láu, chiũ tàⁿ, [4] Uá huãm-tsũe, uân-khî bōi bô-tsũe kâi hueh. Nā-sĩ in tàⁿ, Chiá kāng-ún sĩ-mih kan-sia̍p? sĩ lṳ́ tie̍h-tng. [5] Iû-tã ka̍k chí-kâi-ngṳ̂n tõ tōiⁿ-tn̂g, thò-tshut; chiũ khṳ̀ tiàu-ām.
[6] Chì-si chiàⁿ-kâi thâu-nâng khie̍h-khí chí-kâi-ngṳ̂n, chiũ tàⁿ, Chí-kâi-ngṳ̂n sĩ hueh-kè, m̄-hó lo̍h tõ khòu-pâng. [7] In chiũ kàu-niêⁿ, liáu chiang chí-kâi-ngṳ̂n khṳ̀-bói hṳ́-kâi sie-hûi kâi tī, lâi-tsǹg tshut-gūa-nâng. [8] In-tshṳ́ hṳ́-kâi-tī, chì-kàu kim-ji̍t, kiè-tsò hueh-tī. [9] Thoh soiⁿ-tsai Iâ-lī-mí kâi ūe hṳ́-sî chiũ èng-ngiām, chiũ-sĩ tàⁿ, In khie̍h hṳ́ saⁿ-tsa̍p-ngṳ̂n, sĩ pĩ nâng kóu-bōi kâi sin-kè, chiũ-sĩ Íⁿ-sek-lie̍t mîn--tang só kóu-bōi--kâi; [10] chiũ chiang chí-kâi-ngṳ̂n khṳ̀-bói sie-hûi kâi tī, zû Tsú só-mēng uá.
[11] Iâ-sou khiã tõ bú-thâi mīn-tsôiⁿ: bú-thâi mn̄g I, tàⁿ, Lṳ́ sĩ Iû-thài nâng uâng, mé? Iâ-sou tùi-i tàⁿ, Lṳ́ tõ-tàⁿ--liáu. [12] Chì-si chiàⁿ-kâi thâu-nâng kũa chiáng-láu kò I, Iâ-sou tshuân-bô ìn-tap. [13] Pí-la̍h-to chiũ tùi I tàⁿ, In chí-chèng lṳ́ chièⁿ-tsōi-sṳ̄, lṳ́ thiaⁿ-m̄-kìⁿ, héⁿ? [14] Iâ-sou bô-ìn i, liên che̍k-kù-ūe tou-bô: tì-kàu bú-thâi tūa-ẽ khî-ī.
[15] Kàu tsoih-khî bú-thâi ũ siêⁿ-lī, pàng che̍k-kâi chhiû-huãm hôiⁿ chèng-nâng, sĩ sûi chèng-nâng só-àiⁿ. [16] Hṳ́-sî in ũ che̍k-kˆī tù-miâⁿ kâi chhiû-huãm, kiè-tsò Pa-la̍h-pa. [17] Chèng-nâng tsũ-chi̍p-bûa kâi sî-hāu Pí-la̍h-to tùi-in mn̄g-tàⁿ, Nín àiⁿ uá pàng tî-che̍k-kâi hôiⁿ--nín? Sĩ Pa-la̍h-pa, a-sĩ chheng-tsò Ki-tok kâi Iâ-sou, mé? [18] In-ũi Pí-la̍h-to tsai nâng sĩ tshut-tõ kòu-kī lâi-sàng Iâ-sou.
[19] Bú-thâi tõ-tsõ tūa-tn̂g i-kâi hu-jîn sái nâng kāng-i tàⁿ, Lṳ́ mài kan-sia̍p hṳ́-kâi ngĩ-jîn kâi sṳ̄: in-ũi uá kim-ji̍t tõ māng--tang ũi-tie̍h I tsōi-tsōi siang-sim.
[29] Chì-si chiàⁿ-kâi thâu-nâng kũa chiáng-láu kà-so chèng-nâng khiû-pàng Pa-la̍h-pa, mit-hāi Iâ-sou. [21] Bú-thâi tùi chèng-nâng mn̄g--tàⁿ, Chí nõ-nâng--tang nín àiⁿ uá pàng tî-che̍k-kâi hôiⁿ--nín? [22] In tàⁿ, Pa-la̍h-pa. Pí-la̍h-to chiũ tùi-in tàⁿ, Hiá, chièⁿ-seⁿ, chheng-tsò Ki-tok kâi Iâ-sou uá tie̍h tsò-nî tshú-tî, né? In chèng-nâng tàⁿ, Tie̍h tèng tõ tsa̍p--jī kè. [23] Bú-thâi tàⁿ, I ũ tsò sĩ-mih ak,
