Hong Chhoe Bı̄n

 Hong chı̍t-chūn-chı̍t-chūn, 
  Chhoe-kà lāu-lâng ê bı̄n niauh-ā-niauh, 
  Ná chúi teh kún-iaⁿ, 
  Chúi-bı̄n ê chûn chhe̍k-.chı̍t-.ē, chhe̍k-.chı̍t-.ē, 
  Chhoe kà gín-á ê bı̄n sı̀m-ā-sı̀m, 
  Ná chúi teh iô-iaⁿ, 
  Chúi-bı̄n ê chûn chı̍t-sı̂ koân, chı̍t-sı̂ kē, 
  Chhoe-kà chòng-teng ê bı̄n peⁿ-chhun-chhun, 
  Ná chúi teh khùn, 
  Chúi-bı̄n teh kiâⁿ ê chûn ná hûn. 
 (Liân-chiau-hoe Tâi-bûn cha̍p-chı̀ Tē 23 kı̂, 2004 nı̂ 7 goe̍h)