ê gō͘-ê hong-ūi, gō͘-ê hong-hiòng khí an-iâⁿ.
iâⁿ-peng ê só͘-chāi
[siu-kái]Chit-ê iâⁿ-peng ê só͘-chāi lóng kò͘-tēng. Tō͘-sī tang, sai, lâm, pak, tiong, chit gō͘-ê hong-ūi khí an-iâⁿ.
siā-pêng-an, siu iâⁿ-peng
[siu-kái]Hē-pêng-an liáu-āu, it-poaⁿ lóng-tī cha̍p-it-goe̍h cha̍p-gō͘, cha̍p-saⁿ lán kiò-chò siā-pêng-an. Ū hē-pêng-an tō͘-ū siā-pêng-an, á Ông-kong-biō mā tī saⁿ Ông-kong chhian-chhiu seⁿ-ji̍t hit-kang ê chìn-chêng khí kah hit-á iâⁿ-peng khí siu tò-tńg--lâi.Iâⁿ-peng siu tò-tńg--lâi tō͘-sī kah hit-ê lēng chit-ê gō͘ hong chit-ê lēng-kî siu tò-tńg--lâi, khò-kun liáu-āu, á to͘ tán kòe-nî á, á kah kòe tng-nî jī goe̍h cha̍p-gō͘ kah to͘ khì koh khì an-iâⁿ, hē-pêng-an.
jiàu-kéng kî-an oa̍t-tōng
[siu-kái]Só͘-í, tōa Ông-kong kap jī Ông-kong ê seⁿ-ji̍t, kú-pān ê hong-sek khah bô siáⁿ kāng-khoán. It-poaⁿ chng-thâu jî-kó iá-ū jiàu-kéng, jiàu-kéng,chhut-sûn, jiàu-kéng. Kî-an it-poaⁿ mā lóng tōa pō͘-hūn lī-iōng jī Ông-kong seⁿ-ji̍t hit-kang, jī goe̍h cha̍p-gō͘ lông-le̍k jī goe̍h cha̍p-gō͘ hit-kang chìn-hêng hit-ê pêng-an jiàu-kéng, kî-an jiàu-kéng chit-ê oa̍t-tōng.
Ông-kong-biō ê khìng-tián
[siu-kái]I sī-án-na an-pâi tī jī goe̍h cha̍p-gō͘? It-poaⁿ Ông-kong-biō i tāi-khài ū saⁿ ê khìng-tián tōa--ê khìng-tián jī goe̍h cha̍p gō͘ tō͘-sī jī Ông-kong chhian-chhiu jiàu-kéng, kòe-lâi tō͘-sī chhit goe̍h cha̍p gō͘ phó͘-tō͘, kòe-lâi tō͘-sī cha̍p it goe̍h cha̍p gō͘, tō͘-sī Ông-kong seⁿ. Só͘-í i kah chit-ê khang-khòe kap hun-phòe khì nî-chhe, nî-tiòng kah nî-bóe, án-ne khang-khòe chia bē chek chek chò chi̍t hóe, ta-ke ê kám-kak chìn bô êng, che ū tang-sî-á mā-sī kóng lán chó͘-sian tī siat-kè chit-ê kho-gî chi̍t-ê su-khó chi̍t-ê hui-siông tiōng-iàu chi̍t-ê goân-chek.
Ông-kong seⁿ chìn-hêng ê hong-sek
[siu-kái]Ông-kong seⁿ chìn-hêng ê hong-sek kî-sî sûi tio̍h hí-ê nî-tāi ê chit-ê piàn-chhian kî-sî piàn-hòa chìn chē la.Góa siong-sìn bo̍k-chêng Ông-kong-biō só͘ chìn-hêng ê Ông-kong-seⁿ chit-ê kòe-hóe ê hong-sekkap chit-ê chè-pài chit-ê hong-sek kap í-chêng mā tām-po̍h-á bô kāng-khoán. In-ūi ū kok hong-bīn tiâu-kiāⁿ bô kāng-khoán só͘-í, kái-piàn gî-sek ê chìn-hêng, bo̍k-chêng chím-má Ông-kong seⁿ beh kòe-hóe hit-kang tō͘-sī Ông-kong chhian-chhiu hit-kang tī chi-chêng ê chêng chi̍t-kang. It-poaⁿ,tī àm-sî-á cha̍p it tiám cha̍p gō͘ tō͘-sī kòe tńg-kang la.Tō͘-sī chêng chi̍t-kang àm-sî-á cha̍p it tiám cha̍p gō͘ hit-kang lán Ông-kong-biō chit pêng ē seng pān-lí chiok-siū ê chit-ê kho-gî. chiok-siū tî-liáu chia–ê kàn-sū, kàn-pō͘ i tû-gōa, tong-jiân tùi-gōa khai-hòng só͘-ū ê sìn-tô͘ hit-kang lâi kah Ông-kong chiok-siū chit-ê pō͘-hūn, it-poaⁿ chin-chē bîn-chiòng hit-kang àm-sî-á lóng ē kòe-lâi, liáu-āu, tō͘-sī kah thàu-chá to͘ beh kú-pān kòe-hóe ê gî-sek, che tō͘-sī Ông-kong-seⁿ thóng tiōng-iàu ê kho-gî la.
tâng-ki chē ki ê kho-gî
[siu-kái]Tī chit cha̍p nî chó-iū khai-sí, bān-bān-á ū tām-po̍h-á tiâu-chéng gî-sek chìn-hêng ê hong-sek, tī bo̍k-chêng lâi kóng tō͘-sī thàu-chá la̍k tiám, lán ē sin iau-chhiáⁿ hí-ê Ông-kong-biō chit-ê tâng-ki tō͘-sī Ông-kong ê khè-kiáⁿ, tâng-ki lâi chē-ki, lâi chē ki, chē ki chòe chú-iàu tō͘-sī hit-kang in-ūi beh kòe-hóe iû chi̍t-ê chin sēng-tāi, kòe-hóe ê tiûⁿ-só͘ á kap kòe-hóe chi̍t-ê kho-gî, só͘-í, Ông-kong su-iàu chí-phài chi̍t-ê chí-hui-koaⁿ kap chip-hêng-koaⁿ. Chit-ê chí-hui-koaⁿ kap chip-hêng-koaⁿ chí-phài tong-jiân sī iû Ông-kong lâi chí-phài, m̄-sī iû lán biō hong chit pêng sìn-chiòng ka-kī khì kóng beh kiò sím-mi̍h lâng to͘ chí-hui-koaⁿ lâi chò chí-hui-koaⁿ. Só͘-í, che to͘ pit-su iàu iû lán ê Ông-kong ê khè-kiáⁿ, ki-tông lâi kap Ông-kong ko͘-thong, Ông-kong beh chí-phài sím-mi̍h lâng lâi chò chí-hui-koaⁿ? Só͘-í che ū chi̍t-ê chē-ki chi̍t-ê kho-gî.
