mn̄g--tàⁿ, Lũn Ki-tok nín ũ sĩ-mih ì-kièn? [42] I sĩ tî-tiâng kâi kiáⁿ-sun? In ìn--tàⁿ, Sĩ Tã-phek kâi. [43] Iâ-sou tùi-in tàⁿ, Hiá, Tã-phek kám-tõng Siàⁿ-sîn, tsò-nî chheng I tsò Tsú, né? Tã-phek ũ tàⁿ,
[44] Tsú tùi uá Tsú tàⁿ,
Tsõ tõ uá ĩu-pôiⁿ,
Thãi uá chiang lṳ́ hùaⁿ-kâi chhiû-te̍k pàng tõ lṳ́ kha-ẽ.
[45] Tã-phek kì-jiên chheng I tsò Tsú, tsò-nî I sĩ Tā-phek kâi kiáⁿ-sun, né? [46] Bô-nâng õi-ìn I che̍k-kù, tshông hṳ́- che̍k-ji̍t iā bô-nâng káⁿ tsài-mn̄g I sĩ-mih-ûe.
23
Hṳ́-sî Iâ-sou tùi chèng-nâng kũa I kâi mn̂g-thû káng-sueh, tàⁿ, [2] Tha̍k-tsṳ-nâng kũa Huap-lī-sài nâng tsõ tõ Mô-si kâi ūi; [3] in-tshṳ́ huâm in só-mẽng nín kâi, chí tsùaⁿ-kâi nín tie̍h-kiâⁿ tie̍h-siú: tãn-sĩ mài chiè in só-tsò--kâi lâi-kiâⁿ; uân-khî in tàⁿ liáu bô-kiâⁿ. [4] In chiang tāng iũ lân-tng kâi tàⁿ, pa̍k--pàng nâng kâi koiⁿ-thâu; to̍k-to̍k in ka-kī chiũ m̄-khéng ēng che̍k-kâi chhiú-tsóiⁿ khṳ̀-tõng i. [5] In só-tsò kâi sṳ̄ lóng-tsóng sĩ àiⁿ-tsò pun nâng thóiⁿ; in-ũi in-kâi keng-bûn kùa-tsò khuah-tsũe, in-kâi saⁿ-kṳ tsò khùaⁿ-tūa, [6] huaⁿ-hí tõ sia̍h--kan kṳ thâu-ūi, tō hũe-tn̂g tsõ kûiⁿ-ūi, [7] iũ huaⁿ-hí nâng tõ koi-chhĩ tsak-lói, pun nâng chheng-tsò láu-sṳ. [8] Tsóng-sĩ nín mài siũ nâng chheng-tsò láu-sṳ, in-ũi nín-kâi láu-sṳ zûi-sĩ che̍k-kâi, nín lóng-tsóng sĩ hiaⁿ-tĩ. [9] Iáu mài chheng tõ tī--chiēⁿ kâi tsò a Pẽ: nín-kâi Pẽ zûi-sĩ che̍k-kâi, chiũ-sĩ tõ-thiⁿ--kâi. [10] Iā mài siũ nâng chheng-tsò sin-seⁿ, in-ũi nín-kâi sin-seⁿ zûi-sĩ che̍k-kâi, chiũ-sĩ Ki-tok. [11] Tõ nín--tang tsò-tūa kâi nâng pit-tiāⁿ tsò nín kâi po̍k-hia̍h. [12] Put-lũn sĩ-mih-nâng tsṳ̃-kau, chiũ pit-tiāⁿ kàng-lo̍h tsò-pui; iā put-lũn sĩ-mih-nâng tsṳ̃-pui, chiũ pit-tiāⁿ seng-khí--lâi tsò-kau.
[13] Aī, nín tha̍k-tsṳ-nâng kũa Huap-lĩ-sài nâng, ké-hó a! uân-khî nín tõ nâng thâu-tsôiⁿ kueⁿ-tsũ thien-kok: in-ũi nín ka-kī m̃-chìn-ji̍p, àiⁿ-ji̍p kâi nâng nín iũ m̃-tsún in ji̍p--khṳ̀.
[15] Aī, nín tha̍k-tsṳ-nâng kũa Huap-lĩ-sài nâng, ké-hó a!
