Iâ-so͘ sio̍k Goá

[Chit chhiú si pún sı̄ Si Bo̍k-su hoan-e̍k--ê, siá Tn̂g-lâng-jı̄, pun hō͘ lâng khoàⁿ. Taⁿ goán ēng pe̍h-oē-jı̄ ı̀n tı̄ chit--nı̍h. Chiong-tiong “Iâ-so͘ sio̍k goá” －hit-kù ê ké-soeh chiū-sı̄ kóng “Ia-so͘ sio̍k tı̄ goá-ê, ” m̄-sı̄ kóng “Iâ-so͘ sio̍k goá-ê choē .” ]

  Taⁿ goá ū tit pêng-iú,
Iâ-so͘ sio̍k goá,
I só͘ thiàⁿ goá put-hiu,
Iâ-so͘ sio̍k goá.

  Sè-kan khoài-lo̍k kín-thè,
Pêng-iú kau-poê khoài se,
Goá to̍k an-sim bô ké,
Iâ-so͘ sio̍k goá.

  Sui-jiân kàu lāu koh sàn,
Iâ-so͘ sio̍k goá,
Goá sı̀n-khò I pang-chān,
Iâ-so͘ sio̍k goá.

  Goá khiàm-khoeh Chú pó-chiok,
I pó-hoeh choē thè-sio̍k,
Chhoā ǹg-bāng kàu kiat-kio̍k,
Iâ-so͘ sio̍k goá.

  Sui-jiân kū-sèng goân-chāi,
Iâ-so͘ sio̍k goá,
Tùi-te̍k kè-bô͘ hām-hāi,
Iâ-so͘ sio̍k goá.

  Oá-khò Kiù-chú chiâⁿ-sèng,
Chheng-gı̄, tı̀-sek chò-sêng,
Khah-iâⁿ tùi-te̍k koân-lêng,
Iâ-so͘ sio̍k goá.

  Goān Chú kín lâi piàn-hoà,
Iâ-so͘ sio̍k goá,
Goá sin nāⁿ I êng-hoâ,
Iâ-so͘ sio̍k goá;
Chiap kàu ha̍p-hun iân-sia̍h,
Lo̍k-hn̂g kap Chú lim-chia̍h,
Kú-tn̂g êng-kng kàu-gia̍h,
Iâ-so͘ sio̍k goá.

(Tâi-oân Hú-siâⁿ Kàu-hoē-pò tē 3 tiuⁿ, 1885 nı̂ 9 ge̍h)