tsóng thóiⁿ kàu hīn-hīn. [26] Iâ-sou sái i hûe-ke, hàm--tàⁿ, Lṳ́ chhiet mài ji̍p-hieⁿ.
[27] Iâ-sou kũa I kâi mn̂g-thû tshut--khṳ̀ Kai-sat-lī-a Hui-li̍p-pí hùaⁿ-kâi hieⁿ-lí: tõ lōu--kan Iâ-sou mn̄g I kâi mn̂g-thû, tàⁿ, Nâng tàⁿ uá sĩ tî-tiâng, né? [28] In chiũ kāng I tàⁿ, Si-sói Iak-hân: iā ũ nâng tàⁿ sĩ Íⁿ-lĩ-a; iā ũ nâng tàⁿ, Sĩ soi-tsai--tang che̍k-nâng. [29] Iũ mn̄g in, tàⁿ, Nā-sĩ nín tàⁿ uá sĩ tî-tiâng? Pí-tit ìn I, tàⁿ, Lṳ́ sĩ Ki-tok. [30] Iâ-sou hun-hù in, mài chiang I kâi sṳ̄ kāng-nâng tàⁿ.
[31] Iâ-sou chiàⁿ khí-thâu kà I kâi mn̂g-thû, kāng-in tàⁿ Jîn-tsṳ́ pit-tiāⁿ siũ ke-ke kan-khóu, pĩ chiàⁿ-kâi chiáng-láu, kũa chì-si chiàⁿ-kâi thâu-nâng, kũa thak-tsṳ-nâng, só iàm-khì, siãng-chhiáⁿ pĩ-suah, kùe saⁿ-ji̍t ãu chiũ ho̍k-ua̍h. [32] Iâ-sou hién-mêng tàⁿ chí-kâu-ūe. Pí-tit chiũ khan I, khui-tshùi lâi cheh-hiâm I. [33] Iâ-sou hui-tńg-sin thóiⁿ I kâi mn̂g-thû, chiũ cheh-hiâm Pí-tit, tàⁿ, Sat-tān, thó--khṳ̀ uá pùe-ãu: uân-khî lṳ́ bô thói-liām Siãng-tì kâi chhêng, sĩ thói-liãm nâng kâi chhêng.
[34] Chiũ kiè tãi-chèng-ke kũa I kâi mn̂g-thû bûa--lâi, tùi in tàⁿ, Huâm sĩ-mih-nâng àiⁿ tùe-tshông uá, chiũ tie̍h siá-tiān ka-kī, taⁿ-khí i-kâi tsa̍p--jī kè lâi tùe-tshông uá. [35] In-ũi huâm sĩ-mih-nâng àiⁿ kiù i-kâi sèⁿ-miāⁿ, pit-tiāⁿ sàng-sit sèⁿ-miāⁿ; huâm sĩ-mih-nâng ũi-tie̍h uá kũa hok-im kâi uân-kù tì sàng-sit sèⁿ-miāⁿ, pit-tiāⁿ kiù--tie̍h sèⁿ-miāⁿ. [36] Uân-khî nâng jia̍k-sĩ tit-tie̍h pìn-sì-kài, liáu sàng-sit sèⁿ-miāⁿ, ũ sĩ-mih iah, né? [37] Siãng-chhiáⁿ nâng àiⁿ chiang tî-kâi lâi-ūaⁿ i-kâi sèⁿ-miāⁿ? [38] Huâm sĩ-mih-nâng tõ chí îm-ak kâi sì-kài thóiⁿ uá kũa uá-kâi-ūe tsò siáu-í, Jîn-tsṳ́ chiang I kâi Pẽ kâi iông-kuang kũa chèng siàⁿ-thien-sài lâi kâi sî-hāu, iā pit-tiāⁿ thóiⁿ hṳ́-kâi nâng tsò siáu-lí.
9
Iâ-sou iā tùi-in tàⁿ, Uá khak-sit kāng-nín tàⁿ, Tõ-chí-kò khiã khî-tang ũ nâng būe-chêng chhì--tie̍h sí kâi khì-bī pit-tiāⁿ soiⁿ thóiⁿ-kìⁿ Siāng-tì kok sêng-khuân chiũ lâi.
[2] Kùe la̍k-ji̍t ãu Iâ-sou chiũ tùa Pí-tit, Iá-kok, Iak-hân, tuaⁿ-tshūa in saⁿ nâng chiēⁿ-kàu che̍k-kâi kûiⁿ-suaⁿ; Iâ-
