Chiàn-bí Chú Pó-kùi ê Miâ

 H. Bonar goân chok 
 1. Kı̀ⁿ-nā ū lâng teh lô-khó͘, 
  Pē tāng-tàⁿ, sim kan-lân; 
  Tio̍h lâi chhē Kiù-chú Iâ-so͘, 
  Chiū tit sim-koaⁿ pêng-an; 
  Oá-khò Kiù-chú ê pó-huih, 
  Soé goá choē-ok chheng-khı̀; 
  Chí-ū sêng-sı̍t sim hoán-hoé, 
 Chiū thang tit-tio̍h hok-khı̀. 
  2. Tio̍h-boâ, ià-siān ê lêng-hûn, 
  Goān Chú sèng-chhiú hû-chhı̂; 
  Tiàm Lí sı̍t-ē, chin an-ún, 
  Goá goān thàn Lí Chí-ı̀; 
  Bô-lūn sím-mı̍h kan-khó͘ sū, 
  M̄-bián iu-būn, siong-pi; 
  Pàng-sim chheng-chheng kau-tài Chú, 
  Keng-kè sè-kan jı̍t-chí. 
 3. Chú Iâ-so͘, Ki-tok ê miâ, 
  Chiū-sı̄ Í-má-loē-lı̄; 
  I miâ chin súi, chin hó-thiaⁿ, 
  Sè-kan lóng bô thang pí; 
  Chhin-chhiūⁿ chhun-thiⁿ ê hó-hoe, 
  Hō͘ hong chhe-lâi, chhe-khı̀; 
  Phang-bı̄ chhèng-kàu moá sı̀-koè, 
  Hō͘ lâng him-siān, hoaⁿ-hí.
 4. Goá Chú un-jiû koh khiam-sùn, 
  Jı̂n-ài ê sim moá-moá; 
  Kiû Chú hō͘ goá lâi chhin-kūn, 
  O̍h Lí thiàⁿ lâng sim-koaⁿ; 
  Thiaⁿ-kı̀ⁿ thian-kun teh gı̂m-si, 
  Im-ūn hô-hâi ê siaⁿ; 
  Goá ài kap in tâng hoaⁿ-hí, 
  O-ló goá Chú toā-miâ. A-men.

（Ka-têng ê Pêng-iú, Tē 6 kı̂, 1958 nı̂ 8 goe̍h）