Goā-kok-khiuⁿ ê Tâi-gí (hiâu kap chhio)

Tâi-gí sı̄ chı̍t -ê ū siaⁿ-tiāu ê gí-giân ( tone langoage ). Siaⁿ-tiāu nā hut m̄-tio̍h, ı̀-sù tio̍h tùi tē-kiû chha kàu goe̍h-niû khı̀. Chá-chêng tı̄ Tâi-lâm bó͘ chı̍t keng tiong-ha̍k, ū chı̍t -ê bo̍k-su niû teh kā ko-tiong lú ha̍k-seng siōng-khò. Bo̍k-su niû chin jı̄n-chin giâm-siok tı̄ tâi-á-téng kóng kàu chhùi-kak choân-pho, koh chhùi-noā-chúi mā phùn kàu tâi-á-kha khı̀. I khoàⁿ ha̍k-seng bô sím-mı̍h hoán-èng, siūⁿ beh mn̄g khoàⁿ in ē-hiáu --bô. m̄ -kú I ê siaⁿ-tiāu lia̍h-liáu bô sáⁿ chún, soà mn̄g kóng: " Taⁿ, goá tı̄ tâi-téng ū chhùi kóng kàu bô noā, chhùi-kho͘ hoán ngē, chhùi-chı̍h hoán ta, lín tàu-té sı̄ ē hiâu á bē hiâu ? " Tâi-kha cha̍p chhit peh hoè ê cha-bó͘ ha̍k-seng thiaⁿ-tio̍h chiok ngāi-gio̍h, lóng thâu chhih- chhih, bô poàⁿ lâng chhut siaⁿ. Bo̍k-su niû mn̄g oē bô lâng ı̀n, soà tńg siū-khı̀, chiū khah toā siaⁿ kóng : " Tio̍h ài kóng, m̄-thang kek tiām-tiām, kóng, ē hiâu á bē hiâu ?" Cha-bó͘ gín-á ha̍k-seng kàu chia lâi sı̍t-chāi tòng-bē-tiâu, soah hiông-hiông toā-toā-siaⁿ chhiò--chhut-lâi, bo̍k-su-niû m̄-chai in teh chhiò siáⁿ-mé ? Soah koh-khah siū-khı̀, tō koh-khah toā-siaⁿ jióng kóng : " Bē-sái tı̄ kàu-sek lāi ' chhio ' ! Beh chhio khı̀ goā-bı̄n chhiū-á-kha hia chhio ! "