chhiú chiũ chia̍h, sĩ tsò-nî? [6] Iâ-sou tùi-in tàⁿ, Íⁿ-sài-a só ṳ̃-ngân--kˆī, chí nín ké-hó kâi nâng, si̍t-tsãi sĩ, zû i-kâi-tsṳ só-tàⁿ,
Chí-kâi-mîn ēng tshùi-tûn lâi-kèng uá,
Nā-sĩ in-kâi sim lî uá hñg.
[7] In pài uá sĩ khang-khang,
Uân-khî in sĩ ēng nâng só-mẽng--kâi tsò kà-hùn, lâi kà-hùe nâng.
[8] Nín khì-tiāu Siãng-tì kâi kài-lu̍t, chip-siú nâng kâi zũi-thuân.
[9] Iũ tùi-in tàⁿ, Nín si̍t-tsãi sĩ pàng-tiāu Siãng-tì kâi kài-lu̍t, lâi-chip-siú nín-kâi zũi-thuân. [10] In-ũi Mô-si ũ-tàⁿ, Tie̍h-kèng lṳ́-kâi-pẽ kũa lṳ́-kâi-bó; iũ tàⁿ, Mē pē-bó kâi nâng pit-tie̍h sí: [11] nā-sĩ nín tàⁿ, Zû-jia̍k nâng tùi i-kâi-pẽ, ho̍k-sĩ tùi i-kâi bó, tàⁿ, Lṳ́ só eng tit--tie̍h uá lâi-iah lṳ́ kâi, sĩ Kok-pan, huan-e̍k chiũ-sĩ, Lói-mue̍h; [12] íⁿ-ãu nín tshuân m̃-hṳ́ i tsò-nî pang-tsõ i-kâi-pẽ, ho̍k-sĩ i-kâi-bó; [13] chiũ-sĩ ēng nín só-thuân-siũ kâi zũi-thuân lâi hùi-tiāu Siãng-tì kâi tāu: nín só-tsò--kâi ũ tsōi-tsōi chhin-chhiẽⁿ chièⁿ-seⁿ.
[14] Iâ-sou tsài hàm tāi-chèng-ke bûa--lâi, liáu chiũ tùi-in tàⁿ, Nín chèng-nâng tie̍h-thiaⁿ uá, iā tie̍h hiáu-mêng: [15] huâm tõ nâng sin-gūa ji̍p--kâi put-lêng u-ùe nâng: zûi-sĩ tshông-tõ nâng sin-lãi tshut--kâi, chí-kâi chiũ u-ùe nâng.
[17] Iâ-sou lī-khui tāi-chèng-ke ji̍p tshù-lãi, I kâi mn̂g-thû mn̄g I chí-kâi phì-zũ. [18] Iâ-sou chiũ tùi-in tàⁿ, Nín iā sĩ chièⁿ-m̄-hiáu, hé? Nín khá-m̄-tsai, huâm tshông-tõ gūa ji̍p nâng-sin kâi, put-lêng u-ùe--tie̍h i; [19] uân-khî m̄-sĩ ji̍p tõ i-kâi sim, zûi-sĩ ji̍p tõ i-kâi tóu-pak, iáu chiũ tshut tõ chhè? Chí-kâi-ūe chiũ-sĩ ngân-khî huâm chia̍h-mue̍h lóng-tsóng chheng-kiet. [20] Iũ tàⁿ, Tshông-tõ nâng tsṳ-lãi tshut--lâi-kâi, chí-kâi chiũ u-ùe nâng. [21] Uân-khî tshông-tõ lãi, chiũ-sĩ tshông-tõ nâng-kâi-sim, tshut ũ [22] ak-liãm, kóu-ha̍h, thau-tãu, suah-nâng, kan-îm, tham-sim, siâ-ak, tsà-phièn, hàuⁿ-sek, náu-ma̍k, húiⁿ-pãng, kiau-ngāu, ngô-buáng: [23] huâm chí-tsùaⁿ-kâi ak-sṳ̄ lóng-tsóng sĩ tshông-tõ lāi tshut, iũ u-ùe nâng.
