Kū-ieh Iak-ná tsṳ e̍k tsò Tiê-chiu Pe̍h-ūe

Kū-ieh Iak-ná tsṳ e̍k tsò Tiê-chiu Pe̍h-ūe Chok-chiá:John Campbell Gibson

《舊約約那書譯做潮州白話》 Tiê-chiu Pe̍h-ūe-jī

MediaWiki:Proofreadpage pagenum templateKū-ieh Iak-ná tsṳ

e̍k tsò Tiê-chiu pe̍h-uē

Sùaⁿ-thâu: Lói-pài-tn̂g Hông-soh-hṳn ìn. 1888. MediaWiki:Proofreadpage pagenum template

Iak-ná tsṳ.

1

Iâ-hô-hûa kâi ūe thoh tõ A-mí-thài kâi kiáⁿ Iak-ná, tàⁿ, [2] Tie̍h khí-sin khṳ̀ Nî-nî-mûi, hṳ́-kâi tūa-siâⁿ, lâi-tuah i; in-ũi in-kâi-ak thiaⁿ-bûn tõ uá mīn-tsôiⁿ. [3] Iak-ná chiũ khí-sin àiⁿ-tsáu khṳ̀ Tã-sit, àiⁿ tsáu-pī Iâ-hô-hûa mīn-tsôiⁿ; chiũ lo̍h-khṳ̀ Iak-phà, ngõ--tie̍h ũ chiah-tsûn àiⁿ-khṳ̀ Tã-sit: hôiⁿ i-kâi tsûn-tsou, chiũ lo̍h--khṳ̀, àiⁿ tshap in khṳ̀ Tã-sit, lâi tsáu-pī Iâ-hô-hûa mīn-tsôiⁿ.

[4] Nā-sĩ Iâ-hô-hûa thàu tūa-huang tõ hái tang, hái tang chiũ ũ tūa huang-éng, tsûn chiũ hiám-hiám pua̍h-tiāu. [5] Tsúi-siú chiũ kiaⁿ, kak-kak khiû i-kâi siãng-tì; iũ chiang tsûn-tói kâi hùe-mue̍h ka̍k-lo̍h-hái, àiⁿ tit--tie̍h khin--chē. Nā-sĩ Iak-ná sĩ lo̍h--khṳ̀ tsûn-tshng-tói, tó-lo̍h chiũ u̍t--khṳ̀-liáu.

MediaWiki:Proofreadpage pagenum template[6] Tsûn-tsú chiû kiâⁿ-bûa lâi kāng-i tàⁿ, Lṳ́ sĩ tsò-nî chiàⁿ-tõ-u̍t, né? tie̍h khí--lâi, khiû lṳ́-kâi Siãng-tì, pa-lak Siãng-tì ũ sṳ-liãm--tie̍h nán, nán chiũ mién sí-buâng.

[7] In hùaⁿ-kâi húe-kì chiũ kàu-niêⁿ, tàⁿ, Náen chhiáⁿ lâi khieh-khau, lâi-tshat-tsai sĩ ũi-tie̍h tî-tiâng kâi uân-kù chí-kâi-hũa chiàⁿ ũ kau-ki̍p--tie̍h nán. Chiũ khieh-khau, khau chiũ khieh--tie̍h Iak-ná.

[8] In chiũ mn̄g i tàⁿ, Chhiáⁿ kāng-ún tàⁿ chí-kâi tsai-hũa sĩ ũi-tie̍h tî-tiâng kâi uân-kù chiàⁿ kau-ki̍p--tie̍h ún; lṳ́ sĩ tsò sĩ-mih sṳ̄-ngia̍p? tshông tî-kò lâi? lṳ́-kâi pńg-tī tî-kò? lṳ́ sĩ so̍k sĩ-mih mîn-tso̍k? [9] I chiũ tùi-in tàⁿ, Uá sĩ Hi-pek-lâi nâng; uá sĩ kèng-ùi Iâ-hô-hûa, chiũ-sĩ thiⁿ-chiēⁿ kâi Siãng-tì, le̍k-tī tshang-hái sĩ I só-tsãu.

