Kà gín-á í-chêng ēng kàu-tiâu
Kàu-tiâu tēng-khok-khok ná í-liâu
Chiàⁿ-hı̄ⁿ thiaⁿ phak-phak ı̀n kóng ē-hiáu ē-hiáu
Tò-hı̄ⁿ phoà chı̍t khang chiah toā khang
Sûi kā lí choân-pō͘ làu-làu tiāu
Chá-chêng kà gín-á ēng tı̂n-tiâu
Tı̂n-tiâu sut lo̍h-khı̀ bah phoà phoê hiàu
Bı̄n-thâu-chêng kóng beh oân-choân chun-chiàu
Kha-chhng-āu bô poàⁿ-hāng kı̀-ē-tiâu
Giân-kàu put-jû sin-kàu
Giân-kàu to̍h sı̄ kàu-tiâu chit-hō liāu
Gín-á tòng-chò lí sı̄ teh khàu-iau
Sin-kàu chiū-sı̄ tı̂n-tiâu
Tı̂n-tiâu tiàm sin-khu-téng kà, kà goā-piáu
Kàu-sı̂ kò lí ge̍k-thāi jı̂-tông
Lí to̍h chia̍h bē siau
Giân-kàu sin-kàu kı̂-sı̍t lóng-sı̄ hau-siâu
Put-jû si-kàu chit chı̍t-chiau
Toā-lâng khin-sang liām koa-iâu
Gín-á hoaⁿ-hí cháu koà thiàu
Khı̀-chit hó ū châi-tiāu
Bián kàu-tiâu, jı̂n-seng tō-lí o̍h chiâu-chiâu
Bô tı̂n-tiâu, gín-á lú lâi lú koai-khiáu.
