1 Thiⁿ-kng jı̍t chhut m̄ thang ài khùn,
Thàu chá khí-lâi chı̄n goá pún-hūn,
Kèng tha̍k Sèng-chheh sêng-sim kı̂-tó,
Kám-siā Siōng-tè gı̂m si lo-ló.
2 Chá-chêng phah-sńg choē-choē kong-im,
Taⁿ tio̍h pó-sioh chhin-chhiūⁿ n̂g-kim,
Jı̍t goa̍t jû so iàu-kín choan-bū,
Pı̄-pān sím-phoàⁿ kiaⁿ-liáu boē hù.
3 Ho̍k-sāi Siōng-tè ēng sim sêng-sı̍t,
Khoán-thāi pa̍t lâng lı̍p-chı̀ tiong-tı̍t,
Sim-lāi liām-thâu Siōng-tè kàm-chhat,
Tı̄ Chú bı̄n-chêng bô thang khǹg-ba̍t.
4 Taⁿ kiû Thiⁿ-pē tài-liām Kiù-chú,
Tû goá choē-kò ná siau hûn-bū,
Siúⁿ-sù Sèng-sı̂n ná thiⁿ lo̍h hō͘,
Lūn-te̍k goá sim tek-hēng siù-bō͘.
5 Kim-jı̍t kóng-oē liāu-lí tāi-chı̀,
Goān Chú ta̍k hāng ín-chhoā chí-sı̄,
Hō͘ goá siông-siông chı̄n sim chı̄n ı̀,
Êng-kng Siōng-tè sūn-thàn sèng-chí.
6 Bān-hok goân-thâu to̍k-it Siōng-tè.
Pē, Kiáⁿ, Sèng-sı̂n, Sam-ūi-it-thé,
Goān thiⁿ-ē lâng tâng sim tâng siaⁿ,
O-ló chheng-ho͘ goá Chú toā miâ.