[10] In hùaⁿ-nâng chiũ tūa-tūa kiaⁿ-kũ, MediaWiki:Proofreadpage pagenum templatechiũ tùi-i tàⁿ, Lṳ́ só-tsò chí-kâi-sṳ̄ sĩ tsò-nÎ? Uân-khî in chèng-nâng tsai i sĩ tsáu-pī Iâ-hô-hûa mīn-tsôiⁿ, in-ũi Iak-ná ũ kāng-in tàⁿ. In chiũ mn̄g i tàⁿ, Uń tie̍h tsò-nî thãi lṳ́, nán chiàⁿ tit--tie̍h hái tiām-chẽⁿ khṳt--nán? in-ũi huang-éng zú-kú zú chheⁿ-tshoh. [12] Iak-ná chiũ tùi-in tàⁿ, lia̍h uá lâi ka̍k-lo̍h-hái; nín chiàⁿ tit--tie̍h hái tiām-chẽⁿ khṳt-nín: in-ũi uá tsai sĩ ũi-tie̍h uá kâi uân-kù chí-kâi tūa huang-éng chiàⁿ-ũ kau-ki̍p--tie̍h nín.

[13] Tãn-sĩ in hùaⁿ-nâng tshut-la̍t kò-chiéⁿ àiⁿ tò-tńg uá-suaⁿ; bô-nãi bõi-tit: in-ũi huang-éng zú-kú zú chheⁿ-tshoh lâi-nge̍k in. [14] Kù-tshṳ́ in chiũ khiû Iâ-hô-hûa, tàⁿ, Khî-khiû Iâ-hô-hûa! khiû lṳ́ sái ún mài ũi-tie̍h tshṳ́-nâng kâi seⁿ-miāⁿ tì-kàu sí-buâng, mài chiang bô-tsũe tsṳ nâng kâi hueh lâi kui-kiũ tõ ún: in-ũi sĩ Iâ-hô-hûa lṳ́ íⁿ-keng zû lṳ́-kâi chí-ì tsò-sū. [15] In chiũ lia̍h Iak-ná ka̍k-lo̍h-hái: MediaWiki:Proofreadpage pagenum templatekâi huang-éng chiũ tiām-chẽⁿ. In chèng-nâng chiũ tūa-tūa ùi Iâ-hô-hûa; chiũ hièn-chì Iâ-hô-hûa, iũ hẽ-nguān.

[17] Iâ-hô-hûa chiũ ṳ̃-pĩ che̍k-búe tūa-hṳ̂ lâi-thun Iak-ná lo̍h-khṳ̀; Iak-ná tõ hṳ̂ kâi tóu-tói saⁿ-jit saⁿ-mêⁿ.

2

Iak-ná chiũ tshông-tõ hṳ̂ kâi tóu-tói khî-táu i-kâi Siãng-tì Iâ-hô-hûa. [2] Chiũ tàⁿ,

Uá ngõ huãm-lān chiũ khiû Iâ-hô-hûa,

I chiũ ìn uá;

Uá tshông-tõ àm-hú kâi tóu-tói u-khiû,

Lṳ́ chiũ thiaⁿ uá-siaⁿ.

[3] In-ũi lṳ́ ka̍k uá tõ chhim-uan, tõ tūa-hái tang,

Lâu-tsúi sì-phìⁿ huàm-lãm lâi bi̍t uá;

Lṳ́-kâi tūa-éng po-thâu lóng-tsóng kám-mi-uá. MediaWiki:Proofreadpage pagenum template

[4] Uá chiũ tàⁿ, Uá sĩ pĩ khì-tiāu tõ lṳ́ ma̍k-tsôiⁿ;

Nā-sĩ uá àiⁿ tsài hiàng-mōⁿ lṳ́-kâi siàⁿ-tōiⁿ.

[5] Tsúi im-mi uá, ki-hu sàng-miāⁿ;

Chhim-uan ûi-kín uá;

Hái-soi tîⁿ--tie̍h uá-kâi-thâu.

