ka̍k pun tsò hûi kâi sai-pẽ. Uá chiũ chiang hṳ́ saⁿ-tsa̍p phuat ngṳ̂n, ka̍k pun tsò-hûi kâi sai-pẽ, tõ Iâ-hô-hûa kâi tshù.
[14] Uá chiũ tok-tñg uá hṳ́ che̍k-ki chiãng, kiè-tsò Tiⁿ-pa̍k kâi, lâi hùi-tiāu Iû-tã kũa Íⁿ-sek-lie̍t tsò hiaⁿ-tĩ kâi kau-ha̍h.
[15] Iâ-hô-hûa iũ tùi-uá tàⁿ, Lṳ́ tie̍h tsài tshú ngô-lú mo̍k-chiá só-ēng kâi khì-kũ.
[16] In-ũi, lṳ́ thóiⁿ! uá àiⁿ heng-khí che̍k-kâi mo̍k-chiá tõ chí-kâi tī, tṳ̂-mit kâi i m̄ khṳ̀ kuàn-kù, hun-sùaⁿ kâi i m̄ khṳ̀ tui-tshūe i, phùa-sièⁿ kâi i m̄ ui-tì i; khiâng-tsàng kâi i m̄ chhī i; pûi kâi i iā àiⁿ-chia̍h i-kâi ne̍k, iũ túi-tñg i-kâi kha-tôi. [17] Aī! chí-kâi bô-iah kâi mo̍k-chiá, sĩ pàng-tiāu iêⁿ-khûn kâi! to-kiàm pit àiⁿ ki̍p--tie̍h i-kâi chhiú-pì, iā kip--tie̍h i-kâi iū-ma̍k; i-kâi chhiú-pì pit tsn̂g-kâi kou-ta, i-kâi iũ-ma̍k iā pit tsn̂g-kâi hùi-huãi.
