uân-khî nín pìn-kiâⁿ tsúi-le̍k sái-kàu che̍k-nâng ji̍p-kà; íⁿ-keng ji̍p--liáu, iũ sái i tsò tī-ge̍k kâi chéng-lūi pí nín kia-pũe.
[16] Aī, nín chheⁿ-mêⁿ huân tshūa-lōu kâi nâng a! nín sĩ tàⁿ, Nâng jia̍k-sĩ kí-tōiⁿ lâi-mêng-sī, chiũ bô-siang-kan; nā-sĩ ũ nâng kí tōiⁿ-lāi kâi kim lâi-mêng-sī, chiũ ũ kuan-hī. [17] Nín ngô-ngà iũ chheⁿ-mêⁿ a, tî-kâi sĩ tūa--né, sĩ kim, a-sĩ sái kim tsò siàⁿ-mue̍h kâi tōiⁿ tūa? [18] Nín iũ sĩ tàⁿ, Nâng jia̍k-sĩ kí tûaⁿ lâi-mêng-sī chiũ bô-siang-kan; nā-sĩ ũ nâng kí tûaⁿ--chiēⁿ kâi lói-mue̍h lâi-mêng-sī, chiũ ũ kuan-hĩ. [19] Chheⁿ-mêⁿ a, tî-kâi sĩ tūa, né, sĩ lói-mue̍h tūa, a-sĩ sái lói-mue̍h tsò siàⁿ-mue̍h kâi tûaⁿ tūa? [20] Kù-tshṳ́ kí-tûaⁿ lâi-mêng-sī kâi nâng, chiũ-sĩ kí-tûaⁿ kũa che̍k-khài tõ-hṳ́-chiēⁿ kâi mue̍h lâi-mêng-sī. [21] Kí-tōiⁿ mêng-sī kâi nâng, chiũ-sĩ ki-tōiⁿ, kũa kṳ-tsû tõ hṳ́-lãi--Chiá lâi-mêng-sī. [22] Kí-thiⁿ mêng-sī kâi nâng chiũ-sĩ kí Siãng-tì ūi, kũa tsõ hṳ́-kâi ūi--chiēⁿ-Chiá, lâi-mêng-sī.
[23] Aī, nín tha̍k-tsṳ-nâng kũa Huap-lĩ-sài nâng, ké-hó a! uân-khî nín chiang po̍h-hò, poih-kak, khṳ̂n-tshài, tsa̍p-hūn su che̍k, tõ lu̍t-huap zú-kèng tãng--kâi, tsu-zû ngĩ, kũa-jîn, kũa sìn, nín chiũ pàng-tiāu: chí chiàⁿ-kâi-sṳ̄ eng-kai tie̍h-ũ-kiâⁿ, hṳ́ hiàⁿ-kâi-sṳ̄ iā m̄-hó pàng-tiāu. [24] Nín chheⁿ-mêⁿ huân tshūa-lōu kâi nâng a, ũ bun-kiáⁿ nín chiũ tè-tiāu, lo̍h-tho̍h nín chiũ thun--lo̍h-khṳ̀.
[25] Aī, nín tha̍k-tsṳ-nâng kũa Huap-lĩ-sài nâng, ké-hó a! uân-khî nín chheng-kiet pue-pûaⁿ kâi gūa-mīn, hṳ́-tói chiũ-sĩ chhiéⁿ-kiap kũa hui-ngĩ múaⁿ-múaⁿ. [26] Chheⁿ-mêⁿ kâi Huap-lĩ-sài nâng a, lṳ́ soiⁿ tie̍h chheng-kiet pue-pûaⁿ kâi lãi-tói, sái-kàu i-kâi gūa-mīn iā õi chheng-kiet.
[27] Aī, nín tha̍k-tsṳ-nâng kũa Huâp-lī-sài nâng, ké-hó a! uân-khî nín sī chhin-chhiẽⁿ hún-pe̍h kâi phûn-mõⁿ, gūa-mīn thóiⁿ-tsò ngiá-ngiá, nā-sĩ hṳ́-tói ũ sí-kut-thâu kũa kak-iēⁿ kâi u-ùe múaⁿ-múaⁿ. [28] Nín iā sĩ chièⁿ-seⁿ, gūa-mīn pun nâng thóiⁿ-tsò ngĩ-jîn, nā-sĩ tói-mīn chiũ-sĩ ké-hó kũa put-huap múaⁿ-múaⁿ.
[29] Aī, nín tha̍k-tsṳ-nang kũa Huap-lī-sài nâng, ké-hó a! uân-khî nín tshàng-kiẽn soiⁿ-tsai-nâng kâi-mõⁿ, siu-sek
