Su-liām chhin-chhiūⁿ hái-kau
Chhim-chhim-chhim
Koh moá--chhut-lâi
Soah piàn-chò ong-ong-lâu ê
Siaⁿ-si-hái
Hái ê chit thâu
Chı̍t ê siau-sán ê hêng
Hit thâu lo̍h-hio̍h ê iáⁿ
Hái chiah-nı̍h khoah
Sı̂-chha chiah-nı̍h chē
Péng--koè-lâi phak--koè-khı̀
Péng--koè-lâi, hái ê chit thâu
Chhin-chhiūⁿ hit pêng ê jı̍t--sı̂
Phak--koè-khı̀, hit pêng ê jı̍t--sı̂
Bô cheng bô sı̂n chhiūⁿ àm-sı̂
Kám ē-tàng kui-khı̀ mài kā siūⁿ?
Nā ē-tàng án-ne
Hoān-sè kui ê hái ē chū án-ne
Siau--sit-khı̀
Hái-kau mā ē chū án-ne pêⁿ-pêⁿ-pêⁿ
Lí goá bián koh keh chı̍t ê siuⁿ-si-hái
Khó͘-khó͘ teh theⁿ-tō͘