Ông-kong chiūⁿ-sin, siū lēng kap siū ìn
[siu-kái]Tong-jiân chē ki liáu-āu, Ông-kong chiūⁿ-sin liáu-āu, khai-sí tō͘-sī lâi kiong-chhéng tio̍h hit-ê chí-hui-koaⁿ. a to͘ khai-sí lán biō hong á to͘ chip-sū-jîn-oân hit-kang thàu-chá á to͘ lâi biō hong chìn-hêng chit-ê beh kòe-hóe chi-chêng chia ê thâu-chêng chia ê ài chún-pī khang-khòe, kòe-lâi tō͘-sī kóng tî-liáu chí-phài chit-ê chí-hui-koaⁿ, chip-hêng-koaⁿ, lēng-gōa, tiōng-iàu tō͘-sī Ông-kong iau siu khoân, ná-sī siū khoân ê hong-hoat tō-sī chit-ê siū lēng, chi̍t ê tō-sī siū ìn, tō͘-sī lán hit-kang beh kòe-hóe hit-kang só͘-ū iōng tio̍h chia–ê kho-gî ài sú-iōng ê ìn-á. Ông-kong hit-kang ē te̍k-pia̍t siū khoân hō͘ chit-ê chip-hêng-koaⁿ lâi sú-iōng chit-ê ìn-á. lēng-gōa, in-ūi chip-hêng-koaⁿ beh chí-hui hiān-tiûⁿ só͘-ū chit-ê sîn-chun, pau-koa kho-gî ê chìn-hêng, só͘-í i su-iàu lēng, chit-ê lēng mā-sī iû chit-ê ki-tông thàng-kòe Ông-kong lâi siū lēng, hō͘ chit-ê chip-hêng-koaⁿ.
tiông-sin lâi ka-chhî
[siu-kái]Tî-liáu, siū lēng kap siū ìn i tû-gōa, tong-jiân chin tiōng-iàu, lán kòe-hóe ài su-iàu ēng ê gō͘-pó la, lán saⁿ ki o͘ lēng, gō͘ ki lán kóng ê hit-ê gō͘ iâⁿ á koh chi̍t-ê kiò-chò tò͘ kèng ê chit-ê kî-á. Chit-ê lēng-kî la. choân-pō͘ tī chái-khí hit-ê chún-pī kòe-têng tang-tiong, chi̍t chi̍t iû lán Ông-kong chit pêng lâi iōng ìn kah iōng hû.Tō͘-sī kán-tan kóng tō͘-sī kóng, chia-ê Ông-kong só͘ sú-iōng ê chia-ê lēng-kî mā hó la, iâⁿ-lēng mā hó la, gō͘-pó mā hó.(08:08) keng-kòe chi̍t nî kòe á, Ông-kong tiông-sin lâi kā ka-chhî. Hō͘ i ū chi̍t-ê sin-ê hoat-le̍k, kán-tan kóng tō͘-sī án-ne. A kiat-sok liáu-āu, tong-jiân chin tiōng-iàu tio̍h khai-sí in-ūi ài kòe-hóe mā, só͘-í i ài khí hóe-tui la.
chēng hóe-tiûⁿ
[siu-kái]Khí hóe-tui chìn-chêng la, Ông-kong beh chìn chi̍t-ê hóe-tiûⁿ chìn-chêng, seng ài chēng tiûⁿ. In-ūi i chit-ê sī chi̍t-ê chin sīn-tiōng chi̍t-ê tiûⁿ-tè.It-tēng ài kah chēng hō͘ chheng-khì. Só͘-í, it-poaⁿtō͘ iû chip-hêng-koaⁿ, in-ūi, Ông-kong í-keng chí-phài chit-ê chip-hêng-koaⁿ, iû lán biō chia–ê pān-sū-chó͘, chia–ê chip-sū-jîn-oân kng chip-hêng-koaⁿ ê liàn-kiō kàu hiān-tiûⁿ khí chēng, chēng hō͘ chheng-khì kah só͘-ū ê tiûⁿ-tè keng-kòe lán ê hû-lēng kah lán ê khòa-kim, pau-koat lán ê chēng-chúi, lán kah chēng hō͘ chheng-khì.
