kiáⁿ lâi chiũ uá: mài tsó-chí in: uân-khî ũ Siãng-tì kok kâi, sĩ chièⁿ-seⁿ kâi nâng. [15] Uá khak-sit kāng-nín tàⁿ, put-lũn sĩ-mih-nâng àiⁿ sêng-siũ Siãng-tì kok jia̍k m̄-sĩ chhin-chhiēⁿ sòi-kiáⁿ, chiũ tuàn-tuàn put-lêng ji̍p. [16] Iáu chiũ phõ hiàⁿ-kâi sòi-kiáⁿ, chhiú àn tõ in, kāng-in tsok-hok.
[17] Iâ-sou tshut--khṳ̀ tõ lōu-kan, ũ che̍k-kâi-nâng tsáu kṳ̃n-tsôiⁿ--lâi, kũi I, chiũ mn̄g I, tàⁿ, Hó kâi Sin-seⁿ a, uá tie̍h tsò-nî tsò chiàⁿ-oĩ tit ióng-seⁿ? [18] Iâ-sou ìn i, tàⁿ, Lṳ́ tsò-nî chheng uá tsò hó? Tṳ̂ Siãng-tì tsṳ-gūa, bô che̍k-nâng sĩ hó. [19] Kài-mēng lṳ́ iā tsai, tsu-zû, M̄-hó suah-nâng, M̄-hó kiâⁿ-îm, M̄-hó thau-tāu, M̄-hó tsò ké kâi chèng-kṳ̃, M̄-hó khi-phièn nâng, Tie̍h-kèng lṳ́-kâi-pẽ kũa lṳ́-kâi-bó. [20] Hṳ́-kâi-nâng chiũ tùi I tàⁿ, Sin-seⁿ, chí tsùaⁿ-kâi-sṳ̄ uá tshông-tō iùⁿ-nîⁿ lóng-tsóng ũ siú. [21] Iâ-sou ma̍k thóiⁿ i, chiũ ài-sieh i, tùi-i tàⁿ, Lṳ́ huân-liáu khueh-khiàm che̍k-kiāⁿ: tie̍h-khṳ̀, bōi lṳ́ che̍k-khài só-ũ kâi, lâi chín-chì phîn-khiông, chiũ pit-tiāⁿ ũ tshâi tõ thiⁿ: iā tie̍h-lâi, lâi-tùe-tshông uá. [22] Hṳ́-kâi-nâng thiaⁿ--tie̍h chí-kâi-ūe, mīn chiũ pièn-sek, iu-būn chiũ khṳ̀: uân-khî i ũ ke-ngia̍p sĩ tūa.
[23] Iâ-sou thóiⁿ sì-chiu-ûi, chiũ tùi I kâi mn̂g-thû tàⁿ, Ũ pù-kāu kâi nâng ji̍p Siãng-tì kok, khá-m̄-sĩ oh-tsāi, a! Mn̂g-thû khî-ī I kâi ūe. [24] Iâ-sou iũ tsài ìn in, tàⁿ, Siáu-tsṳ́, a, khùa-kõu chîⁿ-tshâi kâi nâng ji̍p Siãng-tì kok khá-m̄-sĩ oh-tsãi! [25] Lo̍h-tho̍h tshuan-kùe tsam-khang, pí--tie̍h pù-nâng ji̍p Siãng-tì kok, sĩ zú-kèng kōi. [26] Mn̂g-thû tūa-ē khî-ĩ, chiũ tùi I tàⁿ, Hiá chièⁿ-seⁿ, tî-tiâng ôi-tit-kiù, né? [27] Iâ-sou thóiⁿ in, chiũ tàⁿ, Tõ nâng chiũ put-lêng, tõ Siãng-tì chiũ bõi put-lêng: uân-khî tõ Siãng-tì, sṳ̄-sṳ̄ tou õi.
[28] Pí-tit chiũ khui-tshùi tùi Iâ-sou tàⁿ, Uń íⁿ-keng siá-tiāu che̍k-khài, lâi tùe-tshông lṳ́. [29] Iâ-sou tàⁿ, Uá khak-si̍t kāng-nín tàⁿ, Huâm sĩ-mih-nâng, ũi-tie̍h uá kũa hok-im kâi uân-kù, siá-tiāu tshù-the̍h, ho̍k-sĩ hiaⁿ-tĩ, ho̍k-sĩ chí-mūe, ho̍k-sĩ a-bó, ho̍k-sĩ a-pẽ, ho̍k-sĩ kiáⁿ-jî, ho̍k-sĩ tshân-hn̂g, [30] chiũ tõ kim-sì bô-m̄-tit--tie̍h peh-pũe; ho̍k-sĩ tshù-the̍h, hiaⁿ-tĩ, chí-mūe, a-bó, kiáⁿ-jî,
