Kò͘-hiong ê jı̍t-chí
Tha̍k-chheh ê lō͘-tô͘
Pak-bûn Ha̍k-kah Ka-lí
Tn̂g-tn̂g ê gû-chhia-lō͘
Gû-chhia-lō͘ kiâⁿ-koè
Chhân-hn̂g chùn-kau
Tiū-á kam-chià
N̂g-moâ chhài-thâu
Chhan-chng ê khoài-lo̍k
Chò-sit-lâng koāⁿ leh lâu
Gû-chhia kiâⁿ-koè
Jı̄-têng-káng Khe-té-liâu
Lâi kàu Pak-bûn-sū ê lō͘-tô͘
Chı̍t-chhia chı̍t-chhia
Chı̍t-pò͘-tē chı̍t-pò͘-tē
Chò-sit-lâng ê hoaⁿ-hí
Toā-sè-hàn ê pak-tó͘
Han-chû lâi chiàu-kò͘
Sió-sió ê chng-thâu
Léng-léng ê chá-khí
Gû-giang-á nā hiáng
Tà-bū ê ke-hāng
Tiām-tiām ê gû
Chı̍t-siaⁿ chı̍t-siaⁿ
Han-chû han-chû
Gû-chhia-lō͘ kiâⁿ-koè
Mô͘-hông-á chhiū-kha
Lí goá chó͘-sian ê kha-pō͘
Kiâⁿ kàu Tiong-chiu Ha̍k-kah
Liâng-liâng ê hong lāi-té
Lóng-sı̄ phang-phang ê thô͘
Gû-chhia-lō͘ kiâⁿ-koè
Toā-oan iâⁿ-téng Khe-chhiu
Ka-lí-hin kàu Siau-lâng
Ng-á tiū-chháu-lâng
Kam-chià sió-hoé-chhia
Chhân-hn̂g chhiⁿ-chhiⁿ
Lâm-hong tiⁿ-tiⁿ
Tông-chhong chhiò-hi-hi
Gû-chhia-lō͘
Mô͘-hông-á
Chhiū-ńg liâng-liâng
Tōng- chhia leh cháu
Sǹg khoàⁿ ū kúi châng
Chham chhia piàⁿ sok-tō͘
Gō͘ cha̍p cha̍p-gō͘
Iân gû-chhia-lō͘
Sè-hàn chı̍t-pō͘ chı̍t-pō͘
A-má tau ê lō͘-tô͘
Chhio-chhı̀n ê hong lāi
Lóng sı̄ phang-phang ê thô͘