an chiàng-táu, chēng-sin, chè-pài
[siu-kái]A kòe-lâi tō͘-sī beh an chiàng-táu an chiàng-táu chiàng-táu tō͘-sī kóng i ê chí-hui tiong-sim. Tō͘-sī lóng, kin-á-ji̍t beh kòe-hóe, í-keng chhut lâi kàu chit-ê gōa-kháu chit-ê tiûⁿ-tè ia. Só͘-í hit-ê tiûⁿ-tè ài ū chi̍t-ê kiò-chò lîm-sî chí-hui tiong-sim.Tō͘-sī ū chí-hui-koaⁿ lâi chē tīn, lâi chē tôaⁿ, lâi chē táu, á an chiàng-táu tong-jiân to͘ ài chhiáⁿ tio̍h kiàm-táu kah bí-táuit-poaⁿ tī pān-lí kho-gî lāi-té, hui-siông tiōng-iàu chi̍t-ê hoat-khì kāng-khoán iû chí-hui-koaⁿ khí chē táu, kiàm-táu kah bí-táu tâng-chê chhiáⁿ kàu lán ê toh-téng. án ê hoat-tiûⁿê toh-téng. Chai iû lán ê chip-hêng-koaⁿ lâi an chit-ê táu an chit-ê chiàng toh chiàng-táu toh chiàng-táu toh it-poaⁿ ē keng-kú tng-nî chit-ê liû-nî lâi koat-tēng i ê chit-ê ūi-tì. Che kah kòe-hóe ê chit-ê hong-hiòng la téng-téng ū koan-hē. Tong-jiân che lóng iû lán Ông-kong lâi koat-tēng tàu-té chit-ê chiàng-táu beh an tī tó chi̍t ê só͘-chai, chiàng-táu an soah tong-jiân koh lâi tō͘-sī an-gō͘-iâⁿ tī chit-ê hóe-tiûⁿ tī sì gō͘ hong, lán ē an Ông-kong ê peng-má tī hia lâi siú-hō͘, siú-hō͘ chit-ê hóe-tiûⁿ chit-ê an-choân. Só͘-í hit tang-chūn-á toh kāng-khoán iû chip-hêng-koaⁿ chhiáⁿ tio̍h lán Ông-kong ê gō͘ ki gō͘ hong ê chit-ê lēng-kî, khì kah hit-ê gō͘ hong ê chit-ê gō͘-iâⁿ kah an--o͘h hó sè. An--o͘h hó sè liáu-āu, toh khai-sí chit-ê hóe-tiûⁿ toh í-keng chìn sio̍h lán chún-pī beh kòe-hóe chit-ê hoat-tiûⁿ á.Cht-ê hoat-tiûⁿ to̍h-sī tang só͘-ū ê chit-ê kho-gî chìn-hêng oân-pī í-āu só͘-ū ê jîn-oân toh lóng beh sài ji̍p-khì hóe-tiûⁿ lāi-té á. Oân-choân toh beh sài ji̍p-khì á. chip-sū-jîn-oân i toh ài kòe Ông-kong chit piⁿ chia koh chēng-sin, chè-pài liáu-āu, kah ē-tàng i̍p-khì hóe-tiûⁿ.
ín hóe-bó ê khang-khòe
[siu-kái]Koh lâi tong-jiân tō-sī beh ín hit-ê hóe-bó. Hit-ê hóe-bó tong-jiân tī lán ê biō lāi chit-ê tiōng-tìn chia, kâng-khoán iû chip-hêng-koaⁿ iû táng-sū-tiúⁿ chit piⁿ kap hóe-bó ín kap lán hóe-tiûⁿ lāi-té. Hóe-tiûⁿ lāi-té khì hóe ê só͘-chāi, thàu-chá hit-ê khì hóe cho͘ ê lâng kang-chok jîn-oân toh khì hia lóng chún-pī hó á. Lóng ē tī thong ē-kha piⁿ hia, sin phò͘ chi̍t kóa tiū-chháu, beh khí hóe-thòaⁿ kā hó khí. Tiū-chháu hí lò-é liáu āu. Kā chi̍t kóa kha tōa lia̍p ê hóe-thòaⁿ to͘ kap tó tī tiū-chháu ê téng-bīn á kā lām lōe hoan-á iû. It-poaⁿ kóng hoan-á iû, hoan-á iû kā tó lōe liáu-āu, tó hit-ê iû ê ì-sù sī kā hó khí la. ū iû kap chit-ê tiū-chháu, kap chit-ê hóe-thòaⁿ, hóe-thòaⁿ i beh khì kap hó khí. Chit-ê khang-khòe, ín hóe ê khang-khòe chò hó liáu-āu, ki-pún-sióng to͘ kau hō͘ chit-ê khí hóe tui ê lâng khì chún-pī á. Tāi-khài chái-khí chún-pī ê khang-khòe sī káu chit-ê só͘-chāi.
iau-chhiáⁿ sîn-chun chē kiō
[siu-kái]Chit-má, tú-á sī kóng kap kóng khí hóe koh lâi to͘ kau hō͘ khí hóe cho͘ khì chún-pī chi̍t-ê khang-khòe liáu-āu. Chha-put-to kah chái-khí cha̍p tiám chó-iū, lán khai-sí iû lán biō hong chia–ê khang-khòe jîn-oân to͘ kah hí-ê beh chē kiō chia-ê kiō, sîn-bêng beh chē ê kiō, kah sóa khì chi̍t-ê bú-tâi téng-thâu. Chún-pī beh iau-chhiáⁿ chē kiō chia-ê sîn-chun beh chē kiō, só͘-í, chia ê kiō lóng tī chêng chi̍t kang chún-pī hó á, pau-koat kah pa̍k o͘ hó sè, sé hó chheng-khì kap kng khì bú-tâi téng-thâu. In-ūi, tong-kang it-poaⁿ lóng biō hong lóng-ē tah chi̍t-ê bú-tâi. Tō͘-sī beh ián koa-á-hì la. kū-pān chi̍t-ê chè-tián la téng-téng, pān hok-ián lóng ū chi̍t-ê bú-tâi, só͘-í, tio̍h lī-iōng chit-ê bú-tâi kap chia–ê kiō, chha-put-to tī jī cha̍p téng chó-iū á, lóng kah lâi kah kng khì hí-ê bú-tâi téng-thâu, pái o͘ hó sè. chha-put-to cha̍p tiám pòaⁿ liáu-āu, to̍h iû lán chia–ê tàu-kha-chhiú ê sī lóng chia-ê chì-kang, kang-chok jîn-oân, to̍h-sī beh kng kiō chia, beh kòe-hóe chia, mā ū chi̍t kóa lán te̍k-pia̍t iau-chhiáⁿ lâi tàu-kha-chhiú ê chia ê iú-kiong, iú-biō ê, chia, ē-hiáu kòe-hóe chia ê lâng, tī cha̍p tiám pòaⁿ toh khai-sí kap chia ê sîn-chun chhiáⁿ khì chē kiō. Sîn-chun beh chhiáⁿ khì chē kiō chìn-chêng, mā su-iàu kap lán tó͘-á kóng ê bú-tâi téng chia–ê kiō á, lán ê chip-hêng-koaⁿ iōng chēng-chúi, chēng-lô͘, khí chēng-kiō.
