Ū chı̍t kù oē
Kán-tan bô siáⁿ-hoè
Ou-jí-sáng o͘-bá-sáng chai-iáⁿ
Ū tn̂g-soaⁿ-kong bô tn̂g-soaⁿ-má
Tiām-tiām hian-khui chı̍t-ia̍h
Thó͘-tē sit-lo̍h ê ūn-miā
Ū chı̍t kù oē
Kàu-kho-su lóng-bô-siá
Ū tn̂g-soaⁿ-kong bô tn̂g-soaⁿ-má
Siàu-liân-lâng m̄ chāi-iáⁿ
Khoàⁿ piàn-hêng ê Kong-kài
Lâu tı̄ hong-kau-iá-goā
Biō-tiâⁿ ê chhit-jı̄-á koa
Chhiòⁿ khí Tēⁿ-kok-sèng ê sū-kiāⁿ
Hàn-jı̂n soa-bûn chú-gı̄ ê pēⁿ-to̍k
Toā-siaⁿ hoah chhut bû-ti ê iá-bân
Tâi-oân chū-kó͘ bô bûn-hoà
Pêⁿ-iôⁿ khòng-thó͘ choân chheⁿ-hoan
Chheⁿ-hoan bô kóng-oē
Chheⁿ-hoan bô le̍k-sú
Chheⁿ-hoan bô bûn-hoà
Chí-chhûn chı̍t kù oē
Ū tn̂g-soaⁿ-kong bô tn̂g-soaⁿ-má
Liû-lōng tı̄ ke-thâu-hāng-boé
Chhiáⁿ lín ta̍k-ke chim-chiok thiaⁿ