[6] Uá lo̍h-khṳ̀ tūa-suaⁿ kâi tī-kha;

Tī-lô kìm uá ióng-kú bô-tshut:

Tãn-sĩ Iâ-hô-hûa, uá-kâi Siãng-tì, lṳ́ kiù uá-kâi seⁿ-miāⁿ tshut àm-hú.

[7] Uá sim-tang sàng-táⁿ hṳ́-sî, uá chiũ sṳ-liãm--tie̍h Iâ-hô-hûa:

Uá-kâi khî-táu chiũ kau-ki̍p--tiéh lṳ́, chì-kàu lṳ́-kâi siàⁿ-tōiⁿ.

[8] Huâm hiàng-mōⁿ tõ hṳ-ké kâi nâng Chiũ-sĩ khì-tiāu ka-kī kâi ṳn.

[9] Nā-sī uá pit ēng siā-ṳn kâi siaⁿ lâi hièn-chì hõng lṳ́;

Uá só-hẽ kâi nguān uá pit hièn-hôiⁿ lṳ́.

Tit-kiù sĩ tshông Iâ-hô-hûa. MediaWiki:Proofreadpage pagenum template

[10] Iâ-hô-hûa mẽng hṳ́-kâi-hṳ̂, hṳ̂ chiũ thòu-tshut Iak-ná tõ le̍k-tī.

3

Iâ-hô-hûa kâi ūe tsài-thoh tõ Iak-ná, tàⁿ, [2] Tie̍h khí-sin khṳ̀ Nî-nî-mûi, hṳ́-kâi tūa-siâⁿ, tùi-i thuân uá só-mẽng lṳ́ kâi ūe. [3] Iak-ná chiũ khí-sin khṳ̀ Nî-nî-mûi, zû Iâ-hô-hûa só-mẽng.

Chí-kâi Nî-nî-mûi sĩ chì-tūa kâi siâⁿ, tūa ũ saⁿ-ji̍t kâi lōu-thiâⁿ. [4] Iak-ná tsho-ji̍p siâ-lãi che̍k-ji̍t lōu-thiâⁿ, chiũ hàm tàⁿ, Ke sì-tsa̍p-ji̍t Nî-nî-mûi chiũ pit phah-phùa.

[5] Nî-nî-mûi chèng-mîn chiũ sìn Siãng-tì; chiũ ngí-chhiáⁿ kìm-chia̍h, tsṳ̃-tsun chì-pui lóng-tsóng chhēng-mûa. [6] Chí-kâi-ūe thûan-kàu Nî-nî-mûi kâi uâng, i chiũ khiã--khí-lâi, tsông-tõ tsō-ūi lóh--khṳ̀, thǹg-tiāu só-chhēng kâi uâng-phâu, chhēng-mûa, chiũ tsõ tõ hue-hu--tang. [7] Iũ tshut-zũ, chiang uâng kũa MediaWiki:Proofreadpage pagenum templatechèng-chhîn só-ngí--kâi thûan pìn Nî-nî-mûi, tàⁿ, Nâng kũa cheng-seⁿ gû-iêⁿ lóng-tsóng m̄-hó-chia̍h sĩ-mih-kâi: m̄-hó chia̍h-niêⁿ, m̄-hó ím-tsúi: nâng kũa cheng-seⁿ pêⁿ-tâng tie̍h chhēng-mûa, tie̍h tūa-ē u-khiû Siãng-tì: siãng-chhiáⁿ tie̍h kak-kak hûe-thâu thut-lī i-kâi ak-lōu, kũa in chhiú--tang kâi hiong-ngia̍k. [9] Siãng-tì pa-lak àiⁿ hûe-sim tńg-ì, siau i-lâi tãi-náu, sái nán mién sí-buâng, tî-tiâng tsai, mé?

[10] Siãng-tì thóiⁿ-kìⁿ in só-tsò, in kak-kak sĩ hûe-thâu thut-lī i-kâi ak-lōu; Siãng-tì tsá só-tàⁿ àiⁿ-si-kiâⁿ tõ in kâi hũa-hāi, taⁿ siẽ-tńg chiũ bô-kiâⁿ.