iōng hoat-lián chò chēng ê kho-gî
[siu-kái]Kán-tan kóng, lí kin-á-ji̍t sī chi̍t-ê gî-sek beh chìn-hêng, múi chi̍t-ê chia-ê sǹg kóng hoat-khì mā hó la, sîn-chun mā hó la, pau-koat lán kóng chia–ê kiō mā hó, ki-pún siōng keng-kòe chēng kòe la, kiaⁿ kóng lí bô iōng ê kòe-têng tang-tiong, lân-bián ū tang sî á jiám tio̍h bô chheng-khì ê mi̍h-kiāⁿ. Só͘-í, kiaⁿ éng-hióng tio̍h kóng lán ê chi̍t-ê gî-sek ê chìn-hêng. Só͘-í, it-poaⁿ lóng ê toh iōng chēng-chúi, chēng-lô͘, iû lán ê chip-hêng chi̍t-ê Ông-kong iōng hoat-lián, lián kiō lâi kóng khì chò chit-ê chēng ê chit-ê kho-gî.
chhiú chhiáⁿ ê sîn-chun ji̍p hóe-tiûⁿ
[siu-kái]Chēng hó liáu-āu, tong-jiân tō͘-sī chia-ê chip-sū-jîn-oân, chia--ê chì-kang, a-tō͘ ji̍p kiong lâi khì Ông-kong bio chia, chhiáⁿ chia ê chham-ka beh chē kiō chia--ê sîn-chun lâi kàu lán chit-ê bú-tâi téng-thâu á kap chē kiō chē hó sè. Tong-jiân chē kiō m̄-sī kóng sîn-bêng kā mo͘h ê to͘ hó, ài koh kā pa̍k, ài koh pa̍k kiō. á che pa̍k kiō lóng iû lán kah ū keng-giām chia–ê sîn-chit-jîn-oân lōe pa̍k kiō. In-ūi lí ū tang-sî-á hoat-lián, koan-lián kiaⁿ sîn-bêng chiū án-ne pa̍k bô hó sè chiū án-ne lián chhut--lâi, só͘-í, chi̍t ê pō͘-hūn, tō͘-sī chái-khí tāi-kái lóng-ē chún-pī chit-ê khang-khòe, o͘ á ī-tēng chha-put-to kā cha̍p it tiám chó-iū, cha̍p it tiám chó-iū, lán in-ūi lán tî-liáu chia-ê chē kiō chia–ê sîn-chunchham-kaí-tû-gōa, iá-koh ū chin-chē chhiú chhiáⁿ ê, tō͘-sī lán kok kiong, kok biō ê, iû ê tō͘-sī in ka-tī biō ê pún-sin bô kòe-hóe. Tān-sī i mā hi-bōng kóng in ê sîn-bêng ē-tàng chham-ka kòe-hóe. Só͘-í, in ē chhiáⁿ lâi Jī-kiat Ông-kong biō chia. Hó-pí chêng kúi-lo̍h-kang. To͘ chhiáⁿ lâi chia–ê, iû lán chit-ê biō hong tī cha̍p it tiám hit-tang-chūn-á chhiáⁿ khì hóe-tiûⁿ lāi-té, khai-sí chē tī lán ê chiàng-táu toh hia, chē tī chiàng-táu toh tō͘-sī chún-pī tī e-po͘, ē-tàng chham-ka kòe-hóe. Só͘-í, chái-khí cha̍p it tiám, tāi-khài chhiú chhiáⁿ sîn-chun to͘ lóng kap chhiáⁿ ji̍p khì lán ê hóe-tiûⁿ lāi-té. Chē tī chiàng-táu toh. Chit-ê khang-khòe chha-put-to kàu e-po͘ chi̍t tiám liáu-āu, chi̍t tiám liáu-āu chia–ê khang-khòe, chhiáⁿ sîn-chun chia–ê khang-khòe kò chi̍t tōaⁿ-lo̍h liáu, chia–ê kang-chok jîn-oân chún-pī khì chia̍h tiong-tàu, hioh-khùn chi̍t-ê, chia̍h tiong-tàu chi̍t-ê.
kiong-chhiáⁿ Ông-kong chún-pī ji̍p hóe-tiûⁿ
[siu-kái]Tī chha-put-to chi̍t tiám hit-tang-chūn-á, lán to͘ khai-sí chìn-ji̍p lán beh lia̍h tâng-ki ê chit-ê gî-sek la, che gî-sek tē-it ê tō͘-sī chhiáⁿ saⁿ ki o͘ lēng, chhiáⁿ lāu tōa Ông-kong, chhiáⁿ lāu saⁿ Ông-kong chìn hóe-tiûⁿ á, hit-tang-chūn-á kāng-khoán iû chip-hêng-koaⁿ chhiáⁿ lāu saⁿ Ông-kong, saⁿ ki o͘ lēng, chóng lēng kah lāu tōa Ông-kong khai-sí ji̍p hóe-tiûⁿ.
hun chò nn̄g phoe ji̍p hóe-tiûⁿ
[siu-kái]Ji̍p hóe-tiûⁿ liáu-āu, kòe-lâi tō͘-sī lán tē-it phoe i hun chò nn̄g phoe, tē-it phoe tō͘-sī beh lia̍h tâng-ki. Ū la̍k téng kiō, la̍k téng beh lia̍h tâng-ki ê kiō mā-sī kāng-khoán iû chip-hêng-koaⁿ kiong-chhiáⁿ ji̍p-khì hóe-tiûⁿ. I jī cha̍p kúi téng bô kóng tâng-chê ji̍p-khì, i tō͘-sī lia̍h tâng-ki hit la̍k téng sin ji̍p-khì, kiaⁿ kóng ji̍p lāi-té, hoat-lián nā tī hia koan-lián nā hit-tang-chūn-á, kiaⁿ lián kiō siuⁿ-chē, kiaⁿ ē éng-hiáng tio̍h hit-ê chhau lián ê. Chit-ê chhau peng ê chit-ê, chit-ê tōng-chok. Ki-pún siōng to͘ iû la̍k téng, beh lia̍h tâng-ki ê sin ji̍p, la̍k téng, tâng-ki, beh lia̍h tâng-ki lián kiō ji̍p-khì liáu-āu, tong-jiân i kāng-khoán tī àn toh chêng, khai-sí lán kóng óa toh.
