Iâ-so͘ chio ha̍k-seng
1. Chú Iâ-so͘ tng hit-sı̂,
Kiâⁿ kàu Ka-lı̄-lı̄;
Khoàⁿ-kı̀ⁿ ū lâng teh thó-hı̂,
Chiū-sı̄ Pí-tek in hiaⁿ-tı̄.
2. Chú chiū kóng lâi toè goá,
Sú-bēng chin-chiàⁿ toā;
A-hiaⁿ Se-bûn miâ Pí-tek,
Thiaⁿ-tio̍h che oē chin kám-kek.
3. In sió-tı̄ Au-tek-lia̍t,
Thiaⁿ-tio̍h iā chin jia̍t;
Nn̄g-lâng chiū pàng in ê bāng,
Sûi-sı̂ toè Chú khı̀ chio lâng.
4. Chú tùi chia koh chı̀n-chêng,
Koh chio sin ha̍k-seng;
Khoàⁿ-kı̀ⁿ Ngá-kok kap Iok-hān,
Kap in lāu-pē teh pó͘-bāng.
5. Chú chiū kóng lâi toè goá,
Mı̂-jı̍t kap goá toà;
Nn̄g-lâng liâm-piⁿ lı̄-khui chûn,
Sûi-sı̂ peh-khí chiū chhin-kūn.
6. Chú Iâ-so͘ chio ha̍k-seng,
Kè-kiōng cha̍p-jı̄ teng;
Má-thài cha̍p-chiuⁿ ê Sèng-keng,
Lāi-bı̄n lâng-miâ lóng kı̀-bêng.
(Tâi-oân Kàu-hoē Kong-pò, Tē 825 kı̂, 1957 nı̂ 9 goe̍h)
