Āu-pái chiah sio hō͘--lí

Chúi--a tng leh thiaⁿ hoâi-liām ê Tâi-gí lāu koa, iu-bí ê soân-lu̍t it-tı̍t ùi chhiú koāⁿ ê im-hióng hòng-sàng--chhut-lâi, in lāu-pē mā tı̄ piⁿ--a thiaⁿ kah thâu khi-khi, kha-kut toè tio̍h chiat-chàu leh phah-phek, chhùi nih koh it-tı̍t o-ló kóng chiah ū kàu chán! "A-pâ, lí nā hiah-nih kah-ı̀, āu-pái goá chiah sio hō͘--lí-lah! " " Hâⁿ~á, lí sı̄ leh kóng siáⁿ-mı̍h? Lí sı̄ kóng tán kàu goá sí, chiah beh tı̄ kha-boé sio hō͘ goá--o͘?" "A-pâ, lí gō͘-hoē--a-lah, goá sı̄ beh iōng tiān-náu koh sio-lo̍k 1-tè CD, thang hō͘ lí thiaⁿ--lah! "