Hip-siōng Lia̍h Lâng

Ūi-tio̍h beh ka-kiông ha̍k-seng ê hoat-tı̄ kàu-io̍k, lāu-su chhoā it-nı̂ ê ha̍k-seng gín-á khı̀ chham-koan kéng-chhat-kio̍k. Tı̄ hia in khoàⁿ tio̍h kong-pò-noâ ū tah kúi ê lâng ê siōng. Chı̍t ê gín-á kā kéng-chhat mn̄g: “Kéng-chhat a-peh, hia-ê siōng sı̄ sím-mı̍h lâng?” “Toā pháiⁿ-lâng !” Kéng-chhat án-ne hoê-ı̀n. “Pháiⁿ-lâng tio̍h-ài kín kā lia̍h--khí-lâi !” “Sı̄--ah ! Kā in ê siòng-phı̀ⁿ tah tı̄ chia beh hō͘ lâng khoàⁿ, thang pò goán chai, thang kā lia̍h lâi koaiⁿ.” Ha̍k-seng gín-á hiông-hiông puh chı̍t kù: “Sı̄ siáⁿ-tāi hip-siōng ê sı̂ bô sūn-soà kā lia̍h--khı̀-lâi?”