[35] Huân tõ-tàⁿ-ūe kâi sî-hāu, ũ nâng tshông-tõ kuán hũe-tn̂g kâi nâng ke-tang lâi, tàⁿ, Lṳ́-kâi nńg-tsṳ́ sí--liáu: huân-liáu àiⁿ huân-lâu Sin-seⁿ, tsò-mih-sṳ̄? [36] Nā-sĩ Iâ-sou thiaⁿ-kìⁿ só-tàⁿ kâi ūe, chiũ tùi kuán hũe-tn̂g--kâi tàⁿ, Mài-kiaⁿ, tie̍h-sìn tiāⁿ-tiāⁿ. [37] M̄-tsún pa̍t-nâng tùe I khṳ̀, to̍k-to̍k sĩ Pí-tit, Iá-kok, kũa Iá-kok kâi hiaⁿ-tĩ Iak-hân tsò-pû. [38] Lâi-kàu kuán hũe-tn̂g i-kâi ke-lãi; Iâ-sou thóiⁿ-kìⁿ kā-kā-kiè, ũ nâng thî-khàu háu-siaⁿ tũa-tũa-ē. [39] Ji̍p-khṳ̀-kàu, chiũ tùi-in tàⁿ, Nín tsò-nî kā-kā-kiè, kũa tõ-khàu, né? chí-kâi nńg-tsṳ́ m̃-sĩ sí, sĩ tõ-u̍t. [40] Chèng-nâng chiũ thí-chhiè I. Nā-sĩ Iâ-sou sái chèng-nâng tshut--khṳ̀, tùa nńg-tsṳ́ kâi pẽ-bó, kũa kāng I tsò-pû lâi kâi nâng, ji̍p-kâu nńg-tsṳ́ só-tõ kâi ūi. [41] Khan nńg-tsṳ́ kâi chhiú, chiũ tùi-i tàⁿ, Tã-lĩ-tã, kú-mí; huan-e̍k chiũ-sĩ, Nńg-tsṳ́ a, uá mõng lṳ́, Tsáu-khí. [42] Nńg-tsṳ́ sûi-chiet tsáu-khí, kũa kiâⁿ; uân-khî ũ tsa̍p-jī-hùe--liáu. [43] Chèng-nâng sûi-sî chiũ tūa-tūa-ē hāi-ĩ. Iâ-sou ngiâm-ngiâm hun-hù in m̄-hó pun che̍k-nâng tsai chí-kâi-sṳ̄: iáu-chiũ hun-hù tie̍h-khie̍h pun nńg-tsṳ́ chia̍h.
6
Iâ-sou tshut hṳ́-kâi tī-hng khṳ̀; lâi-kàu ka-kī kâi pńg-tī; I kâi mn̂g-thû tùe I kiâⁿ. [2] An-sek-ji̍t kàu, Iâ-sou tõ hũe-tn̂g khui-kháu kà-hùe: tsōi-tsōi-nâng thiaⁿ-liáu chiũ khî-ī, tàⁿ, Chí-kâi-nâng tshông-tî-kò tit--tie̍h chí chiàⁿ-kâi-sṳ̄, né? Só-sṳ̀ chí-kâi-nâng kâi tì-hũi sĩ tsò-nî, né, ũ chièⁿ-tūa kâi khuân-lêng tshông-tõ I chhiú tshut--lâi, sĩ-mih ì-sṳ̀, né? [3] Chí-kâi khá-m̄-sĩ ba̍k-kang sai-pẽ, chiũ-sĩ Má-lī-a kâi kiáⁿ; sĩ Iá-kok, Iak-si, Iû-tã, kũa Si-mn̂g, kâi hiaⁿ-tĩ, mé? I kâi chí-mūe khá-m̃-sĩ tõ nán chí-kò? Chiũ ũi-tie̍h I iàm-sim tsó-thì.
[4] Iâ-sou tùi-in tàⁿ, Soiⁿ-tsai-nâng, tṳ̂-hui sĩ tõ ka-kī kâi tsóu-ke, kũa tõ ka-kī tsong-tso̍k tsṳ-tang, kũa tõ ka-kī kâi tshù, tsṳ-gūa bô-m̄ tit--tie̍h tsun-kèng. [5] Iâ-sou tõ-hṳ́-kò bõi-tit kiâⁿ ĩ-lêng, tuaⁿ-tuaⁿ sĩ chhiú àn kúi-kâi pēⁿ-nâng, chiũ ui in. [6] In-ũi chèng-nâng m̄-sièn,
