1. Lán lâng tiàm chit sè-kan,
Éng ū hoân-ló, khó͘-thàng,
In-ūi choē-ok sı̀-bı̄n ûi lán,
Tı̀-kàu iu-būn, sit-bāng;
Jı̂n-lūi hoān-choē í-lâi,
Sè-kài chhiong-moá kiông-pō,
Pı̄ⁿ-thiàⁿ, iau-gō, sí-sit, pi-ai,
Hō͘ lán khoàⁿ-kı̀ⁿ chai-hō.
2. Chāi-chá Siōng-tè kéng-soán,
Í-sek-lia̍t ê peh-sı̀ⁿ,
Èng-ún sù-hok kàu tı̄ éng-oán,
Thang êng-kng Chú miâ-jı̄;
Khó-sioh peh-sı̀ⁿ hoān-choē,
Poē-ge̍k m̄-khéng sūn-thàn,
Ho̍k-sāi ngó͘-siōng, sı̀-koè liû-lo̍k.
Bô lâng chín-kiù, pang-chān.
3. Siōng-tè khoàⁿ I peh-sı̀ⁿ,
Lóng boē tit-tio̍h pêng-an,
Tı̄ in it-chhè ê khó͘-lān tiong,
I iā tâng siū khó͘-lān;
Ēng chû-ài kiù-sio̍k in,
Chhe I sú-chiá khoàⁿ-kò͘,
Thiaⁿ in kiû-kiò, sı̂-siông lı̂n-bín,
Lâi khui chín-kiú ê lō͘.
4. Kàu sı̂ Siōng-tè Sèng Kiáⁿ,
Kó-jiân lı̂m-kàu sè-kan,
I ū siū-khó͘, tek-sèng chhı̀-thàm,
Só͘-í oē pang-chān lán;
Chú sí tı̄ sı̍p-jı̄-kè,
Thoè lán tam-tng choē-ok,
Hō͘ lán oē tit kūn-oá Thiⁿ-pē.
Hióng-siū thian-tông khoài-lo̍k. A-men.
(Lú-soan Goe̍h-khan Tē 100 kı̂, 1968 nı̂ 4 goe̍h)
