Iâⁿ-tiúⁿ kap Su-tiúⁿ

4-ê hó-pêng-iú tı̄ lé-pài-jı̍t chò-hoé phah moâ-chhiok, su-iâⁿ bô goā-chē, khiok sı̄ in lóng kám-kak chin chhù-bı̄. Moâ-chhiok phah-soah,lâng mn̄g in chiàn-kó jû-hô? Láu-ông--ê chhiò bi-bi ı̀n kóng: " Ùi thâu kàu boé, goá lóng sı̄ thiaⁿ-bô ı̄-chhàu, ‘Siòng-kong’ chò kàu té. " Hô͘-chhiu Tân--ê kóng: "Phah moâ-chhiok bô sai-hū, chia̍p o̍h tō ū--lah! Chhiūⁿ goá kang-hu boē-bái, lóng-mā leh chò chóng-su-lēng! " Chhàu-phùi Thô͘--ê lâng é bóng é, kóng-oē koh phēng toā-siaⁿ--e, I kóng: " M̄-chiâⁿ moâ-chhiok--á niā-niā, su-iâⁿ ná ū sím-mih thang kè-kàu--leh? Goá kiàn chò lóng mā chò su-tiúⁿ. " Tán in 3-ê lâng kóng-liáu, toā-kho͘ Âng--ê ta̍uh-ta̍uh-á khiā khí-sin, khui-chhùi kóng:" Ē-hiáu phah pâi tō thiaⁿ boé-siaⁿ--lah, ‘Siòng-kong’ khı̀ hō͘ Láu-Ông--ê chhiúⁿ khı̀ chò, Thô͘--ê kap Tân--ê koh sio-chiⁿ chò Su-tiúⁿ kap Chóng-su-lēng, chhun goá 1-ê lâng, bô chò Iâⁿ-tiúⁿ kám ē-sái? "