Iâ-so͘ chiūⁿ Iâ-lō͘-sat-léng
1. Chú Iâ-so͘ cha̍p-jı̄ hoè,
Chiūⁿ tiān beh hù cheh,
Kap i pē-bú saⁿ-tâng kiâⁿ,
Peh chiūⁿ Iâ-lō͘-sat-léng siâⁿ.
2. Siú choeh-kı̂ lóng bêng-pe̍k,
Ài tńg Ná-sat-le̍k,
Iâ-so͘ iáu tı̄ sèng-tiān lāi,
Pē-bú choân-jiân lóng m̄-chāi.
3. Khí-thâu kiâⁿ chin pêng-an,
Lia̍h chò tı̄ tiong-kan,
Pē-bó an-sim tı̍t-tı̍t kiâⁿ,
Keng-kè chı̍t jı̍t chiah chai-iáⁿ.
4. Khoàⁿ bô kiáⁿ, kiâⁿ tò-tng8,
Iân-lō͘ tı̍t-tı̍t mn̄g,
Saⁿ-jı̍t chhoē bô iáu m̄-chai,
Āu-lâi khoàⁿ tı̄ sèng-tiān lāi.
5. Kap sian-siⁿ teh tām-lūn,
Chhin-chhiūⁿ ū ha̍k-būn,
Sı̍t-chāi gâu mn̄g koh gâu thiaⁿ,
Ta̍k lâng khoàⁿ liáu chin Tio̍h-kiaⁿ.
6. Só͘ ı̀n-tap chin hó thiaⁿ,
Kı̂-koài I chhang-miâ,
Ta̍k lâng khoàⁿ liáu chin gông-ngia̍h,
Tùi tı̄ án-ni chhut miâ-siaⁿ.
7. Pē-bó kàu khoàⁿ-tio̍h kiáⁿ,
Sim-koaⁿ toā gông-ngia̍h,
Khui siaⁿ chiū kiò goá ê kiáⁿ,
Siáⁿ-sū hō͘ goán toā kiaⁿ-hiâⁿ.
8. Goán N̄g lâng chhē bô lí,
M̄-chai lí tò-khı̀,
Cháiⁿ-iūⁿ lı̄-khui goán sin-piⁿ,
Hō͘ goán chhē kàu án-ni-siⁿ.
9. Iâ-so͘ kóng, bián chhē goá ,
Goá kap Siōng-tè toà,
Chhiáⁿ lín pē-bú tio̍h ài chai,
Goá tiàm Pē chhù sı̄ eng-kai.
10. In pē-bú boē bêng-pe̍k,
Sim-koaⁿ ū kám-kek,
Só͘ ı̀n ê oē chin kı̂-biāu,
Iâ-so͘ só͘ kóng khǹg tiâu-tiâu.
11. Chú Iâ-so͘ chiū peh-khí,
Kap in chiū saⁿ-sı̂,
Pē-bú bēng-lēng chin hoaⁿ-hí,
Sûi-sı̂ kap in chiū tńg-khı̀.
12. Chú Iâ-so͘ tiàm in chhù,
Sū-sū sūn pē-bú,
Put-lūn chho͘-iù toā sè-hāng,
Pang-chān pē-bú chò ba̍k-kang.
