Iâ-sou chiũ kuài-ī. Chiũ pìn-kiâⁿ chiu-ûi hùaⁿ-kâi hieⁿ-lí tõ kà-hùe-nâng.
[7] Iâ-sou kiè I tsa̍p-jī mn̂g-thû lâi, tsṳ̃-tshṳ́ khí-thâu sái in nõ-nâng nõ-nâng tshut--khṳ̀; sṳ̀-pun in ũ khuân at-chì siâ-sîn; [8] iũ hun-hù in mài tùa lōu-hùi, tuaⁿ sĩ che̍k-ki-chiāng; mài niêⁿ-chia̍h, mài-tō, mài khǹg-chîⁿ tõ tóu-iē; [9] tie̍h-chhēng pa̍k-tùa kâi ôi: ĩu tàⁿ, M̄-hó chhēng nõ-kâi sin-tói-saⁿ. [10] Iũ kāng-in tàⁿ, Put-lũn tî-kò ji̍p-nâng kâi tshù-lãi, chiũ tie̍h nā hṳ́-kò khiã-khí, thāi-kàu lĩ-khui hṳ́-kâi tī-hng. [11] Huâm sĩ-mih tī-hng m̃-chiap-na̍p nín, m̃-thiaⁿ nín, kàu lī-khui hṳ́-kâi tī-hng kâi sî-hāu, chiũ tie̍h pũaⁿ-tiāu kha-ẽ kâi thôu-hún, lâi chèng-kṳ̃ in-kâi-tsũe.
[12] In chiũ tshut--khṳ̀, thuân-tàⁿ tie̍h-hùe-sim. To̍k-tshut tsōi-tsōi kúi, [13] chiang-iû buah tsōi-tsōi pēⁿ-nâng, chiũ ui in.
[14] Hi-lu̍t uâng thiaⁿ-tie̍h chí-kâi-sṳ̄; in-ũi Iâ-sou kâi miâⁿ-siaⁿ hién-iâng: chiũ tàⁿ, Si-sói Iak-hân tshông-tõ sí-nâng--tang ho̍k-ua̍h--liáu, kù-tshṳ́ chi-kâi ĩ-lêng kiâⁿ tõ i--kò lâi. [15] Nā-sĩ ũ pat-nâng tàⁿ, Sĩ Íⁿ-lī-a. Iā ũ pa̍t-nâng tàⁿ, Sĩ soiⁿ-tsai-nâng, chhin-chhiẽⁿ soiⁿ-tsai-nâng--tang che̍k-nâng. [16] Hi-lu̍t thiaⁿ-kìⁿ chí-kâi-sṳ̄ chiũ tàⁿ, Uá só-tsám kâi Iak-hân, i sĩ ho̍k-ua̍h--liáu.
[17] In-ũi tsá Hi-lu̍t ka-kī ũ sái nâng tshut--khṳ̀ lia̍h Iak-hân, pa̍k tõ kam-lãi, sĩ in-ũi Hi-lu̍t kâi hiaⁿ-tĩ Hui-le̍k kâi chhi, Hi-lô-tí, kâi uân-kù: uân-khî Hi-lu̍t ũ tshūa i. [18] In-ũi Iak-hân ũ tùi Hi-lu̍t tàⁿ, Lṳ́ na̍p lṳ́ hiaⁿ-tĩ kâi chhi, sĩ m̄-ha̍h-ngî. [19] Hi-lô-tí chiũ uàn Iak-hân, àiⁿ suah i; bõi-tit-tie̍h; [20] uân-khî Hi-lu̍t tsai Iak-hân sĩ ngĩ kũa siàⁿ kâi nâng, chiũ kèng-ùi i, pó-hũ i. Thiaⁿ-kìⁿ Iak-hân kâi ūe sim-lãi bô ta-ûa, iũ huaⁿ-hí thiaⁿ Iak-hân.
[21] Tú-ngõ ũ hó sêng-piẽn kâi ji̍t-chí kàu, sĩ Hi-lu̍t tsò-seⁿ-ji̍t, siet-sia̍h chhiáⁿ tsu-ūi tāi-hu, tshoiⁿ-hu-chiáng, kũa Ka-lī-lĩ kâi kùi-nâng; [22] Hi-lô-tí kâi nńg-tsṳ́ ka-kī ji̍p--lâi thiàu-bú, Hi-lu̍t kũa tâng-tsõ-sia̍h kâi chèng-nâng huaⁿ-hí; uâng tùi nńg-tsṳ́ tàⁿ, Huâm lṳ́ só-àiⁿ--kâi, khiû uá, uá chiũ àiⁿ-pun lṳ́. [23] Iũ kāng-i mêng-sī, Huâm lṳ́ só-khiû uá, sui chì-kàu uá-kok che̍k-pùaⁿ, uá
