Choè-āu ê ô-te

 Ī-hiong ê ke-chhı̄ 
  Lō͘-piⁿ ê “ô-te” 
  Chí-sı̄ léng-bo̍k bô-chêng 
  Ín-iú goá saⁿ cha̍p nı̂ 
  Khi-phiàn goá saⁿ cha̍p nı̂ ê bûn-jı̄ 
 Lân-bōng siàu-liân-sı̂ 
  Lân-bōng ê hái-hong léng-léng 
  Léng-léng ê hái-kháu chhia-thâu 
  Lāu-pē koáⁿ koè ke ê hêng-iáⁿ 
  Hit pau kò͘-hiong ê ô-te 
 Kâm tio̍h iâm-tiâⁿ 
  Kò-pia̍t hông-hun ê ba̍k-sái 
  Kâm tio̍h bô té hó bé ê chu-bı̄ 
  Iâu-oán ê phang-phang 
  Iâu-oán ê sio-sio 
  Iâu-oán ê chhè-chhè 
  Iâu-oán ê siàu-liām 
  Lâu tı̄ toā koâⁿ jı̍t-chí ê sim-koaⁿ té