nâng hām-lo̍h tsũe, lẽng-tsò pĩ tūa oi-bō-chie̍h tiàu-pàng ãm, lâi ka̍k-lo̍h-hái, kèng-hó. [43] Tháng-jia̍k lṳ́ che̍k-chiah-chhiú sái lṳ́ hām-lo̍h tsũe, chiũ tie̍h tok-tiāu: lṳ́ lēng-tsò phùa-sièⁿ jip tõ seⁿ-ua̍h, mài tshûn sang-chhiú ji̍p tī-ge̍k, put-mit kâi húe. [45] Tháng-jia̍k lṳ́ che̍k-chiah-kha sái lṳ́ hām-lo̍h tsũe, chiũ tie̍h tok-tiāu: lṳ́ lēng-tsò kuái-kha jip tō seⁿ-ua̍h, mài tshûn sang-kha ka̍k-lo̍h tī-ge̍k. [47] Tháng-jia̍k lṳ́ che̍k-chiah-ma̍k sái lṳ́ hām-lo̍h tsũe, chiũ tie̍h khṳ́-tiāu: lṳ́ lẽng-tsò to̍k-ma̍k ji̍p Siãng-tì kok, mài tshûn sang-ma̍k ka̍k-lo̍h tī-ge̍k; tō-hṳ́-kò in-kâi-thâng put-sí, húe put-mi̍t. [49] In-ũi pit-sĩ ēng-húe tǹg-tsò-iâm lâi-hùe kak-nâng.
[50] Iâm sĩ hó: iâm jia̍k-sĩ sit-kiâm, àiⁿ ēng sĩ-mih-kâi lâi sái i ũ bī, né? Nín ka-kī lãi-tang tie̍h-ũ iâm, jī-ke siang-hûa-mo̍k.
10
Iâ-sou tshông-tõ hṳ́-kó khí-sin, lâi-kàu Iû-thài kâi tī-kài kũa Iak-tãn gūa-pôiⁿ: tsōi-tsōi nâng iũ-tsài lâi-chiũ I; Iâ-sou chiè I kâi lī tsài kà-hùe in.
[2] Ũ Huap-lĩ-sài nâng bûa--lâi mn̄g I, tàⁿ, Nâng hiuⁿ-tiāu chhi ha̍h-ngî, mé? sĩ àiⁿ-chhì Iâ-sou. [3] Iâ-sou tùi-in ìn--tàⁿ, Mô-si sĩ tsò-nî mẽng nín? [4] In chiũ tàⁿ, Mô-si èng-hṳ́ siá hiuⁿ-tsṳ lâi hiuⁿ-tiāu. [5] Nā-sĩ Iâ-sou tùi-in tàⁿ, Mô-si sĩ uân-khî nín-kâi-sim ngẽⁿ, kù-tshṳ́ ũ siá-tshut chí-kâi-mẽng khṳt nín. [6] Tãn-sĩ tshông-tõ tshàng-tsãu buān-mue̍h kâi nguân-tsho, Siãng-tì tshàng-tsãu nâng tsò-lâm, tsò-nńg. [7] In-tshṳ́ nâng pit-tiāⁿ lī-khui i-kâi pẽ-bó, ka-tshat i-kâi-chhi; [8] nõ-nâng chiũ sêng che̍k-thói: íⁿ-ãu chiũ m̄-sĩ nõ, chiũ-sĩ che̍k-thói. [9] Kù-tshṳ́ Siãng-tì só phùe-ha̍h--kâi, nâng m̄-hó hun-khui.
[10] Tõ tshù-lãi, I kâi mn̂g-thû tsài-mñg I chí-kâi-sṳ̄. [11] Iâ-sou chiũ tùi-in tàⁿ, Put-lũn tî-tiâng hiuⁿ-tiāu i-kâi-chhi, tshūa pa̍t-nâng, chiũ-sĩ kiâⁿ-îm tit-tsõ--tie̍h i-kâi-chhi: [12] chhi zû-jia̍k khì-tiāu hu, kè pa̍t-nâng, i iā sĩ kiâⁿ-îm.
[13] Ũ nâng tùa sòi-kiáⁿ lâi-chiũ Iâ-sou, àiⁿ I àn-chhiú tõ in: mn̂g-thû hiâm hṳ́-kâi-nâng. [14] Nā-sĩ Iâ-sou thóiⁿ-kìⁿ chiũ tûa m̄-huaⁿ-hí, tùi mn̂g-thû tàⁿ, Iông chí-kâi sòi-
