húe--kò, àiⁿ mit-hāi i: lṳ́ jia̍k-iā-sĩ õi, chiũ liên-mién ún, pang-tsõ ún. [23] Iâ-sou tùi i tàⁿ, Lṳ́ iā-sĩ õi! Ũ-sìn kái nâng buān-sṳ̄ tsò-tit-lâi. [24] Hṳ́-kâi nôu-kiáⁿ kâi pẽ sûi-chiet kiè--tàⁿ, Uá sìn; ũ m̄-sìn iā khiû lṳ́ pang-tsõ úa. [25] Iâ-sou thóiⁿ-kìⁿ tãi-chèng tsáu-bûa--lâi tsũ-chip, chiũ tuah siâ-sîn, tùi-i tàⁿ, É kũa lâng kâi sîn a, uá mẽng lṳ́ lī-khui chí-kâi nâng tshut--lâi, mài tsài ji̍p--khṳ̀. [26] Sîn háu-kiè, sái i tūa-ẽ thiu-thek, chiũ tshut--lâi: nôu-kiâⁿ chhin-chhiẽⁿ sí che̍k-iēⁿ; tì-kàu chèng-nâng ũ che̍k-tūa-ûe tàⁿ, I sĩ sí--liáu. [27] Nā-sĩ Iâ-sou līm i-kâi-chhiú, hû i; i chiũ tsáu-khí.
[28] Ji̍p kàu tshù-lãi, I kâi mn̂g-thû sai-ẽ mn̄g I, tàⁿ, Uń to̍k-i put-tit. [29] Iâ-sou chiũ kāng-in tàⁿ, Chí-khí-kâi, m̄-sĩ ēng khî-táu, chiũ bõi-tit-tie̍h i tshut--lâi.
[30] In chiũ lĩ-khui hṳ́-kò, tùi Ka-lĩ-lĩ keng-kùe; Iâ-sou m̄-àiⁿ pun nâng tsai. [31] In-ũi sĩ chí-sī I kâi mn̂g-thû, kāng-in tàⁿ, Jîn-tsṳ́ sĩ koì tõ nâng kâi chhiú, nâng àiⁿ-suah I; [32] pĩ-suah ãu ke saⁿ-ji̍t I chiũ àiⁿ ho̍k-ua̍h. Mn̂g-thû m-hiáu chí-kâi ūe-ì, iā m̄-káⁿ mn̄g I.
[33] Chiũ kàu Ka-pek-lông; tõ tshù-lãi Iâ-sou mn̄g in, tàⁿ, [34] Nín tõ lōu--kan ngí-lũn tî-kâi? Mn̂g-thû tiām-tiām: uân-khî tõ lōu--kan sĩ sie-cheⁿ tî-tiâng tūa. [35] Iâ-sou tsõ-lo̍h, hàm tsa̍p-jī mn̂g-thû; chiũ tùi-in tàⁿ, Put-lũn tî-tiâng àiⁿ-tsò soiⁿ--kâi, i pit-tiāⁿ tõ chèng-nâng--tang lo̍h-ãu, tsò chèng-nâng kâi po̍k-hia̍h. [35] Iâ-sou tshú che̍k-kâi sòi-kiáⁿ, pàng tõ in tìn-tang: [37] phõ tõ chhiú, chiũ tùi-in tàⁿ, Huâm ēng uá-kâi-miâⁿ chiap-na̍p che̍k-kâi chièⁿ-seⁿ kâi sói-kiáⁿ, chiũ-sĩ chiap-na̍p uá: huâm chiap-na̍p uá, iā m̄-sĩ chiap-na̍p uá, sĩ chiap-na̍p sái--uá-Chiá.
[38] Iak-hân tùi Iâ-sou tàⁿ, Sin-seⁿ, ún thóiⁿ-kìⁿ che̍k-kâi-nâng ēng lṳ́-kâi-miâⁿ tõ-to̍k-kúi: chiũ tsó-chí i, uân-khî i bô tùe-tsông nán. [39] Iâ-sou tàⁿ, Mài tsó-chí i: bô nâng ēng uá-kâi-miâⁿ lâi-kiâⁿ ĩ-lêng, iáu chiũ khin-kōi pãng-húi uá. [40] Put-lũn sĩ-mih-nâng, in-ũi thóiⁿ nín sĩ so̍k-tõ Ki-tok, chiàⁿ khie̍h che̍k-pue-tsúi khṳt nín lim, uá khak-si̍t kāng-nín tàⁿ, i pit-tiāⁿ bōi sit-lo̍h i-kâi pò-siéⁿ.
[42] Huâm sĩ-mih-nâng sái sìn uá kâi mûi-sòi--tang che̍k-