ián kiō hoat lián, sòe-niá lia̍h tâng-ki
[siu-kái]Chi̍t-má beh lia̍h tâng-ki su-iàu chin-chē hû-lēng, só͘-í, i to͘ óa toh. Khai-sí, lōe thè tô͘, á thè kap i chha-put-to i ê hû-lēng kàu-iōng liáu-āu, sî-kan chha-put-to tī chi̍t tiám pòaⁿ chó-iū. It-poaⁿ tō͘-sī kāng-khoán iû kî-tiong, la̍k téng ê kî-tiong ê chi̍t téng ê lián kiō lia̍h tâng-ki hit-ê niá-tūi ê hit téng lián kiō i to͘ hoat lián, hoat lián tō͘-sī i kám-siū tio̍h kóng í-keng hoat-hiàn tio̍h tâng-ki á, só͘-í khì chhéng-sī hit-ê lāu saⁿ Ông-kong, lāu saⁿ Ông-kong kóng tâng-ki la i khì tó-ūi á. it-poaⁿ chit-ê chhéng-sī tōa pō͘-hūn lóng si táng-sū-tiúⁿ lâi poa̍h-pue, poa̍h-pue lâi chhéng-sī chit-ê lāu saⁿ Ông-kong chit-má sī-m̄-sī ē-tàng chhut-khì lia̍h tâng-ki á. Sî-kan sī-m̄-sī í-keng kàu á? Lia̍h tâng-ki tāi-khài chhàng tī tó-chi̍t-ê hong-hiòng? Ki-pún siōng ē tī hit-ê kòe-têng tang-tiong, iû táng-sū-tiúⁿ lâi poa̍h-pue lâi khak-tēng. Khak-tēng hó liáu-āu, chit-má tō͘-sī iû hit-ê tōa Ông-kong sòe-niá chit-ê lia̍h tâng-ki ê tōa Ông-kong ê tūi-ngó͘ it tēng pau-koat tōa Ông-kong chit téng kiō. sī án-ná kóng ē pau-koat tōa Ông-kong chit téng kiō? Tōa Ông-kong chit téng kiō si tōa téng, sì lâng kng ê tōa kiō. In-ūi, tâng-ki ē khiâ tī chit-ê kiō ê téng-thâu, só͘-í hit-êkiō ài kha tōa téng ê. Só͘-í, tōa Ông-kong chē hit téng kiō tio̍h sī sì ê lâng kng ê sǹg kóng tōa kiō. Só͘-í iû chit-ê tōa Ông-kong só͘ sòe-niá ê la̍k téng kiō. Khai-sí, tō͘-sī i-chiàu chit-ê lāu saⁿ Ông-kong ê chí-sī khai-sí khì lia̍h tâng-ki, it-poaⁿ tâng-ki bih tī tá lóng bô lâng chai ia.
chhōa-lō͘ ê sîn-kiō(帶路官)
[siu-kái]Iû chit-ê lāu tōa Ông-kong só͘ sòe-niá chia-ê lia̍h tâng-ki ê tūi-ngó͘ . Kî-tiong tong-jiân mā ū chit-ê tō͘-sī sǹg kóng 帶路官 chhōa-lō͘ ê chit-ê sîn-kiō, chhōa-lō͘ ê chit-ê sîn-kiō i it-poaⁿ lâi ka biō lō͘-kháu, i lō͘-kháu ū chi̍t-ê kiò chò, lán kóng ê kiò chò si̍p-jī-lō͘ mā.Tàu-té beh óng tang, beh óng sai, óng lâm, óng pak, sím-mi̍h lâng lâi koat-tēng? Sī hit-ê chhōa-lō͘ ê chit chun ê sîn-chun lâi chiap-siū lán Ông-kong ê chí-sī, lâi koat-tēng tàu-té beh óng tang, beh óng sai. Só͘-í, i nā kàu lō͘-kháu, khai-sí i ē koh hoat lián, hoat lián, hoat lián, to͘ tán hit-ê Ông-kong chí-sī, i tī hoat lián ê kòe-thêng tang-tiong, kang-chok jîn-oân ē lōem tiám kim.
hoat lián, se̍h îⁿ-kho͘-á, tiám kim chhiáⁿ chí-sī
[siu-kái]I óng tang, óng sai, it-tēng tō͘-sī ho͘ kàu chit-ê lō͘-kháu sin tiám kim, tiám kim liáu-āu lâi chhiáⁿ Ông-kong ê chí-sī tī hia se̍h îⁿ-kho͘-á.Ông-kong nā chí-sī hó tio̍h tō͘-sī koh hoat lián . hoat lián i to͘ khai-sí koh chìn-hêng tī bó͘ chi̍t tiâu lō͘ koh chìn-hêng chit-ê tōng-chok, múi chi̍t-ê lō͘-kháu lóng ē, múi chi̍t-ê lō͘-kháu lóng ē, á tān-sī, i tī lō͘-kháu chit-ê kòe-têng tang-tiong, hoat lián chit-ê kòe-têng tang-tiong. I mā ē tú-tio̍h kóng e hoat-hiān tioh Ông-kong chông ê só͘-chāi, i to͘ chông ji̍p-khì lâng bîn-ke in-tau. I kū nî lâi kóng, mā bat cháu li̍p-khì lâng hit-ê chhiau-chhī á, ta-ke mā sī kóng Ông-kong chông ji̍p chhiau-chhī ê lāi-té. a tong-jiân i chím-má chi̍t lō͘ it-ti̍t tī chhōe, chi̍t lō͘ it-ti̍t tī lia̍h lâi kóng, hit-ê kòe-têng tang-tiong, tō͘-sī thàu-kòe góa kóng ê hoat lián, se̍h îⁿ-kho͘-á, tiám kim, se̍h îⁿ-kho͘-á, tán Ông-kong ê chí-sī, jî-kó, i tī lán ê bîn-ke, á-sī kóng tī chit-ê kok-hâng-kok-gia̍p, tiàm-ke chhōe bô, tiàm-ke chhōe bô i to͘ ti̍t-chiap lī-khui a.