4

Nā-sĩ Iak-ná tūa-tūa m̄-háh-ì, chiũ náu-khì. [2] I chiũ tùi Iâ-hô-hûa khî-táu, tàⁿ, Khiû Iâ-hô-hûa lṳ́, chí-kâi khá-m̄-sĩ uá tsá só-tàⁿ, chiũ-sĩ uá huân-liáu tõ uá pńg-tī hṳ́-sî? Kù-tshṳ́ uá chiàⁿ méⁿMediaWiki:Proofreadpage pagenum templateméⁿ tsáu àiⁿ-khṳ̀ Tã-sit: uân-khî uá tsai lṳ́ sĩ ṳn-ài kâi Siãng-tì, múaⁿ-sim sĩ liên-mién, m̄-kam huat-náu, phak-si tshṳ̂-ṳn, ē-ē siẽⁿ-tńg bô kia tsai-hũa. [3] Só-íⁿ, taⁿ, khiû Iâ-hô-hûa, uá-kâi seⁿ-miāⁿ kāng-uá thó-tńg, in-ũi kèng-hó tie̍h-sí mài-seⁿ. [4] Iâ-hô-hûa chiũ tàⁿ, Lṳ́ khá-hó náu-khì, mé?

[5] Iak-ná chiũ tshut siâⁿ-gūa, tsõ tõ siâⁿ kâi tang-pôiⁿ, tõ-hṳ́-kò tah-liâu, tsõ tõ-hṳ́ liâu-im-ẽ, thãi-kàu thóiⁿ-kìⁿ chí-kâi-siâⁿ àiⁿ tì-kàu tsò-nî. [6] Iâ-hô-hûa Siãng-tì chiũ ṳ̃-pĩ che̍k-tsâng pi-muâ, sái i huat--khí-lâi chia tõ Iak-ná tsṳ-chiẽⁿ, lâi-chia tõ i thâu-khak-téng, lâi-kiù i mién kan-khóu. Iak-ná ũi-khî tit chí-kâi pi-mûa chiũ tūa-tūa huaⁿ-hí.

[7] Tãn-sĩ mêng-ji̍t thiⁿ kng Siãng-tì ṳ̃-pĩ che̍k-tiâu-thâng, chí-kâi-thâng chiũ kã hṳ́-tsâng pi-mûa, pi-mûa chiũ kou-ta--khṳ̀. Liáu-ãu kàu ji̍t tshut, Siãng-tì MediaWiki:Proofreadpage pagenum templateṳ̃-pĩ pek-zua̍h kâi tang-huang; ji̍t pha̍k--tie̍h Iak-ná kâi thâu-khak, tì-sái i sit-hûn, chiũ ũi-tie̍h ka-kī khiû àiⁿ-sí, chiũ tàⁿ, Uá kèng-hó tiéh-sí, mài-seⁿ.

[9] Siãng-tì chiũ tùi Iak-ná tàⁿ, Lṳ́ khá-hó ũi-tie̍h chí-kâi pi-mûa chiũ náu-khì, mé? Iak-ná chiũ tàⁿ, Uá hó náu-khì, khì kàu-sí.

[10] Iâ-hô-hûa chiũ tàⁿ, Lṳ́ ũ liên-mién--tie̍h chí-kâi pi-mûa, nā-sĩ lṳ́ iũ bô lâu-la̍t--tõ-kò, iā m̄-sĩ lṳ́ sái i huat-khí; sĩ che̍k-mêⁿ huat-khí, che̍k-mêⁿ sí--khṳ̀: [11] Uá iũ khá-m̄-hó liên-mién Nî-nî-mûi, hṳ́-kâi tūa-siâⁿ; hṳ́-lãi ũ tsa̍p-jī-buān gūa nâng, sĩ m̄-hiáu hun-pie̍t ka-kī tsó-iũ-chhiú kâi nâng, iũ ũ ke-ke cheng-seⁿ?

IAK-NÁ TSONG.