1. Thiⁿ-pē Siōng-tè èng-ún,
Si-un sù-hok ti ka-têng;
Sim sin ià-siān lêng-hûn,
An-hioh pó-ióng tı̄ ka-têng;
Ka-cho̍k saⁿ-kap khiā-khí,
Bô-lūn pi-siong hoaⁿ-hí,
Ha̍k-sı̍p saⁿ-thiàⁿ an-ùi,
Êng-iāu Chú miâ tı̄ ka-têng.
2. Hu-hū chun-thàn tō-lí,
Hō͘-siong pang-chān tı̄ ka-têng,
Sı̂-siông chhin-ài bô lı̄,
Saⁿ-kèng saⁿ-thiàⁿ tı̄ ka-têng,
Ū sı̂ giân-hēng chhò-gō͘,
Kám-chêng phò-hoāi chit-tò͘,
Tio̍h kiâⁿ hô-bo̍k ê lō͘,
Hō͘-siong sià-bián tı̄ ka-têng.
3. Thiⁿ-pē ūi lán ū-pı̄,
Saⁿ-kap hióng-hok tı̄ ka-têng;
Kiōng-tông choè kang hoaⁿ-hí,
Tâng-toh lim-chia̍h tı̄ ka-têng;
Ū sı̂ gû-lo̍k thit-thô,
Chá-àm lé-pài kı̂-tó,
Choân-ke kiōng-tông hia̍p-hô,
Saⁿ-kap ǹg-bāng tı̄ ka-têng.
4. Ta̍k-lâng kàu Chú kha-chêng,
Thiaⁿ Chú ê oē tı̄ ka-têng;
Chı̄n-tiong choè Chú ha̍k-seng,
Ha̍k-sı̍p ho̍k-bū tı̄ ka-têng;
Thiàⁿ-thàng chhù-piⁿ lı̂n-iū,
Ín-chhoā chèng-lâng tit-kiù,
Kı̂-kiû thiⁿ-téng ê sū,
Tio̍h chı̄n sú-bēng tı̄ ka-têng.
(Ka-têng ê Péng-iú tē 39 kı̂, 1961 nı̂ 5 ge̍h)