tōng-chok ē liân-sio̍k saⁿ kái
[siu-kái]Jî-kó, i chit-ê tōng-chok put-toān tī chit-ê tiám kim, se̍h îⁿ-kho͘-á, hoat lián, tán thāi chit-ê chí-sī kòe-têng tang-tiong, i a hoat-seng, hoat-hiān kóng tâng-ki chông tī chit-ê in-tau, i chit-ê tōng-chok ē liân-sio̍k saⁿ kái. Liân-sio̍k saⁿ kái tō͘-sī tiám kim, á to͘ hoat lián, á to͘ se̍h îⁿ-kho͘-á, se̍h îⁿ-kho͘-á, Ông-kong chí-sī liáu-āu i ē koh khì tiám kim tiám chi̍t kái koh hoat lián, koh se̍h îⁿ-kho͘-á, koh tán chí-sī liáu-āu koh tiám kim, hoat lián koh tiám kim koh se̍h îⁿ-kho͘-á chit-ê jî-kó, liân-sio̍k tī chit-ê só͘-chāi chìn-hêng chit-ê tōng-chok saⁿ kái piáu sī kóng tâng-ki chhàng tī chit-ê só͘-chāi, ta-ke ā khak-tēng tâng-ki chhàng tī chit-ê só͘-chāi, hit-tang-chūn-á, chit-ê pān-sū cho͘ ê lâng tio̍h khai-sí tī chit-ê só͘-chāi á to͘ ài kâng-khoán ài àn toh, àn toh khai-sí beh chún-pī lia̍h tâng-ki chit-ê kho-gî, lia̍h tâng-ki chit-ê kho-gî. It-poaⁿ, lia̍h tâng-ki ê kho-gî tāi-khài sī án-ne la.
só lō͘ thâu ê iōng-ì
[siu-kái]Tē it ê tō͘-sī kóng bô-ài hō͘ chit-ê iau-mô͘ kúi-koài li̍p khì chit-ê hoat-tiûⁿ, tē jī ê tō͘-sī bô-ài hō͘ tâng-ki thau-cháu chhut--ji̍p, bô tī hia lia̍h tâng-ki to͘ lia̍h bē tioh, i kap nn̄g ê lō͘-thâu lóng só hó liáu-āu, á to͘ khai-sí chún-pī khì lia̍h tâng-ki la.
óa-toh, chhiùⁿ koa
[siu-kái]Ông-kong hū-sin liáu-āu i lī-khui hit keng lián kiō liáu-āu, i to͘ óa-toh, óa toh khai-sí to͘ chìn-hêng lán kóng ê lia̍h-tâng-ki chit-ê kho-gî, it-poaⁿ, tâng-ki lóng ē chhiùⁿ chi̍t kóa, Ông-kong ê chia–ê koa la, chhiùⁿ chi̍t ê Ông-kong ê chia–ê koa liáu-āu, i to͘ khai-sí phòa-hia̍h-thâu, kńg-tâng-chiam.
phòa-hia̍h-thâu kap kńg-tâng-chiam
[siu-kái]Che phòa-hia̍h-thâu tē it ê phòa hia̍h thâu sī tâng-ki ka-kī phòa ê, to͘ iōng i ê chhit-chheⁿ-kiàm, toh-téng kho̍k chi̍t-ē, phòa ài saⁿ kái, phòa kah kìⁿ hoeh, phòa bô kìⁿ hoeh sī bē-sái li. phòa kah ài kìⁿ hoeh, it-poaⁿ phòa lōe liáu-āu, ū tang-sî-á hoeh beh chhut--lâi, tān-sī iōng hit-ê hêng-chèng jîn-oân khì piⁿ-á lâi kóng iōng lán ê bí chiú kah phū chi̍t-ê, kah phū chi̍t-ê i to͘ lâu lo̍h ai. tong-jiân beh kńg-tâng-chiam lâi kóng mā-sī chin gûi-hiám, só͘-í, he mā ài ū choan-gia̍p ê chit-ê chip-sū-jîn-oân lâi chìn-hêng.
tián-hiān sîn-ui
[siu-kái]It-poaⁿ kńg-tâng-chiam kah chit-ê phòa-hia̍h-thâu, ki-pún siōng i ê ì-gī tio̍h sī kóng tián-hiān sîn-ui la. Ông-kong beh tián-hiān i ê sîn-ui, só͘-í, i iōng kńg-tâng-chiam kah phòa-hia̍h-thâu lâi piáu-hiān, jī-chhiáⁿ phòa-hia̍h-thâu lēng-gōa chi̍t-chióng kóng hoat tō͘-sī kóng chhah-hoe, kiàn kìⁿ hoeh chhah-hoe, tō͘-sī kóng Ông-kong lia̍h tâng-ki lia̍h tio̍h liáu-āu beh kah chit-ê tâng-ki á sió kah chng chi̍t-ê, chng hō͘ kah súi chi̍t tó͘-á, só͘-í i hia̍h thâu chia hō͘ i chi̍t lúi hoa, âng sek ê hoa, ai, tong-jiân i m̄-sī chia chhah i chi̍t lúi hoa, tong-jiân sī iōng phòa-hia̍h-thâu, hō͘ hoeh lâu lo̍h-lâi á hō͘ i chi̍t-ê chhah-hoa ê khài-liām.
