ngĩ-jîn kâi phûn, nín iũ tàⁿ, [30] Zû-jia̍k ún tõ ún-tsóu kâi sî-hāu, ún chiũ bô kāng-in tshap-ji̍p lâu soiⁿ-tsai-nâng kâi hueh. [31] Nín chièⁿ-seⁿ chèng-kṳ̃ nín ka-kī sĩ suah soiⁿ-tsai-nâng in-kâi kiáⁿ-sun. [32] Nín tsò-nín khṳ̀-múaⁿ-tsok nín-tsóu kâi hūn-liāng. [33] Nín chiá-tsûa, sĩ ta̍k-tsûa kâi chéng-lūi, tsãi-tit tô-pĩ tī-ge̍k kâi hêng-hua̍t, né? [34] In-tshṳ́ uá sái soiⁿ-tsai-nâng, kũa tì-hũi kâi nâng, kũa tha̍k-tsṳ-nâng, lâi-chiũ--nín; ũ kâi nín àiⁿ-suah in, tèng in tõ tsa̍p--jī kè; iā ũ kâi, nín àiⁿ tõ nín-kâi hũe-tn̂g pũaⁿ-phah in, tshông-tō chí-siâⁿ khún-to̍k kàu hṳ́-siâⁿ: [35] tì-sái-kàu pìn-tī só-lâu ngĩ-jîn kâi hueh, tsũe lóng-tsóng kui-ki̍p nín, tshông-tõ ngĩ-jîn A-pek kâi hueh, chì-kàu nín tõ tōiⁿ-tn̂g kũa chì-tûaⁿ hṳ́-kan só-suah, Pa-láh-kia kâi kiáⁿ Sat-ka-lī-a, kâi hueh. [36] Uá khak-si̍t kāng-nín tàⁿ, Chí tsùaⁿ-kâi-sṳ̄ pit-tiāⁿ lóng-tsóng kui-ki̍p chí-che̍k-sì.
[37] Iâ-lũ-sat-léng a, Iâ-lũ-sat-léng a, lṳ́ suah soiⁿ-tsai-nâng, chie̍h ka̍k hõng-sài lâi lṳ́-kò kâi nâng! uá àiⁿ tsũ-chip lṳ́-kâi kiáⁿ-tĩ, che̍k-zû koi-bó tshūa koi-kiáⁿ tõ sit-ẽ, íⁿ-keng ũ jie̍h-tsōi-tshṳ̀--liáu, zûi-to̍k nín m̃-àiⁿ! [38] Nín-kâi-tshù pàng khṳt nín tsò phau-hng--liáu. [39] Uá kāng nín tàⁿ, Tshông-kim íⁿ-ãu nín bô kìⁿ--tie̍h uá liáu, thãi-kàu nín tàⁿ, Thoh Tsú-miâⁿ lâi--kâi eng-kai tit--tie̍h chheng-sõng.
24
Iâ-sou tshut-tōiⁿ chiũ kiâⁿ; I-kâi mn̂g-thû kiâⁿ-bûa lâi-kí tōiⁿ-tn̂g tsùaⁿ-kâi tshù-the̍h pun I thóiⁿ. [2] Iâ-sou tùi-in ìn--tàⁿ, Nín khá-m̄-sĩ thóiⁿ--kìⁿ chí-tsùaⁿ-kâi, héⁿ? uá khak-si̍t kāng-nín tàⁿ, Chiang-lâi tõ-chí-kò bô-tshûn che̍k-kò-chie̍h tha̍h tõ-chie̍h-téng, pit-tiāⁿ bô m̄-thiah-hùi.
[3] Iâ-sou tsõ tõ Kaⁿ-náⁿ suaⁿ, mn̂g-thû àm-chẽⁿ kiâⁿ bûa--khṳ̀, tàⁿ, Kāng-ún tàⁿ, tî-kâi sî-hāu ũ chí tsùaⁿ-kâi-sṳ̄? iáu lṳ́ kàu--lâi kũa sì-kài mua̍t, ũ sĩ-mih soiⁿ-tiãu? [4] Iâ-sou ìn--in, tàⁿ, Tie̍h kṳ́n-huâng, mài pĩ nâng iń-iú-khṳ̀. [5] In-ũi chiang-lâi tsōi-tsōi-nâng àiⁿ mãu uá-kâi-miâⁿ chiũ lâi, tàⁿ, Uá sĩ Ki-tok; chiũ ín-iú ke-ke-nâng. [6] Nín chiang-àiⁿ thiaⁿ-kìⁿ cheⁿ-chièn, kũa
