Goān Chú bô pàng-sak

Ùi Wiki Tô·-su-kóan
 Goān Chú bô pàng-sak 
 1.To̍k-it chı̀-chun ê Siōng-tè, 
Lí sı̄ goán lâng ê Thiⁿ-pē,
Bān-mı̍h lóng siū Lí chhòng-chō,
Bān-sū lòng kui Lí thóng-chè,
Goān Chú bô pàng-sak,
Tâi-oân iā sı̄ sio̍k Lí ê,
Goān Chú bô pàng-sak,
Tâi-oân iā sı̄ sio̍k Lí ê . 2.Gio̍k-san chiū-sı̄ Sin-ko-soaⁿ,
Thiⁿ-pē hō͘ i kàu hiah koân,
Soaⁿ-téng thiⁿ-kng hiah-nı̍h chá,
Soaⁿ-ē m̄-thang hō͘ chiah bān,
Goān Chú bô pàng-sak,
Iōng Lí ê kng lâi chiò goán,
Goān Chú bô pàng-sak,
Iōng Lí ê kng lâi chiò goán . 3.Chheng-chheng hō͘-chúi tùi thiⁿ lo̍h,
Lô-chúi khe-lâu chin-chiàⁿ lô,
Pē só͘ siúⁿ-sù pún chheng-khı̀,
Tùi goán ê choē piàn m̄-hó,
Goān Chú bô pàng-sak,
Siúⁿ-sù khùi-la̍t thang kái-kò,
Goān Chú bô pàng-sak,
Siúⁿ-sù khùi-la̍t thang kái-kò. 4.A-tong hoān choē tı̄ Lo̍k-hn̂g,
Sè-kan tùi hia chiū bô kng,
Goán nā iáu beh toè i khı̀,
Choē ê kè-chı̂ⁿ tio̍h tam-tng,
Goān Chú bô pàng-sak,
Kiò goán koáⁿ-kín oa̍t tò-tńg,
Goān Chú bô pàng-sak,
Kiò goán koáⁿ-kín oa̍t tò-tńg . 5.Sèng-kiáⁿ lâ-so͘ thè goán sí,
Bān-poaⁿ choē-ok lóng siau-tı̂,
Tāi-ke m̄-bián koh khó͘-náu,
Thian-tông mn̂g lō͘ í-keng khui,
Chú bô pàng-sak goán,
Hō͘ goán hó-táⁿ chı̀n jı̍p-khı̀,
Chú bô pàng-sak goán,
Hō͘ goán hó-táⁿ chı̀n jı̍p-khı̀ . 6.Taⁿ goán tâng-sim khiā tı̄ chia,
Pek-chhiat khún-kiû choē tit sià,
Pē nā ài goán chò hiàn-chè,
Ū Chú chhoā goán goán kám-siā,
Chú bô pàng-sak goán,
Chí goān Tâi-oân chò Sèng-siâⁿ,
Chú bô pàng-sak goán,
Chí goān Tâi-oân chò Sèng-siâⁿ. (Tâi-oân Kàu-hoē-pò tē 539 koàn, 1930 nı̂ 2 ge̍h)