khui-lō͘
[siu-kái]Tong-jiân, thâu-chêng tō͘-sī, lâi lâi lia̍h tio̍h tâng-ki lóng-chóng ū la̍k téng mā, ia koh-ū gō͘ téng, thâu-chêng i to͘ sī khui-lō͘, ûi-chhî i ê an-choân, khui-lō͘. Khui-lō͘ it-poaⁿ lán lia̍h tâng-ki. It-poaⁿ lóng kah lán ê chng-thâu chit-ê lō͘-kháu hit-ê só͘-chāi, tō͘-sī Jī-kiat phài-chhut-só͘ hit-ê só͘-chāi, hit-ê lō͘-kháu, biō hong chit-pêng saⁿ ki o͘ lēng(令), tú-á kóng ê iá-koh ū jī cha̍p kúi téng, ū-ê iá tī biō ê lāi-té mā, á in to͘ chhut-lâi chiap tâng-ki, jî-chhiáⁿ chng-thâu it-poaⁿ mā ē chhoân tōa-sîn-ang la. Ông-kong-biō bûn-bú-chiong-kun la, saⁿ-thài-chú la, pak-koán la, sīm-chù lán na ū tang-sî-á chiau-chhéng ha̍k-chìn kok-hāu ê gín-ná, gia̍h hit-ê hóe, lēng-kî la á-sī kóng lán hit-ê heng-tiòng kok-tiong la, a i ā-ū chi̍t kóa siā-thoân la, sai-tīn la téng-téng. It-poaⁿ to͘ ē tī lán ê chhī-ke ke-á chit-ê lō͘-kháu chia lâi chiap tâng-ki. Hit-tang-chūn-á tō͘-sī chin lāu-jia̍t la, tâng-ki kui tiâu lō͘ lóng hong khí-lâi, a tâng-ki ta̍h tī lián kiō téng-thâu, chin ui-hong, chiū án-ne to͘ it lō͘ tī lán chin kòe lán Jī-kiat thóng tiōng-iàu chit-ê tō-lō͘, chit-ê chi̍t lō͘ tńg--lâi kap lán kóng ê pâi-lâu, biō ê pâi-lâu li̍p lâi kàu lán ê hóe-tiûⁿ án-ne, tâng-ki tńg--lâi kah hóe-tiûⁿ chha-put-to sī khí hóe-tui ê lâng, chha-put-to khí kā chha-put-to-á. tāi-khài tâng-ki lo̍h-lâi to͘ khai-sí sin lâi sûn iâⁿ, sûn iâⁿ. hóe-tiûⁿ tâng-ki i ài lâi sûn, sûn hó liáu-āu to͘ ka i chia--ê nn̄g ki tâng chiam lâi kah thiu khí-lâi.
tâng-chiam thiu khí-lâi
[siu-kái]Bô lí nā nn̄g ki tâng chiam chhah tiâu ê, beh chìn-hêng chi̍t kóa kho-gî sī kah bô hong-piān, it-poaⁿ tō͘-sī tâng-chiam beh thiu khí-lâi, kah beh kńg-tâng chiam chit-ê lóng sī kah chi̍t-ê kah gûi-hiám, sī chi̍t-ê gî-sek tī chìn-hêng thóng sîn-pì ê sî-chūn, só͘-í, it-poaⁿ tī kńg-tâng-chiam mā sī kui ê lóng iōng o͘ pò͘, lóng lóng pe̍h pò͘, iōng âng pò͘ lóng chiâ khí-lâi, iū kang-chok jîn-oân kah kui ê hōe-tiûⁿ àn toh chêng chia lóng chiâ khí-lâi, lóng bô-ài hō͘ pa̍t lâng khòaⁿ tio̍h beh kah tâng-chiam thiu khí-lâi in-ūi hiān-tiûⁿ to͘ bô âng pò͘ á, tō͘-sī iōng saⁿ ki o͘ lēng ê o͘ pò͘ kap chiâ tio̍h, chiâ tio̍h, tâng-chiam kah thiu khí-lâi.
sûn-iâⁿ, sûn-hóe-tiûⁿ
[siu-kái]Tâng-chiam kap thiu khí-lâi, tē it ê tō͘-sī, beh chhau gō͘ pó, tō͘-sī góa tó͘-á kóng ê chái-khí, Ông-kong ū hō͘ ichi̍t-ê gō͘ pó, gō͘ pó to͘ pau-koat chhit-chheⁿ-kiàm, soa-hî-kiàm kah-kńg á koh lâi tō͘-sī, chhí-kiû, á koh chi̍t-ê tō͘-sī hit-ê goe̍h-hû. I to͘ chhau gō͘ pó, gō͘ pó chhau hó liáu-āu, i tō͘-sī khì sûn hóe-tiûⁿ, kāng-khoán koh khì sûn hóe-tiûⁿ, sûn hóe-tiûⁿ i mā kāng-khoán ē the̍h-tioh hû lēng tī hóe-tiûⁿ ê gō͘ hong kah hû lēng pàng lōe khì.
iau-chhiáⁿ lâi chham-ka
[siu-kái]Chún-pī tī hia tán beh kòe hóe á, tong-jiân beh kòe hóe chìn-chêng, tong-jiân tō͘-sī, góa tó͘-á lóng ê hit-ê chip-hêng-koaⁿ, i ē khì go͘ iâⁿ ê chit-ê lēng-kî lóng koh kah iau-chhiáⁿ lâi, in-ūi i gō͘ iâⁿ peng ê chit-ê chí-hui-koaⁿ i mā sī kāng-khoán beh chham-ka kòe-hóe. Lán chái-khí bô kóng, inā lóng an lo̍h--khì, só͘-í, beh kòe hóe chìn-chêng, ē kah gō͘ ki go͘ iâⁿ kî kah thiu khí-lâi, kāng-khoán chham-ka kòe-hóe. Tong-jiân kòe hóe sî-kan ē chhiáⁿ Ông-kong chit pêng lâi chí-sī. tō͘-sī, kòe hóe sî-kan sī thò͘ kòe saⁿ Ông-kong poa̍h-pue. Táng-sū-tiúⁿ poa̍h-pue lâi khoat-tēng i kòe hóe ê sî-kan. Tong-jiân beh kòe hóe chìn-chêng, tong-jiân kāng-khoán ê chìn-hêng chi̍t-ê kho-gî kiò-chò siak-iâm-bí, siak-iâm-bí, siak-iâm-bí kāng-khoán iû lán chit-ê khí hóe tui chia–ê chip-sū-jîn-oân lâi tam-jīm chit-ê siàu-iâm-bí ê khang-khòe.
