Tâi-oân-lâng tùi Jı̍t-pún-lâng kóng Eng-gí

Any/En-ni Hotel/Ho͘-the-luh Goá ê pêng-iú Gô͘ Hong-san chheng-liân châi-chùn, 29 hoè chiū chò Chū-lı̍p-oán-pò ê siā-tiúⁿ, siū Bí-kok chèng-hú iau-chhiáⁿ khı̀ Bí-kok kiàn-sı̍p. Chhit-cha̍p nı̂-tāi, tùi Tâi-oân khı̀ Bí-kok tio̍h ài khı̀ Jı̍t-pún choán-ki toà chı̍t-mê. Goá ê pêng-iú chı̍t-lo̍h hui-ki chiū kiò kè-thêng-chhia chhoē lú-koán. I bē-hiáu Jı̍t-gí, chiū iōng Jı̍t-pún Eng-gí tùi su-ki kóng: "Any ho͘-the-luh?" Keng-koè nn̄g-saⁿ keng lú-koán lóng bô thêng-chhia, kè-thêng-pió it-tı̍t thiàu, I ê sim-koaⁿ jú-thiàu jú lı̄-hāi, khiâm-tn̂g-neh-tō͘ chah-lâi ê Bí-kim, chı̍t-kho͘ chı̍t-kho͘ toè teh thiàu-tiāu. Koh keng-koè chı̍t-keng lú-koán koh bô thêng-chhia, I sı̍t-chāi tòng tē-tiâu toā-siaⁿ hoah kóng: "Ho͘-the-luh here!" Su-ki èng-kóng: "He sı̄ Tang-kiaⁿ Ho͘-the-luh, m̄-sı̄ En-ni Ho͘-teh-luh!" I hit-tong-sı̂ ē-sái kóng sı̄ beh khàu bô ba̍k-sái.