Hong-chhoe hong-chhoe

 Lí sı̄ hong-chhoe, 
  Goá sı̄ chhân-lê. 
  Lí toā-phoe, 
  Goá sè-boé. 
  Lí tı̄ thiⁿ-téng leh poe, 
  Goá tı̄ thô͘-kha leh pê. 
  Goá bô beh koh thâu lê-lê. 
 Pài-thok hong-chhoe kā goá khan leh, 
  Poe kàu chiok-koân-ê hûn-tē, 
  Pài-hóng Iâ-so͘ Thiⁿ-pē, 
  Chı̀n-ki Gio̍k-hông Siōng-tè. 
  Tiàm thian-têng chò-kheh, 
  Lim-tio̍h sian-chháu-tê, 
  Àn thiⁿ-téng khoàⁿ lo̍h thiⁿ-ē, 
  Khoàⁿ-chheng sè-kài-ê it-chhè. 
 Goán bô beh koh tńg-lâi ē-té, 
  Khoàⁿ lâng ūi-tio̍h miâ leh sio-chheⁿ, 
  Khoàⁿ-lâng ūi-tio̍h lı̄ oan-ke, 
  Ū-tı̀-hūi-ê lâng piàn-chò a-se. 

(Tâi-oân Hiong-thó͘ Cha̍p-chı̀ tē 50 kı̂, 2001 nı̂ 11 goe̍h)