siak-iâm-bí ê kho-gî
[siu-kái]Tong-jiân beh siak-iâm-bí chìn-chêng, kāng-khoán hō͘ lán chia–ê iâm bí ūi tio̍h beh hō͘ chit-ê hóe-tiûⁿ koh-khah an-choân koh-khah chheng-khì, só͘-í, i kāng-khoán, lán ê chip-hêng-koaⁿ ê Ông-kong, i kāng-khoán khí lián hoat sèng, iōng chēng-chúi kap chēng-hû, khì múi chi̍t tui ê iâm-bí lâi kah chēng hō͘ chheng-khì, chheng hó liáu-āu, kap iû lán ê kang-chok jîn-oân khí hóe tui kang-chok jîn-oân ê chí-hui-koaⁿ khai-sí chìn-hêng siak-iâm-bí. It-poaⁿ siak-iâm-bí it-poaⁿ lóng chha-put-to sī gō͘ chì cha̍p kái. I chím-á tō͘-sī iû lán ê chí-hui-koaⁿ lâi phòaⁿ-toàn, phòaⁿ-toàn kóng chit-ê iâm-bí siak ū kàu kang-hu bô? siak ū kàu kang-hu bô? Siak ū kàu liáu-āu, ká ē-tàng lâi kòe-hóe. Só͘-í, it-poaⁿ iâm-bí tāi-khài keng kú múi chi̍t nî ê keng-giām lâi kóng lóng chha-put-to siak gō͘ piàn chi cha̍p piàn chit-ê tiong-kan, thong chió it-tēng ū gō͘ piàn, thong chē èng-kai bô chhiau-kòe cha̍p piàn la. Chit-ê pō͘-hūn to͘ khòaⁿ i chit-ê hóe-tiûⁿ ê chōng-hóng iû lán Ông-kong lâi khoat-tēng, á iâm-bí á chún-pī hó liáu-āu, siak-iâm-bí siak hó liáu-āu, kāng-khoán iû táng-sū-tiúⁿ chhéng-sī kòe-hóe. Ông-kong sī chun chun kóng ta-ke lâi kòe-hóe hit-tang-chūn-á, iû táng-sū-tiúⁿ chit pêng khai-sí kán-tan kóng tō͘-sī, hiān-tiûⁿ chi̍t-ê chú-chhî ê lâng, to͘ kóng, kin-nî khèng-chiok hō͘ lán ê Kó͘-kong, láu saⁿ Ông-kong sèng-tàn chhian-chhiu, kòe-hóe gî-sek, gî-sek tián-lé khai-sí, kau chin lûi-kó͘, bêng-phàu, á to͘ khai-sí, khai-sí kòe-hóe á, khai-sí kòe-hóe á.
kòe-hóe ê kòe-têng
[siu-kái]Kòe-hóe tō͘-sī seng saⁿ ki o͘ lēng seng kòe. saⁿ ki o͘ lēng liáu-āu tō͘-sī iû tōa Ông-kong, jī Ông-kong, saⁿ Ông-kong koh kòe, kòe hó to͘ ōaⁿ. saⁿ ki o͘ lēng hó niā, to͘ ōaⁿ gō͘ iâⁿ kî kòe, gō͘ iâⁿ kî kòe hó liáu-āu, iû lán chit-ê tōa Ông-kong, jī Ông-kong, saⁿ Ông-kong, koh lâi ōaⁿ tâng-ki kòe, tâng-ki kòe hó liáu-āu, i to͘ kāng-khoán ta̍h lán e tōa Ong-kang ê lián kiō, tńg--khì hit-ê lán chit-ê biō lāi. Biō lāi to͘ ki-pún siōng tō͘-sī tâng-ki ê khang-khòe kah li̍p biō to͘ kò chi̍t tōaⁿ-lo̍h á. koh-lâi tō͘-sī só͘-ū ê i-chiàu lán chit-ê phian-hō sîn-kiō ê phian-hō, ū chē lián kiō ê sîn-chun seng kòe, kòe hó ka ōaⁿ chhiú chhéng ê sîn-chun khah koh kòe, kòe hó to͘ lóng li̍p biō to͘ kap Ông-kong lóng chiū chō, an chō lóng an o͘ hó sè, hó sè liáu-āu, ka chìn-hêng chit-ê thoân-pài. Só͘-ū chit-ê kòe-hóe ê gî-sek to͘ kò chi̍t tōaⁿ-lo̍h.
khai-hòng chēng i su thòaⁿ
[siu-kái]Tān-sī, Ông-kong biō ūi tio̍h beh boán-chiok chin chē sìn-tô͘ siūⁿ beh kòe-hóe, bô châi-tiāu thang kòe-hóe, só͘-í, i to͘ to khai-hòng tō͘-sī kóng chēng i, su thòaⁿ, tō͘-sī hō͘ bô kòe-hóe ê lâng, ē-tàng kah i ê saⁿ thǹg khí-lâi, tī chit-ê hóe tui téng-thâu lâi kah kòe-hóe. Mā-sī kāng-khoán kòe-hóe. kòe-hóe ki-pún siōng tō͘-sī siau-chai, kái-ek ê chi̍t-ê kho-gî mā. Só͘-í, tî-liáu sîn-chun kòe-hóe i tû gōa, lán ê chip-sū-jîn-oân kòe-hóe, lóng ē-tàng kòe-hóe. Kòe-thêng tang-tiong, lâi siau-chai, kái-ek i tû gōa, bîn-chiòng ē-tàng, bô it tēng ài án-ne lâi thiàu kòe chit-ê hóe tui. I mā ē-tàng kah i ê saⁿ thǹg-khí-lâi. Tī chit-ê hóe tui téng-thâu lâi kah se̍h saⁿ liàn, piáu-sī lán kóng i kòe-hóe, lēng-gōa, i ē an pâi chiū kî-tiong ê chit chun sîn-chun, it-poaⁿ tō͘-sī tōa Ông-kong, bô to͘ jī Ông-kong, á lâi hō͘ sìn-chiòng lâi tī hiān-tiûⁿ tī nǹg kiō kha. Nǹg kiō kha. che long sī boán-chiok kóng sìn-tô͘ ê su-iàu la. Che tō͘-sī lán Jī-kiat Ông-kong-biō chit-ê kòe-hóe, tong-jiân, thong bóe-á, iû chit-ê chip-hêng-koaⁿ lâi siu iâⁿ, siā siā siā táu. siā táu tō͘-sī lán chái-khí bô an chit-ê chiàng-táu mā tio̍h bô? Siā táu siā táu, khò-kun liáu-āu, chit-ê gî-sek, kò chi̍t tōaⁿ-lo̍h.