Kám-siā Thiⁿ-pē hó chí-ı̀;
Kim-jı̍t chin-chiàⁿ hó thiⁿ-khı̀;
Hoân-gêng Lú Soan lâi saⁿ-kı̀ⁿ;
Ūi-tio̍h Lú Soan saⁿ liân-bêng;
Bô hiâm Ki-san sı̄ soaⁿ-lāi;
Ko-chhı̄ chí-bē kong-lı̂m lâi.
Goán sui sè-kûn chin ū hok;
Hoan-giân chí-bē lâi khoài-lo̍k,
Hō͘ goán sèng-tn̂g chē kàu moá;
Kàu taⁿ sı̍t-chāi chin hán iú,
Kám-siā gı̂m-si tâng chhut siaⁿ;
Chı̍t-choê o-ló Chú chun-miâ,
Saⁿ thiàⁿ, saⁿ chhin, saⁿ liân-bêng,
Kiû Chú hoaⁿ-hí thiaⁿ lán gı̂m.
Kám-siā chú-jı̄m úi-oân-tiúⁿ;
Léng-tō Lú Soan gâu poê-iúⁿ,
Sı̂-siông ūi lán chèng chí-bē;
Phèng-chhiáⁿ siok-lêng hó bo̍k-su,
Kàu-hùn ín-chhoā kiâⁿ thiⁿ-lō͘;
Hō͘ lán Lú Soan oē chı̀n-pō͘.
Hû-chhı̂ kàu-hoē tio̍h jia̍t-chêng;
Lı̄-e̍k lāi-goā kap ka-têng;
Tı̄ ke kà kiáⁿ chiàu Sèng-keng;
Hoaⁿ-hí ūi Chú choè kng-teng;
Lán ê kàu-hoē nā ài heng;
Iā ài Lú Soan choè cheng-peng,
Kiû Chú chiok-hok lán Lú Soan;
Sı̂-siông ūi Chú lâi kòng-hiàn.
(Lú-soan Goe̍h-khan Tē 111-113 kı̂, 1966 nı̂ 3-5 goe̍h)
