Chheng jîn sóa biō
86 nî(1997 nî) lán m̄-sī ūi-tio̍h pó-chûn Jī-kiat Ông-kong biō, lán pān chi̍t-ê Chheng jîn sóa biō ê oa̍h-tōng. Kî-si̍t, Chheng jîn sóa biō to̍h sī kóng, lán chio lán chng-thâu lāi-té chha-put-to ū chi̍t chheng jōa lâng. Pun chò 12 tiâu soh-á, ta̍k-ke tâng-chê kah hit-ê kū biō kah sóa tín-tāng, tī chit-ê oa̍h-tōng ê kòe-thêng tong-tiong, to̍h sī chhiōⁿ góa kóng ê kóng, chhòng-chō bîn-chiòng chham-í ê chi̍t-ê ki-hōe, sīm-chì tī bîn-chiòng chham-í ê chit-ê ki-hōe tong-tiong, chhòng-chō in ê kám-tōng, tī chhòng-chō kám-tōng ê kòe-thêng tong-tiong, hō͘ in tiông-sin khì su-khó tùi bûn-hòa chu-sán ê chit-ê kè-ta̍t ê thài-tō͘.. Góa kám-kak chit-ê sī chi̍t-ê hui-siông tiōng-iàu, m̄-sī kóng chi̍t-ê lāu-jia̍t pān-pān leh to̍h soah. sáⁿ-mi̍h mi̍h-kiāⁿ lóng bô lâu lo̍h-lâi.
Kî-si̍t, tùi chi̍t-ê Chheng jîn sóa biō ê oa̍h-tōng ê kòe-thêng tong-tiong, góa kám-kak lâng hō͘ siā-khu chòe kè-ta̍t ê put-chí sī hit keng biō, nā-hó siā-khu thóng kè-ta̍t ê sī chi̍t-ê tùi bûn-hòa chu-sán ê chi̍t-ê thài-tō͘.