Hong-súi

 M̄-chai siáⁿ-mı̍h lâng 
  Siáⁿ-mı̍h nı̂-tāi khai-sí 
  Oa̍h-lâng chhióⁿ kang-san 
  Cheⁿ beh chò hông-tè 
 Lâng..sí kóng chhut-soaⁿ 
  Lâm pak tang sai 
  Tō-sū sai-kong 
  Chhiáⁿ koh chhiáⁿ 
  Khoàⁿ koh khoàⁿ 
  Chiàm tē-lí 
  Cheⁿ beh hó hong-súi 
 Bōng-á-po͘ 
  Hiòng-tang hiòng-sai 
  Lí lâm i pak 
  Bōng-ku tùi bōng-thâu 
  Bōng-thâu cheng bōng-pak 
 Sai-kong chhùi 
  Ttùi-tùi-tùi 
  Lóng-sı̄ hó-hong 
  Lóng-sı̄ hó-chúi 
 Hàu-chú hiân-sun 
  Kui toā-tui 
  Phoà chhâ-pang 
  Chng-á-kak 
  Lâu hō͘ keh-piah hit kháu-chàu 
  Tō-sū toà lō͘ 
  Poaⁿ-khı̀ hó soaⁿ-thâu