Han-chı̂-hoe

 Si-chêng sı̄ 
  Seh 
  Kàng--lo̍h ê chı̍t-ba̍k-nih 
  Hoà-chò o͘-koâⁿ ê chúi...... 
 Si-chêng sı̄ 
  Liû-chhiⁿ 
  Tūi--lo̍h ê chı̍t-ba̍k-nih 
  Kan-taⁿ chhun léng koh tēng ê 
 sí-thé...... 
  Chēng-chēng to̍h tı̄ àm-thâu-á ê chhân-hoāⁿ 
  Phú-phú khui tı̄ chái-sı̂ 
  Si-chêng ê khùi-la̍t 
 Ba̍k-sái hoeh-chúi nah bē lı̄ 
  Tang-boé tú koè 
  Tà-bông ê soaⁿ-piⁿ 
  Chhián-chí ê han-chı̂-hoe 
  Phû chhut chı̍t-lı̀n chı̍t-lı̀n 
  Bô hoé-khı̀ ê hoé-kng 
 (Tâi-oân-jı̄ cha̍p-chı̀ tē 12 kı̂, 2002 nı̂ 3 ge̍h)