[21] I kâi tsú tùi-i tàⁿ, Hó a, liâng-siẽn kũa tong-hõu kâi po̍k a; tõ chié--kâi lṳ́ íⁿ-keng sĩ tong-hõu--liáu, uá àiⁿ siet-li̍p lṳ́ lâi-kuán tsōi-tsōi: lṳ́ hó chìn-ji̍p lṳ́-tsú kâi hí-la̍k. [22] Hṳ́-kâi siũ nõ-tshoiⁿ-niéⁿ kâi iā lâi, chiũ tàⁿ, Tsú a, lṳ́ thoh-pun uá nõ-tshoiⁿ-niéⁿ: taⁿ uá thàn-tshut ke nõ-tshoiⁿ-niéⁿ liáu. [23] I kâi tsú tùi-i tàⁿ, Hó a, liâng-siẽn kũa tong-hõu kâi po̍k a; tõ chié--kâi lṳ́ íⁿ-keng sĩ tong-hõu--liáu, uá àiⁿ siet-li̍p lṳ́ lâi-kuán tsōi-tsōi: lṳ́ hó chìn-ji̍p lṳ́-tsú kâi hí-la̍k. [24] Hṳ́-kâi siũ che̍k-tshoiⁿ-niéⁿ--kâi iā lâi, chiũ tàⁿ, Tsú a, uá tsai lṳ́ sĩ tshâng-jím kâi nâng, m̄-chêng iā-chéng kâi ūi-tshṳ̀ chiũ kuah-khí, m̄-chêng sùaⁿ-tshut kâi ūi-tshṳ̀ chiũ siu-ji̍p: [25] só-íⁿ uá kiaⁿ, khie̍h lṳ́ tshoiⁿ-niéⁿ-ngṳ̂n khǹg tõ tī-tói: taⁿ lṳ́-kâi nguân-ngṳ̂n hôiⁿ--lṳ́. [26] I kâi tsú chiũ tùi-i ìn-tàⁿ, Ak kũa tũaⁿ kâi po̍k a, lṳ́ tsai uá m̄-chêng iā-chéng kâi ūi-tshṳ̀ chiũ kuah-khí, m̄-chêng sùaⁿ-tshut kâi ūi-tshṳ̀ chiũ siu-ji̍p; [27] kù-tshṳ́ lṳ́ chiũ tie̍h chiang chí-kâi-ngṳ̂n khie̍h-pàng táu-chîⁿ-phòu, thāi uá lâi kâi sî-hāu hó khie̍h-tńg uá-kâi-chîⁿ kũa lî-sek. [28] Hó kāng-i to̍h-tńg hṳ́ che̍k-tshoiⁿ-niéⁿ, lâi-pun hṳ́-kâi ũ tsa̍p-tshoiⁿ-niéⁿ kâi. [29] In-ũi tãi-huâm ũ kâi nâng chiũ àiⁿ-pun i, i chiũ ũ ṳ̂: hṳ́-kâi bô--kâi, liên-kũa i só-ũ iā àiⁿ to̍h-tńg. [30] Hṳ́-kâi bô-iah kâi po̍k tie̍h to̍k i tshut tõ gūa-pôiⁿ kâi ou-àm: tõ-hṳ́-kò ũ ai-khàu kũa kã-gê.
[31] Tng Jîn-tsṳ́ kṳ I kâi iông-kuang kũa chèng-thien-sài tsò-pû lâi, hṳ́-kâi sî-hāu I àiⁿ-tsõ tõ I iông-kuang kâi ūi: chèng-mîn-tso̍k àiⁿ tsũ-chi̍p tõ I mīn-tsôiⁿ: [32] I chiũ àiⁿ kak-kak pie̍t-khui, chhin-chhiẽⁿ chiéⁿ-iêⁿ kâi nâng pie̍t-khui mîⁿ-iêⁿ kũa suaⁿ-iêⁿ: [33] mîⁿ-iêⁿ I chiang-àiⁿ pàng iũ-pôiⁿ, suaⁿ-iêⁿ I chiang-àiⁿ pàng tsó-pôiⁿ.
[34] Uâng chiũ àiⁿ tùi I iũ-pôiⁿ kâi tàⁿ, Nín tit uá Pẽ hṳ́-hok kâi nâng, hó chìn-tsôiⁿ lâi sêng-siũ kok-ngia̍p, sĩ tsṳ̃ tshàng-sì lâi ũi-tie̍h nín ṳ̃-pĩ kâi. [35] uân-khî uá tóu khùn nín pun uá chia̍h: uá âu ta, nín pun uá ím: uá sĩ tshut-gūa nín chiũ chiap-na̍p uá: uá lòu-thói, nín khie̍h khṳt uá chhēng: [36] uá pēⁿ nín chiàu-kù uá: uá tõ kam-ge̍k nín lâi-sûn uá. [37] Ngĩ-jîn chiũ àiⁿ ìn I, tàⁿ, Tsú a, ún tõ tî-sî thóiⁿ-kìⁿ lṳ́ tóu khùn, khie̍h khṳt lṳ́ chia̍h? âu ta,
