1. Goá ê Siōng-tè chı̀-koâiⁿ, chı̀-toā.
Goá beh éng-oán o-ló;
Lí ê koân-lêng, kı̂-sū moá-moá.
Ta̍k sè-tāi lóng thoân-pò.
2. Goá ê Siōng-tè, chı̀-chun ui-giâm,
Êng-kng hián-hek bô pí;
Lí ê toā-un, lâng-lâng kı̀-liām.
O-ló Lí ê kong-gı̄.
3. Chú ū lı̂n-biú, chû-ài un-hūi,
Koh bô khoài-khoài siū-khı̀;
Lí ê lı̂n-bín, tı̀-ı̀m bān-lūi.
Goān tāi-ke o-ló Lí.
4. Lâng-lâng kóng-khí sèng-kok êng-kng,
Tâm-lūn Chú ê koân-lêng;
Lí ê só͘ choè, kı̂-biāu chiâu-chn̂g,
Goān lâng lóng oē hun-bêng.
5. Bān-bı̂n eng-kai kia̍h-ba̍k ǹg Lí,
Lí sù chia̍h-mı̍h chhiong-chiok;
Lí ê só͘ kiâⁿ bô m̄ kong-gı̄,
Jı̂n-ài boē-oē chhek-to̍k.
6. Hoān-nā kèng-ùi, kiû-kiò Chú miâ,
Chú beh kap in chin-kūn;
Sim só͘ ı̀-ài, Lí beh choè chiâⁿ,
Si lo̍h chín-kiù toā-un. A-men.
(Tâi-oân Kàu-hoē Kong-pò, Tē 863 kı̂, 1960 nı̂ 11 goe̍h)
