sou tng in mīn-tsôiⁿ pièn-hùe: [3] I kâi i-ho̍k ia̍p-ia̍p-sih, chì-pe̍h, sì-kan kâi piè-pe̍h put-lêng sái i pe̍h kàu chièⁿ-seⁿ. [4] Ũ Íⁿ-lĩ-a kũa Mô-si hién-hīn pun in thóiⁿ: tō-kò kāng Iâ-sou tàⁿ-ūe. [5] Pí-tit tùi Iâ-sou ìn-tàⁿ, Sin-seⁿ, ún tõ chí-kò sĩ hó: iông ún tah saⁿ-koiⁿ-liâu; che̍k-koiⁿ ũi-tie̍h lṳ́, che̍k-koiⁿ ũi-tie̍h Mô-si, che̍k-koiⁿ ũi-tie̍h Íⁿ-lī-a. [6] In-ũi Pí-tit m̄-tsai tsò-nî ìn; uân-khî saⁿ-nâng tūa kiaⁿ-kũ. [7] Chiũ ũ hûn lâi-chia in: tshông-tõ hûn--tang ũ siaⁿ tshut--lâi, tàⁿ, Chí-kâi sĩ uá-kâi ài-tsṳ́: nín tie̍h-thiaⁿ I. [8] Saⁿ-nâng thóiⁿ sì-chiu-ûi, hut-jiên bô thóiⁿ-kìⁿ che̍k-nâng, tuaⁿ-tuaⁿ Iâ-sou kũa in ka-kī tiāⁿ-tiāⁿ.
[9] Kàu lo̍h-suaⁿ kâi sî-hāu, Iâ-sou hun-hù in, Jîn-tsṳ́ būe-chêng tshông-sí ho̍k-ua̍h, mài chiang só-thóiⁿ-kìⁿ kâi sṳ̄ kāng-nâng tàⁿ. [10] Mn̂g-thû kì-liãm chí-kâi-ūe, siang-kàu-niêⁿ chí-kâi tshông-sí ho̍k-ua̍h sĩ-mih ì-sṳ̀. [11] Chiũ mn̄g Iâ-sou, tàⁿ, Tha̍k-tsṳ-nâng tàⁿ Íⁿ-lĩa-a eng-kai soiⁿ kàu. [12] Iâ-sou chiũ tùi-in tàⁿ, Íⁿ-lĩ-a sit sĩ soiⁿ kàu, ho̍k-tńg tsu-sṳ̄: lũn-ki̍p Jîn-tsṳ́ iā ũ kì-tsài, tàⁿ, I pit-tie̍h siũ ke-ke hũa-hāi, pĩ nâng só thóiⁿ-khin? [13] Uá kāng-nín tàⁿ, Íⁿ-lĩ-a íⁿ-keng kàu--liáu, nâng iā jīm-ì khuán-thāi i, zû soiⁿ só-kì-tsài i kâi sṳ̄ hièⁿ-seⁿ.
[14] Kàu chèng mn̂g-thû--kò, thóiⁿ-kìⁿ tāi-chèng-ke tõ-ûi in, iā ũ tha̍k-tsṳ-nâng kāng-in piẽn-lũn. [15] Chèng-nâng kìⁿ-tie̍h Iâ-sou, cihũ tũa-ē khî-ī, sûi-chiet tsáu-bûa--lâi tùi I kiâⁿ-lói. [16] Iâ-sou mn̄g in, tàⁿ, Nín kāng-in piẽn-lũn tî-kâi? [17] Chèng-nâng--tang ũ che̍k-nâng tùi I ìn-tàⁿ, Sin-seⁿ, uá tùa uá-kâi-kiáⁿ lâi-chiũ lṳ́, i pĩ é kâi siâ-sîn só-tùe; chí-kâi-sîn che̍k-ē kàu léng i pua̍h-lo̍h; [18] i chiũ lâu-nũaⁿ, kã-khí, siãng-chhiáⁿ sĩ kou-ta: uá chhiáⁿ lṳ́-kâi mn̂g-thû to̍k-tshut chí-kâi-sîn; in put-lêng. [19] Iâ-sou tùi-in ìn, tàⁿ, Aĩ-a, bô-sìn kâi sì-tō, uá tie̍h kāng-nín tsò-pû-tõ kàu jie̍h-kú, né? uá jím-nãi nín tie̍h kàu jie̍h-kú, né? Tùa lṳ́-kâi-kiáⁿ bûa--lâi. [20] In chiũ tùa i bûa--lâi Iâ-sou kò. Iâ-sou che̍k thóiⁿ-kìⁿ i, siâ-sîn sûi-sî chiũ sái i thiu-thek, kan-khóu-tsãi; i chiũ tó-lo̍h-tī, huan-lâi khah-khṳ̀ lâu-nũaⁿ.
[21] Iâ-sou mn̄g i-kâi-pẽ, Chí-kâi-sṳ̄ kip i-sin kàu-taⁿ ũ jie̍h-kú? [22] I tàⁿ, Tsṳ̃ sòi-kiáⁿ--sî. Lú-tshṳ̀ ka̍k i tõ tsúi-
