Choan-gia̍p hâng-oē Chò-kong-chhin

 Ū nn̄g-ê lâng sái-chhia sio-e,chhia chhah--lo̍h-lâi leh hoe bē-tı̍t,piⁿ--á ū chin chē lâng leh khoàⁿ lāu-jia̍t,tō pài-thok chı̍t-ê sin-sū chò-kong-chhin,phêng khoàⁿ siáng khah ū-lí.
 “Goá phah beh chiàⁿ-oat ê teng--a,i koh chı̀ⁿ oá lâi kā goá lòng,kám m̄ sı̄ i ê m̄-tio̍h?” Sái thâu chı̍t-tâi chhia--ê kóng.
 “Lí khah ū-lí.” Kong-chhin án-ni ı̀n.
 “Bô-iáⁿ -bô-jiah,” Lēng-goā hit-ê sûi kóng: “i kin-pún bô phah hong-hiòng-teng tō chiàⁿ-oat--a,goá tòng boē-hù m̄-chiah ē kā i lòng--lo̍h.”
 “Lí kóng-lkiáu chin ū-lí.” Kong-chhin mā án-ni ı̀n. Chı̍t-ê píⁿ--á ê lâng chin tòng-bē-tiâu mē kóng: “Hit-ê kóng án-ni,lí kóng i ū-lí;Chit-ê kóng tò-péng,lí iā kóng i ū-lí. Sè-kan ná ū chit-khoán lí,lí sı̄ leh chhòng-siáⁿ--ê?Chin sı̄ khí-iú-chhú-lí!”
 “Lí mā kóng-liáu chin ū-lí.” Kong-chhin iû-goân án-ni ı̀n,koh pó͘-chhiong kóng: “Goá bô-leh chhòng siáⁿ thâu-lō͘,goá kan-taⁿ sı̄ chı̍t-ê chèng-tı̄ jı̂n-bu̍t niâ.”

(Tâi-bûn Bóng-pò tē 27 kı̂, 1998 nı̂ 12 goe̍h)