1. Chú Iâ-so͘ ah! Siàu-liām Lí chin-chiàⁿ thiàⁿ goá,
Siū tèng sı̍p-kè, lóng sı̄ ūi goá choē-koà;
Ke̍k toā thiàⁿ-thàng! Sè-kan lóng bô thang pí-phēng,
Goá sim kám-kek, o-ló bô sı̂ thêng.
2. Chú Iâ-so͘ ah! Sèng-pia̍t goá choè Lí khı̀-khū
Seng-khu, lêng-hûn, í-kı̍p it-chhè só͘ ū;
Tùi taⁿ í-āu, ūi Lí êng-kng ê sèng-miâ,
Kam-goān hōng-hiàn, thàn Lí chí-ı̀ lâi kiâⁿ.
3. Chú Iâ-so͘ ah! Chin choē lâng iáu m̄-bat Lí,
Goān Lí Sèng-sı̂n, kám-hoà kiò-chhíⁿ chí-sı̄,
Chān goá ta̍k ūi, hó-táⁿ pò-iông Chú tō-lí,
Ín-chhoā chèng-lâng, sı̀n Chú tâng hióng hok-khı̀. A-men.
(Tâi-oân Kàu-hoē Kong-pò, Tē 800 kı̂, 1955 nı̂ 8 goe̍h)
