tshân-hn̂g, kiam-kũa ũ khún-to̍k; tõ lâi-sì iā bô-m̄-tit--tie̍h ióng-seⁿ. [31] Nā-sĩ hīn-kim tõ thâu kâi tsōi-tsōi chiang-àiⁿ tsò búe kâi; búe kâi iā chiang-àiⁿ tsò thâu kâi.
[32] In tõ lōu--kan àiⁿ-chiẽⁿ Iâ-lũ-satléng; Iâ-sou kiâⁿ tõ in thâu-tsôiⁿ: mn̂g-thû hāi-ĩ; tùe tõ I ãu chiũ kiaⁿ-kũ. Iâ-sou iũ-tsài tùa hṳ́ tsa̍p-jĩ mn̂g-thû, chiang ka-kī chiang-àiⁿ ngõ--tie̍h tsùaⁿ-kâi-sṳ̄ khui-tshùi tùi-in tàⁿ, chiũ tàⁿ, [33] Nán chiẽⁿ Iâ-lũ-sat-léng; Jîn-tsṳ́ chiang-àiⁿ pĩ-sàng tõ chèng chì-si-chiáng, kũa tha̍k-tsṳ-nâng; in chiũ àiⁿ ngí-tiāⁿ I sí, sàng-pun ī-pang-nâng: [34] in chiũ àiⁿ hì-lõng I, phùi-nũaⁿ tõ I, ēng phûeⁿ-piⁿ phah I, iáu chiũ suah-sí; kùe saⁿ-ji̍t-ãu I chiũ ho̍k-ua̍h.
[35] Si-pí-thài nõ-kâi-kiáⁿ, Iá-kok kũa Iak-hân, kiâⁿ-bûa--lâi, tùi Iâ-sou tàⁿ, Sin-seⁿ, ún bô-lũn só-khiû tî-kâi, nguãn lṳ́ kāng-ún tsò-chiáⁿ. [36] Iâ-sou chiũ tùi-in tàⁿ, Nín àiⁿ uá kāng-nín tsò-chiâⁿ tî-kâi-sṳ̄? [37] In tùi I ìn--tàⁿ, Sṳ̀-pun ún tsõ tõ lṳ́-kâi iông-kuang, che̍k-nâng tõ lṳ́ iũ-pôiⁿ, che̍k-nâng tõ tsó-pôiⁿ. [38] Nā-sĩ Iâ-sou tùi-in tàⁿ, Nín m̄-tsai nín só-khiû--kâi. Uá só-ím kâi pue, nín õi ím, mé? Uá só-siũ kâi sói-lói nín õi-siũ mé? [39] In chiũ tùi I tàⁿ, Uń õi. Iâ-sou chiũ tùi-in tàⁿ, Uá só-ím kâi pue, nín chiang-àiⁿ ím; uá só-siũ kâi sói-lói, nín chiang-àiⁿ siũ: [40] tãn-sĩ tsõ tõ uá iũ-pôiⁿ ho̍k-sī tõ tsó-pôiⁿ, m̄-sĩ so̍k tõ uá hó-pun: sĩ soiⁿ ṳ̃-pĩ àiⁿ pun kâi nâng, chiũ sṳ̀-pun in.
[41] Tsa̍p-kâi mn̂g-thû thiaⁿ-tsai chí-kâi-sṳ̄, chiũ ũi-tie̍h Iá-kok kũa Iak-hân huat-khí tūa put-zua̍t kâi sim. [42] Iâ-sou tiãu in lâi, chiũ kāng-in tàⁿ, Nín tsai só tshui-tsun lâi tî-lí ī-pang-nâng--kâi, in sĩ tsò tsú-jîn kuán-hat in; in-kâi tãi-jîn ēng khuân-pèⁿ lâi kuán in. [43] Zûi-to̍k tō nín--tang m̄-sĩ chièⁿ-seⁿ: nín--tang put-lũn tî-tiâng àiⁿ-tsò tūa, pit-tie̍h tsò nín-kâi kang-hia̍h: [44] put-lũn tî-tiâng tõ nín--tang àiⁿ-tsò thâu, pit-tie̍h tsò chèng-nâng kâi po̍k. [45] Uân-khî Jîn-tsṳ́ lâi m̄-sĩ àiⁿ siũ nâng ho̍k-sṳ̃, sĩ àiⁿ ho̍k-sṳ̃ nâng, siāng-chhiáⁿ siá-tiāu I kâi sèⁿ-miāⁿ, lâi-thòi ke-ke nâng tsò so̍k-hûe kâi kè.
[46] Iáu in chiũ kàu Iâ-lĩ-ko: Iâ-sou kāng I kâi mn̂g-thû,
