Tâi-oân Si-jı̂n

Ùi Wiki Tô·-su-kóan
 Goá sı̄ chı̍t-ê Tâi-oân si-jı̂n, 
Iōng si kiàn-kok ê Tâi-oân si-jı̂n.
Goá gia̍h pit chò chhèng,
Phah chı̍t-tiûⁿ to̍k-lı̍p chiàn-cheng. Goá sı̄ chı̍t-ê Tâi-oân si-jı̂n,
Gia̍h bó-gí chò tı̂-thâu e Tâi-oân si-jı̂n.
Ta̍k-jı̍t goá ku tı̄ tiān-náu thâu-chêng
Ku̍t-ó͘ chı̍t-choā chı̍t-choā tē-ki. Tha̍h chı̍t-chat chı̍t-chat lı̍p-kok ê poâⁿ-chio̍h.
Goá sı̄ chı̍t-ê Tâi-oân si-jı̂n,
Kam-goān chò kha-ta̍h-chioh ê Tâi-oân si-jı̂n, Bián chhut-miâ, iā m̄-bián hó-gia̍h,
Koh khah bô hiù No͘-bè-luh-siúⁿ.
Chiong ka-kı̄ khut-chò kāu koh chāi ê keng-kah,
Hō͘ āu-jı̍t ê Siá-khó-su-pí-ah cháu jú koân khoàⁿ jú hn̄g. Goá sı̄ chı̍t-ê Tâi-oân si-jı̂n,
Hoaⁿ-hí hō͘ lâng pàng-boē-kı̀ ê Tâi-oân si-jı̂n,
Goá ê lêng-hûn tó tı̄ kò͘-hiong ê chúi-piⁿ,
----bô-lâng chai-iáⁿ, Hoê-sióng hit-tiûⁿ súi koh kong-êng ê chiàn-cheng,
Kap goá só͘-lâu--lo̍h éng-kiú bô hoè ê thiàⁿ.