Chù-sí pōng--tio̍h

「」Tâi-gí hoat-im, < >Hoâ-gí hoat-im Chi̍t-ê kiò-chò ＜Tńg siâu-phîn>ê Tâi-oân-lâng khì Bek-kok,I bē-hiáu kóng Eng-gí. Tī Bek-kok ê hái-koan,î-bîn-kio̍k ê koaⁿ-goân ūi-tio̍h beh khak-tēng I lâi Bí-kok ê bo̍k-tek, mn̄g I ē-bīn kúi-ê bûn-tê: Î-bîn-koaⁿ:"What is the last name of o͘r first President?"（Goán ê tē-it kài Chóng-thóng sèⁿ-siáⁿ?） I thiaⁿ bô,m̄-chai î-bîn-koaⁿ teh kóng siáⁿ， ioh tāi-khài sī teh mn̄g I ê sèⁿ，ìn kóng: 「Goá sèⁿ Tēng」. Î-bîn-koaⁿ thiaⁿ-chò "Washengton （＜Hoâ-séng-tūn＞）", chin boán-ì,chiū hō͘ I thong-koè tē-it tiâu bûn-tê. Koè--lâi, mn̄g tē-jī ê bûn-tê: "What do yo͘ come to the US for?" (Lí lâi Bí-kok sī beh chhòng-siáⁿ ?) Chit-pái I siūⁿ，sī teh mn̄g goá ê miâ, chiū sūn-chhùi ìn: " ＜Siáu-pêng＞ " . Î-bîn-koaⁿ thiaⁿ-chò "Shoppeng", tìm-thâu thong-koè. Tē-saⁿ ê bûn-tê: "What car do yo͘ drive back home?" (Lí tī kò͘-hiong sái siáⁿ-khoán chhia ?) Lán chit-ūi toā-hiaⁿ lú ìn lú soah-phah, chit-pái I ioh it-tēng sī mn̄g ū kiat-hun--bô,chiū ìn-kóng: “Bô bó͘”. Î-bîn-koaⁿ thiaⁿ sī "Volvo", tō chhiò--chhiò tìm-thâu, piáu-sī o-ló. Choè-āu ê tē-sì ê būn-tê: "Who is the most popular basketball player here in the US?" （Tī Bí-kok siáⁿ-lâng sī siōng-kài siū hoan-gêng ê nâ-kiû soán-chhiú?） Chit-ê Tâi-oân-lâng í-keng tán kah tòng-bē-tiâu--ah, tō kóng: “Mài hō͘ goá chia tán!” Î-bîn-koaⁿ thiaⁿ I ìn "Michael Jordan", kám-kak chit-ê Tâi-oân lâi ê koan-kong-kheh khak-sit ha̍k-būn chin pá, tō hui-siông kheh-khì hō͘ I koè-koan.