kũa che̍k-tūa-khûn nâng, tshut Iâ-lĩ-ko kâi sî-hāu, chiũ ũ Tí-mái âi kiáⁿ, Pa-tí-mái, i sĩ chheⁿ-mêⁿ kâi khṳt-chia̍h, tsõ tõ lōu-kîⁿ. [47] Thiaⁿ-tsai sĩ Ná-sat-le̍k kâi Iâ-sou, chiũ khui-tshùi hàm--tàⁿ, Tã-phek kâi kiáⁿ-sun, Iâ-sou, liên-mién uá. [48] Ke-ke nâng hiâm i, hàm i tie̍h tiām-tiām: nā-sĩ i zú-kèng tūa-tūa-siaⁿ hàm--tàⁿ, Tã-phek kâi kiáⁿ-sun, liên-mién uá. [49] Iâ-sou chiũ thêng-pōu, tàⁿ, Kiè i lâi. In chiũ kiè chí-kâi chheⁿ-mêⁿ-nâng, kāng-i tàⁿ, Lṳ́ tie̍h pàng-táⁿ: [50] khí--lâi, I tõ kiè--lṳ́. Hú-kâi nâng hám-khui i-kâi-saⁿ, pha--khí-lâi, lâi-kàu Iâ-sou kò. [51] Iâ-sou chiũ mn̄g i, tàⁿ, Lṳ́ àiⁿ uá kāng-lṳ́ tsò sĩ-mih-sṳ̄? Chhêⁿ-mêⁿ-nâng chiũ tùi I tàⁿ, Sin-seⁿ, uá àiⁿ tit--tie̍h thóiⁿ-kìⁿ. [52] Iâ-sou chiũ tùi-i tàⁿ, Lṳ́ tsò-lṳ́ khṳ̀; lṳ́-kâi-sìn kiù lṳ́, liáu. I chiũ sûi-chiet tit--tie̍h thóiⁿ-kìⁿ, lōu--tang tùe-tshông Iâ-sou.
11
Iâ-sou kũa mn̂g-thû chiang-kṳ̃n Iâ-lũ-sat-léng, chì-kàu Pek-huap-khî kũa Pek-tã-nî, tõ Kaⁿ-náⁿ-suaⁿ, Iâ-sou sái ka-kī kâi mn̂g-thû nõ-nâng, chiũ kāng-in tàⁿ, [2] Nín tie̍h tsò-nín khṳ̀ kàu nín tùi-mīn kâi hieⁿ-lí: che̍k-ē ji̍p--khṳ̀ sûi-chiet chiũ ngõ--tie̍h chiah lṳ̂-kiáⁿ pa̍k--tõ-kò, tsṳ̃-liáu m̄-pat ũ nâng khiâ--kâi; tie̍h kói-liáu tùa--lâi. [3] Tháng-jia̍k ũ nâng tùi-nín mn̄g-tàⁿ, Nín tsò chí-kâi-sṳ̄ sĩ tsò-nî? nín chiũ tie̍h-tàⁿ, Sĩ Tsú àiⁿ ēng--tie̍h; i sûi-chiet chiũ pit sái i tńg--lâi chí-kò.
[4] Nõ-nâng chiũ khṳ̀, ngõ--tie̍h che̍k-chiah lṳ̂-kiáⁿ pa̍k tõ mn̂g-kha, tõ gūa-kháu koi-lōu--kò; chiũ kói-khui. [5] Tõ hṳ́-kò tõ-khiã kâi nâng ũ kâi tàⁿ, Nín tõ kói lṳ̂-kiáⁿ àiⁿ-tsò mih-sṳ̄? [6] Nõ-nâng chiè Iâ-sou kâi ūe, chiũ tùi-in tàⁿ: in chiũ pàng in khṳ̀. [7] Chiũ tùa hṳ́-kâi lṳ̂-kiáⁿ kàu Iâ-sou kò, phua̍h in-kâi-saⁿ tõ lṳ̂ kâi sin-chiẽⁿ; Iâ-sou chiũ khiã i.
[8] Ke-ke nâng chiũ tshṳ ka-kī kâi saⁿ tõ loū-chiẽⁿ; iā ũ nâng tshṳ chhiū-chheⁿ, chiũ-sĩ tõ tshân-hn̂g--tang kuah kâi. [9] Kiâⁿ thâu-tsôiⁿ, kũa tùe tõ-ãu, kâi nâng khui-siaⁿ tàⁿ, Buān-hok, a; thoh Tsú-miâⁿ lâi Kâi tit--tie̍h sõng-múi: [10] chiang-kàu kâi kok-tit--tie̍h sõng-múi, chiũ-sĩ
