iā àiⁿ-pun lṳ́. [24] Nńg-tsṳ́ thò-tshut, mn̄g i-kâi a-bó, tàⁿ, Uá tie̍h-khiû tî-kâi? I kâi a-bó chiũ tàⁿ, Si-sói Iak-hân kâi thâu. [25] Nńg-tsṳ́ chiũ mé-mé ji̍p--lâi kìⁿ-uâng, khiû--tàⁿ, Uá àiⁿ lṳ́ sûi-chiet chiang Si-sói Iak-hân kâi thâu tshõ--pàng pûaⁿ--chiēⁿ pun uá. [26] Uâng chiũ tūa-ē iu-būn; nā-sĩ íⁿ-keng mêng-sī--liáu, iû in-ũi tâng-sia̍h hùaⁿ-nâng, kù-tshṳ́ m̃-kṳ̃ i. [27] Uâng sûi-chiet chiũ sái che̍k-kâi ũe-piaⁿ, mẽng i tie̍h-khie̍h Iak-hân kâi thâu lâi: [28] i chiũ khṳ̀ tõ kam-lãi tsám i-kâi-thâu, thâu tshõ-pàng pûaⁿ--kò, pun nńg-tsṳ́; nńg-tsṳ́ khie̍h pun i-kâi a-bó. [29] Iak-hân kâi mn̂g-thû thiaⁿ-tsai chiũ kàu--lâi, tshú Iak-hân kâi si, tsǹg tõ pûn-mōⁿ.
[30] Chèng-sài-thû tsũ-chip-būa lâi-chiũ Iâ-sou; chiang huâm in só-kiâⁿ, kũa só-kà--kâi, lóng-tsóng o̍h pun Iâ-sou tsai. [31] Iâ-sou tùi-in tàⁿ, Nín tie̍h tsò-nín lâi-khṳ̀ khuàng-iá kâi tī-hng, uaⁿ-hiah che̍k-ē. Sĩ in-ũi lâi-uáng kâi nâng tsōi-tsōi, tì-kàu liên-chia̍h tou m̄-ôiⁿ. [32] In chiũ tah-tsûn tsò-in kiaⁿ-khui kàu khuàng-iá kâi tī-hng.
[33] Ũ nâng thóiⁿ-kìⁿ in khṳ̀, ũ tsōi-nâng pat in, tshông kak siâⁿ-ip tùi-lōu tsáu kàu hṳ́-kò, chiũ kèng-soiⁿ kàu. [34] Iâ-sou chiũ tshut--lâi thóiⁿ-kìⁿ tūa-khûn-nâng, chiũ liên-mién in, in-ũi in sĩ chhin-chhiẽⁿ iêⁿ m̄-chêng ũ mo̍k: chiũ khui-kháu chiang tsōi-tsōi-sṳ̄ kà-hùe in.
[35] Kàu ji̍t ùaⁿ--liáu, mn̂g-thû bûa--lâi kāng Iâ-sou tàⁿ, Chí-kò sĩ khuàng-iá, ji̍t íⁿ-keng uàⁿ--liáu: [36] tie̍h sái chèng-nâng sùaⁿ-khui, hó-khṳ̀ sì-ûi kâi tī-hng hieⁿ-lí, kak-bói tsōi-chié chia̍h. [37] Iâ-sou tùi-in tap-tàⁿ, Nín hó khie̍h pun in chia̍h. Mn̂g-thû chiũ tùi I tàⁿ, Khá-sĩ ún tie̍h-khie̍h jī-tsa̍p-ngṳ̂n khṳ̀ bói-piáⁿ, lâ-pun in chia̍h, héⁿ? [38] Iâ-sou mn̄g in, tàⁿ, Nín tshûn ũ jie̍h-tsōi-piáⁿ? nín khṳ̀-thóiⁿ. Mn̂g-thû thóiⁿ-tsai, chiũ tàⁿ, Ngõu-kò, kũa nõ-búe-hṳ̂. [39] Iâ-sou mẽng in tie̍h sái chèng-nâng che̍k-lie̍t che̍k-lie̍t tsõ-pàng chheⁿ-tsháu-pou. [40] Chèng-nâng chiũ lie̍t-tsõ, ho̍k-sĩ peh-nâng tsò-che̍k-ē, ho̍k-sĩ ngõu-tsa̍p-nâng tsò-che̍k-ē. [41] Iâ-sou khie̍h hṳ́ ngõu-kò-piáⁿ kũa nõ-búe-hṳ̂, ngiáng-thiⁿ, táu-tsok, chiũ peh-phùa hṳ́-kâi-piáⁿ; hù-pun mn̂g-thû khṳ̀-pái tõ chèng-nâng mīn-tsôiⁿ; iā chiang hṳ́ nõ-búe-hṳ̂ pun-khṳt chèng-
