1 Thiⁿ-ē bān-kok tek-choē Siōng-tè,
Lâng-lâng ûi-ke̍h hoat-tō͘,
Só͘-í ta̍k-lâng gū-tio̍h chai-ē,
Éng-oán tio̍h siū kan-khó͘.
2 Khí-thâu lán lâng sí-chó͘ A-tong,
Tiàm tı̄ khoài-lo̍k hoe-hn̂g,
Jı̍t-jı̍t pêng-an, sim-koaⁿ lêng-thong,
Hit-sı̂ hok-khı̀ chiâu-chn̂g.
3 Thó͘-khùi A-tong poē-ge̍k Siōng-tè,
Chio-lâi chai-ē hoân-ló,
Hok-khı̀ sit-lo̍h lian-lūi thiⁿ-ē,
Oa̍h-miā lóng-chóng bia̍t-bô.
4 To-siā thiⁿ-un siúⁿ-sù sè-kan,
Iâ-so͘ thoè lâng siū sí;
Iâ-so͘ ha̍k-seng bián-kiaⁿ chai-lān,
Hoán-tńg éng-éng hoaⁿ-hí.
5 Kan-lân ê sı̂ lán lâi kı̂-tó,
Siōng-tè hō͘ lán an-ùi;
Lán sı̀n Iâ-so͘ khò i kong-lô,
Tit-tio̍h Siōng-tè un-hūi.
6 Chèng-lâng tio̍h lâi oá-khò Iâ-so͘,
Hoaⁿ-hí thàn i chí-ı̀,
Tı̄ toē-bı̄n-chiūⁿ kiâⁿ thiⁿ ê lō͘,
Lō͘-bé tit-tio̍h hok-khı̀.
